Devendra Fadnavis
✔
4.08K subscribers
102K photos
19.3K videos
4.3K files
10.7K links
श्री देवेंद्र फडणवीस यांच्या कार्यालयातून
Download Telegram
CMO Maharashtra Tweets:

निरोगी हृदय... समृद्ध महाराष्ट्र!

मुख्यमंत्री देवेंद्र फडणवीस यांनी आज मंत्रालय, मुंबई येथे मुख्यमंत्री सहाय्यता निधी व धर्मादाय रुग्णालय मदत कक्ष, महाराष्ट्र राज्यतर्फे आयोजित ‘श्री गणेशा आरोग्याचा 2.0’ या सामुदायिक आरोग्य तपासणी शिबिराच्या लोगोचे अनावरण केले.

#Maharashtra #DevendraFadnavis #HealthcareForAll
CMO Maharashtra Tweets:

दुष्काळसदृश परिस्थितीत शेतकऱ्यांच्या मदतीसाठी निर्णयप्रक्रियेला वेग!

मुख्यमंत्री देवेंद्र फडणवीस यांच्या अध्यक्षतेखाली आज मंत्रालय, मुंबई येथे राज्य मंत्रिमंडळाची बैठक संपन्न झाली. याप्रसंगी राज्यातील पावसाचे प्रमाण, धरणांमधील पाणीसाठा आणि शेतीची परिस्थिती याबाबत सविस्तर चर्चा झाली.

राज्यातील काही भागातील दुष्काळसदृश परिस्थितीवर उपाययोजनांसाठी मंत्री चंद्रशेखर बावनकुळे यांच्या अध्यक्षतेखाली मंत्रिमंडळ उपसमितीची स्थापना करण्यात येत आहे, अशी घोषणा मुख्यमंत्री फडणवीस यांनी केली. दुष्काळी परिस्थितीत शेतकऱ्यांना मदत करण्यासाठी केंद्र सरकारच्या मदतीची वाट न पाहता राज्य सरकारकडून मदत केली जाईल. तसेच दुष्काळासंदर्भात येत्या शनिवारपर्यंत प्राथमिक अधिसूचना जारी केली जाईल, असेही मुख्यमंत्री फडणवीस यांनी सांगितले.

मुख्यमंत्री फडणवीस म्हणाले, राज्यातील दुष्काळासंदर्भातील प्राथमिक माहिती गोळा करण्याचे काम सुरू आहे. या माहितीच्या आधारे शेतकऱ्यांना मदत देण्यासाठी गतीने निर्णय घेता यावे, यासाठी मंत्रिमंडळ उपसमितीची स्थापना करण्यात आली आहे. या समितीला मंत्रिमंडळाचेच अधिकार असतील. मंत्री चंद्रशेखर बावनकुळे यांच्या अध्यक्षतेखाली या समितीमध्ये मंत्री गिरीष महाजन, मंत्री गुलाबराव पाटील, मंत्री संजय राठोड, मंत्री पंकजा मुंडे, मंत्री दत्तात्रय भरणे, मंत्री जयकुमार गोरे, मंत्री प्रताप सरनाईक, मंत्री बाबासाहेब पाटील, मंत्री मकरंद जाधव पाटील आदी मंत्र्यांचा समावेश आहे. मुख्य सचिव राजेश अग्रवाल या समितीचे सदस्य सचिव असतील. राज्यभरातून येणाऱ्या माहितीच्या आधारे कोणत्या भागात दुष्काळ आहे, तिथे काय मदत व उपाययोजना करायची, याबाबत ही समिती निर्णय घेईल. बुधवारपासून राज्यात दुष्काळसदृश भागात पंचनामे सुरू करण्याचे निर्देश देण्यात आले आहेत. सोयाबीन, मका, कापूस आदी पिकांना सर्वाधिक फटका बसला असून कोकणातील भातशेतीवरही दुष्काळाचा विपरीत परिणाम झाला आहे.

मुख्यमंत्री फडणवीस हे बुधवारपासून राज्यातील दुष्काळसदृश भागाची पाहणी करणार असून मंत्री आणि लोकप्रतिनिधींनाही बांधावर जाऊन पाहणी करण्याच्या सूचना दिल्या आहेत. शेतकऱ्यांना मदतीसाठी एनडीआरएफच्या निकषानुसार केंद्र सरकारकडे मदतीबाबतचा प्रस्ताव पाठवणार असल्याचेही मुख्यमंत्री फडणवीस यांनी सांगितले. पिण्याचे पाणी आणि जनावरांसाठी चारा यावर विशेष लक्ष दिले जाणार आहे. आगामी 7 ते 8 महिन्यांचे नियोजन केले जाणार आहे. पिण्याच्या पाण्यासाठी राज्यातील महानगरपालिका, नगरपालिका आणि इतर स्थानिक स्वराज्य संस्था यांच्या समन्वयातून हे नियोजन केले जाणार आहे, असेही मुख्यमंत्री फडणवीस यांनी यावेळी सांगितले.

आगामी काळात स्पर्धा परीक्षांसाठी विक्रमी पदांची भरती

राज्यात नजीकच्या काळात स्पर्धा परीक्षांच्या माध्यमातून विक्रमी पदांची भरती केली जाईल, असे मुख्यमंत्री फडणवीस यांनी सांगितले. स्पर्धा परीक्षेच्या बाबतीत अपर मुख्य सचिव व्ही. राधा यांच्या अध्यक्षतेखालील समिती राज्यात सर्वत्र जात आहे. विद्यार्थी आणि इतर संबंधितांशी संवाद साधत त्यांचे म्हणणे आणि सूचना जाणून घेत आहेत. ही समिती अतिशय चांगले काम करत असून समितीच्या अहवालातील शिफारशींबाबत शासन सकारात्मक असेल, असे मुख्यमंत्री फडणवीस यांनी नमूद केले.

या समितीसमोर परीक्षा पद्धती वर्णनात्मक (डिस्क्रिप्टिव्ह) ऐवजी बहुपर्यायी (ऑब्जेक्टिव्ह) पद्धतीने घेतली जावी, अशी मागणी जोरकसपणे मांडण्यात येत आहे. दळवी समितीने परीक्षा पद्धती बहुपर्यायी ऐवजी वर्णनात्मक घेण्याची सूचना केली होती. त्यानुसार निर्णय घेण्यात आला होता. आता याबाबत व्ही. राधा समितीच्या शिफारशीनुसार विद्यार्थ्यांच्या न्याय्य मागण्यांसंदर्भात शासन निर्णय घेण्याबाबत सकारात्मक असेल. गट क वर्गातील पदांची संख्या अल्प असल्याची तक्रार होत असते. परंतु नजीकच्या काळात गट क वर्गाबरोबरच सर्व संवर्गातील पदे विक्रमी प्रमाणावर भरण्याचा सरकारचा प्रयत्न आहे. स्थानिक स्वराज्य संस्थांतील पदभरतीसाठी स्वतंत्र व्यवस्था राबवण्याचा किंवा ही भरतीदेखील एमपीएससीमार्फत करण्याचा निर्णयही लवकरच घेतला जाईल, असेही मुख्यमंत्री फडणवीस यांनी यावेळी सांगितले.

ठळक मुद्दे...

• मुख्यमंत्री फडणवीस दुष्काळाच्या पाहणीसाठी बुधवारपासून राज्याच्या दौऱ्यावर
• मदतीबाबतच्या तात्काळ निर्णयासाठी उपसमितीला मंत्रिमंडळाचे अधिकार
• राज्याच्या सर्व भागात बुधवारपासून पंचनामे करण्याचे निर्देश
• पिण्याचे पाणी आणि जनावरांसाठीचा चारा यावर विशेष लक्ष
• केंद्राच्या मदतीची वाट न पाहता राज्यात मदत सुरू करणार
• एमपीएससीतील सुधारणांबाबत व्ही. राधा समितीच्या शिफारशींबाबत शासन सकारात्मक

यावेळी उपमुख्यमंत्री सुनेत्रा अजित पवार यांच्यासह मंत्रिमंडळातील इतर सदस्य व मान्यवर उपस्थित होते.

#Maharashtra #DevendraFadnavis #Mumbai
CMO Maharashtra Tweets:

मुख्यमंत्री देवेंद्र फडणवीस यांचा आज मुंबई इथे महाराष्ट्रातील 'माडग्याळ' मेंढीला स्वतंत्र अधिकृत प्रजाती म्हणून राष्ट्रीय स्तरावर मान्यता मिळवून दिल्याबद्दल जत येथील मेंढपाळ बांधवांच्या वतीने सत्कार करण्यात आला.

ही केवळ माडग्याळ मेंढीची ओळख नसून, जत येथील मेंढपाळ बांधवांच्या परंपरेचा, कष्टाचा आणि अभिमानाचा राष्ट्रीय सन्मान आहे. या मान्यतेमुळे 'माडग्याळ' मेंढी या पशुधन प्रजातीचे संवर्धन, जतन व आनुवंशिक सुधारणा कार्यक्रमांना मोठी चालना मिळणार असून, स्थानिक मेंढपाळांचे उत्पन्न वाढविण्यासह ग्रामीण अर्थव्यवस्थेलाही बळ मिळणार आहे.

यावेळी आमदार गोपीचंद पडळकर आणि इतर मान्यवर उपस्थित होते.

#Maharashtra #DevendraFadnavis #Pashudhan #Mumbai
Devendra Fadnavis
CMO Maharashtra Tweets: 🔸CM Devendra Fadnavis chairs a meeting of the Maharashtra State Commission for Higher Education and Development (MAHED). DCM Sunetra Ajit Pawar, Minister Chandrakant Patil, Minister Mangal Prabhat Lodha, Minister Uday Samant, MLA Atul…
CMO Maharashtra Tweets:

नवीन महाविद्यालयांच्या विस्तारातून उच्च शिक्षणाला नवी गती!

मुख्यमंत्री देवेंद्र फडणवीस यांच्या अध्यक्षतेखाली आज मंत्रालय, मुंबई येथे महाराष्ट्र राज्य उच्च शिक्षण व विकास आयोगाची (माहेड) बैठक पार पडली.

राज्यातील उच्च शिक्षणाच्या सुविधा समन्यायी पद्धतीने उपलब्ध व्हाव्यात आणि नवीन महाविद्यालये सुरू करता यावीत, यासाठी विद्यापीठांच्या पंचवार्षिक आराखड्याबाहेरील स्थळबिंदूंचा समावेश करण्यासाठी उपसमिती गठीत करण्याचे निर्देश मुख्यमंत्री फडणवीस यांनी दिले.

मुख्यमंत्री फडणवीस म्हणाले, नवीन महाविद्यालये सुरू करण्यासाठी लोकप्रतिनिधी आणि विविध शैक्षणिक संस्थांकडून विद्यापीठांकडे प्राप्त झालेल्या निवेदनांचा तसेच समाविष्ट करण्यात आलेल्या स्थळबिंदूंचा विचार करून 2027-28 च्या वार्षिक योजनेसाठी पंचवार्षिक आराखड्याबाहेरील स्थळबिंदूंचा समावेश करण्यासाठी विद्यापीठांनी पात्र ठरविलेल्या स्थळबिंदूंची छाननी करण्याकरिता उपसमिती गठीत करावी. या समितीने सर्व आवश्यक निकष तपासून शासनाला अहवाल सादर करावा.

सीईटी परीक्षा केंद्रांची सुरक्षितता आणि नियंत्रणावर भर

विद्यार्थ्यांकडून प्राप्त होणाऱ्या सूचना व अभिप्रायांचे स्वागत करून सीईटी परीक्षेसंदर्भात विद्यार्थ्यांना अधिक स्पष्टता मिळण्यासाठी आवश्यक त्या सुधारणा कराव्यात. विद्यार्थ्यांना त्यांच्या जवळच्या ठिकाणी परीक्षा केंद्र उपलब्ध होण्यासाठी सीईटी परीक्षा केंद्रांची संख्या वाढवावी. मात्र, परीक्षा केंद्रांची संख्या वाढविताना परीक्षेची सुरक्षा आणि पारदर्शकता कायम राहणे आवश्यक आहे. परीक्षा केंद्रांवर सीईटी सेलचे अधिक प्रभावी नियंत्रण व देखरेख राहील, अशी व्यवस्था करण्याचे निर्देश मुख्यमंत्री फडणवीस यांनी दिले.

मुलींच्या मोफत उच्च शिक्षणामुळे अभियांत्रिकी प्रवेशातील प्रमाणात वाढ

राज्य शासनाने मुलींना मोफत उच्च शिक्षण देण्याचा निर्णय घेतल्यामुळे राज्यातील अभियांत्रिकी अभ्यासक्रमांमध्ये मुलींच्या प्रवेशाचे प्रमाण गेल्या 4 वर्षांत वाढले आहे. शैक्षणिक वर्ष 2023-24 मध्ये एकूण प्रवेशांपैकी 32.72 % प्रवेश मुलींचे होते. हे प्रमाण 2026-27 मध्ये वाढून 37.27 % झाले आहे. ही सकारात्मक बाब असून, मुलींच्या मोफत उच्च शिक्षणासंदर्भात बैठकीत सविस्तर चर्चा करण्यात आली.

शैक्षणिक वर्षातील केंद्रीभूत प्रवेश प्रक्रिया आणि सद्यस्थितीचा सविस्तर आढावा घेण्यात आला. विद्यार्थ्यांना प्रवेश प्रक्रियेत कोणत्याही अडचणी येऊ नयेत, तसेच संपूर्ण प्रक्रिया अधिक सुलभ, पारदर्शक आणि विद्यार्थीपूरक करण्याच्या दृष्टीने आवश्यक उपाययोजनांवरही यावेळी चर्चा करण्यात आली.

यावेळी उपमुख्यमंत्री सुनेत्रा अजित पवार, मंत्री चंद्रकांत पाटील, मंत्री मंगलप्रभात लोढा, मंत्री उदय सामंत, आमदार अतुल भातखळकर व वरिष्ठ अधिकारी उपस्थित होते.

#Maharashtra #DevendraFadnavis #EducationDevelopment
मुख्यमंत्री श्री देवेंद्र फडणवीस

श्री गणेशाय नमः।
सुखकर्ता दुःखहर्ता, विघ्नविनाशक मोरया! 🙏

Today’s aarti...
दिवस ९ : मुंबई येथील वर्षा निवासस्थानी सर्वशक्तिमय, सर्वरूपधारी श्री गणरायाची आज संध्याकाळची आरती..

#Maharashtra #Mumbai #GanpatiBappaMorya
CM Shri Devendra Fadnavis Tweets:

Expanding Access, Strengthening Higher Education Across Maharashtra

Chaired a meeting of the Maharashtra State Commission for Higher Education and Development (MAHED) in Mumbai today.

Directed the formation of a sub-committee to examine locations beyond universities’ existing five-year plan, with the aim of ensuring equitable access to higher education and facilitating the establishment of new colleges across Maharashtra.

Also instructed authorities to focus on suggestions and feedback received from students on CET examinations while ensuring an increase in examination centres to provide greater accessibility, security, and transparency. Emphasised stronger CET Cell control and supervision of all examination centres.

It is also encouraging to note that the proportion of girls among engineering admissions has increased in the last 4 years following the State Government’s decision to provide free higher education to girls. This is a step towards creating greater opportunities for our youth, empowering every young person to pursue their aspirations and contribute to Maharashtra’s progress.

DCM Sunetratai Pawar, Minister Chandrakantdada Patil, Minister Mangal Prabhat Lodha ji, Minister Uday Samant, MLA Atul Bhatkhalkar and senior officials were present

https://x.com/Dev_Fadnavis/status/2102425427776299179?s=20
CMO Maharashtra Tweets:

मंत्रिमंडळ निर्णय : नगर विकास विभाग

#Maharashtra #DevendraFadnavis #मंत्रिमंडळनिर्णय #CabinetDecision
CMO Maharashtra Tweets:

मंत्रिमंडळ निर्णय : गृहनिर्माण विभाग

#Maharashtra #DevendraFadnavis #मंत्रिमंडळनिर्णय #CabinetDecision
CMO Maharashtra Tweets:

मंत्रिमंडळ निर्णय : नगर विकास विभाग

#Maharashtra #DevendraFadnavis #मंत्रिमंडळनिर्णय #CabinetDecision