Devendra Fadnavis
✔
4.09K subscribers
102K photos
19.3K videos
4.29K files
10.7K links
श्री देवेंद्र फडणवीस यांच्या कार्यालयातून
Download Telegram
CMO Maharashtra Tweets:

मुख्यमंत्री देवेंद्र फडणवीस यांना पिंपरी-चिंचवड पोलीस आयुक्तालयाच्या वतीने पोलीस आयुक्त विनय कुमार चौबे यांनी राज्यातील दुष्काळग्रस्त शेतकरी बांधवांच्या मदतीसाठी 'मुख्यमंत्री सहाय्यता निधी'मध्ये ₹1,00,00,000 देणगीचा धनादेश सुपूर्द केला. पिंपरी-चिंचवड पोलीस आयुक्तालयातील सर्व पोलीस अधिकारी आणि अंमलदार यांनी आपल्या एक दिवसाच्या वेतनातून हा निधी दिला. यावेळी मुख्यमंत्री फडणवीस यांनी संपूर्ण पोलीस दलाचे आभार मानले.

#Maharashtra #DevendraFadnavis #CMReliefFund
मुख्यमंत्री श्री देवेंद्र फडणवीस:

सीएम चषक - 41 व्या युवा राष्ट्रीय बास्केटबॉल स्पर्धेत उत्कृष्ट कामगिरी करणाऱ्या सर्व संघांचे अभिनंदन!

सीएम चषक - 41वीं युवा राष्ट्रीय बास्केटबॉल प्रतियोगिता में बेहतरीन प्रदर्शन करने वाली सभी टीमों को बधाई।

(सीएम चषक - 41वीं युवा राष्ट्रीय बास्केटबॉल प्रतियोगिता | पुणे | 3-11-2026)
#Maharashtra #Pune #CMChashak #Basketball
CMO Maharashtra Tweets:

मुख्यमंत्री देवेंद्र फडणवीस यांच्या हस्ते आज पिंपरी-चिंचवड येथे 'सीएम चषक - 41 व्या युवा राष्ट्रीय बास्केटबॉल स्पर्धे'च्या बक्षीस वितरण समारंभात, जपान येथे झालेल्या आशियाई पॅरा गेम्स 2026 मधील पुरुषांच्या एफ46 गोळाफेक स्पर्धेत सुवर्णपदक मिळविणारे सचिन खिलारी यांचा सन्मानचिन्ह आणि पुष्पगुच्छ देऊन गौरव करण्यात आला. यावेळी मुख्यमंत्री फडणवीस यांनी त्यांच्या उत्कृष्ट कामगिरीबद्दल अभिनंदन करून त्यांना भावी वाटचालीस शुभेच्छा दिल्या.

#Maharashtra #DevendraFadnavis #PimpriChinchwad
Devendra Fadnavis
CMO Maharashtra Tweets: 🔸 Prize distribution of the ‘CM Chashak – 41st Youth National Basketball Championship’ at the hands of CM Devendra Fadnavis. MLC Vikrant Patil, MLA Shankar Jagtap, Secretary General of Basketball Federation of India, Kulvinder Singh…
CMO Maharashtra Tweets:

‘खेलो इंडिया’च्या माध्यमातून ग्रामीण भागातील खेळाडूंना राष्ट्रीय आणि आंतरराष्ट्रीय स्तरावर संधी

मुख्यमंत्री देवेंद्र फडणवीस यांच्या हस्ते आज पुणे येथे 'सीएम चषक - 41 व्या युवा राष्ट्रीय बास्केटबॉल स्पर्धे'चे बक्षीस वितरण करण्यात आले. देशातील क्रीडा क्षेत्रात मोठे परिवर्तन होत असून, ‘खेलो इंडिया’च्या माध्यमातून खेळ ग्रामीण भागातील गावागावांत पोहोचला आहे. त्यामुळे ग्रामीण भागातील खेळाडूंनाही राष्ट्रीय आणि आंतरराष्ट्रीय स्तरावर आपली गुणवत्ता सिद्ध करण्याची संधी मिळत आहे, असे प्रतिपादन मुख्यमंत्री देवेंद्र फडणवीस यांनी यावेळी केले.

महाराष्ट्राच्या क्रीडा परिसंस्थेमध्ये बालेवाडी येथील क्रीडा संकुल महत्त्वाची भूमिका बजावत असल्याचे नमूद करून मुख्यमंत्री फडणवीस म्हणाले, ‘खेलो इंडिया’ स्पर्धांमध्ये महाराष्ट्राचे खेळाडू सातत्याने चांगली कामगिरी करून पदके मिळवत आहेत. राज्य सरकारने ‘मिशन लक्ष्यवेध’च्या माध्यमातून विविध खेळांसाठी उत्कृष्ट प्रशिक्षण देणारी केंद्रे सुरू केली आहेत. बास्केटबॉल हा महाराष्ट्रातील लोकप्रिय खेळ असून, राज्याने देशाला अनेक दर्जेदार खेळाडू दिले आहेत. अशा राष्ट्रीय स्पर्धांमुळे खेळाडूंना अनुभव मिळतो आणि राष्ट्रीय स्तरावर खेळण्याची संधी मिळते. महाराष्ट्र बास्केटबॉल संघटनेने या स्पर्धेचे उत्कृष्ट आयोजन केल्याचे मुख्यमंत्री फडणवीस यांनी नमूद केले.

आशियाई क्रीडा स्पर्धेतील भारतीय खेळाडूंच्या कामगिरीचा उल्लेख करताना मुख्यमंत्री म्हणाले, यावेळी भारताने 48 पदके मिळविली. विशेष म्हणजे 17 राज्यांतील खेळाडूंनी पदकांची कमाई केली. कबड्डी, नेमबाजी आणि तिरंदाजीसारख्या खेळांत सामान्य कुटुंबांतील खेळाडूंनी प्रतिकूल परिस्थितीवर मात करून यश मिळविले. खेळाडूंची परिस्थिती नव्हे, तर त्यांची जिद्द, मेहनत आणि खेळाप्रती असलेली निष्ठा महत्त्वाची असते, असे सांगत मुख्यमंत्री फडणवीस यांनी सर्व विजेत्या आणि सहभागी संघांचे अभिनंदन केले.

महाराष्ट्राचा संघ यंदा अंतिम फेरीपर्यंत पोहोचू शकला नसला, तरी त्यातून निराश होण्याचे कारण नाही. खेळात जय-पराजय होत असतो. पुढील स्पर्धेत अधिक चांगली कामगिरी करण्याची संधी खेळाडूंना मिळेल. खेळाडूंमध्ये जिद्द, महत्त्वाकांक्षा आणि खिलाडूवृत्ती असणे महत्त्वाचे असून, पराभवानंतरही न थांबता प्रयत्न करणारे खेळाडूच भविष्यात विजयाचे मानकरी ठरतात, असे प्रतिपादन मुख्यमंत्री फडणवीस यांनी केले.

तसेच, या स्पर्धेत सहभागी झालेल्या विविध राज्यांतील संघांमधून भारताचे वैविध्य आणि एकात्मतेचे दर्शन घडते. दक्षिण आणि उत्तर भारतातील राज्यांचे खेळाडू एकत्र येऊन देशाच्या क्रीडा क्षेत्राचा गौरव वाढवत आहेत, असेही मुख्यमंत्री फडणवीस यांनी यावेळी नमूद केले.

यावेळी आमदार विक्रांत पाटील, आमदार शंकर जगताप, बास्केटबॉल फेडरेशन ऑफ इंडियाचे महासचिव कुलविंदर सिंह गिल, महाराष्ट्र राज्य बास्केटबॉल संघटनेचे अध्यक्ष संदीप जोशी व इतर मान्यवर उपस्थित होते.

#Maharashtra #DevendraFadnavis #CMChashak
CMO Maharashtra Tweets:

पिंपरी-चिंचवड पोलीस दलाला सक्षम पायाभूत सुविधांचे बळ! 🚔

पिंपरी-चिंचवड पोलीस आयुक्तालयाच्या विस्तारासोबतच पोलीस दलासाठी आधुनिक पायाभूत सुविधा उभारण्यावर भर दिला जात आहे. चिखली येथे अत्याधुनिक पोलीस आयुक्तालयाची इमारत उभारण्याचे काम सुरू असून वाकड येथे पोलीस अधिकारी व अंमलदारांसाठी निवासस्थाने, वाहतूक, सायबर आणि इतर विभागांसाठी प्रशासकीय इमारत उभारण्यात येणार आहे. तसेच ताथवडे येथील सुमारे 50 एकर जागा पोलीस मुख्यालयासाठी मंजूर करण्यात आली असून, या जागेचा 7/12 उतारा हस्तांतरित करण्यात आला आहे. पिंपरी-चिंचवड पोलीस दलाच्या सक्षमीकरणाच्या या महत्त्वपूर्ण टप्प्याची सविस्तर माहिती...

#Maharashtra #DevendraFadnavis #PimpriChinchwadPolice
CMO Maharashtra Tweets:

नशामुक्त भारताच्या संकल्पाला जनसहभागाचे बळ!

पंतप्रधान नरेंद्र मोदी यांच्या ‘नशामुक्त भारत' संकल्पाच्या माध्यमातून अमली पदार्थांविरोधात देशव्यापी जनजागृती मोहीम राबविण्यात येत आहे. याच संकल्पाला बळ देत पिंपरी-चिंचवड पोलिसांनी व्यापक अमली पदार्थमुक्त जनजागृती अभियान सुरू केले आहे. युवकांद्वारे विविध सर्जनशील उपक्रमांतून अमली पदार्थांविरोधातील संदेश समाजापर्यंत पोहोचवण्यात येत असून जनसहभागातून साकारत असलेल्या अमली पदार्थमुक्त पिंपरी-चिंचवड अभियानाची सविस्तर माहिती...

#Maharashtra #DevendraFadnavis #DrugFreePimpriChinchwad