Devendra Fadnavis
✔
4.09K subscribers
102K photos
19.3K videos
4.29K files
10.7K links
श्री देवेंद्र फडणवीस यांच्या कार्यालयातून
Download Telegram
CMO Maharashtra Tweets:

शेतकऱ्यांसोबत दिवाळी; दुष्काळावर मात करण्यासाठी तातडीच्या मदतीसह कायमस्वरूपी उपाययोजनांवर भर!

दुष्काळी परिस्थितीचा सामना करणाऱ्या शेतकऱ्यांना दिलासा देण्यासाठी, त्यांच्या अडचणी प्रत्यक्ष जाणून घेण्यासाठी आणि त्यांच्यासोबत दिवाळी साजरी करण्यासाठी मुख्यमंत्री देवेंद्र फडणवीस यांनी नागपूर जिल्ह्यातील लोहारी सावंगा येथे शेतकरी कुटुंबासोबत मुक्काम केला. यावेळी शेतकऱ्यांशी संवाद साधण्यासोबतच शेताच्या बांधावर जाऊन पीक नुकसानीची मुख्यमंत्री फडणवीस यांनी पाहणी केली. यावेळी त्यांनी तातडीची आर्थिक मदत, सिंचन सुविधा, जलसंधारण, पिकांचे संरक्षण आणि ग्रामविकासासाठी विविध उपाययोजनांबाबत निर्णय घेतले. दुष्काळाच्या संकटात शेतकऱ्यांच्या पाठीशी राज्य सरकार ठामपणे उभे असल्याचा विश्वास मुख्यमंत्री फडणवीस यांनी यावेळी व्यक्त केला.

शेतकरी कुटुंबासोबत दिवाळी; गावकऱ्यांशी साधला संवाद

लोहारी सावंगा गावात आगमन झाल्यानंतर ग्रामस्थांनी पारंपरिक पद्धतीने मुख्यमंत्री फडणवीस यांचे स्वागत केले. यानंतर शेतकरी रामभाऊ बालपांडे यांच्या घरी भोजन करून मुख्यमंत्री फडणवीस यांनी तेथेच मुक्काम केला व रात्री संवाद साधत गावकऱ्यांच्या अडचणी आणि समस्या जाणून घेतल्या. यानंतर दुसऱ्या दिवशी सकाळी शेतकरी कुटुंबीयांसोबत नाश्ता करून त्यांनी पुढील दौऱ्याला सुरुवात केली.

सिंचन सुविधांसाठी महत्त्वाचे निर्णय; खोरी प्रकल्प आणि पाझर तलावाचा प्रश्न मार्गी

लोहारी सावंगा येथे शेतकऱ्यांशी संवाद साधताना मुख्यमंत्री फडणवीस म्हणाले, कमी पर्जन्यमानामुळे निर्माण झालेल्या दुष्काळी परिस्थितीत नागरिकांना पिण्यासाठी पाणी, जनावरांना चारा आणि उपलब्धतेनुसार सिंचनासाठी पाणी देण्याचा राज्य सरकारचा प्रयत्न आहे. खोरी प्रकल्पाला मान्यता देण्यात आली असून त्याचे काम लवकरच सुरू होणार आहे. तसेच, 43 वर्षांपूर्वी पायाभरणी झालेल्या पाझर तलावाचा प्रश्नही लवकरच मार्गी लावण्यात येईल, असे मुख्यमंत्री फडणवीस म्हणाले.
लोहारी सावंगा येथील 10 शेतकऱ्यांना सिंचन विहीर योजनेअंतर्गत विहिरी मंजूर करण्यात आल्या आहेत. तसेच, गावात ₹243.35 लाख खर्चाच्या साठवण तलावाचे बांधकाम करण्यात येणार आहे. या तलावामुळे सिंचनाला लाभ होण्यासोबतच परिसरातील विहिरींच्या पाणीपातळीत वाढ होऊन पिण्याच्या पाण्याची उपलब्धता सुधारण्यास मदत होणार आहे.

दुष्काळग्रस्त शेतांची बांधावर जाऊन पाहणी; तातडीने आर्थिक मदत

8 नोव्हेंबर रोजी नरखेड तालुक्यातील सोनेगाव रिठी आणि कळमेश्वर तालुक्यातील कोहळी येथे शेताच्या बांधावर जाऊन मुख्यमंत्री फडणवीस यांनी पिकांची पाहणी केली. सोनेगाव रिठी येथे शेतकरी दिलीप सरोदे यांच्या शेतातील पावसाअभावी वाढ खुंटलेल्या आणि बोंडे न फुटलेल्या कपाशीच्या पिकाची, तर कोहळी येथे शेतकरी बाबूराव काळे यांच्या शेतातील कापूस आणि तुरीच्या पिकांची पाहणी करून नुकसानीची माहिती घेतली. अशा कठीण परिस्थितीत राज्य सरकार शेतकऱ्यांच्या पाठीशी आहे, असा विश्वास मुख्यमंत्री फडणवीस यांनी यावेळी दिला.
पिकांच्या नुकसानीपोटी शेतकऱ्यांना तातडीने ₹5000 ची मदत देण्यात आली असून उर्वरित मदतही त्यांच्या खात्यात जमा करण्यात येईल. कोणताही शेतकरी मदतीपासून वंचित राहणार नाही, असे मुख्यमंत्री फडणवीस यांनी स्पष्ट केले.

वन्यप्राण्यांपासून पिकांचे संरक्षण; जलसंधारण आणि पाणी बचतीवर भर

वन्यप्राण्यांमुळे पिकांचे होणारे नुकसान लक्षात घेता सौर कुंपण योजना प्रभावीपणे राबविण्यात येईल, असे मुख्यमंत्री फडणवीस यांनी सांगितले. जंगलालगतच्या शेतांना प्राधान्य देऊन तार कुंपण योजनेचा विस्तार करण्यात येणार आहे. सध्याची दुष्काळी स्थिती पाहता विशेष बाब म्हणून जिथे गरज आहे, तिथे झाडे जगविण्यासाठी केवळ शेतीकामासाठी विंधन विहिरींवरील बंदी 15 डिसेंबरपर्यंत शिथिल करण्याची घोषणा मुख्यमंत्री फडणवीस यांनी केली. हा निर्णय सरसकट लागू नसून यासाठी परवानगी घेणे आवश्यक आहे. नागरिकांनी पाण्याची बचत आणि पुनर्भरण करावे, असे आवाहनही मुख्यमंत्री फडणवीस यांनी केले.

जलसंधारण आणि ग्रामविकासाच्या कामांना प्राधान्य

लोहारी सावंगा येथे स्थानिक स्वराज्य संस्थांच्या प्रतिनिधींशी संवाद साधताना मुख्यमंत्री फडणवीस यांनी गाळमुक्त धरण आणि जलयुक्त शिवार योजनेतील कामांना सर्वोच्च प्राधान्य देण्यात येणार असल्याचे सांगितले. अटल भूजल योजनेतील कामे प्राधान्याने पूर्ण करण्यासह नादुरुस्त जलसंधारण कामांच्या दुरुस्तीसाठी निधी उपलब्ध करून देण्यात येईल. जलजीवन मिशनअंतर्गत 75 टक्क्यांहून अधिक कामे पूर्ण झालेल्या ठिकाणी उर्वरित कामांसाठी तातडीने निधी उपलब्ध करून देण्यात येईल, तर अन्य कामे टप्प्याटप्प्याने पूर्ण केली जातील. दुष्काळाच्या पार्श्वभूमीवर जलसाठ्यांमधील गाळ काढून ती माती शेतीत टाकण्याचे काम हाती घेण्यात आले असल्याचे मुख्यमंत्री फडणवीस यांनी नमूद केले.
पिण्याच्या पाण्याचा आणि जनावरांच्या चाऱ्याचा प्रश्न सोडविण्यासाठी ज्या गावांकडून पुढाकार घेतला जाईल, त्यांना राज्य सरकारकडून संपूर्ण सहकार्य देण्यात येईल, असे मुख्यमंत्री फडणवीस यांनी सांगितले. तसेच पशुवैद्यकीय दवाखान्यांच्या उपलब्धतेबाबत पाहणी करून निर्णय घेण्याचे निर्देश त्यांनी जिल्हा परिषदेच्या मुख्य कार्यकारी अधिकाऱ्यांना दिले. ग्रामपंचायतींना विश्वासात घेऊन विकासकामे दर्जेदार पद्धतीने पूर्ण करण्याबाबत सरपंचांनी मांडलेल्या सूचनांवरही प्राधान्याने कार्यवाही केली जाईल, असे मुख्यमंत्री फडणवीस यांनी स्पष्ट केले.

महिला सरपंचांच्या तक्रारींची दखल; पोलिसांना तातडीच्या कारवाईचे निर्देश

पत्रकार असल्याचे सांगून पैशांची मागणी व ब्लॅकमेलिंग होत असल्याची तक्रार तालुक्यातील काही महिला सरपंचांनी मुख्यमंत्री फडणवीस यांच्यासमोर मांडली. अशा प्रकारे पैशांची मागणी करणाऱ्या संबंधित व्यक्तीला तुरुंगात टाकण्यात येईल, असे स्पष्ट करत मुख्यमंत्री फडणवीस यांनी पोलिस विभागाला तातडीने कारवाई करण्याचे निर्देश दिले.

नियमित कर्जफेड करणाऱ्या शेतकऱ्यांना अनुदान

नियमित कर्जफेड करणाऱ्या शेतकऱ्यांच्या खात्यात कर्जमाफीची रक्कम जमा झाल्यानंतर प्रत्येकी ₹50,000 सानुग्रह अनुदान देण्यात येत आहे, असे मुख्यमंत्री फडणवीस यांनी सांगितले. कर्जमाफीची रक्कम जमा झाल्यानंतर नियमित परतफेडीच्या 18 लाख शेतकऱ्यांच्या खात्यात प्रत्येकी ₹50,000 जमा केले जाणार असल्याचे त्यांनी सांगितले.
तसेच, अपघातात पाय निकामी झालेल्या अभियांत्रिकीच्या विद्यार्थ्याच्या संपूर्ण उपचारांची जबाबदारी घेण्याचे आश्वासनही त्यांनी दिले. जिल्हास्तरावर सुरू असलेल्या मुख्यमंत्री सहायता निधी कक्षांबरोबरच तालुकास्तरावरही सहायता कक्ष सुरू करण्यात येणार असल्याचे मुख्यमंत्री फडणवीस यांनी जाहीर केले.

या दोन दिवसीय दौऱ्यात शेतकऱ्यांच्या बांधावर जाऊन त्यांच्या अडचणी जाणून घेण्यासोबतच सिंचन, जलसंधारण, पिकांचे संरक्षण, दुष्काळी मदत आणि ग्रामविकासाशी संबंधित विविध प्रश्नांवर निर्णय घेण्यात आले. शेतकऱ्यांना या संकटातून बाहेर काढण्यासाठी शासन सर्वतोपरी प्रयत्न करेल, असा विश्वास मुख्यमंत्री फडणवीस यांनी व्यक्त केला.

यावेळी महसूल मंत्री चंद्रशेखर बावनकुळे, आमदार डॉ. राजीव पोतदार, आमदार चरणसिंह ठाकूर, आमदार डॉ. आशिष देशमुख, व अन्य मान्यवर उपस्थित होते.

#Maharashtra #DevendraFadnavis #Nagpur #DiwaliWithFarmers
CMO Maharashtra Tweets:

बळीराजाच्या कष्टातून फुललेल्या स्वप्नांना संकटाच्या काळातही भक्कम आधार देण्याचा निर्धार, हीच खरी दीपावली!

मुख्यमंत्री देवेंद्र फडणवीस यांनी नागपूर जिल्ह्यातील लोहारी सावंगा येथे बालपांडे कुटुंबीयांच्या घरी मुक्काम केला. या कुटुंबाने अनुभवलेला आपुलकीचा ओलावा, प्रेम आणि त्यांनी व्यक्त केलेल्या हृदयस्पर्शी भावना…

#Maharashtra #DevendraFadnavis #DiwaliWithFarmers #Nagpur
CMO Maharashtra Tweets:

मुख्यमंत्री देवेंद्र फडणवीस यांनी शेतकरी बांधवांसोबत राहून दिवाळी साजरी केली. त्यांच्या सुख-दुःखात सहभागी होत, भावना जाणून घेतल्या आणि आपुलकीचा आधार दिला. या भेटीने भारावून गेलेल्या शेतकरी बांधवांनी व्यक्त केलेल्या मनापासूनच्या, अनेक अर्थांनी मोलाच्या आणि हृदयस्पर्शी भावना!

#Maharashtra #DevendraFadnavis #DiwaliWithFarmers #Nagpur
CMO Maharashtra Tweets:

आजच्या दिवसाचा सारांश | रविवार, 8 नोव्हेंबर 2026

मुख्यमंत्री देवेंद्र फडणवीस यांची दिवाळी शेतकऱ्यासोबत! लोहारी सावंगाला मिळाला पाण्याचा शाश्वत दिलासा
10 शेतकऱ्यांना सिंचन विहिरींचा लाभ, ₹243.35 लाखांच्या साठवण तलावाचे बांधकाम होणार
https://mahasamvad.in/221063/

गाळमुक्त धरण व जलयुक्त शिवार योजनेला सर्वोच्च प्राधान्य – मुख्यमंत्री देवेंद्र फडणवीस
दुष्काळाचा सामना करण्यासाठी ग्रामपंचायतींनी पुढाकार घेण्याचे मुख्यमंत्री देवेंद्र फडणवीस यांचे आवाहन; सरपंचांनी मांडल्या ग्रामविकासाच्या संकल्पना
https://mahasamvad.in/221090/

शेतातील विंधन विहिरींवरील बंदी 15 डिसेंबर पर्यंत शिथिल; झाडे जगविण्यासाठी मुख्यमंत्री देवेंद्र फडणवीस यांची घोषणा
https://mahasamvad.in/221086/

भर उन्हात मुख्यमंत्री देवेंद्र फडणवीस शेतात
https://mahasamvad.in/221078/

“आजवर कधीच मुख्यमंत्री पाहिले नव्हते”; लाडक्या बहिणींना झाला आनंद
https://mahasamvad.in/221081/

सकाळच्या नास्त्यात तर्री पोहा; शेतकरी कुटुंबात मुख्यमंत्री देवेंद्र फडणवीस यांची भाऊबीज
पुढल्या वर्षी वहिनींना घेऊन या; अरूणाताईंचा मुख्यमंत्री देवेंद्र फडणवीस यांना आग्रह
https://mahasamvad.in/221132/

शेतीच्या बांधावर जाऊन मुख्यमंत्री देवेंद्र फडणवीस यांनी केली शेतातील पिकांची पाहणी; सोनेगाव रिठी व कोहळी येथील शेतकऱ्यांनी मांडल्या व्यथा
कापूस व तूर पिकांच्या नुकसानी संदर्भात शासन शेतकऱ्यांच्या पाठीशी
https://mahasamvad.in/221137/

#Maharashtra #DevendraFadnavis
CM Shri Devendra Fadnavis Tweets:

Humble tributes to Bharat Ratna Maharshi Dhondo Keshav Karve, a remarkable reformer whose lifelong dedication to women’s education and empowerment laid the foundation for a more equitable society, on his SmrutiDin...

स्त्रियांच्या हक्कांसाठी, सक्षमीकरणासाठी आयुष्यभर झटणारे, स्त्रीशिक्षणाचे पुरस्कर्ते, थोर समाजसुधारक, भारतरत्न 'महर्षि धोंडो केशव कर्वे' यांना स्मृतिदिनी विनम्र अभिवादन…

#महर्षि_धोंडो_केशव_कर्वे #MaharshiDhondoKeshavKarve #Maharashtra
CM Shri Devendra Fadnavis Tweets:

A Diwali of togetherness, solidarity and commitment! 🪔

From celebrating Diwali with a farmer’s family amid drought to reviewing crops and inaugurating development works, sharing their joys, understanding their struggles and reaffirming our commitment to standing strong with our farmers.

दुष्काळी परिस्थितीत लोहारी सावंगा येथील शेतकरी कुटुंबासोबत साजरी केलेली दिवाळी, स्थानिक लोकप्रतिनिधींशी साधलेला संवाद, विकासकामांचे भूमिपूजन आणि शेताच्या बांधावर जाऊन केलेली पीकपाहणी... शेतकरी बांधवांच्या सुख-दुःखात सहभागी होत, त्यांच्या पाठीशी खंबीरपणे उभे राहण्याचा विश्वास देणाऱ्या दिवसांमधील काही खास क्षण!

(नागपूर | 7 व 8 नोव्हेंबर)
#Maharashtra #Nagpur #DiwaliWithFarmers
CMO Maharashtra Tweets:

मुख्यमंत्री देवेंद्र फडणवीस यांना मुंबई येथे 'अपर ठाणे रेसिडेंट्स क्लब'च्या वतीने माजी केंद्रीय राज्यमंत्री कपिल पाटील, देवेश पाटील, राम माळी व स्वप्निल सिंह यांनी दुष्काळग्रस्त शेतकऱ्यांच्या मदतीसाठी 'मुख्यमंत्री सहाय्यता निधी'मध्ये ₹5,00,000 देणगीचा धनादेश सुपूर्द केला. यावेळी मुख्यमंत्री फडणवीस यांनी त्यांचे आभार मानले.

#Maharashtra #DevendraFadnavis #CMReliefFund
CMO Maharashtra Tweets:

मुख्यमंत्री देवेंद्र फडणवीस यांना मुंबई येथे 'कपिल पाटील फाउंडेशन'च्या वतीने माजी केंद्रीय राज्यमंत्री कपिल पाटील, प्रशांत पाटील, देवेश पाटील व सुमित पाटील यांनी दुष्काळग्रस्त शेतकऱ्यांच्या मदतीसाठी 'मुख्यमंत्री सहाय्यता निधी'मध्ये ₹6,00,000 देणगीचा धनादेश सुपूर्द केला. यावेळी मुख्यमंत्री फडणवीस यांनी त्यांचे आभार मानले.

#Maharashtra #DevendraFadnavis #CMReliefFund
मुख्यमंत्री श्री देवेंद्र फडणवीस:

नमस्तेऽस्तु महामाये श्रीपीठे सुरपूजिते।
शङ्खचक्रगदाहस्ते महालक्ष्मि नमोऽस्तु ते॥

मुंबई येथील वर्षा निवासस्थानी सहकुटुंब लक्ष्मीपूजन करताना काही क्षणचित्रे..

शुभ दीपावली 🪔

#Maharashtra #Diwali2026 #HappyDiwali