Devendra Fadnavis
✔
4.09K subscribers
102K photos
19.3K videos
4.29K files
10.7K links
श्री देवेंद्र फडणवीस यांच्या कार्यालयातून
Download Telegram
Devendra Fadnavis
CMO Maharashtra Tweets: 🔸 Launch of the historical documents digitisation project and inauguration of an exhibition of rare historical documents and artefacts, organised by the Bharat Itihas Sanshodhak Mandal, Pune, with the support of the Murkumbi Itihas…
CMO Maharashtra Tweets:

ऐतिहासिक कागदपत्रांचे डिजिटायझेशन - मराठ्यांचा गौरवशाली इतिहास जगासमोर आणणारा अभिनव उपक्रम!

केंद्रीय गृह व सहकार मंत्री अमित शाह यांच्या हस्ते आणि मुख्यमंत्री देवेंद्र फडणवीस यांच्या प्रमुख उपस्थितीत आज पुणे येथे भारत इतिहास संशोधक मंडळ, पुणे यांच्या वतीने आयोजित व मुरकुंबी इतिहास उपक्रमाच्या साहाय्याने ऐतिहासिक कागदपत्रांच्या डिजिटायझेशन प्रकल्पाचा लोकार्पण सोहळा तसेच ऐतिहासिक दुर्मिळ कागदपत्रे आणि अमूल्य वस्तूंच्या प्रदर्शनाचे उदघाटन संपन्न झाले.

भारत इतिहास संशोधक मंडळ गेल्या 116 वर्षांपासून इतिहास संशोधनाचे महत्त्वपूर्ण कार्य करीत आहे. मंडळाकडे जतन केलेल्या ऐतिहासिक कागदपत्रांच्या माध्यमातून मराठ्यांचा गौरवशाली इतिहास जगासमोर आणण्याच्या उद्देशाने हा डिजिटायझेशन प्रकल्प हाती घेण्यात आला आहे. पद्मविभूषण, महाराष्ट्रभूषण स्व. शिवशाहीर बाबासाहेब पुरंदरे यांच्या उपस्थितीत 2021 मध्ये या प्रकल्पाचा शुभारंभ करण्यात आला होता. त्यातील पहिल्या टप्प्याचे आज लोकार्पण करण्यात आले.

प्रकल्पाची ठळक वैशिष्ट्ये :

✅ डिजिटल संग्रह: http://bismarchives.in या संकेतस्थळावर दुर्मिळ ऐतिहासिक कागदपत्रे आणि अमूल्य वस्तूंची छायाचित्रांसह माहिती उपलब्ध होणार.

✅ ऐतिहासिक दस्तऐवजांचा संग्रह : मंडळाकडे सुमारे 3 लाख ऐतिहासिक कागदपत्रांचा संग्रह.

✅ साडेसहा लाख पृष्ठप्रतिमा (इमेजेस) टप्प्याटप्प्याने उपलब्ध करून देण्यात येणार आहेत.

✅ पहिल्या टप्प्यातील उपलब्धता: पहिल्या टप्प्यात सुमारे 10,000 ऐतिहासिक कागदपत्रे संकेतस्थळावर उपलब्ध.

✅ दुर्मिळ ऐतिहासिक ठेवा: बखरी, मुघल फर्माने, हस्तलिखिते, ताम्रपट, चित्रे, नकाशे, शिल्पे, शस्त्रे, शिलालेख, भूमिपत्रे आणि दुर्मिळ ग्रंथांचा समावेश.

✅ जागतिक स्तरावर उपलब्धता: भारतीय इतिहासातील दुर्मिळ आणि महत्त्वपूर्ण माहिती अभ्यासक, संशोधक व इतिहासप्रेमींसाठी जागतिक स्तरावर उपलब्ध होणार.

या डिजिटायझेशन प्रकल्पाचे काम चिन्मय भंडारी आणि मिथिलेश कुळकर्णी यांच्या न्यानसा कंपनीने माइंडस्केप हबच्या सहकार्याने पूर्ण केले आहे. प्रकल्पासाठी मुरकुंबी इतिहास उपक्रम आणि भांडारकर प्राच्यविद्या संशोधन मंदिर यांचेही सहकार्य लाभले आहे.

यावेळी उपमुख्यमंत्री एकनाथ शिंदे, उपमुख्यमंत्री सुनेत्रा अजित पवार, केंद्रीय राज्यमंत्री मुरलीधर मोहोळ व इतर मान्यवर उपस्थित होते.

#Maharashtra #DevendraFadnavis #Pune
मुख्यमंत्री श्री देवेंद्र फडणवीस:

दादा… तुमची जागा कुणीच घेऊ शकत नाही!

केंद्रीय गृह व सहकार मंत्री अमितभाई शाह यांच्या हस्ते पुणे येथे आज लोकनेते अजितदादा पवार यांच्या अर्धाकृती पुतळ्याचे अनावरण आणि प्रवेशद्वाराचे नामकरण करण्यात आले. याप्रसंगी स्व. अजित पवार यांनी पुणे जिल्हा परिषदेसाठी केलेल्या कार्याची माहिती देणाऱ्या ‘कर्मयोगी दादा’ या कॉफी टेबल बुकचे अनावरण करण्यात आले. या भावस्पर्शी सोहळ्यात उपस्थित राहून राजकारणापलीकडचा मित्र, जनसामान्यांचे लाडके 'दादा' माजी उपमुख्यमंत्री स्व. अजितदादा पवार यांच्या आठवणींना उजाळा दिला.

आजचा हा प्रसंग मनाला अत्यंत भावूक करणारा आहे. या पुतळ्याचे अनावरण करताना आपल्या प्रत्येकाच्या मनात आठवणींचे काहूर माजले आहे. दादांसोबत घालवलेल्या क्षणांच्या आठवणी आहेत पण, ते आज आपल्यात नाहीत, याचे मोठे दुःख आहे. आजच्या या अत्यंत संवेदनशील आणि भावनिक क्षणी, मी पुणे जिल्हा परिषदेचे मनापासून आभार मानतो. परिषदेने आमच्या अजितदादांचा पुतळा उभारण्याचा आणि येथील प्रवेशद्वाराला त्यांचे नाव देण्याचा घेतलेला निर्णय अत्यंत स्तुत्य आहे. अजितदादांनी पुणे जिल्हा परिषदेला खऱ्या अर्थाने दिशा देण्याचे काम केले. त्यांनी पुणे जिल्ह्याच्या गावागावांत, वाड्या-वस्त्यांवर विकासाची गंगा पोहचवली. या जिल्ह्याविषयी दादांच्या मनात नेहमीच एक विशेष आत्मीयता आणि संवेदनशीलता होती.

कणखर, शिस्तबद्ध, प्रशासनावर विलक्षण पकड असलेला आणि विकासाची दूरदृष्टी असलेला नेता अशी दादांच्या व्यक्तिमत्वाची ओळख होती. दादांच्या शब्दकोशात 'हो' आणि 'नाही' हे दोनच स्पष्ट शब्द होते. जे पटले, त्याला ठामपणे 'हो' म्हणायचे आणि ते काम पूर्णत्वास नेण्यासाठी जीवाचे रान करायचे आणि जे योग्य नाही, हिताचे नाही, त्याला तोंडावर स्पष्टपणे नकार द्यायचे अशी हिंमत फक्त दादांमध्येच होती. राज्याचे अर्थमंत्री म्हणून त्यांनी अनेक अर्थसंकल्प मांडले. कितीही कठीण परिस्थिती आली तरीही त्यांनी आर्थिक शिस्त कधीही मोडू दिली नाही. विकासकामांवर खर्च होणाऱ्या प्रत्येक पैशाचा योग्य विनियोग झाला पाहिजे आणि कामाचा दर्जा सर्वोत्तम असला पाहिजे, हा त्यांचा नेहमीच आग्रह होता. राज्याच्या प्रगतीचा इतिहास लिहिताना दादांच्या कार्याचे सुवर्णपान जोडल्याशिवाय तो कधीच पूर्ण होऊ शकणार नाही.

अजितदादांच्या जीवनातील सर्वांत प्रेरक गुण म्हणजे त्यांची अफाट शिस्त. पहाटे 6 वाजताच कामासाठी सज्ज होणारे दादा, 7 वाजता कामकाज सुरू करून 8 वाजता मंत्रालयात हजर राहायचे. वेळेची ही शिस्त त्यांनी आयुष्यभर जपली. राज्यातील अनेक प्रकल्पावर आजही त्यांच्या कार्यशैलीचा ठसा उमटलेला दिसतो. वरवर कणखर आणि कठोर वाटणारे दादा अंतःकरणाने तितकेच हळवे, प्रेमळ आणि माणसांवर जीवापाड प्रेम करणारे होते. आपल्या जवळच्या माणसांच्या पाठीशी खंबीरपणे उभे राहत होते. आम्हालाही त्यांचा एक भक्कम आधार होता. आज उपमुख्यमंत्री सुनेत्राताई पवार अतिशय समर्थपणे आणि उत्तमरीत्या काम करत आहेत, मात्र राज्यावर ओढवलेल्या या भीषण दुष्काळाच्या संकटात मला पदोपदी दादांची उणीव जाणवते.

अजितदादांच्या अपघाती निधनाच्या चौकशीचा अहवाल लवकरात लवकर सादर व्हावा, अशी विनंती केंद्रीय गृहमंत्री अमित शाह यांच्याकडे केली.
अजितदादा यांच्यासारखा दुसरा नेता पुन्हा होणे नाही आणि त्यांच्यासारखा विश्वासू सहकारी मिळणेही अत्यंत कठीण आहे, त्यांची जागा कोणीही घेऊ शकणार नाही, मात्र त्यांच्या विचारांतून, अनुभवांतून आणि कार्यातून प्रेरणा घेऊन निश्चितच चांगले कार्य करू शकतो. दादांचे विकासाचे अपूर्ण राहिलेले कार्य पूर्ण करण्याचा आपण सर्वांनी मिळून संकल्प करूया. तसेच एकजुटीने, समर्पणाने त्यांच्या स्वप्नातील महाराष्ट्र घडवूया, हीच स्व. अजितदादा पवार यांना खरी आदरांजली ठरेल.

यावेळी उपमुख्यमंत्री एकनाथ शिंदेजी, उपमुख्यमंत्री सुनेत्राताई पवार, केंद्रीय राज्यमंत्री मुरलीधर मोहोळ, विधानसभा उपाध्यक्ष अण्णा बनसोडेजी, भाजपा महाराष्ट्र प्रदेशाध्यक्ष आमदार रविंद्र चव्हाण, मंत्री चंद्रकांतदादा पाटील, मंत्री जयकुमार गोरे, मंत्री दत्तात्रय भरणे, राज्यमंत्री माधुरीताई मिसाळ, राज्यमंत्री योगेश कदम, खासदार पार्थ पवार, आमदार दिलीप वळसे पाटीलजी, पुण्याच्या महापौर मंजुषाताई नागपुरे व इतर मान्यवर उपस्थित होते.

#Maharashtra #Pune #AjitPawar

https://x.com/Dev_Fadnavis/status/2122358140566208962?a=zPRACkfrab4PoN15vzY&s=20
CM Shri Devendra Fadnavis Tweets:

A Digital Gateway to the Glorious History of the Marathas!

Attended the launch of the historical documents digitisation project and the inauguration of an exhibition of rare historical documents and artefacts, organised by the Bharat Itihas Sanshodhak Mandal, Pune, with the support of the Murkumbi Itihas Upakram, at the hands of Union Home and Cooperation Minister Amitbhai Shah. For 116 years, Bharat Itihas Sanshodhak Mandal has made significant contributions to historical research. This initiative aims to make its rich collection accessible to the world.

Key Highlights of the Project:

✅ Digital Archive: Rare historical documents and artefacts available at http://bismarchives.in.

✅ Vast Collection: Approximately 3 lakh historical documents preserved by the Mandal.

✅ Around 6.5 lakh images will be made available in phases.

✅ First Phase: Around 10,000 historical documents now available online.

✅ Global Access: Making valuable historical resources accessible to scholars, researchers and history enthusiasts worldwide.

A significant step towards preserving our historical legacy and taking the glorious history of the Marathas to the world!

DCM Eknath Shinde ji, DCM Sunetratai Pawar, Union MoS Murlidhar Mohol, and other dignitaries were present.

#Maharashtra #Pune

https://x.com/Dev_Fadnavis/status/2122359608593551740?a=sRTfMPPQeLrVqCOPRR4&s=20
CMO Maharashtra Tweets:

आजच्या दिवसाचा सारांश | सोमवार, 16 नोव्हेंबर 2026

दिवंगत अजित पवार ग्रामीण विकास व सहकार क्षेत्रातील ज्ञानकोष आणि नव्या नेतृत्वासाठी विद्यापीठ – केंद्रीय गृह व सहकार मंत्री अमित शाह

अजितदादांची शिस्त, निर्णयक्षमता आणि कामाचा ठसा प्रेरणादायी – मुख्यमंत्री देवेंद्र फडणवीस
https://mahasamvad.in/221953/

भारत इतिहास संशोधक मंडळाच्या ऐतिहासिक दस्तऐवजांच्या डिजिटायझेशन प्रकल्पाचे केंद्रीय गृह व सहकार मंत्री अमित शाह यांच्या हस्ते लोकार्पण
https://mahasamvad.in/221961/

केंद्रीय गृह व सहकार मंत्री अमित शाह यांची भारतीय जैन संघटनेच्या मुख्यालयास भेट
https://mahasamvad.in/221915/

#Maharashtra #DevendraFadnavis