Devendra Fadnavis
✔
4.11K subscribers
102K photos
19.4K videos
4.3K files
10.7K links
श्री देवेंद्र फडणवीस यांच्या कार्यालयातून
Download Telegram
CMO Maharashtra Tweets:

मुख्यमंत्री देवेंद्र फडणवीस यांनी आज 'मुंबई कोस्टल रोड प्रकल्प उत्तर'च्या अमरनाथ टॉवर, वर्सोवा (पॅकेज-A) येथील प्रकल्पाच्या आराखड्याची पाहणी केली तसेच सुरू असलेल्या कामांचा आढावा घेतला.

या परिसरात प्रकल्पाचा पहिला महत्त्वपूर्ण इंटरचेंज उभारण्यात येणार असून, तो मढ बेटाकडे जाणाऱ्या वाहतुकीसाठी अत्यंत महत्त्वाचा ठरेल. या इंटरचेंजमुळे लोखंडवाला आणि अंधेरी पश्चिम परिसरातील नागरिकांना अधिक सुलभ व जलद कनेक्टिव्हिटी उपलब्ध होईल. तसेच, परिसरातील विद्यमान रस्त्यांना या इंटरचेंजशी प्रभावीपणे जोडण्यात येणार असून, लहान पूल आणि रस्त्यांचे एकत्रीकरण करून वाहतूक व्यवस्था अधिक सक्षम व सुसूत्र करण्यात येणार आहे.

याप्रसंगी मुख्यमंत्री फडणवीस यांनी कामांना प्राधान्य देत उच्च दर्जाचे काम करावे तसेच प्रकल्प लवकरात लवकर पूर्ण करावा, असे निर्देश दिले.

यावेळी मंत्री ॲड. आशिष शेलार, आमदार अमीत साटम, मुंबईच्या महापौर रितू तावडे, उपमहापौर संजय घाडी व वरिष्ठ अधिकारी उपस्थित होते.

#Maharashtra #DevendraFadnavis #CoastalRoad
CMO Maharashtra Tweets:

मुख्यमंत्री देवेंद्र फडणवीस यांनी आज 'मुंबई कोस्टल रोड प्रकल्प उत्तर'च्या लोखंडवाला रोटरी मिल्लतनगर नर्सरी (पॅकेज-A) येथील कामाची पाहणी करून आढावा घेतला.

मढ इंटरचेंजनंतर लोखंडवाला येथे प्रकल्पाचा दुसरा मोठा इंटरचेंज उभारण्यात येणार आहे. या परिसरात सध्या 4 प्रमुख रस्ते एकत्र येत असून, प्रस्तावित नॅशनल लॉ इन्स्टिट्यूटला कोस्टल रोडवरून थेट प्रवेश आणि निर्गमन सुविधा उपलब्ध करून देण्यात येणार आहे. तसेच, भगतसिंग नगर पुलाच्या कामाचेदेखील या इंटरचेंजमध्ये एकत्रीकरण करण्यात आले आहे. येथे ग्राउंड लेव्हल, फर्स्ट लेव्हल आणि सेकंड लेव्हल (कोस्टल रोड लेव्हल) अशा 3 स्तरांची वाहतूक व्यवस्था विकसित करण्यात येणार असून, तिची रचना वरळी येथील प्रसिद्ध इंटरचेंजच्या धर्तीवर आधुनिक पद्धतीने करण्यात येईल. संपूर्ण परिसर सिग्नलमुक्त करण्याचा प्रयत्न असून, भविष्यात मोतीलाल नगर, वाघुरानगर आणि आसपासच्या पुनर्विकास क्षेत्रांमधून येणाऱ्या वाहतुकीचा ताण लिंक रोडवर कमी होण्यास मोठी मदत होणार आहे.

यावेळी मंत्री ॲड. आशिष शेलार, आमदार अमीत साटम, मुंबईच्या महापौर रितू तावडे, उपमहापौर संजय घाडी व वरिष्ठ अधिकारी उपस्थित होते.

#Maharashtra #DevendraFadnavis #NorthCoastalRoad
CMO Maharashtra Tweet

मुख्यमंत्री देवेंद्र फडणवीस यांनी आज 'मुंबई कोस्टल रोड प्रकल्प उत्तर'च्या माइंड स्पेस इंटरचेंज, मालाड (पॅकेज-B) येथील कामाची पाहणी केली. यावेळी मंत्री ॲड. आशिष शेलार, आमदार अमीत साटम, मुंबईच्या महापौर रितू तावडे, उपमहापौर संजय घाडी व वरिष्ठ अधिकारी उपस्थित होते.

प्रकल्पाची वैशिष्ट्ये:
✅माइंडस्पेस परिसरात प्रकल्पातील सर्वात मोठ्या इंटरचेंजपैकी एक विकसित करण्यात येत असून, येथे एकूण 9 रॅम्प्सची व्यवस्था असणार
✅या इंटरचेंजद्वारे विविध दिशांतील वाहतुकीचे प्रभावी वितरण होणार
✅पूर्व उपनगरांकडे जाणाऱ्या वाहनांसाठी गोरेगाव-मुलुंड लिंक रोड (GMLR) कनेक्टरशी थेट जोडणी उपलब्ध होणार
✅कोस्टल रोडवरून GMLR बोगद्यापर्यंत थेट संपर्क साधला जाणार
✅यामुळे जनरल अरुण कुमार वैद्य मार्ग, स्टेशन रोड आणि सावरकर पूल परिसरातील वाहतुकीचा ताण मोठ्या प्रमाणात कमी होणार
✅सुमारे 4.5 किलोमीटर लांबीच्या या जोडमार्गामुळे माइंडस्पेस परिसरातील कार्यालये, आयटी पार्क, कॉल सेंटर्स आणि अन्य व्यावसायिक इमारतींना मोठा फायदा होणार
✅येथेही सिग्नलमुक्त जंक्शन विकसित करणार

#Maharashtra #DevendraFadnavis #NorthCoastalRoad
CMO Maharashtra Tweets:

मुख्यमंत्री देवेंद्र फडणवीस यांनी आज 'मुंबई कोस्टल रोड प्रकल्प उत्तर'च्या मरिना एन्क्लेव्ह, चारकोप (पॅकेज-C&D) येथील कामाची पाहणी केली. पॅकेज-C&D मध्ये मालाड ते चारकोप आणि परतीच्या दिशेने जुळ्या बोगद्यांचा (Twin Tunnel) समावेश आहे. याप्रसंगी मुख्यमंत्री फडणवीस यांनी दर्जेदार व गुणात्मक काम करण्याचे निर्देश दिले.

प्रकल्पाची मुख्य वैशिष्ट्ये : -
✅ माइंडस्पेस इंटरचेंजनंतर सुमारे 500 मीटर अंतरावर भूमिगत बोगद्याची सुरुवात होणार आहे
✅ हा बोगदा माइंडस्पेस परिसराखालून आणि खाडीखालून जाणार आहे
✅ बोगदा चारकोप परिसरात बाहेर येणार आहे

#Maharashtra #DevendraFadnavis #NorthCoastalRoad