Devendra Fadnavis
✔
4.11K subscribers
102K photos
19.3K videos
4.3K files
10.7K links
श्री देवेंद्र फडणवीस यांच्या कार्यालयातून
Download Telegram
CMO Maharashtra Tweets:

🔸Bihar Minister Mohd. Zama Khan called on CM Devendra Fadnavis at Mantralaya in Mumbai today.

🔸मुख्यमंत्री देवेंद्र फडणवीस यांची आज मंत्रालय, मुंबई येथे बिहारचे मंत्री मो. जमा खान यांनी सदिच्छा भेट घेतली.

🔸मुख्यमंत्री देवेंद्र फडणवीस इनसे आज मंत्रालय, मुंबई में बिहार के मंत्री मो. ज़मा खान इन्होंने सदिच्छा भेंट की।

🕒3.00pm | 28-7-2026📍Mumbai | दु. ३.०० वा | २८-७-२०२६📍मुंबई.

#Maharashtra #Bihar
CMO Maharashtra Tweets:

मुख्यमंत्री देवेंद्र फडणवीस यांच्या हस्ते आज मंत्रालय, मुंबई येथे 'मुख्यमंत्री मत्स्यसंपदा योजने'तून मच्छिमारांना प्रातिनिधिक स्वरूपात सॅटेलाईट फोनचे वितरण करण्यात आले.

मच्छिमारांना समुद्रात आपत्कालीन परिस्थितीत तातडीने मदत मिळावी, हवामान आणि सुरक्षा सूचना वेळेवर प्राप्त व्हाव्यात, यासाठी सॅटेलाईट फोन सुविधा उपलब्ध करून देण्यात आली आहे. या सॅटेलाईट फोनमुळे मोबाईल नेटवर्क नसलेल्या भागातही संपर्क साधणे शक्य होणार असून खराब हवामान, यांत्रिक बिघाड, वैद्यकीय आपत्कालीन परिस्थिती किंवा इतर संकटांच्या वेळी तात्काळ मदत मागवणे सुलभ होणार आहे. मच्छिमारांच्या सुरक्षिततेसाठी राज्य सरकारने हा पुढाकार घेतला आहे. यावेळी बीएसएनएलच्या अधिकाऱ्यांनी ग्लोबल सॅटेलाईट फोन सर्व्हिस (GSPS) चे सादरीकरण करून समुद्रातील दुर्गम भागातही सातत्यपूर्ण संपर्क कसा करता येईल, याची माहिती दिली.

यावेळी मंत्री नितेश राणे व इतर मान्यवर उपस्थित होते.

#Maharashtra #DevendraFadnavis #SatellitePhone #Fishermen
लक्ष्मणराव जोशी यांच्या निधनाने व्रतस्थ संपादकाला मुकलो!

मुख्यमंत्री देवेंद्र फडणवीस यांची शोकसंवेदना

मुंबई, दि. 28 जुलै
नागपूर ‘तरुण भारत’चे माजी मुख्य संपादक ल. त्र्यं. उपाख्य लक्ष्मणराव जोशी यांच्या निधनाने पत्रकारितेतील एक मोठे चिंतनशील, व्रतस्थ व्यक्तिमत्त्व, विविध विषयांचे गाढे अभ्यासक आपल्यातून हरपले आहेत, अशी शोकसंवेदना मुख्यमंत्री देवेंद्र फडणवीस यांनी व्यक्त केली आहे.

राजकारण, सिंचन अनुशेष हे त्यांच्या आवडीचे विषय होते. पत्रकार म्हणून एखादा प्रकल्प दत्तक घेत त्यावर सातत्याने लिखाण करण्याची परंपरा त्यांनी सुरु केली. गोसिखुर्द प्रकल्पावर त्यांनी विपुल लेखन त्याच परंपरेत केले होते. तरुण भारतात त्यांची प्रदीर्घ कारकिर्द झाली आणि तेथूनच ते निवृत्त झाले. पण, त्यानंतरही गोवा आणि इतर ठिकाणी विविध वृत्तपत्रात त्यांनी संपादक म्हणून आपली कारकिर्द गाजवली. त्यानंतरही समाजमाध्यमांवर सातत्याने त्यांनी आपली लेखणी जिवंत ठेवली. संपादकपदावर असतानाही हाडाचा पत्रकार कशाला म्हणतात, त्याचे ते मूर्तिमंत होते. माझ्या वडिलांच्या काळापासून त्यांचा परिचय होता. त्यामुळे सातत्याने त्यांचे मार्गदर्शन असायचे. एक अभ्यासू आणि पितृतुल्य व्यक्तिमत्त्व त्यांच्या निधनाने मी गमावले आहे. त्यांना भावपूर्ण श्रद्धांजली अर्पण करतो. त्यांच्या कुटुंबीयांच्या दु:खात मी सहभागी आहे, असेही मुख्यमंत्री देवेंद्र फडणवीस यांनी म्हटले आहे.
CMO Maharashtra Tweets:

29 ते 31 जुलैदरम्यान राज्यातील विविध भागांत मध्यम ते मुसळधार पावसाचा अंदाज

बंगालच्या उपसागराकडून येणाऱ्या एका कमी दाबाच्या पट्ट्याच्या प्रभावामुळे राज्यातील विविध भागांत 29 ते 31 जुलैदरम्यान पावसाचा जोर वाढण्याचा अंदाज आहे. या कालावधीत विदर्भ, उत्तर मराठवाडा, खानदेश, कोकण तसेच मध्य महाराष्ट्रातील घाट परिसरात मध्यम ते मुसळधार पावसाची शक्यता आहे. या कालावधीत विदर्भ, उत्तर मराठवाडा आणि खानदेशमध्ये वाऱ्याचा वेग वाढण्याची शक्यता आहे. तुलनेत मराठवाडा आणि मध्य महाराष्ट्राच्या दक्षिण भागात कमी पावसाची शक्यता आहे.

या काळात अतिवृष्टीसदृश पावसाच्या घटना घडण्याची शक्यता असल्याने सखल भागांत पाणी साचणे, नदी-नाल्यांना पूर येणे, काही प्रमाणात संरचनात्मक नुकसान होणे, वाहतुकीवर परिणाम होणे, तसेच काही ठिकाणी जनजीवन विस्कळीत होण्याची शक्यता नाकारता येत नाही. मध्य महाराष्ट्रातील घाट परिसरात काही ठिकाणी दरड कोसळण्याची शक्यता देखील नाकारता येत नाही.

सध्याच्या हवामान अंदाजानुसार, 29 जुलै रोजी कमी दाबाच्या पट्ट्याचा प्रभाव प्रामुख्याने विदर्भात, विशेषतः पूर्व विदर्भात जाणवण्याची शक्यता आहे. 30 जुलै रोजी त्याचा प्रभाव पश्चिम विदर्भ, खानदेश, उत्तर मराठवाडा, मध्य महाराष्ट्रातील घाट परिसर आणि कोकणात अधिक जाणवू शकतो. 31 जुलै रोजी खानदेशातील काही भाग तसेच मध्य महाराष्ट्रातील घाट परिसरात पावसाचा प्रभाव राहण्याची शक्यता आहे.

मुंबई आणि मुंबई महानगर प्रदेशात 30 आणि 31 जुलैदरम्यान पावसाचा जोर वाढण्याची शक्यता आहे. विशेषतः रायगड, ठाणे आणि पालघर जिल्ह्यांमध्ये 30 जुलै रोजी पावसाची तीव्रता अधिक राहण्याची शक्यता आहे.

विदर्भ, उत्तर मराठवाडा, खानदेश आणि मध्य महाराष्ट्रातील घाट परिसरातील नागरिकांनी या कालावधीत सतर्क राहावे. विशेषतः सखल भाग, नदी-नाल्यांचा परिसर तसेच घाट रस्त्यांवरून प्रवास करताना अधिक काळजी घेणे आवश्यक आहे. आपत्कालीन परिस्थितीत नागरिकांनी स्थानिक प्रशासनाशी संपर्क साधावा. राज्याच्या आपत्ती व्यवस्थापन विभागाकडून नागरिकांना आवश्यक ती खबरदारी घेण्याचे आवाहन करण्यात येत आहे.

#Maharashtra #DevendraFadnavis #WeatherUpdate
CMO Maharashtra Tweets:

मंत्रिमंडळ निर्णय : ग्राम विकास व पंचायती राज

#Maharashtra #DevendraFadnavis #मंत्रिमंडळनिर्णय #CabinetDecision
CMO Maharashtra Tweets:

मुख्यमंत्री देवेंद्र फडणवीस यांना आज मुंबई येथे बृहन्मुंबई महानगरपालिकेच्या वांद्रे येथील भारतनगर व्होकेशनल स्कूल क्रमांक 1 मधील विद्यार्थी कुमार वाहिद शेख आणि विशेष शिक्षक (लाकूडकाम) मुकेश देशमाने यांनी स्वतःच्या हस्ते लाकडापासून तयार केलेली नेमप्लेट भेट दिली. या सुंदर कलाकृतीसाठी मुख्यमंत्री फडणवीस यांनी त्यांचे कौतुक करत आभार मानले आणि त्यांच्या उज्ज्वल भविष्यासाठी शुभेच्छा दिल्या.
याप्रसंगी मुंबईच्या महापौर रितू तावडे उपस्थित होत्या.

#Maharashtra #DevendraFadnavis #Mumbai
CMO Maharashtra Tweets:

मंत्रिमंडळ निर्णय : विधि व न्याय विभाग

#Maharashtra #DevendraFadnavis #मंत्रिमंडळनिर्णय #CabinetDecision
CMO Maharashtra Tweets:

मंत्रिमंडळ निर्णय : विधि व न्याय विभाग

#Maharashtra #DevendraFadnavis #मंत्रिमंडळनिर्णय #CabinetDecision
CMO Maharashtra Tweets:

मंत्रिमंडळ निर्णय : विधि व न्याय विभाग

#Maharashtra #DevendraFadnavis #मंत्रिमंडळनिर्णय #CabinetDecision