Devendra Fadnavis
✔
4.08K subscribers
102K photos
19.3K videos
4.3K files
10.7K links
श्री देवेंद्र फडणवीस यांच्या कार्यालयातून
Download Telegram
भरती परिक्षा पद्धती सुधारणांसाठी राज्यात उच्चस्तरीय समिती

- महसूल स्तरावर होणार विद्यार्थी संवाद
- पेपरफूट, परीक्षा गैरप्रकार संदर्भात केंद्राचा कायदा राज्यात लागू करणार
- 25 हजार सुरक्षित क्लासरूम उभारणार
- विशेष आयोजित बैठकीत मुख्यमंत्री देवेंद्र फडणवीस यांचे निर्देश

मुंबई, 12 ऑगस्ट
महाराष्ट्रात विविध सेवाभरतींसाठी होणार्‍या परीक्षा पद्धतीत सर्वसमावेशक, अधिक सुरक्षित आणि सर्वसंमतीने सुधारणांसाठी एक उच्चस्तरीय समिती गठीत करण्याचा निर्णय मुख्यमंत्री देवेंद्र फडणवीस यांनी आज घेतला. या समितीने राज्यात प्रत्येक विभागात जाऊन विद्यार्थ्यांशी संवाद साधत सर्वंकष सुधारणांबाबत अहवाल सादर करायचा आहे. या बैठकीला उपमुख्यमंत्री एकनाथ शिंदे हे सुद्धा उपस्थित होते, त्यांनीही अनेक उपयुक्त सूचना या बैठकीत केल्या.

वर्षा निवासस्थानी आज विशेषत्वाने आयोजित बैठकीत मुख्यमंत्री देवेंद्र फडणवीस यांनी हे निर्देश दिले. ही उच्चस्तरीय समिती सामान्य प्रशासन विभागाच्या अतिरिक्त मुख्य सचिव श्रीमती व्ही. राधा यांच्या अध्यक्षतेत राहणार असून राज्याचे पोलिस महासंचालक सदानंद दाते, माहिती-तंत्रज्ञान विभागाचे सचिव वीरेंद्र सिंग, पशुसंवर्धन विभागाचे सचिव डॉ. एन. रामास्वामी आणि नाशिक विभागीय आयुक्त प्रवीण गेडाम यांचा त्यात समावेश असेल. या समितीने प्रत्येक महसुली विभागात जाऊन विद्यार्थी, शिक्षण संस्थाचालक आणि संबंधित घटकांशी चर्चा करून त्यांची मते जाणून घ्यायची आहेत. त्याआधारावर राज्यासाठीचे समग्र धोरण ठरेल.

अलिकडेच केंद्र सरकारने पेपरफूट आणि परीक्षा गैरव्यवहारासंदर्भात संसदेत एक कायदा केला आहे. महाराष्ट्राचाही स्वतंत्र कायदा आहेच. तथापि संसदेने केलेला कायदा अधिक कठोर असल्याने तो महाराष्ट्रातही लागू करण्यासंदर्भात येणार्‍या पंधरवड्यात प्रक्रिया पूर्ण करण्यात यावी, असेही निर्देश मुख्यमंत्री देवेंद्र फडणवीस यांनी यावेळी दिले.

राज्यात किमान 25 हजार सुरक्षित क्लासरुम उभारण्यात याव्यात, असेही निर्देश मुख्यमंत्री देवेंद्र फडणवीस यांनी या बैठकीत दिले. या विविध परीक्षांमध्ये जिल्हाधिकारी, पोलिस आयुक्त, पोलिस अधीक्षक, शिक्षण विभागाचे वरिष्ठ अधिकारी यांचीही समन्वय भूमिका, इतर विविध देशांमधील परीक्षा पद्धती, विद्यमान प्रक्रिया आणि त्यातील विविध संभाव्य सुधारणा अशा अनेक विषयांवर यावेळी सांगोपांग चर्चा झाली. राज्याचे मुख्य सचिव राजेश अग्रवाल आणि इतर वरिष्ठ अधिकारी या बैठकीला उपस्थित होते.
मुख्यमंत्री श्री देवेंद्र फडणवीस:

घाटकोपर येथील साकीनाका गौसिया चाळ परिसरात दरड कोसळून झालेल्या दुर्घटनेचे वृत्त अत्यंत दुःखद आहे. या दुर्घटनेत काही जणांचा मृत्यू झाल्याचे समोर आले असून त्यांच्या कुटुंबियांच्या दुःखात आम्ही सहभागी आहोत.

रात्रभर झालेल्या मुसळधार पावसामुळे डोंगराचा काही भाग खचून घरांवर दरड कोसळली आणि काहीजण ढिगाऱ्याखाली अडकले. या घटनेची माहिती मिळताच बचाव पथकांनी त्वरित घटनास्थळी पोहोचून बचावकार्य सुरू केले. जखमींना तात्काळ रुग्णालयात दाखल करण्यात आले असून, त्यांच्यावर आवश्यक ते उपचार करण्याचे निर्देश दिले आहेत.

या दुर्घटनेत मृत्युमुखी पडलेल्या नागरिकांना मी भावपूर्ण श्रद्धांजली अर्पण करतो.
CMO Maharashtra Tweets:

भरती परीक्षा पद्धतीतील सुधारणांसाठी राज्यात उच्चस्तरीय समिती

मुख्यमंत्री देवेंद्र फडणवीस यांच्या अध्यक्षतेखाली आज वर्षा निवासस्थान, मुंबई येथे महाराष्ट्रातील विविध सेवाभरतींसाठी होणाऱ्या परीक्षांच्या पद्धतीमध्ये सुधारणा करण्यासंदर्भात बैठक पार पडली.

महाराष्ट्रात विविध सेवाभरतींसाठी होणाऱ्या परीक्षापद्धतीत सर्वसमावेशक, अधिक सुरक्षित, आणि सर्वसंमत सुधारणा करण्यासाठी उच्चस्तरीय समिती गठीत करण्याचा निर्णय मुख्यमंत्री श्री. फडणवीस यांनी यावेळी घेतला. ही समिती प्रत्येक महसुली विभागात जाऊन विद्यार्थी, शिक्षण संस्थाचालक आणि संबंधित घटकांशी चर्चा करून त्यांची मते जाणून घेईल. त्याआधारे राज्यासाठीचे समग्र धोरण निश्चित केले जाईल.

केंद्र सरकारने पेपरफुटीसंदर्भात आणि परीक्षा गैरव्यवहारासंदर्भात संसदेत कायदा केला आहे. महाराष्ट्रातही यासंदर्भात स्वतंत्र कायदा आहे. तथापि, संसदेने केलेला कायदा अधिक कठोर असल्याने तो महाराष्ट्रातही लागू करण्यासंदर्भातील प्रक्रिया येत्या पंधरवड्यात पूर्ण करावी, असे निर्देश त्यांनी दिले. तसेच, राज्यात किमान 25,000 सुरक्षित क्लासरूम उभारण्यात याव्यात, असेही निर्देश मुख्यमंत्री यांनी यावेळी दिले.

या बैठकीला उपमुख्यमंत्री एकनाथ शिंदे तसेच इतर वरिष्ठ अधिकारी उपस्थित होते.

#Maharashtra #DevendraFadnavis #CompetitiveExams
Devendra Fadnavis
CMO Maharashtra Tweets: 🔸CM Devendra Fadnavis chairs a meeting regarding the cash award scheme for international and national medal winners under the Directorate of Sports and Youth Services. DCM Eknath Shinde, DCM Sunetra Ajit Pawar and senior officials…
CMO Maharashtra Tweets:

युवा शक्तीला नवी दिशा, विकसित भारतासाठी पुणे येथे ‘युथ कॉन्क्लेव्ह 2026’

मुख्यमंत्री देवेंद्र फडणवीस यांच्या अध्यक्षतेखाली आज वर्षा निवासस्थान, मुंबई येथे क्रीडा व युवक सेवा संचालनालय अंतर्गत आंतरराष्ट्रीय व राष्ट्रीय पदक विजेत्यांसाठी रोख पारितोषिक योजनेबाबत बैठक पार पडली.

महाराष्ट्रातील तसेच देशभरातील युवकांना क्रीडा, नवोन्मेष, तंत्रज्ञान, उद्योजकता आणि सांस्कृतिक क्षेत्रातील संधी उपलब्ध करून देण्यासाठी पुण्यात 'विकसित भारत युथ कॉन्क्लेव्ह-2026' हा तीन दिवसीय भव्य युवा महोत्सव आयोजित करण्यात येत आहे. देशभरातील युवकांना एकत्र आणणारा हा दुवा ठरेल, असे प्रतिपादन मुख्यमंत्री फडणवीस यांनी केले.

3 दिवसांच्या महोत्सवात सुमारे 1000 प्रतिनिधींचा सहभाग

पुण्यातील बालेवाडी स्पोर्टस कॉम्प्लेक्स येथे आयोजित करण्यात येणाऱ्या या राष्ट्रीय स्तरावरील युवा संमेलनात देशातील सर्व राज्ये व केंद्रशासित प्रदेशांमधून युवकांचा सहभाग राहणार आहे. प्रत्येक राज्य व केंद्रशासित प्रदेशातून सुमारे 30 ते 35 प्रतिनिधी सहभागी होण्याचे नियोजन असून एकूण सुमारे 1000 प्रतिनिधी सहभागी होतील. यामध्ये महाराष्ट्राचे 300 प्रतिनिधी, तर इतर राज्ये व केंद्रशासित प्रदेशांमधून 700 प्रतिनिधी सहभागी होतील. 3 दिवसांच्या या महोत्सवाला राज्यभरातील 1 लाखांहून अधिक युवकांचा प्रतिसाद मिळण्यासाठी योग्य नियोजन करण्याचे निर्देश मुख्यमंत्री फडणवीस यांनी दिले.

मुख्यमंत्री फडणवीस म्हणाले, विकसित भारत युथ कॉन्क्लेव्ह-2026 हा भारताच्या युवा शक्तीला क्रीडा, नवोन्मेष आणि संस्कृतीच्या माध्यमातून एकत्र आणणारा राष्ट्रीय स्तरावरील उपक्रम म्हणून प्रस्तावित आहे. यातून युवकांमध्ये नेतृत्वगुण विकसित करणे, नवोन्मेष व उद्योजकतेला चालना देणे, देशाची सांस्कृतिक विविधता साजरी करणे, आरोग्यपूर्ण जीवनशैलीला प्रोत्साहन देणे आणि राष्ट्रीय एकात्मता दृढ करणे, ही या उपक्रमाची प्रमुख उद्दिष्टे आहेत.

या युवा संमेलनाची संकल्पना वॉरिअर, फ्युचर आणि कल्चरल असा 3 अनुभव क्षेत्रांमध्ये करण्यात यावी, या तिन्ही क्षेत्रांमधून युवकांना क्रीडा, तंत्रज्ञान, नवोन्मेष, उद्योजकता, संस्कृती आणि आरोग्यपूर्ण जीवनशैलीचा प्रत्यक्ष अनुभव मिळावा, असे मुख्यमंत्री फडणवीस म्हणाले. वॉरिअर झोनमध्ये युवकांमध्ये सामर्थ्य, शिस्त आणि धैर्य विकसित करण्यावर भर देण्यात यावा. स्वसंरक्षण कार्यशाळा, क्रीडा विज्ञान, पोषण, क्रीडा मानसशास्त्र यांसह विविध क्रीडा उपक्रम आयोजित करावेत. आर्मी ऑब्स्टॅकल कोर्स, वॉल क्लायम्बिंग, रिॲक्शन टाइम अरेना आणि फिटनेस असे अनुभवाधारित उपक्रमही यात असावेत, असेही मुख्यमंत्री फडणवीस यांनी नमूद केले.

पुणे हे तंत्रज्ञान आणि नवोन्मेषाचे महत्त्वाचे केंद्र असल्याने 'फ्युचर झोन'मध्ये युवकांच्या तंत्रज्ञानविषयक क्षमतांना प्रोत्साहन द्यावे. 'कल्चरल झोन'मध्ये सर्जनशीलता, आरोग्यपूर्ण जीवनशैली आणि महाराष्ट्राच्या सांस्कृतिक वारशाचा सुंदर समन्वय साधला जावा. महाराष्ट्रातील लोककला, लोकसंगीत, लोकनृत्य, चित्रकला, छायाचित्रण आदी कलाप्रकारांसाठी स्पर्धा आणि उपक्रम आयोजित करावेत. त्याचबरोबर, योग, ध्यान, मानसिक आरोग्य, श्वसनाचे व्यायाम यांसारख्या उपक्रमांसोबतच स्थानिक हस्तकला, वारली व पैठणी कला, महाराष्ट्रीय पारंपरिक खाद्यसंस्कृती आणि शाश्वत जीवनशैली यांचीही माहिती युवकांना करून देण्यात यावी. या महोत्सवासाठी पूर्णपणे डिजिटल नोंदणी विकसित करण्याचे निर्देश मुख्यमंत्री फडणवीस यांनी दिले.

ऑनलाइन नोंदणी, राज्यनिहाय नामनिर्देशन, कागदपत्र पडताळणी, क्युआर कोड आधारित डिजिटल ओळखपत्र, मोबाईल कार्यक्रम मार्गदर्शक आणि थेट सूचना अशी डिजिटल सुविधा उपलब्ध करून देण्यात यावी. त्यामुळे सहभागी युवकांची नोंदणी, प्रवेश आणि विविध उपक्रमांतील सहभाग याचे प्रभावी व्यवस्थापन करता येईल, असे मुख्यमंत्री फडणवीस यांनी नमूद केले.

क्रीडा क्षेत्रात खासगी सहभाग वाढविण्यावर भर

'खेलो इंडिया'अंतर्गत केंद्र शासनाकडून मोठ्या प्रमाणावर निधी उपलब्ध होणार असल्याने महाराष्ट्राने केंद्राच्या योजनांमध्ये प्रभावी सहभाग घेण्याबरोबरच क्रीडा क्षेत्रात खासगी क्षेत्राची गुंतवणूक आणि सार्वजनिक-खासगी भागीदारीवर भर देण्याचे निर्देश मुख्यमंत्री फडणवीस यांनी दिले. तसेच पायाभूत क्रीडा सुविधा विकसित करण्यासाठी कॉर्पोरेट क्षेत्रातील क्रीडा फाउंडेशनशी समन्वय साधण्याच्या सूचना दिल्या. आगामी दशकात महाराष्ट्राला क्रीडा क्षेत्रात आघाडीवर नेण्यासाठी शासकीय प्रयत्नांसोबतच खासगी क्षेत्राची भागीदारी आवश्यक असल्याचे मुख्यमंत्री फडणवीस यांनी नमूद केले.

यावेळी उपमुख्यमंत्री एकनाथ शिंदे, उपमुख्यमंत्री सुनेत्रा अजित पवार व वरिष्ठ अधिकारी उपस्थित होते.

#Maharashtra #DevendraFadnavis #SportsDepartment
CM Shri Devendra Fadnavis Tweets:

Empowering Youth Through Youth Conclave

Chaired a meeting regarding the cash award scheme for international and national medal winners under the Directorate of Sports and Youth Services.

Pune is all set to host the 3-day ‘Viksit Bharat Youth Conclave-2026’, bringing together young people from across the country and providing opportunities in sports, innovation, technology, entrepreneurship and culture.

The conclave will feature three experiential zones, Warrior, Future and Cultural, showcasing sports, fitness and self-defence, technology, innovation and entrepreneurship, and India’s rich cultural heritage through folk arts, Warli and Paithani art, yoga, wellness and sustainable living.

The experience will be further strengthened through digital registration, QR-based identity cards, a mobile event guide and live notifications, enabling effective management of participation. Alongside these initiatives, greater private sector participation and Public-Private partnerships in sports, supported by Central Government funding through Khelo India, will help strengthen sports infrastructure in Maharashtra.

DCM Eknath Shinde ji, DCM Sunetratai Pawar and senior officials were present.

#Maharashtra #Mumbai #Sports

https://x.com/Dev_Fadnavis/status/2087538401667068330?s=20
CMO Maharashtra Tweets:

आजच्या दिवसाचा सारांश | बुधवार, 12 ऑगस्ट 2026

'विकसित भारत युथ कॉन्क्लेव्ह-2026' युवकांना एकत्र आणणारा दुवा ठरेल – मुख्यमंत्री देवेंद्र फडणवीस
वर्षा निवासस्थानी क्रीडा व युवक सेवा संचालनालयाची बैठक
https://mahasamvad.in/210512/

भरती परीक्षा पद्धती सुधारणांसाठी राज्यात उच्चस्तरीय समिती – मुख्यमंत्री देवेंद्र फडणवीस
पपेरफुटी, परीक्षा गैरप्रकार रोखण्यासंदर्भात केंद्राचा कायदा राज्यात लागू करणार
https://mahasamvad.in/210546/

#Maharashtra #DevendraFadnavis
CM Shri Devendra Fadnavis Tweets:

Humble tributes to an exemplary ruler whose vision, compassion, and commitment to public welfare remain a timeless inspiration, Punyashlok Rajmata Devi Ahilyabai Holkar, on her SmrutiDin…

संपूर्ण जगाला नारी शक्तीचा परिचय करून देणाऱ्या, धर्मपरायण, कुशल प्रशासक, पराक्रमी वीरांगना, पुण्यश्लोक राजमाता अहिल्यादेवी होळकर यांना स्मृतिदिनी त्रिवार वंदन...

#पुण्यश्लोक_अहिल्याबाई_होळकर #अहिल्याबाई_होळकर #AhilyabaiHolkar #RajmataAhilyabaiHolkar #Maharashtra
CM Shri Devendra Fadnavis Tweets:

Honouring a visionary queen whose people-centric governance, unwavering faith, and dedication to public welfare continue to inspire generations, Punyashlok Rajmata Devi Ahilyabai Holkar, on her SmrutiDin…

महिला सक्षमीकरणाच्या प्रणेत्या, कुशल प्रशासक, प्रजावत्सल, धर्मनिष्ठ, धाडसी वीरांगना, पुण्यश्लोक राजमाता अहिल्यादेवी होळकर यांना स्मृतिदिनी त्रिवार वंदन...

#पुण्यश्लोक_अहिल्याबाई_होळकर #अहिल्याबाई_होळकर #AhilyabaiHolkar #RajmataAhilyabaiHolkar #Maharashtra
CM Shri Devendra Fadnavis Tweets:

Honouring founder-editor of 'Maratha', Acharya Pralhad Keshav Atre, the multifaceted genius and influential voice in Maharashtra’s cultural and political awakening, on his Birth Anniversary!

'मराठा' वृत्तपत्राचे संस्थापक संपादक, प्रतिभासंपन्न मराठी साहित्यिक, चित्रपट निर्माते, दिग्दर्शक, नाटककार, शिक्षणतज्ज्ञ, परखड वक्ते 'आचार्य प्रल्हाद केशव अत्रे' यांना जयंतीदिनी विनम्र अभिवादन!

#आचार्य_प्रल्हाद_केशव_अत्रे #आचार्य_अत्रे #Acharya_Atre #Maharashtra
CM Shri Devendra Fadnavis Tweets:

On International Organ Donation Day, let us encourage the noble act of organ donation that offers hope and a second chance to those in need.

जागतिक अवयवदान दिवस!
अवयवदान हेच सर्वोच्च जीवनदान; माणुसकीतून नवजीवन फुलवण्याचा संकल्प!

#जागतिक_अवयवदान_दिवस #अवयवदान #OrganDonationDay #Maharashtra
CM Shri Devendra Fadnavis Tweets:

॥ Maharashtrachi Shivdhara ॥
Bhimashankar Jyotirlinga is a sacred convergence of Maharashtra’s rich culture, history, spirituality, and natural beauty. When the youth connect with their roots, our timeless heritage will continue to live on for generations.

॥ महाराष्ट्राची शिवधारा ॥
प्राचीन स्थापत्यशैली व निसर्गसौंदर्याचा अद्वितीय संगम, पुणे मधील भीमाशंकर ज्योतिर्लिंग शिव मंदिर!
जेव्हा तरुणाई आपल्या संस्कृतीशी जोडली जाईल, तेव्हा हा धार्मिक, ऐतिहासिक वारसा जपला जाईल!

#महाराष्ट्राची_शिवधारा #भीमाशंकर #MaharashtrachiShivDhara #श्रावण #Shravan2026 #महाराष्ट्र_पर्यटन #MaharashtraTourism #Maharashtra