Devendra Fadnavis
✔
4.08K subscribers
102K photos
19.3K videos
4.3K files
10.7K links
श्री देवेंद्र फडणवीस यांच्या कार्यालयातून
Download Telegram
मुख्यमंत्री देवेंद्र फडणवीस यांचा आज जालना येथे 'पुण्यश्लोक अहिल्यादेवी होळकर शेतकरी कर्जमुक्ती योजना 2026' अंतर्गत शेतकऱ्यांची कर्जमाफी व वीजबिलमाफी केल्याबद्दल अहिर गवळी समाजाच्या वतीने सत्कार करण्यात आला.

#Maharashtra #DevendraFadnavis #Jalana
मुख्यमंत्री देवेंद्र फडणवीस यांचा आज जालना येथे 'पुण्यश्लोक अहिल्यादेवी होळकर शेतकरी कर्जमुक्ती योजना 2026' अंतर्गत शेतकऱ्यांची कर्जमाफी व वीजबिलमाफी केल्याबद्दल धनगर संघर्ष समिती आणि धनगर समाजाच्या वतीने सत्कार करण्यात आला.

#Maharashtra #DevendraFadnavis #Jalna
CMO Maharashtra Tweets:

🇮🇳 CM Devendra Fadnavis at the Tiranga Rally held as part of the 'Har Ghar Tiranga Abhiyan'.
Legislative Council Chairman Prof Ram Shinde, Minister Girish Mahajan, Minister Atul Save, Minister Radhakrishna Vikhe Patil, Minister Pankaja Munde, Minister Sanjay Savkare, MP Ashok Chavan, MLA Ravindra Chavan and other dignitaries were present.

🇮🇳 मुख्यमंत्री देवेंद्र फडणवीस यांच्या प्रमुख उपस्थितीत ‘हर घर तिरंगा अभियान' अंतर्गत तिरंगा रॅली.
यावेळी विधानपरिषदेचे सभापती प्रा. राम शिंदे, मंत्री गिरीष महाजन, मंत्री अतुल सावे, मंत्री राधाकृष्ण विखे पाटील, मंत्री पंकजा मुंडे, मंत्री संजय सावकारे, खासदार अशोक चव्हाण, आमदार रविंद्र चव्हाण यांच्यासह इतर मान्यवर उपस्थित होते.

🇮🇳 मुख्यमंत्री देवेंद्र फडणवीस इनकी प्रमुख उपस्थिति में 'हर घर तिरंगा अभियान' के अंतर्गत तिरंगा रैली।
इस अवसर पर विधानपरिषद के सभापति प्रा. राम शिंदे, मंत्री गिरीष महाजन, मंत्री अतुल सावे, मंत्री राधाकृष्ण विखे पाटील, मंत्री पंकजा मुंडे, मंत्री संजय सावकारे, सांसद अशोक चव्हाण, विधायक रविंद्र चव्हाण सहित अन्य मान्यवर उपस्थित थे।

🕟 4.30pm | 14-8-2026📍Chhatrapati Sambhajinagar| संध्या. ४.३० वा. | १४-८-२०२६📍छत्रपती संभाजीनगर.

#Maharashtra #DevendraFadnavis #HarGharTiranga
मुख्यमंत्री श्री देवेंद्र फडणवीस:

पंजाबचे माजी उपमुख्यमंत्री सुखबीरसिंग बादल यांच्यावर झालेल्या हल्ल्याच्या प्रसंगी स्पेशल प्रोटेक्शन युनिट (SPU) मध्ये कर्तव्यावर असलेले पोलीस निरीक्षक संतोष केंद्रे यांनी क्षणाचाही विलंब न करता त्यांच्या सुरक्षेसाठी धावून जात दाखवलेले धैर्य, प्रसंगावधान आणि कर्तव्यनिष्ठा निश्चितच कौतुकास्पद आहे. स्वतःच्या जीवाची पर्वा न करता त्यांनी दाखवलेली तत्परता महाराष्ट्र पोलिसांच्या शौर्याची आणि कर्तव्यनिष्ठेची गौरवशाली परंपरा अधोरेखित करणारी आहे.

पोलीस निरीक्षक संतोष केंद्रे यांच्या या धाडसी आणि निःस्वार्थी कामगिरीचे मनःपूर्वक कौतुक करतो!
त्यांच्या शौर्याला सलाम!
Devendra Fadnavis
CMO Maharashtra Tweets: 🇮🇳 CM Devendra Fadnavis at the Tiranga Rally held as part of the 'Har Ghar Tiranga Abhiyan'. Legislative Council Chairman Prof Ram Shinde, Minister Girish Mahajan, Minister Atul Save, Minister Radhakrishna Vikhe Patil, Minister Pankaja…
CMO Maharashtra Tweets:

स्वातंत्र्यवीरांच्या त्यागाला तिरंग्याच्या सन्मानातून मानवंदना!

मुख्यमंत्री देवेंद्र फडणवीस यांच्या प्रमुख उपस्थितीत आज छत्रपती संभाजीनगर येथे 'हर घर तिरंगा अभियान' अंतर्गत तिरंगा रॅली संपन्न झाली.

मुख्यमंत्री देवेंद्र फडणवीस म्हणाले, तिरंगा हा देशाची आन, बान आणि शान असून, या तिरंग्यासाठी हजारो स्वातंत्र्यसैनिकांनी आपल्या प्राणांचे बलिदान दिले आहे. तिरंगा ही देशाची ओळख, अस्तित्व आणि आत्माभिमान आहे. 9 ऑगस्ट रोजी महात्मा गांधी यांनी 'भारत छोडो' आंदोलनाची हाक देत 'करो या मरो'चा संदेश दिला होता. 9 ऑगस्ट ते 15 ऑगस्ट या कालावधीत तिरंग्याचा सन्मान करण्यासाठी ही तिरंगा यात्रा काढण्यात येत असून विक्रमी प्रतिसाद मिळालेली छत्रपती संभाजीनगरमधील आजची तिरंगा यात्रा मातृभूमीच्या प्रेमाने ओतप्रोत आहे.

पंतप्रधान नरेंद्र मोदी यांच्या नेतृत्वाखाली गेल्या दशकात भारताने अभूतपूर्व विकास साध्य केला आहे. जग आज भारताकडे एक बलशाली देश आणि जगातील चौथी मोठी अर्थव्यवस्था म्हणून पाहत आहे. चंद्राच्या दक्षिण ध्रुवावर यान उतरविणारा जगातील पहिला देश होण्याचा मान भारताला मिळाला असून, ही प्रत्येक भारतीयासाठी अभिमानाची बाब आहे.

महाराष्ट्रातही मोठे परिवर्तन होत असून, मराठवाडा विकास आणि परिवर्तनाच्या वाटेवर आहे. पुढील पिढीला दुष्काळाचा सामना करावा लागू नये, यासाठी दुष्काळमुक्त मराठवाड्याच्या दिशेने वाटचाल सुरू आहे. कोकणातून वाहून जाणारे पाणी गोदावरीच्या खोऱ्यात, तसेच सांगली आणि कोल्हापूरचे पाणी उजनीच्या माध्यमातून मराठवाड्यात आणून मराठवाड्याला सुजलाम्-सुफलाम् करणार असल्याचे मुख्यमंत्री फडणवीस यांनी नमूद केले.

आज भारतातील तरुणाई स्टार्टअपच्या माध्यमातून विविध क्षेत्रांत जागतिक पातळीवर आपला ठसा उमटवत आहे. भारत प्रत्येक क्षेत्रात प्रगती करत आहे. स्वातंत्र्यदिन हा केवळ देशाला मिळालेल्या स्वातंत्र्याचे स्मरण करण्याचा दिवस नसून, महामानव, भारतरत्न डॉ. बाबासाहेब आंबेडकर यांनी संविधानात नमूद केलेली मूलभूत कर्तव्येही स्मरणात ठेवण्याचा दिवस आहे.

मराठवाड्याच्या स्वातंत्र्याच्या इतिहासाचा उल्लेख करताना त्यांनी सांगितले की, भारताला स्वातंत्र्य मिळाल्यानंतर मराठवाड्याला तब्बल 13 महिने स्वातंत्र्यासाठी संघर्ष करावा लागला. 17 सप्टेंबर 1948 रोजी निजामाच्या राजवटीतून मराठवाडा मुक्त झाला. स्वातंत्र्यसैनिकांच्या त्याग आणि बलिदानामुळे आज मराठवाड्याला मुक्तपणे श्वास घेता येत आहे. या भूमीसाठी बलिदान देणाऱ्या स्वातंत्र्यसैनिकांना अभिवादन करून, तिरंग्याचा सन्मान राखत विकसित, समृद्ध महाराष्ट्राचा संकल्प करत आपण पुढे जाऊया, असे प्रतिपादन मुख्यमंत्री फडणवीस यांनी केले.

यावेळी विधानपरिषदेचे सभापती प्रा. राम शिंदे, मंत्री गिरीष महाजन, मंत्री अतुल सावे, मंत्री राधाकृष्ण विखे पाटील, मंत्री पंकजा मुंडे, मंत्री संजय सावकारे, खासदार अशोक चव्हाण, आमदार रविंद्र चव्हाण यांच्यासह इतर मान्यवर उपस्थित होते.

#Maharashtra #DevendraFadnavis #HarGharTiranga