Devendra Fadnavis
✔
4.08K subscribers
102K photos
19.3K videos
4.3K files
10.7K links
श्री देवेंद्र फडणवीस यांच्या कार्यालयातून
Download Telegram
CMO Maharashtra Tweets:

🔸CM Devendra Fadnavis inspected the areas affected by the drought-like situation in Karamba, North Solapur taluka, in Solapur district. During the visit, he interacted with farmers and assessed the damage caused.
Minister Jaykumar Gore, MLA Vijay Deshmukh, MLA Subhash Deshmukh, and concerned officials were present.

🔸मुख्यमंत्री देवेंद्र फडणवीस यांनी कारंबा, ता. उत्तर सोलापूर, जि. सोलापूर येथे दुष्काळसदृश परिस्थितीमुळे नुकसान झालेल्या भागाची पाहणी केली. यावेळी त्यांनी शेतकऱ्यांशी संवाद साधला आणि झालेल्या नुकसानीची माहिती घेतली.
यावेळी मंत्री जयकुमार गोरे, आमदार विजय देशमुख, आमदार सुभाष देशमुख व संबंधित अधिकारी उपस्थित होते.

🔸मुख्यमंत्री देवेंद्र फडणवीस इन्होंने कारंबा, ता. उत्तर सोलापुर, जि. सोलापुर में सूखे जैसी स्थिति से प्रभावित क्षेत्रों का निरीक्षण किया। इस दौरान उन्होंने किसानों से बातचीत की एवं नुकसान की जानकारी ली।
इस अवसर पर मंत्री जयकुमार गोरे, विधायक विजय देशमुख, विधायक सुभाष देशमुख एवं संबंधित अधिकारी उपस्थित थे।

🕔 4.50pm | 23-9-2026📍Barshi, Solapur | दु. ४.५० वा. | २३-९-२०२६📍बार्शी, सोलापूर

#Maharashtra #DevendraFadnavis #Solapur
मुख्यमंत्री श्री देवेंद्र फडणवीस:

दुष्काळसदृश परिस्थितीत शेतकऱ्यांच्या बांधावर पोहोचून त्यांच्या व्यथा समजून घेतल्या. संकटाच्या काळात सरकार ठामपणे त्यांच्या पाठीशी आहे, हा विश्वास दिला.

#Maharashtra #FarmerWelfare
मुख्यमंत्री श्री देवेंद्र फडणवीस:

सर्वशक्तिमयं देवं सर्वरूपधरं विभुम् ।
सर्वविद्याप्रवक्तारं मयूरेशं नमाम्यहम् ॥

Today’s aarti...
दिवस १०: मुंबई येथील वर्षा निवासस्थानी सर्वशक्तिमय, सर्वरूपधारी श्री गणरायाची आज संध्याकाळची आरती..

#Maharashtra #Mumbai #GanpatiBappaMorya
मुख्यमंत्री श्री देवेंद्र फडणवीस:

उजनी धरणातील पाणीसाठा राखीव ठेवून, त्याचे पिण्याच्या पाण्यासाठी नियोजन करण्यात येणार आहे.

उजनी बांध में जलसंग्रहण को सुरक्षित रखते हुए, उसका नियोजन पेयजल के लिए किया जाएगा।

(कारंबा, सोलापूर | 23-9-2026)
#Maharashtra #Solapur
CMO Maharashtra Tweets:

शेतकऱ्यांच्या बांधावर पोहोचून मुख्यमंत्री यांनी जाणून घेतली शेतकऱ्यांची परिस्थिती

दुष्काळसदृश परिस्थितीच्या पार्श्वभूमीवर मुख्यमंत्री देवेंद्र फडणवीस यांनी आज लातूर, धाराशिव आणि सोलापूर जिल्ह्यांतील नुकसानग्रस्त भागांचा दौरा केला. विविध ठिकाणी शेतांच्या बांधावर जाऊन त्यांनी पिकांची प्रत्यक्ष पाहणी केली, शेतकऱ्यांशी संवाद साधून त्यांच्या अडचणी जाणून घेतल्या.

जाऊ, ता. निलंगा, जि. लातूर
जाऊ येथे मुख्यमंत्री फडणवीस यांनी खरीप पिकांच्या नुकसानीची प्रत्यक्ष पाहणी करून शेतकऱ्यांशी थेट संवाद साधला. लातूर जिल्ह्यात यंदा केवळ 50% पाऊस झाला असून नदी-नाले आणि विहिरी कोरड्या पडल्या आहेत. पावसाअभावी पिकांचे सरसकट नुकसान झाल्याचे दिसत असून, सरकारकडूनही शेतकऱ्यांना सरसकट मदत केली जाईल, असे मुख्यमंत्री फडणवीस म्हणाले.
या संकटकाळात शेतकऱ्यांना एकटे सोडले जाणार नाही. सरकार पूर्ण ताकदीने त्यांच्या पाठीशी उभे राहून आवश्यक ती सर्व मदत करेल, असे मुख्यमंत्री फडणवीस यांनी नमूद केले. दुष्काळाबाबतची अधिसूचना लवकरच प्रसिद्ध केली जाईल तसेच संकटात सापडलेल्या शेतकऱ्यांच्या बँक खात्यात थेट मदत जमा करण्यासाठी राज्य शासन प्रयत्नशील असल्याचे मुख्यमंत्री फडणवीस यांनी स्पष्ट केले.

खरोसा, ता. औसा, जि. लातूर
खरोसा येथेही मुख्यमंत्री फडणवीस यांनी शेतकऱ्यांच्या बांधावर जाऊन खरीप पिकांच्या नुकसानीची पाहणी केली आणि शेतकऱ्यांशी थेट संवाद साधला. लातूर जिल्ह्यातील अत्यल्प पावसामुळे निर्माण झालेल्या परिस्थितीची प्रत्यक्ष पाहणी केली.
दुष्काळाची भीषणता लक्षात घेऊन सरकारने आवश्यक कार्यवाही सुरू केली असून, शेतकऱ्यांना थेट मदत देण्यासाठी आवश्यक प्रक्रिया राबविण्यात येत असल्याचे मुख्यमंत्री फडणवीस यांनी स्पष्ट केले. दुष्काळाबाबतची अधिसूचना लवकरच प्रसिद्ध केली जाईल, असेही मुख्यमंत्री फडणवीस यांनी नमूद केले.

करजखेडा, ता. जि. धाराशिव
करजखेडा येथे मुख्यमंत्री फडणवीस यांनी साठवण तलावाची तसेच नुकसानग्रस्त पिकांची बांधावर जाऊन पाहणी केली. तलावात पाण्याचा साठा नसल्याचे मुख्यमंत्री फडणवीस यांनी पाहिले. त्यानंतर शेतकरी बळी भोसले यांच्या शेताच्या बांधावर जाऊन नुकसानग्रस्त ऊस आणि सोयाबीन पिकांची पाहणी केली. पेरणीची वेळ, पिकाला मिळालेला पाऊस, पावसाचा खंड आणि त्याचा पिकाच्या वाढीवर व संभाव्य उत्पादनावर झालेला परिणाम याबाबत त्यांनी शेतकऱ्यांकडून माहिती घेतली.
सोयाबीनचे पीक पूर्णपणे हातचे गेले असून उसाची वाढही खुंटल्याचे मुख्यमंत्री फडणवीस यांनी नमूद केले. पिकांचे मोठ्या प्रमाणावर नुकसान झाल्याचे प्रत्यक्ष पाहणीतून दिसत असल्याने शेतकऱ्यांना सरकारकडून सरसकट मदत केली जाईल, असे मुख्यमंत्री फडणवीस यांनी स्पष्ट केले.
उपलब्ध पाण्याचा प्रत्येक थेंब काटेकोरपणे नियोजित करावा लागणार असून, सर्वप्रथम पिण्याच्या पाण्याला प्राधान्य द्यावे लागेल, असे मुख्यमंत्री फडणवीस यांनी नमूद केले. पीक कर्जमाफीचे काम सुरू असून पीक विम्याची मदत दिली जाईल. जनावरांसाठी चारा, अन्नधान्य आणि रब्बी हंगामासाठी पाण्याची उपलब्धता असल्यास त्यानुसार तयारी केली जाईल, असेही मुख्यमंत्री फडणवीस यांनी स्पष्ट केले. दुष्काळाचा सामना करण्यासाठी आवश्यक उपाययोजना करताना निधीची कमतरता पडू दिली जाणार नाही, असे मुख्यमंत्री फडणवीस यांनी नमूद केले.

मलकापूर, ता. कळंब, जि. धाराशिव
मलकापूर येथे मुख्यमंत्री फडणवीस यांनी रामहरी लोमटे आणि संजय लोमटे यांच्या शेतातील नुकसानग्रस्त सोयाबीन पिकाची पाहणी केली आणि उपस्थित शेतकऱ्यांशी संवाद साधला.
दुष्काळाची परिस्थिती सरसकट असल्याने मदतही सरसकट देण्यात येईल, असे मुख्यमंत्री फडणवीस यांनी स्पष्ट केले. पंचनामे कायदेशीर प्रक्रियेनुसार करावे लागतील, मात्र परिस्थिती सरसकट असल्याने मदतीचा निर्णयही सरसकट असेल, असे मुख्यमंत्री फडणवीस यांनी नमूद केले.
दुष्काळाच्या काळात पिण्याचे पाणी, जनावरांचा चारा, मुलांचे शिक्षण आणि अन्नधान्याची व्यवस्था राज्य सरकारच्या माध्यमातून करण्यात येईल. तसेच शेतकऱ्यांना देण्यात येणारी थेट मदत त्यांच्या बँक खात्यात जमा करण्याचा निर्णय सरकारने घेतला असल्याचे मुख्यमंत्री फडणवीस यांनी नमूद केले. शेतकऱ्यांना दिलासा देण्यासाठी कर्जमाफीची प्रक्रिया सुरू असून, सर्व पात्र शेतकऱ्यांच्या खात्यात पैसे जमा होईपर्यंत ही प्रक्रिया सुरू राहील, असेही मुख्यमंत्री फडणवीस यांनी स्पष्ट केले.

धानोरे, ता. बार्शी, जि. सोलापूर
धानोरे येथे मुख्यमंत्री फडणवीस यांनी नुकसानग्रस्त सोयाबीन पिकांची प्रत्यक्ष पाहणी करून शेतकऱ्यांशी संवाद साधला. सोलापूर जिल्ह्यात पावसाअभावी दुष्काळसदृश परिस्थिती निर्माण झाली असून, जिल्ह्यात सरासरीच्या सुमारे 50%च पाऊस झाला आहे.