Devendra Fadnavis
✔
4.09K subscribers
102K photos
19.3K videos
4.29K files
10.7K links
श्री देवेंद्र फडणवीस यांच्या कार्यालयातून
Download Telegram
CMO Maharashtra Tweets:

मुख्यमंत्री देवेंद्र फडणवीस यांनी आज गडचिरोली येथे जिल्हा खनिज प्रतिष्ठान, गडचिरोली यांच्या वतीने राबविण्यात येणाऱ्या ‘आरोग्य सेवा आपल्या दारी – एआय आधारित फिरते रोगनिदान केंद्र’ (हॉस्पिटल ऑन व्हील्स) उपक्रमाचा हिरवा झेंडा दाखवून शुभारंभ केला. यावेळी मुख्यमंत्री फडणवीस यांनी या फिरत्या रोगनिदान केंद्रातील अत्याधुनिक यंत्रसामग्रीची पाहणी केली.

जिल्हा खनिज प्रतिष्ठानच्या निधीतून हा उपक्रम खनिज बाधित क्षेत्रातील एटापल्ली, भामरागड, अहेरी आणि मुलचेरा या दुर्गम तालुक्यांमध्ये राबविण्यात येणार आहे. या माध्यमातून दुर्गम गावांतील नागरिकांना त्यांच्या दारीच वैद्यकीय तपासणी, प्राथमिक उपचार, औषधवाटप आणि आवश्यक आरोग्य चाचण्यांची सुविधा उपलब्ध होणार आहे. तसेच माता व बाल आरोग्य, हिवताप, क्षयरोग आणि कुपोषण यांसारख्या आजारांचे लवकर निदान करून वेळेत उपचार करणे शक्य होणार आहे. या उपक्रमामुळे दुर्गम व संपर्कहीन गावांतील नागरिकांना आरोग्य सेवा अधिक सुलभतेने उपलब्ध होणार आहेत.

यावेळी केंद्रीय मंत्री जुएल ओराम, मंत्री डॉ. अशोक उईके, मंत्री नरहरी झिरवाळ, आमदार डॉ. मिलिंद नरोटे व इतर मान्यवर उपस्थित होते.

#Maharashtra #DevendraFadnavis #JanjatiyaGauravDiwas #DiscoverGadchiroli
मुख्यमंत्री श्री देवेंद्र फडणवीस:

मा. प्रधानमंत्री श्री नरेंद्र मोदी जी इनके माध्यम से जनजातीय नायकों के स्वर्णिम इतिहास को जनता के सामने लाने का कार्य हुआ है.

मा. पंतप्रधान नरेंद्र मोदीजी यांच्या माध्यमातून जनजातीय नायकांचा स्वर्णिम इतिहास जनतेसमोर आणण्याचे कार्य झाले आहे.

(राष्ट्रीय आदिवासी सांस्कृतिक महोत्सवाचे उदघाटन | गडचिरोली | 15-11-2026)
#Maharashtra #JanjatiyaGauravDiwas #DiscoverGadchiroli
मुख्यमंत्री श्री देवेंद्र फडणवीस:

जल, जंगल आणि जमिनीचे संवर्धन करत शाश्वत विकासाच्या माध्यमातून गडचिरोली महाराष्ट्राचा शेवटचा नव्हे, तर पहिला जिल्हा बनेल!

जल, जंगल एवं जमीन का संरक्षण करते हुए शाश्वत विकास के साथ गड़चिरोली महाराष्ट्र का अंतिम नहीं, बल्कि पहला जिला बनेगा!

(राष्ट्रीय आदिवासी सांस्कृतिक महोत्सवाचे उदघाटन | गडचिरोली | 15-11-2026)
#Maharashtra #JanjatiyaGauravDiwas #DiscoverGadchiroli
Devendra Fadnavis
CMO Maharashtra Tweets: 🔸 PM Narendra Modi (online), Governor Jishnu Dev Varma and CM Devendra Fadnavis at the Janjatiya Gaurav Diwas on the occasion of 151st birth anniversary of great tribal leader, freedom fighter 'Dharti Aaba' Bhagwan Birsa Munda. Union…
CMO Maharashtra Tweets:

आदिवासी महानायकांचा गौरव करत गडचिरोलीच्या विकासाचा नवा संकल्प!

पंतप्रधान नरेंद्र मोदी (ऑनलाइन) व राज्यपाल जिष्णू देव वर्मा आणि मुख्यमंत्री देवेंद्र फडणवीस यांच्या प्रमुख उपस्थितीत आज गडचिरोली येथे आज आदिवासी जननायक, महान क्रांतिकारक, धरती आबा 'भगवान बिरसा मुंडा' यांच्या 151व्या जयंतीनिमित्त जनजातीय गौरव दिवस संपन्न झाला.

मुख्यमंत्री फडणवीस म्हणाले, जनजातीय आणि आदिवासी समाजाला उज्ज्वल इतिहास आणि समृद्ध संस्कृतीचा वारसा लाभला आहे. देशावर झालेल्या आक्रमणांविरोधात लढणाऱ्या आदिवासी सेनानायकांचे योगदान मात्र काळाच्या ओघात विस्मृतीत गेले. पंतप्रधान नरेंद्र मोदी यांच्या नेतृत्वात या महानायकांचा इतिहास, त्यांचे कर्तृत्व आणि पराक्रम समाजासमोर आणण्याचे काम केले जात असल्याचे त्यांनी सांगितले. आदिवासी जननायक, महान क्रांतिकारक, धरती आबा 'भगवान बिरसा मुंडा', तंट्या मामा भिल्ल, राघोजी भांगरे आणि राणी दुर्गावती यांसारख्या महानायकांच्या योगदानाचे स्मरण करत मुख्यमंत्री फडणवीस यांनी या महानायकांना आदरांजली वाहिली.

भगवान बिरसा मुंडा यांनी वयाच्या अवघ्या 15व्या वर्षी इंग्रज आणि सावकारांकडून आदिवासींच्या जल, जंगल आणि जमिनीवर होत असलेल्या अन्यायाविरोधात मोठा लढा उभारला. आदिवासी समाजाची संस्कृती, परंपरा आणि सन्मान जपण्यासाठी त्यांनी केलेला संघर्ष प्रेरणादायी असल्याचे मुख्यमंत्री फडणवीस म्हणाले.

पेसा कायद्याच्या प्रभावी अंमलबजावणीच्या माध्यमातून आदिवासी ग्रामपंचायतींना थेट निधी उपलब्ध करून देण्यासह 11 संवर्गांतील पदांवर स्थानिकांना आरक्षण देण्यात आले आहे. तसेच, स्वयम् योजनेच्या माध्यमातून पात्र आदिवासी विद्यार्थ्यांना वार्षिक ₹60,000 पर्यंत सहाय्य आणि परदेशात शिक्षण घेण्यासाठी शिष्यवृत्ती उपलब्ध करून देण्यात येत असल्याचे मुख्यमंत्री फडणवीस यांनी नमूद केले.

गेल्या अनेक वर्षांपासून नक्षलवादाचा सामना करणारा गडचिरोली जिल्हा आज 100% नक्षलमुक्त झाला असून, आता हा जिल्हा देशाच्या विकासाचे इंजिन बनण्याच्या दिशेने वाटचाल करत आहे. गडचिरोलीला देशाची स्टील सिटी म्हणून विकसित करण्याचा संकल्प असून, महाराष्ट्राच्या विकासाच्या दृष्टीने गडचिरोली हा महाराष्ट्रातील शेवटचा नव्हे तर पहिला ठरेल, असेही मुख्यमंत्री फडणवीस यांनी नमूद केले.

धरती आबा अभियानासह विविध योजनांच्या माध्यमातून आदिवासी समाजापर्यंत विकासाच्या संधी आणि शासकीय योजनांचे लाभ पोहोचविण्याचा सरकारचा प्रयत्न असल्याचेही मुख्यमंत्री फडणवीस यांनी अधोरेखित केले.

यावेळी केंद्रीय मंत्री जुएल ओराम, विविध राज्यांचे राज्यपाल व मुख्यमंत्री (ऑनलाइन), उपमुख्यमंत्री एकनाथ शिंदे, उपमुख्यमंत्री सुनेत्रा अजित पवार (ऑनलाइन), केंद्रीय राज्यमंत्री दुर्गादास उईके, मंत्री डॉ. अशोक उईके, मंत्री नरहरी झिरवाळ, राज्यमंत्री इंद्रनील नाईक, राज्यमंत्री ॲड. आशिष जयस्वाल, खासदार माया इवनाते, आमदार डॉ. मिलिंद नरोटे, आमदार धर्मरावबाबा आत्राम व जनजातीय समूहाचे बंधू-भगिनी उपस्थित होते.

#Maharashtra #DevendraFadnavis #JanjatiyaGauravDiwas #DiscoverGadchiroli
CMO Maharashtra Tweets:

PM Narendra Modi (online) inaugurated multiple key initiatives and laid the foundation stones for various projects at the Janjatiya Gaurav Diwas on the occasion of 151st birth anniversary of great tribal leader and freedom fighter 'Dharti Aaba' Bhagwan Birsa Munda, in the presence of Governor Jishnu Dev Varma and CM Devendra Fadnavis.

Inaugurations:

✅ 38 Eklavya Model Residential Schools (EMRS)
✅ 1 Tribal Multipurpose Marketing Centre (TMMC)
✅ Tribal Research Institute Building, Itanagar
✅ Ropuiliani Tribal Freedom Fighter Museum
✅ 18 Ashram School Projects
✅ 2 Centres of Competence
✅ Infrastructure projects (3 MPC, 9 Infrastructure Projects)
✅ 100 Multi-Purpose Centres (MPCs) under PM-JANMAN

Foundation stone laying:

✅ 19 Eklavya Model Residential Schools (EMRS)
✅ 12 Tribal Multipurpose Marketing Centres (TMMCs)
✅ 22 Ashram School Projects
✅ Infrastructure projects (6 Hostels, 14 Infrastructure Projects)

पंतप्रधान नरेंद्र मोदी यांनी (ऑनलाइन) राज्यपाल जिष्णू देव वर्मा आणि मुख्यमंत्री देवेंद्र फडणवीस यांच्या प्रमुख उपस्थितीत आदिवासी जननायक, महान क्रांतिकारक, धरती आबा 'भगवान बिरसा मुंडा' यांच्या 151व्या जयंतीनिमित्त जनजातीय गौरव दिनाच्या कार्यक्रमात आदिवासी कल्याण आणि विकासाला अधिक बळ देणाऱ्या अनेक महत्त्वपूर्ण उपक्रमांचे लोकार्पण तसेच विविध प्रकल्पांचे भूमिपूजन केले.

लोकार्पण करण्यात आलेले प्रकल्प :

✅ 38 एकलव्य मॉडेल निवासी शाळा (EMRS)
✅ 1 आदिवासी बहुउद्देशीय विपणन केंद्र (TMMC)
✅ आदिवासी संशोधन संस्थेची इमारत, इटानगर
✅ रोपुइलियानी आदिवासी स्वातंत्र्यसैनिक संग्रहालय
✅ 18 आश्रमशाळा प्रकल्प
✅ 2 क्षमता विकास केंद्रे (Centres of Competence)
✅ पायाभूत सुविधा प्रकल्प (3 बहुउद्देशीय केंद्रे – MPC आणि 9 अन्य पायाभूत सुविधा प्रकल्प)
✅ PM-JANMAN अंतर्गत 100 बहुउद्देशीय केंद्रे (MPCs)

भूमिपूजन करण्यात आलेले प्रकल्प :

✅ 19 एकलव्य मॉडेल निवासी शाळा (EMRS)
✅ 12 आदिवासी बहुउद्देशीय विपणन केंद्रे (TMMCs)
✅ 22 आश्रमशाळा प्रकल्प
✅ पायाभूत सुविधा प्रकल्प (6 वसतिगृहे आणि 14 अन्य पायाभूत सुविधा प्रकल्प)

#Maharashtra #DevendraFadnavis #JanjatiyaGauravDiwas #DiscoverGadchiroli