Devendra Fadnavis
✔
4.09K subscribers
102K photos
19.3K videos
4.29K files
10.7K links
श्री देवेंद्र फडणवीस यांच्या कार्यालयातून
Download Telegram
CMO Maharashtra Tweets:

🔸Governor Jishnu Dev Varma and CM Devendra Fadnavis at the 14th convocation of Gondwana University.
Vice-Chancellor Dr. Prashant Bokare, Managing Director of Lloyds Metals and Energy Ltd. B. Prabhakaran, MLA Dr. Milind Narote and other dignitaries were present on the occasion.

🔸राज्यपाल जिष्णू देव वर्मा आणि मुख्यमंत्री देवेंद्र फडणवीस यांची गोंडवाना विद्यापीठाच्या 14 वा दीक्षांत समारंभ येथे प्रमुख उपस्थिती.
या प्रसंगी कुलगुरू डाॅ. प्रशांत बोकारे, 'लॉइड्स मेटल्स अँड एनर्जी लिमिटेड'चे व्यवस्थापकीय संचालक बी. प्रभाकरन, आमदार डॉ. मिलिंद नरोटे आणि इतर मान्यवर उपस्थित होते.

🔸 राज्यपाल जिष्णू देव वर्मा और मुख्यमंत्री देवेंद्र फडणवीस इनकी गोंडवाना विश्वविद्यालय के 14वें दीक्षांत समारोह में प्रमुख उपस्थिति।
इस अवसर पर कुलपति डाॅ. प्रशांत बोकारे, लॉयड्स मेटल्स एंड एनर्जी लि. के प्रबंध निदेशक बी. प्रभाकरन, विधायक डॉ. मिलिंद नरोटे एवं अन्य मान्यवर उपस्थित थे।

🕜 1.40pm | 15-11-2026📍Gadchiroli | दु. १.४० वा. | १५-११-२०२६📍गडचिरोली.

#Maharashtra #DevendraFadnavis #JanjatiyaGauravDiwas #DiscoverGadchiroli
CMO Maharashtra Tweets:

मुख्यमंत्री देवेंद्र फडणवीस यांच्या हस्ते आज गडचिरोली येथे लॉयड्स मेटल्सच्या 'लॉयड्स मिशन फॉर ग्लोबल स्किल्स अँड आंत्रप्रेन्युअरशिप' या उपक्रमाच्या उद्घाटनप्रसंगी ज्येष्ठ समाजसेविका पद्मश्री श्रीमती तुलसी मुंडा यांचा सन्मान करण्यात आला. जनजातीय समाजाच्या कल्याण आणि विकासासाठी तुलसी मुंडा यांचे अत्यंत उल्लेखनीय योगदान आहे. आदिवासी समाजातील मुलांच्या शिक्षणासाठी आणि त्यांच्या उज्ज्वल भविष्यासाठी त्यांनी आपले आयुष्य समर्पित केले आहे.

#Maharashtra #DevendraFadnavis #JanjatiyaGauravDiwas #DiscoverGadchiroli
CMO Maharashtra Tweets:

मुख्यमंत्री देवेंद्र फडणवीस व केंद्रीय मंत्री जुएल ओराम यांच्या हस्ते आज गडचिरोली येथे लॉयड्स मेटल्सच्या ‘लॉयड्स मिशन फॉर ग्लोबल स्किल्स अँड आंत्रप्रेन्युअरशिप’ या उपक्रमांतर्गत 2500 उमेदवारांना रोजगार देण्यात आला आहे. त्यापैकी 4 उमेदवारांना प्रातिनिधिक स्वरुपात नियुक्ती प्रमाणपत्राचे वितरण करण्यात आले. तसेच, LMGSE आणि LT गोंडवाना येथील 5000 विद्यार्थ्यांना रोजगाराच्या संधी उपलब्ध झाल्या आहेत. त्यापैकी 2500 कर्मचाऱ्यांना कंपनीच्या एम्प्लॉई शेअर ऑप्शन स्कीम (ESOP) अंतर्गत लॉयड्स कंपनीचे शेअर्स प्रदान करण्यात आले. यावेळी प्रातिनिधिक स्वरुपात 3 कर्मचाऱ्यांना ESOP प्रमाणपत्रांचे वितरण करून मुख्यमंत्री फडणवीस यांनी त्यांचे अभिनंदन केले.

#Maharashtra #DevendraFadnavis #JanjatiyaGauravDiwas #DiscoverGadchiroli
Devendra Fadnavis
CMO Maharashtra Tweets: 🔸 Inauguration and Foundation Stone Laying of various initiatives of Lloyds Mission for Global Skills & Entrepreneurship Academy at the hands of CM Devendra Fadnavis. ✅ Inauguration of Lloyds Academy Automotive Four-Wheeler Training…
CMO Maharashtra Tweets:

गडचिरोलीत मानव आणि समाजकेंद्रित विकासाचे नवे पर्व!

मुख्यमंत्री देवेंद्र फडणवीस यांच्या हस्ते आज गडचिरोली येथे 'लॉयड्स मिशन फॉर ग्लोबल स्किल्स अँड आंत्रप्रेन्युअरशिप' च्या विविध उपक्रमांचे उदघाटन व पायाभरणी करण्यात आली.

मुख्यमंत्री फडणवीस म्हणाले, गडचिरोलीत उभे केलेले विकासाचे मॉडेल हे नफाकेंद्रित नसून मानव संसाधन आणि समाजकेंद्रित विकासाचे मॉडेल आहे. गडचिरोलीत खनिज उत्खननासोबतच उद्योग, प्रशिक्षण आणि रोजगारही स्थानिक पातळीवर निर्माण झाले पाहिजेत, या भूमिकेतून लॉयड्सच्या माध्यमातून विविध उपक्रम उभारण्यात आले तसेच सर्व समाजघटकांना विकासाच्या प्रवाहात सहभागी करून घेण्यात आले. लॉयड्स मेटल्स अँड एनर्जी आणि फाउंडेशनच्या विविध उपक्रमांमधून सुमारे 25,000 लोकांना रोजगाराच्या संधी उपलब्ध झाल्या आहेत.

माओवादाचा मार्ग सोडलेल्या अनेक युवकांना प्रशिक्षण देऊन रोजगाराच्या प्रवाहात आणण्यात आले तसेच गडचिरोलीतील स्किल डेव्हलपमेंट सेंटरमध्ये 40 प्रकारच्या ट्रेड्समध्ये जागतिक दर्जाचे प्रशिक्षण दिले जात असून, पुढील काळात विविध उद्योगांसाठी आवश्यक मानव संसाधन तयार करण्याचे कामही या माध्यमातून केले जाणार असल्याचे मुख्यमंत्री फडणवीस म्हणाले.

ग्लोबल स्किल अँड आंत्रप्रेन्युअरशिप सेंटरच्या माध्यमातून प्रशिक्षणासोबत उद्योजकतेलाही प्रोत्साहन दिले जाणार आहे. प्रशिक्षण घेतलेल्या युवतींनी उद्योजक बनून रोजगारनिर्मिती करण्याची व्यक्त केलेली इच्छा ही गडचिरोलीतील बदलत्या आत्मविश्वासाचे प्रतीक असल्याचे मुख्यमंत्री फडणवीस म्हणाले.

सद्यस्थितीत प्रशिक्षण घेणाऱ्या विद्यार्थ्यांमध्ये 55% युवती असून, त्या आधुनिक उद्योग आणि अवजड यंत्रसामग्री संचालनाच्या क्षेत्रात पुढे येत आहेत. गडचिरोलीतील युवती परदेशात जाऊन कामगारांना प्रशिक्षण देत आहेत, हे बदलत्या गडचिरोलीचे चित्र असल्याचे मुख्यमंत्री फडणवीस यांनी अधोरेखित केले.

खनिज विकासासोबतच जल, जमीन आणि जंगलाचे संरक्षण करत शाश्वत विकास साधण्यावर भर देण्यात येत आहे. शाश्वत तंत्रज्ञान आणि शाश्वत मनुष्यबळाच्या माध्यमातून खनिज क्षेत्राच्या विकासाचे नवे उदाहरण गडचिरोलीत निर्माण करण्याचा प्रयत्न असल्याचे मुख्यमंत्री फडणवीस यांनी सांगितले.

गडचिरोलीच्या वनांचे संरक्षण आणि वनक्षेत्र वाढविण्यासाठी 5 कोटी झाडे लावण्याचा संकल्प करण्यात आला असून, त्यापैकी 1 कोटी झाडे लावण्यात आली आहेत. गडचिरोलीला अधिक हरित करण्यासोबतच येथील जैवविविधता जपण्यासाठीही प्रयत्न करण्यात येत आहेत.

लॉयड कंपनीचा शेअर कर्मचाऱ्यांना देण्यात आलेला आहे, तुम्ही सगळे या कंपनीचे मालक आहात आणि सगळ्यांच्या प्रयत्नांमधून 'गडचिरोलीला भारताचे ग्रीन हब बनविण्याचा संकल्प' व्यक्त करत, चांगले काम करून सर्वांना सोबत घेत गडचिरोलीला महान गडचिरोली बनविण्याचे आवाहन मुख्यमंत्री फडणवीस यांनी केले.

यावेळी केंद्रीय मंत्री जुएल ओराम, आमदार डॉ. मिलिंद नरोटे, आमदार धर्मरावबाबा आत्राम, पद्मश्री श्रीमती तुलसी मुंडा, लॉयड्स मेटल्स अँड एनर्जी लिमिटेडचे व्यवस्थापकीय संचालक बी. प्रभाकरन व इतर मान्यवर उपस्थित होते.

#Maharashtra #DevendraFadnavis #JanjatiyaGauravDiwas #DiscoverGadchiroli
CMO Maharashtra Tweets:

गडचिरोलीच्या महिलांची आंतरराष्ट्रीय भरारी!✈️

मुख्यमंत्री देवेंद्र फडणवीस आणि केंद्रीय मंत्री जुएल ओराम यांच्या हस्ते आज गडचिरोली येथे लॉयड्स मेटल्सच्या ‘लॉयड्स मिशन फॉर ग्लोबल स्किल्स अँड आंत्रप्रेन्युअरशिप’ या उपक्रमाच्या उद्घाटनप्रसंगी पापुआ न्यू गिनी येथील बोगनव्हिला प्रदेशात जाणाऱ्या लॉयड्स वन्यच्या 5 महिला कर्मचाऱ्यांना प्रातिनिधिक स्वरूपात बोर्डिंग पासचे वितरण करण्यात आले.

या महिला कर्मचारी प्रथमच विमानप्रवास करत परदेशात जाणार असून, तेथील स्थानिक कर्मचाऱ्यांना प्रशिक्षण देण्याची महत्त्वपूर्ण जबाबदारी त्या पार पाडणार आहेत. गडचिरोलीतील महिलांच्या कौशल्याला आता आंतरराष्ट्रीय व्यासपीठ मिळत असून, त्यांची ही भरारी नव्या गडचिरोलीच्या आत्मविश्वासाचे प्रतीक असल्याचे नमूद करत मुख्यमंत्री फडणवीस यांनी महिला कर्मचाऱ्यांचे अभिनंदन करून त्यांच्या पुढील वाटचालीसाठी शुभेच्छा दिल्या.

#Maharashtra #DevendraFadnavis #JanjatiyaGauravDiwas #DiscoverGadchiroli
CMO Maharashtra Tweets:

मुख्यमंत्री देवेंद्र फडणवीस यांनी आज गडचिरोली येथे 'लॉयड्स मिशन फॉर ग्लोबल स्किल्स अँड आंत्रप्रेन्युअरशिप' केंद्राची व अत्याधुनिक डिजिटल आणि इलेक्ट्रिकल लॅबची पाहणी केली. याप्रसंगी त्यांनी कौशल्य विकास, रोजगारनिर्मिती आणि उद्योजकतेला प्रोत्साहन देण्यासाठी राबविण्यात येत असलेल्या प्रशिक्षण कार्यक्रमांची व विविध उपक्रमांची माहिती घेतली.

#Maharashtra #DevendraFadnavis #JanjatiyaGauravDiwas #DiscoverGadchiroli@DevendraGFadnavis