🔴 “Raqamli Avlod” Inklyuziv IT oromgohi — kun sarhisobi!

Oromgohdagi navbatdagi kun ertalabki badantarbiya mashg‘ulotlari bilan boshlandi. Shundan so‘ng ishtirokchilar zamonaviy IT yo‘nalishlari bo‘yicha qiziqarli va mazmunli darslarda ishtirok etdilar.

🔰Kun davomida o‘quvchilar amaliy topshiriqlar ustida ishlab, o‘z g‘oyalarini real loyihalarga aylantirishga harakat qilishmoqda. Jamoaviy mashg‘ulotlar davomida ishtirokchilar yangi bilim va ko‘nikmalarini mustahkamlab bormoqda.

Kechga kelib esa o‘quvchilar o‘zlari tayyorlagan loyiha va taqdimotlarini namoyish etdilar.

🏆 Bu gal ham faol ishtirokchilarimiz taqdirlandi

🚀 “Raqamli Avlod” IT oromgohida har bir kun yangi bilim, yangi tajriba va unutilmas taassurotlarga boy o‘tmoqda!

__
Digital Generation Uzbekistan
Telegram | Instagram | Youtube | Facebook

“Raqamli avlod” respublika inklyuziv IT oromgohi yakunlandi! 💻✨

Unutilmas lahzalar, yangi bilimlar va imkoniyatlarga boy kunlar o‘z yakuniga yetdi.

📌 Ma’lumot o‘rnida: 5 kun davom etgan IT oromgohda respublikamizning turli hududlaridan eshitishida nuqsoni bo‘lgan bolalar uchun ixtisoslashtirilgan ta’lim muassasalari, Ijod maktablari, Prezident maktablari, ixtisoslashtirilgan maktablar hamda umumta’lim maktablarining 150 nafar o‘quvchisi ishtirok etdi.

Shuningdek, oromgohning onlayn mashg‘ulotlarida 4 100 nafardan ziyod o‘quvchi qatnashdi.

Oromgoh davomida 10 ga yaqin zamonaviy IT yo‘nalishlari bo‘yicha onlayn va offlayn shaklda mashg‘ulotlar olib borildi. 💻🚀

🎓 Yakuniy yopilish marosimida hafta davomida faol ishtirok etgan o‘quvchilar munosib taqdirlanib, ularga qimmatbaho sovg‘alar topshirildi hamda 5 kun davomida erishilgan natijalar sarhisob qilindi.

Bu 5 kun — shunchaki oromgoh emas, katta tajribalar, yangi bilimlar va kelajak sari tashlangan muhim qadam bo‘ldi. ✨

“Raqamli avlod” respublika inklyuziv IT oromgohi yakunlandi, ammo yangi g‘oyalar va katta maqsadlar sari yo‘l davom etadi! 🚀

#IHMA #PIMA #OliyMajlis  #Fond #raqamliavlod #Digitalgeneration #Zamineducation #Oromgoh
__
Digital Generation Uzbekistan
Telegram | Instagram | Youtube | Facebook