⚡️OpenAI josuslardan cho‘chimoqda: WSJ nashrining aniqlashicha, xodimlarga kompaniya sirlarini oshkor qilib qo‘ymasdan yashashni o‘rgatuvchi maxsus treninglar o‘tkazilyapti.

Ularga ko‘chada kompaniya ramzi tushirilgan kiyimlarni (merch) kiyib yurish va ish joyi haqida ko‘p gapirish taqiqlanadi. Shuningdek, ehtiyotkorlik bilan yangi tanishlar orttirish, yig‘ilish doskalaridagi yozuvlarni o‘chirib tashlash va gadjetlarga «anti-josus» himoya plyonkalarini yopishtirish ham o‘rgatilmoqda.

📟 DigiTech

👨‍💻 Aytgancha, OpenAI kompaniyasining Buyuk Britaniyadagi xodimlari oyiga o‘rtacha 260,000 dollar maosh olar ekan — kompaniyaning 2025-yil uchun hisoboti e’lon qilindi.

Xodimlar daromadining katta qismi aksiyalar ko‘rinishida: hisobotga ko‘ra, ular oddiy maoshga qaraganda deyarli ikki baravar ko‘p miqdorda beriladi.

O‘rtacha yillik daromad taxminan 3,1 mln dollarni tashkil qiladi.

📟 DigiTech

⚡️BMW 40 000 nafar xodimiga ishdan bo‘shashni taklif qildi — xohlovchilar shunchalik ko‘p bo‘ldiki, yuborilgan arizalar kompaniyaning korporativ veb-saytini ishdan chiqardi.

Hammasi to‘lovlar sababli. BMW har bir ishlangan yil uchun 50 000 yevrodan bermoqda: 12 yil uchun 600 000 yevro chiqadi. Shunday yo’l orqali BMW jami 8 000 kishini qisqartirishni rejalashtirgan edi.

Odatda ishga kirish uchun navbatda turishardi :)

📟 DigiTech

🚘 Uchadigan Tesla'ni xarid qilganlar uni hech qachon ololmasliklari mumkin — Roadster modeliga oldindan buyurtma berish shartnomasida qiziqarli bir jumla bor:

Ushbu Shartnoma tuzilgan vaqtda Roadster hali ham ishlab chiqish jarayonida, shu sabab avtomobilingiz qachon yetkazib berilishi va bu umuman bu sodir bo‘lish-bo‘lmasligiga kafolat berolmaymiz.

Ma’lumot uchun: oldindan buyurtmani rasmiylashtirishda depozitga 250,000 dollar kiritish talab etiladi. Ushbu mablag‘ qancha vaqt muzlatib qo‘yilishi esa noma’lum.

📟 DigiTech

📲 Endi iOS’ni Android smartfonlarda ishga tushirish mumkin: ishqibozlar sun’iy intellekt yordamida Apple operatsion tizimini Redmi Note 12’ga ko‘chirib o‘tkazishdi.

Lekin hozircha bu faqat eski iOS 16 bo‘lib, mobil aloqa va ba’zi funksiyalar hali ishlamayapti. Loyiha allaqachon GitHub’ga joylashtirilgan va uni takomillashtirishni rejalashtirishyapti.

Aftidan, iPhone'larning xitoycha nusxalarini yangi hayot kutyapti :)

📟 DigiTech

⚡️Ilon Mask 2027-yilda AQShdagi har bir bolaga SpaceX kompaniyasining bittadan aksiyasini sovg‘a qiladi.

Hozirda Amerikada 18 yoshgacha bo‘lgan 72 millionga yaqin bola bor, bitta aksiya esa 150 dollar turadi. Ya’ni, barcha voyaga yetmaganlarga sovg‘a qilinadigan bo‘lsa, joriy narxlarda Mask $10,5 milliardlik qimmatli qog‘ozlarni xayriya qilgan bo‘ladi.

Tadbirkorning o‘z boyligi 908 milliard dollarga baholanmoqda — iyun oyida u qisqa muddatga tarixdagi ilk trillionerga aylangan edi.

📟 DigiTech

🎮 Somon ichidan igna qidirish haqidagi o‘yinning SI-kloni dasturchilari o‘z loyihasini vaybkoderlar o‘g‘irlaganidan shikoyat qilishmoqda.

Yozda Steam’da Needle In A Haystack Simulator o‘yini ommalashib ketdi. Shundan so‘ng platformada uning o‘nlab nusxalari, jumladan, shunchaki Needle In A Haystack deb nomlangan o‘yin ham paydo bo‘ldi.

Endi esa shu so‘nggi o‘yin mualliflari yana bir boshqa — A Game About Needle In A Haystack yaratuvchilari ularning g‘oyasini o‘g‘irlaganidan nolimoqda.

O’g’rini qaroqchi urdi degani shu bo’lsa kerak. Hozir platformadan o’yinning asl nusxasini topishni o’zi somon ichidan ignani qidirish bilan teng :)

📟 DigiTech

📲 Qotib ishlaydigan Android davrlariga qaytamiz

Xitoylik insayderning ma’lum qilishicha, bir qator Xitoy kompaniyalari xotira inqirozi sabab aksariyat hamyonbop smartfonlarni 4 GB tezkor xotiraga o‘tkazishga qaror qilgan — hatto 6 GB ham faqat eng yuqori modifikatsiyalarda taklif etiladi. O‘rta byudjetli smartfonlar ham 12 GB dan 8 GB gacha tushadi.

Eng qizig’i, ayrim brendlar ishlatilgan smartfonlarni ommaviy xarid qilib, ulardan yangi qurilmalarni ishlab chiqarishda foydalanish uchun xotira chiplarini ajratib olmoqda.

Android Authority nashri sinovlar o‘tkazib, bugungi kunda Android tizimi uchun 8 GB tezkor xotira eng minimal talab ekanligini aniqladi: 4 GB xotirada tizim unchalik ravon ishlamaydi va bir vaqtning o‘zida bir nechta vazifani bajarish imkonini bermaydi.

📟 DigiTech

⚡️YouTube dizlayk tugmasini yashira boshladi — yangilangan interfeysda uni uch nuqtali yashirin menyuga o‘tkazishdi.

Hozirda yangilanish kichik foydalanuvchilar guruhida sinovdan o‘tkazilmoqda (xuddi pleyerning yangi dizayni kabi). U yakuniy relizgacha yetib boradimi yoki yo‘qmi, noma’lum.

YouTube dizlayklar hisoblagichini 2021-yildayoq yashirib qo‘ygandi, shu yilning boshida esa Shorts’lardan “Yoqmadi” tugmasini olib tashlagandi.

📟 DigiTech

⚡️Amerikalik yigit ChatGPT loyihalagan haqiqiy o‘q otuvchi to‘pponchani 3D-printerda chop etdi.

Muallifning so‘zlariga ko‘ra, sun’iy intellekt o‘qotar qurol chizmalari asosida o‘rganib, berilgan so‘rov bo‘yicha mustaqil ravishda yangi konstruksiyani o‘ylab topgan va to‘pponcha yaratgan.

Modelning o‘zi mukammal chiqmadi va o‘q uzishda biroz pand berdi, ammo jangovar patronlar bilan o‘tkazilgan uchta sinovdan naq ikkitasida o‘q uzishga muvaffaq bo‘lishdi.

📟 DigiTech

🎮 Keyingi Xbox narxi $1200–1800 bo’ladi: kompaniya xodimlarining so‘zlariga ko‘ra, Microsoft yangi avlod konsoli uchun shunday narxni mo‘ljallamoqda.

Uni 2028-yil oxiriga kelib taqdim etish rejalashtirilgan, ungacha esa portativ versiyasi sotuvga chiqadi — ikkalasi ham Project Helix nomi ostida yaratilmoqda. Narx faqat Microsoft xarajatlarning bir qismini o‘z zimmasiga olsagina pasayishi mumkin.

Ko‘rinishidan, PS6 ham shunga yaqin narxda chiqadi. Birgina uning xotirasi hozirdanoq 700 dollarga baholanmoqda.

📟 DigiTech

🤖 Xitoyning Unitree kompaniyasi buzg’unchining adabini berib qo‘ya oladigan va hatto mashina urib ketishidan qutqarib qoladigan robot-tansoqchini namoyish etdi.

H2-X Kung Fu Legend gumanoidi insonlarni himoya qilish va qutqarish uchun maxsus ishlab chiqilgan. U mustahkamlangan korpusga ega, jangovar usullarga o‘rgatilgan va sakkiz soatgacha ishlay oladi.

Narxi qancha bo‘lishini hozircha aytishmayapti. Bazaviy H2 modeli narxi hozirda 30 000 dollarni tashkil etadi.

📟 DigiTech

⚡️OpenAI’ning ikkita sun’iy intellekt agenti o‘z xavfsizlik tizimlarini o‘zi zaiflashtirdi — GPT-6.1 Sol bildirishnomalarni o‘chirib qo‘ygan bo‘lsa, GPT-6 Astra monitoring ulanishini butunlay olib tashladi.

Lekin topshiriqda agentlarga uni o‘chirish qat’iyan taqiqlangan edi. Hatto Astra’dan qilgan ishi haqida so‘ralganda ham, u barchasini inkor etgan.

Keyinchalik model kodni yangi arxitekturaga o‘tkazishda monitoring bo‘lmagan referensdan nusxa olganini tushuntirdi. Shu sababli uni umuman ulamaslikka qaror qilgan.

Ko‘rinishidan, AGI yaqin.

📟 DigiTech

🚘 Tesla elektromobillari egalari pul ishlash imkoniyatiga ega bo‘lishadi. Kompaniya har kimga o‘z avtomobilini AQSh’dagi maxsus robotaksi tarmog‘iga ulashga ruxsat beradi.

G‘oyaga ko‘ra, avtomobillar avtopilot yordamida yo‘lovchilarni tashiydi, egalari esa mashina kerak bo‘lmagan paytlarda qo‘shimcha daromad olishi mumkin bo’ladi.

Qatnovlardan qancha foiz to‘lanishi hozircha noma’lum. Ayni paytda Tesla huquqiy masalalarni hal qilmoqda va bu funksiyani 2027-yil oxirigacha ishga tushirishga va’da bermoqda.

📟 DigiTech

⚡️Yaponiyada xohlovchilarga daromadli bizneslar bepul yoki juda arzonga berib yuborilmoqda: bu mahalliy nafaqaxo‘rlar orasida yangi trendga aylangan.

Bir yigit mebellari, retseptlari, ta’minotchilar ro‘yxati va brendiga ega tayyor qahvaxonani 0 iyenaga oldi. Boshqa birovga esa bron qilish tizimi va xodimlari bo‘lgan mehmonxona bozor narxidan ancha arzonga tushdi.

Mamlakatda buning uchun hatto maxsus platformalar ham paydo bo‘ldi. Relay va Batonz’da bunday e’lonlarning umumiy soni allaqachon 42 mingdan oshgan.

Sharti faqat bitta: muassasa faoliyatini davom ettirish.

📟 DigiTech

👨‍💻 Microsoft Windows uchun Mac’da tayyorlangan yangi fon rasmlarini taqdim etdi.

Metama’lumotlarga ko‘ra, Windows Insiders dasturining 12 yilligi munosabati bilan taqdim etilgan fon rasmlari to‘plami Mac kompyuterida, Photoshop dasturi orqali yaratilgan. Bu holat payqab qolingach, Microsoft barcha izlarni tozalab tashladi.

Ijtimoiy tarmoqlarda hatto Microsoft’ning o‘zi ham Windows’dan uzoqroq yurishga harakat qilayotgani haqida hazillar tarqalmoqda.

📟 DigiTech

⚡️Mark Sukerberg Kremniy vodiysidan ketmasligi uchungina unga 20 milliard dollar to‘lashga tayyorlar — o‘z kompaniyasi rahbariyati uning u yerda qolishini "o‘ta muhim" deb hisoblamoqda.

Kaliforniyada o‘ta boylar uchun soliq joriy qilmoqchi bo‘lishganidan keyin, u ko‘chib ketish haqida o‘ylab qolgan edi.

Bunday saxiy taklifdan keyin u albatta qolishga rozi bo’ldi. Kelishuvni asosiy sharti: Ushbu moliyaviy yengillik evaziga Sukerberg keyingi kamida 8 yil davomida Kaliforniya yoki Meta bosh ofisi joylashadigan shtat rezidenti bo‘lib qolish majburiyatini oldi.

📟 DigiTech

⚡️Singapurlik olimlar sensor ekranli kiyimni namoyish etishdi — endi filmlar, seriallar tomosha qilish va rasmlarni shundoqqina o‘z kiyimingizda varaqlashingiz mumkin.

Ekran svetodiodli 54 ta maxsus toladan iborat. Tasvir aniqligi — 96×54 piksel, yangilanish chastotasi esa soniyasiga 30 kadrni tashkil etadi. Shuningdek, unda kalkulyatorni ishga tushirish, tana haroratini o‘lchash va ovozli boshqaruvni yoqish mumkin. 50 marta yuvilgandan keyin ham ekran o‘z yorqinligi va sifatini deyarli yo‘qotmagan.

Yaqin kelajakda olimlar kiyimga sun’iy intellektni ham o‘rnatishga va’da berishmoqda — shunda u bilan yeng orqali suhbatlashish mumkin bo‘ladi.

📟 DigiTech

⚡️Telegram’da yangi tavsiyalar lentasi shunday ko‘rinishda bo‘ladi:

• “Siz uchun” — foydalanuvchining qiziqishlari asosida shakllantiriladigan shaxsiy lenta.

• “Qo’shilganlar” — mustaqil ravishda tanlash mumkin bo‘lgan kanallardan iborat lenta. Ularni obuna bo‘lmasdan ham o‘qish imkoni bo‘ladi.

Funksiya hozirda ishlab chiqish jarayonida, uning ishga tushirilish sanasi esa oshkor etilmagan.

📟 DigiTech