Piskent jome masjidi | Rasmiy kanal
2.7K subscribers
8.67K photos
4.47K videos
29 files
7.29K links
Ушбу каналда оят, ҳадислар, уларнинг шарҳлари, ибратли воқеалар, ҳикматлар, маърифий мақолалар ҳамда "Пискент" жоме масжиди имом хатиби Абдул Ҳамид домланинг маърузалари эълон қилиб борилади.
Download Telegram
​ҚАЙТАР ДУНЁ

Бир танишим айтиб берганди.

"Россияга янги борган вақтларим эди.

Кечки сменада ишлардим. Эрталаб ишдан чиқиб дам олиш учун квартирага кетаётгандим. Биласиз, руслар одатда оз-моз бўлсаям ичиб юришга одатланган. Бекатда турсам биттаси келиб асабимни бузиб кетди. Кайфиятим йўқроқ эди, олдимга бир қари кампир келиб "Мана бу автобус фалон ергача борадими?" деб сўради.

"Бу ҳам шуларни биттаси-да" дедим-да, "Ҳа" деб қўяқолдим. Аслида у автобусни қаерга боришини билмасдим.

Шу пайт бошқа автобус келиб тўхтади, чиқиб кетдим. Ўн-ўн беш дақиқалар ўтяпти ҳам-ки, бекатим кўринмасди. Ҳайрон бўлиб индамай кетавердим. Қаттиқ чарчабман шекилли, ухлаб қолибман. Бир пайт кўзимни очсам, ўрмон оралаб кетяпмиз.

Шошиб ёнимдаги одамдан "Нечанчи автобус эди бу?" деб сўрадим. "Тўртинчи" деди. "Фалон ерга борадими?" дедим, "Йўқ" деди.

Автобусдан тушиб қолдим. Қаерга келиб қолганимни билмасдим. Йўлнинг нариги тарафига ўтиб орқага қайтдим.

Шаҳарга кириб борганда шофёрдан сўрадим, тайинли жавоб ололмадим. У пайтларда қўлимда телефоним ҳам йўқ эди. Ҳеч ким йўл кўрсатмади. Янги келганим учун қаердаман, манзилимга қандай бораман билмасдим. Ўша куни то кечга қадар яхшигина қийналиб, сарсон бўлдим.

Кечки пайт иш бошланадиган вақтимда зўрға ишхонамни топиб етиб келдим. Эсимдан чиқмайди, кейинроқ билсам, ўша куни шошилиб мен борадиган манзилнинг троллейбусдаги йўналиш рақамига адаштириб автобусга чиқиб кетган эканман.

Аслида у воқеъа менга дарс бўлганди.

Қарияга эътиборсизлик қилиб "ҳа" деб қўяқолганим учун динсиз бир аёл бўлса ҳам Аллоҳ мени бир кун умримни тентираш билан ўтказдириб жазо берганди.

Қайтиб ундай қилмадим.

Ундан кейин билсам тўғри йўл кўрсатдим, билмасам очиғини айтиб қўяқолдим.

Бировга азият етадиган иш қилишдан қўрқиб қолдим..."

Ҳикоя шу тариқа ниҳоясига етди. Мен учун ҳам ибрат бўлди.

Шояд-ки, Сиз-да таъсирланарсиз, кимгадир айтарсиз, "йўлни тўғри кўрсатинг, йўлингиз тўғри бўлади" дерсиз деб, Сизга ҳам илиндим...

Салим АЙЮБИЙ
This media is not supported in your browser
VIEW IN TELEGRAM
Абдул Ҳамид домла маъруза қиладилар

Кучли мўмин
Audio
❓Раҳматли амакимнинг икки фарзанди бор. Улар ҳозир ўқув марказига боришади. Тўлов масаласида қийналишади. Озгина жамғарган пулимнинг закотини уларга сарфласам бўладими?
***
Абдул Ҳамид домла жавоб берадилар
Audio
❓Садақа хайр-барака эканлигини кўп эшитаман. Аллоҳ қодир қилганича эҳсон қилишга ҳаракат қиламан. Эҳсонга муҳтож одамга, албатта. Кўчада юрганимда лўли тиланиб келса, бермайман. Чунки бу миллат ўзига садақа олишни касб қилиб олган. Лекин уйга келганида эшикни такиллатиб, садака сураб келса мажбур бўламиз. Лўлиларга садақа бериб гуноҳкор бўлмайманми?
***
Абдул Ҳамид домла жавоб берадилар
АЁЛЛАРНИНГ НОМАҲРАМ БИЛАН СУҲБАТЛАШИШ

Шариатнинг асосий мақсадларидан бири ҳаромга олиб борувчи барча эшикларни тўсмоқликдир.


Аёлнинг бегона эркак билан гаплашиши, уларнинг бир бирига хат ёзиши, ўзаро дўстона муносабатда бўлиши агарчи аввалида бу ишни шайтон уларга зийнатлаб, ҳаромдан пок, ёмон ниятда эмаску, деб кўрсатса ҳам, аслида бу ишлар ҳаромга олиб борувчи энг катта воситалар ҳисобланади. Чунки эркак билан аёл ўртасидаги яхши ният билан бошланган қанчадан-қанча муносабатлар аянчли якун топганига гувоҳ бўлганмиз.

Шунинг учун фуқаҳолар аёлнинг бегона эркак билан гаплашишига зарурий ҳожат бўлгандагина рухсат берганлар. Масалан: савдо-сотиқ каби молиявий муомалалар, аёлнинг олим кишидан шаръий масала сўраши ёки аёл олима бўлса, ундан эркак кишининг шаръий масала сўраши ва шу каби эркак билан аёлнинг сўзлашиши зарур бўлган ўринларда рухсат берилган.

Ҳанафий Аллома Аҳмад ибн Муҳаммад ибн Исмоил Тоҳтовий раҳматуллоҳи алайҳ Мароқий ал-фалаҳга ёзган ҳошиясида Абу Аббос ал-Қуртубийдан нақл қилиб қуйидаги матнни келтирган:

“Биз зарурат тақозо қилган пайтда бегона эркакларни аёллар билан гаплашишини жоиз деймиз. Лекин овозини кўтариши, гапни чўзиши, майин овозда гапириши ва юзланиб гапиришини жоиз демаймиз. Чунки бунда эркакларнинг уларга моил бўлиши, уларга нисбатан шаҳватнинг уйғониши бордир”.

Моликийлар ибодатлар фиқҳи бобида Расулуллоҳ соллаллоҳу аълайҳи васалламнинг аёллари саҳобалар билан гаплашгани ва саҳобаларнинг улардан дин аҳкомларини ўрганганини далил қилиб номаҳрам билан гаплашишни жоиз дейдилар. Улар бундан илм талабида таълим олиш ва таълим беришнинг жоизлигини олганлар.

Шофеийлардан Имом Ғаззолий зарурат бўлганда номаҳрам билан гаплашиш жоизлигига саҳобалар замонасида аёлларнинг эркаклардан фатво сўрашда, савол сўрашда ва маслаҳат каби нарсаларда гаплашганини далил қилиб келтиради.

Жумҳур тўрт мазҳаб уламоларининг қавлига кўра агар фитнадан омонда бўлинса, аёл кишининг овози аврат ҳисобланмайди. Лекин фитна хавфи бўлса, аёл кишининг овозини эшитиш мумкин эмас. Бунда ҳатто Қуръон тиловати бўлса ҳам мумкин эмасдир.

Суҳбатлашиб туришни ният қилиб бегона аёлни бирор вазифага қабул қилишни уламоларимиз ҳаром деганлар.

Зарурат ўринларда эркак киши билан аёлнинг гаплашиши жоизлигига қуйидаги оят далил бўлади:

"Эй Набийнинг аёллари! Сизлар аёллардан бирортаси каби эмассиз. Агар тақво қилсангиз, майин сўз қилманг, яна қалбида касали бор бўлган тамаъ қилиб юрмасин. Гапирганда яхши гапни гапиринглар". (Аҳзоб,32)

Бу оятда аёлнинг бегона эркак билан гаплашиши жоизлигида икки шарт қўйилган:

Биринчи: сўзнинг майин бўлмаслиги

Иккинчи: гапирадиган гапи фақат зарурий маъруф гап бўлиши

Мазкур оятдаги хитоб Росулуллоҳ соллаллоҳу аълайҳи васалламнинг аёлларига бўляпти. Улардан эркаклар билан гаплашганда ушбу оятнинг буйруғига бўйсуниш талаб қилинмоқда. Аслида у жамият, яъни, саҳобаи киромлардан ташкил топган жамият энг пок, энг соф, энг иффатли жамият эди. Демак булардан бошқаларнинг бу оятнинг кўрсатмасига эътибор қаратиши ва амал қилиши авлороқдир. Улар пайғамбар соллаллоҳу аълайҳи васалламнинг аёллари бўлгани учун мўминларнинг оналари ҳисобланади. Ақлан олиб қарасак, уларга бировнинг таъмаси бўлмайди. Уларгаки ушбу буйруқ бўлганидан кейин, ахлоқий таназзулга учраган бугунги кунда биз учун бу оятга амал қилиш янада муҳимроқдир.

Хулоса қилиб айтадиган бўлсак, фуқаҳоларнинг мазкур сўзларига кўра зарурий ҳолатда аёлнинг бегона эркак билан гаплашиши жоиз бўлиши учун қуйидаги шартларга риоя қилиш лозим бўлади:

Биринчи: Гаплашиш шаръий зарурат учун бўлиб, унда ҳожат доирасидан ортиқ гапни чўзиб, кенг мазмунда гаплашмаслиги.

Иккинчи: Сўзида, майинлик, юмшоқлик, мулойимлик, ҳазил-мутойиба, шаъма қилиш кабилар бўлмаслиги, токи бу нарсалар шаҳватни қўзғалишига сабаб бўлмасин.

Учинчи: Гаплашаётганда иккиси ёлғиз қолмаслиги.
Audio
❓Масжидда хуфтон намозига кечикдим. Азон чақириб ўкийманми? Ё такбир айтиб ўкиладими?
***
Абдул Ҳамид домла жавоб берадилар
This media is not supported in your browser
VIEW IN TELEGRAM
Абдул Ҳамид домла маъруза қиладилар

Мўминлар ўрнак бўлиши керак
Audio
❓Нафл рўза қандай тутилади? Шуни тушунтириб берсангиз.
***
Абдул Ҳамид домла жавоб берадилар
Audio
❓Таҳоратдан олдин истинжо ва истибро амалида ( влажний ) нам салфeтка дан фойдаланиш тўғрими?
***
Абдул Ҳамид домла жавоб берадилар
Audio
❓Адажоним вафот этдилар . Адажонимнинг номларидан эҳсон килсам, ўтадими?
***
Абдул Ҳамид домла жавоб берадилар
Audio
❓Беш маҳал намозни таҳорат билан ўқиймиз. Озгина нажосат, ел, пешоб чиқса, бошқатдан таҳорат олиш шарт эмас, ўша жойни ювиб ўқиса, бўлаверади деб эшитган эдим. Шу тўғрими?
***
Абдул Ҳамид домла жавоб берадилар
This media is not supported in your browser
VIEW IN TELEGRAM
Абдул Ҳамид домла маъруза қиладилар

"Спорт"нинг нотўғри тури
Audio
❓Маҳсининг турли туманлари чиқяпти. Мен пайпоққа ўхшаганини кияман. Оёғим оғригани учун беш маҳал таҳорат қилиб, оёқ ювгани қийналаман. Ўша пайпоқ маҳсига масҳ тортсам, таҳоратим тўлиқ бўладими?
***
Абдул Ҳамид домла жавоб берадилар
Audio
Бир ҳафтадан бери ҳар куни бомдод намозини жамоат билан масжидда ўқиб, кейин Тошкентга – ишга кетаман. Кун бўйи билан таксичилик киламан. ❓❓Лекин ўз вақтида пешин билан аср намозини ўқишга улгурмаяпман. Уйга келиб хуфтон намозидан кейин қазо бўлган пешин ва аср намозларини ўқияпман. Шу ишим тўғрими, йўқми?
***
Абдул Ҳамид домла жавоб қиладилар
Audio
❓Мен турмушга чиқмаганман. Лекин қошимни териб бўлган эдим. Кейин гуноҳлигини билиб термай қўйдим. Энди мен қошимни терганим учун гуноҳкор бўлиб қолавераманми?
***
Абдул Ҳамид домла жавоб берадилар
Audio
❓Хуфтон намозининг вақти бомдодгачами? Ёки 23.30гача ўқиб олишимиз керакми? Бўлмаса, қазо бўлиб қоладими? Агар қазо ҳисобланмаса, 00.00 дан бошлаб янги кун бошланади. Шу сабабли ниятда ўзгариш бўлиб қолмайдими? Масалан, 27-санадаги хуфтон намозини 28-сананинг бомдодигача ўқиб олса, бугунги хуфтонни ният қилдим дейилаверадими?
***
Абдул Ҳамид домла жавоб берадилар
Media is too big
VIEW IN TELEGRAM
Қадр кечаси

Қисқа метражли филм

AzonTV маҳсулоти
​ЭНГ БАРАКАЛИ АЁЛ

Пайғамбар алайҳисолату вассалом:
"Аёлларнинг энг баракалиси харажати энг енгилидир" дейдилар.
Харажат - маҳрдан бошлаб бутун ҳаёт давомида сарф этиладиган моллардир.
Аллома мулла Али Қори раҳимаҳуллоҳ ҳадис шарҳида шундай дейди:
"Харажатга маҳр ва нафақа кириб кетади. Туганмас хазина бўлмиш қаноатга далолат қилгани учун". (Мирқот, 5/2049)
Аллома Муновий раҳимаҳуллоҳ эса, қуйидаги сўзларни илова қилади:
"Никоҳнинг энг баракалиси энг енгилидир: харжати кам ва совчилиги тез битгани. Яъни, шариат рухсати доирасида. Рухсат белгиси эса энг енгил бўлишидир". (Файзул қадир, 3/482)

=========

Ҳадис далолати нотўғри тушунилмаслиги учун қуйидагиларни илова қилиш ўринли бўлса керак:
Харажати енгил дейилганда нафақани қисиб қўйиб, эҳтиёж бўлганда ҳам рўзғорга сарфлашдан қочишни, бу ишни шариат буюрган деб хотиржам бўлишни асло тушунмаслик керак. Чунки шариат аҳлу аёлга вақтида ва ҳожатга қараб сарф этишни энг буюк садақа ҳисоблайди. Аҳлу аёл нафақасига бепарво кимсаларни мазаммат қилади, уларнинг гуноҳкор эканини таъкидлайди.

Бу ерда кўзда тутилган нарса - исроф ва такаллуфдан узоқ бўлиш, топилган ризққа қаноат билан яшаш, дунё орзу-ҳавасига берилмай охират учун тайёргарлик кўришдир.

Сайфуллоҳ НОСИР
This media is not supported in your browser
VIEW IN TELEGRAM
Аёллар ҳуқуқи Исломда

Абдул Ҳамид домла маъруза қиладилар