l
АССАЛОМУ АЛАЙКУМ

Ҳаёт синовларингиз фақат муваффақиятли ўтсин, натижалар номаи амалингизга хайрла, ажру савобла битилишини Аллоҳ таоло муяссар айласин!

https://t.me/diyonatli

#Ҳадис

Набий алайҳиссалом шундай дея марҳамат қилганлар: “Ким иффатли бўлиш ҳаракатида бўлса, Аллоҳ унинг иффатини сақлайди. Ким одамларга сарғайиб юришдан қутулиш ҳаракатида бўлса, Аллоҳ таоло уни беҳожат қилиб қўяди. Ким сабрли бўлишга уринса, Аллоҳ таоло уни сабрли бандалардан қилади”.

Имом Бухорий ривояти.

Дўстларингизга ҳам улашинг:

https://t.me/diyonatli

#САВОЛ_ЖАВОБЛАР

МУҲАББАТЛИ ВА КЎП ТУҒАДИГАН АЁЛГА УЙЛАНИШ ҲАДИСИ

САВОЛ: Бир китобда “Эрига муҳаббат қиладиган ва кўп туғадиган аёлга уйланинглар. Мен бошқа умматларга сизларнинг кўплигингиз билан фахр қиламан”, деган ҳадисни ўқиб қолдим. Шуни кенгроқ тушунтириб берсангиз. Қизнинг бундай сифатда экани қандай аниқланади?

ЖАВОБ: Бисмиллаҳир Роҳманир Роҳим. Ҳа, дарҳақиқат шу маънода ҳадис келган. Маъқал ибн Ясор розияллоҳу анҳудан ривоят қилинади: “Бир киши Набий соллаллоҳу алайҳи васалламнинг ҳузурларига келиб: “Эй Аллоҳнинг Расули! Бир чиройли ва мартабали аёл топдим. Аммо туғмас экан. Унга уйланаверайми?” деди. “Йўқ”, дедилар. Кейин у зотга иккинчи марта келди. Яна қайтардилар. Сўнгра учинчи марта келганида: “Эрига муҳаббат қиладиган ва кўп туғадиган аёлга уйланинглар. Мен бошқа умматларга сизларнинг кўплигингиз билан фахр қиламан”, дедилар”. (Имом Абу Довуд, Насаий ривоят қилганлар).

Мазкур ҳадиси шарифни шарҳлаган уламолар қуйидагиларни айтганлар: “Олмоқчи бўлган келиннинг бу каби сифатлари унга яқин қариндош аёлларнинг ҳолини ўрганиш билан билинади. Унга яқин қариндош аёллар одатда эрига муҳаббат қиладиган, кўп туғадиган бўлсалар, уларнинг зотида бўлган қизлар ҳам кўпинча ўша сифатларга эга бўладилар. Чунки инсоннинг табиати кейинги авлодга ҳам ўтади”. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:

https://t.me/diyonatli

#Ҳадис

Пайғамбаримиз соллаллоҳу алайҳи васаллам: “Аллоҳ таоло бир бандани афв қилишидан фақат ва фақат унинг иззати ортади” дедилар.

Имом Муслим ривояти.

Дўстларингизга ҳам улашинг:

https://t.me/diyonatli

#САВОЛ_ЖАВОБЛАР

ҚЎЛИГА СУЯНГАН ҲОЛДА ЎТИРИШ

САВОЛ: Чап қўлни орқага қилган ҳолда, унга суяниб ўтириш жоизми? Ёши катталар бу ишни "ёмон" деб, қайтаришади.

ЖАВОБ: Бисмиллаҳир Роҳманир Роҳим. Йўқ, бу иш жоиз эмас. Ёши катталар бу ишни бежизга "ёмон" деб, қайтаришмаган. Зеро, бу макруҳ амал саналади. Бу ҳақда Шарид ибн Сувайд исмли саҳобий розияллоҳу анҳу шундай деганлар:

مَرَّ بي رسولُ اللهِ صلَّى اللهُ عليهِ وسلَّم وأنا جالسٌ هكذا وقد وَضَعْتُ يَدِي اليُسْرَى خلفَ ظهري واتَّكَأْتُ على أَلْيَةِ يَدِي فقال أَتَقْعُدُ قَعْدَةَ المغضوبِ عليهم ؟ !
“Бир куни Расулуллоҳ соллаллоҳу алайҳи васаллам менинг олдимдан ўтиб қолдилар. Мен чап қўлимни орқамга қўйиб, қўлимнинг кафтига суяниб ўтирган эдим. Шунда У Зот “Ғазаб қилинганларни ўтириши каби ўтирасанми?”, деб танбеҳ бердилар”. (Имом Аҳмад ва Абу Довуд ривояти).
Шунга кўра фақиҳлар "Киши хоҳ бир қўлига суянсин, хоҳ икки қўлига суянсин, фарқи йўқдир. Яъни, ҳар иккала ҳолатда ҳам макруҳ бўлади", деганлар ("Мирқотул-мафотиҳ" китоби асосида). Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:

https://t.me/diyonatli

#КУН_ОЯТИ

Сиздан (эй, Муҳаммад!) бандаларим Менинг ҳақимда сўрасалар, (айтинг) Мен уларга яқинман. Менга илтижо қилувчининг дуосини ижобат этурман. Бас, улар ҳам Мени (даъватларимни) ижобат (қабул) этиб, Менга имон келтирсинлар, шояд (шунда) тўғри йўлга тушиб кетсалар.

Оятда мўминлар учун улкан башорат бордир. У ҳам бўлса дуо ва илтижо қилувчиларнинг сўровларини ато этишга берилган илоҳий ваъдадир.

Бақара сураси 186-оят

Ижтимоий тармоқлардаги саҳифаларимиз:

https://t.me/diyonatli

#Ҳадис

Пайғамбаримиз алайҳиссалом марҳамат қилганларидек:

«Аллоҳ таоло мулойимдир ва мулойимликни яхши кўради. У Зот мулойимлик учун қаттиққўлликка бермаган ажр-мукофотни беради».

Имом Муслим ривояти.

Дўстларингизга ҳам улашинг ⤵️

https://t.me/diyonatli

#САВОЛ_ЖАВОБЛАР

ЮРОЛМАЙДИГАН ҚЎЙНИ АҚИҚАГА СЎЙСА БЎЛАДИМИ?

САВОЛ: Бир қўйимиз ётиб қолди. Ем, ҳашак ейди, лекин туриб, юра олмайди. Шуни ақиқага сўйсак бўладими?

ЖАВОБ: Бисмиллаҳир Роҳманир Роҳим. Йўқ, сиз айтган сифатдаги қўйни ақиқа учун сўйиш мумкин эмас. Чунки ақиқа қилинадиган жонлиққа қўйилган шартлар қурбонлик қилинадиган ҳайвонга қўйилган шартлар билан бир хилдир. Мазкур шартлар ичида қўй ҳеч бўлмаса сўйиладиган жойга юриб бора оладиган даражада соғлом бўлиши лозим. Агар бундай бўлмаса, уни ақиқа ёки қурбонлик мақсадида сўйиб бўлмайди. ("Раддул-муҳтор" китоби асосида). Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:

https://t.me/diyonatli

АССАЛОМУ АЛАЙКУМ

Ҳаёт синовларингиз фақат муваффақиятли ўтсин, натижалар номаи амалингизга хайрла, ажру савобла битилишини Аллоҳ таоло муяссар айласин!

https://t.me/diyonatli