#Ҳадис

Расулуллоҳ соллаллоҳу алайҳи васаллам: “Ҳар бирингиз бўғин ва суяклар устида тонг оттирганингиз учун бир садақа бор. Ҳар бир тасбеҳингиз – садақа. Ҳар бир таҳмид (Алҳамдулиллаҳ) – садақа, ҳар бир таҳлил (Лаа илаҳа иллаллоҳ) – садақа, ҳар бир такбир – садақа, яхшиликка буюришингиз ҳам, ёмонликдан қайтаришингиз ҳам садақадир. Энди буларнинг ҳаммаси учун икки ракат зуҳо намоз ўқишингиз кифоя қилади”, деганлар.

Имом Муслим ривояти.

Дўстларингизга ҳам улашинг

https://t.me/diyonatli

АССАЛОМУ АЛАЙКУМ

Ҳаёт синовларингиз фақат муваффақиятли ўтсин, натижалар номаи амалингизга хайрла, ажру савобла битилишини Аллоҳ таоло муяссар айласин!

https://t.me/diyonatli

#Ҳадис

Оталик меҳрининг энг гўзал ифодаси

Бисмиллаҳир Роҳманир Роҳийм

Расулуллоҳ соллаллоҳу алайҳи васаллам айтадилар: "Фотима менинг бир бўлагимдир. Уни ранжитадиган нарса мени ҳам ранжитади, уни хурсанд қиладиган нарса мени ҳам хурсанд қилади...".

Дўстларингизга ҳам улашинг ⤵️

https://t.me/diyonatli

#Раддия #Мақола

ИСЛОМДА ХИЖРАТ МАСАЛАСИ

Бугунги кунда террорчилик ташкилотларининг даъватчилари тинч давлатда яшаб келаётган ёшларни хориждаги жангарилар тайёрлови марказларга жўнатиш мақсадида дунёвий давлат ва жамиятни динсизликда айблаб, гўёки хижратга чиқиш фарз амал экани, “бунинг учун хеч кимнинг, хатто, ота-онанинг рухсатини олиш керак эмас” ёки “ота-онамиз бизни дунёга келишимизга сабабчи бўлган холос, хамма ишни хам уларни маслахатлари билан қилмаймиз” деган сохта тушунчаларни ёшлар онгига сингдиришга харакат қилмоқдалар

Абдуллоҳ ибн Умардан ривоят қилинади: Расулуллоҳнинг ҳузурларига бир киши келиб: “Ё Расулуллоҳ, мен ота-онамни йиғлаган ҳолида ташлаб, ҳижрат қилиш учун сизнинг ҳузурингизга келдим”, дейди. У зот эса: “Ота-онангнинг олдига қайтиб, уларни қандай йиғлатган бўлсанг, шундай кулдиргин”, деб жавоб берадилар (Абу Довуд ривояти).

Ватанни сотиш, ўз юрти ва ватандошларига зарар етказиш, ота-онани норози қилиб “оқ бўлиш” эса ислом таьлимотида оғир гунох хисобланади.

Масаланинг мухим жихатларидан бири шуки, гўёки “хижрат” учун Сурия каби мамлакатларга бораётганлар яхшилик билан шуғуланаётгани йўқ. Аксинча, ўша ерда уларга қўшилмаганларни “кофир” деб эълон қилиб, уйларини тортиб олиб, ўзларини ўлдириб юбормоқдалар, аёллар ва болаларга зулм қилмоқдалар. Бундай фитналар, гунохи кабира ишларга қўл ургандан кўра, ўз юртида тинчликда, эмин-эркинликда фарз аммалларни, ибодатларни бажариб, халол мехнат билан оиласини боқиб юрганлари афзал эмасми? Шу сабабли, исломда, фитна даврида унга аралашмай ибодатда бўлганларга катта иньомлар ваьда қилинган.

Ҳижрат икки хил бўлади. Биринчиси: дин ва ҳаёт муҳофазаси йўлида амалга ошириладиган маконий ҳижрат бўлиб, унга тааллуқли бир қатор оят ва ҳадислар ворид бўлган. Аллоҳ таоло бундай дейди:

“Зулму қийноқларга дучор бўлганларидан сўнг Аллоҳ йўлида ҳижрат қилган зотларни, албатта, бу дунёда ҳам гўзал (гўшаларга) жойлаштирурмиз. Энди охират ажри мукофоти янада каттароқ эканини (одамлар) билсалар эди!” (Наҳл, 41).

Иккинчиси: гуноҳ-маъсиятларни тарк этиш. Шу маънодаги ҳижрат тўғрисида Пайғамбаримиз Муҳаммад бир қатор кўрсатмаларни баён қилганлар. Жумладан, Имом Бухорий ривоят қилган ҳадисда У зот: “Тили ва қўлидан мусулмонлар саломат бўлган инсон ҳақиқий мусулмондир. Аллоҳ таоло қайтарган нарсаларни тарк қилган инсон ҳақиқий муҳожирдир”, дейдилар. Имом Байҳақий Ибн Умардан ривоят қилган ҳадисда: “Ҳижратнинг энг афзали – Раббинг ёмон кўрган нарсани тарк этмоғингдир”, дейилади.

Бузғунчи кучлар таассубга берилган шахсларни дунёнинг нотинчлик ҳукм сурган ва ўзлари қўним топган минтақаларига жамлаш ва шу орқали режалаштирилган геосиёсий мақсадларни амалга оширишга интилмоқда. Хусусан, улар илм ва маърифатдан йироқ, жоҳил кимсаларни Ислом диёри бўлган, азон айтиладиган, жума ва ҳайит намозлари ўқиладиган, хуллас, Исломнинг беш аркони эмин-эркин адо этиладиган, мусулмонлар тинчлик-хотиржамликда ҳаёт кечираётган Ватанни тарк этишга тарғиб қилмоқдалар. Ваҳоланки, она юртини ташлаб, ўзга юртларда сарсон-саргардон юриш, ўзи каби манқурт шахслар билан бирлашиб, киндик қони тўкилган юртига қарши қурол кўтариш Ислом таълимотига зид экани барчага маълум.

Пайғамбаримиз Муҳаммад соллаллоҳу алайҳи васаллам шундай деганлар:

لَا هِجْرَةَ بَعْدَ الْفَتْحِ،

Макка фатҳидан кейин ҳижрат йўқ

Бугунги кунда ҳижрат ҳар бир мусулмон учун, аввало, маънавий мазмунда намоён бўлиб, гуноҳ ва ҳаром ишлардан узоқлашиш, солиҳ амалларга юз тутиш орқали ҳаётга татбиқ этилади. Демак, ҳижрат тушунчасини тўғри англаш ва унга амал қилиш инсонни комилликка, жамиятни эса маънавий юксалишга олиб боради.

Абдул Хамид домла Маликов,
Тошкент вилояти Пискент тумани "Пискент" жоме масжид имом-хатиби

Ижтимоий тармоқлардаги саҳифаларимиз:
Facebook | Youtube | Telegram | Instagram

Дўстларингизга ҳам улашинг:
https://t.me/diyonatli

#КУН_ОЯТИ

Сизларга нима берилган бўлса фақат дунё ҳаётининг мато ва зийнатларидир. Аллоҳ ҳузуридаги (мукофот) эса яхшироқ ва боқийроқдир. Ахир, ақл юргизмайсизми?!

Қасас сураси 60-оят

Ижтимоий тармоқлардаги саҳифаларимиз:

https://t.me/diyonatli

Заҳар ва сеҳр таъсир қилмайди!

Бисмиллаҳир Роҳманир Роҳийм.

Мадина – хурмолари билан машҳур шаҳар. Мадина хурмолари ичида энг афзали “Ажва” хурмосидир. Ажва хурмоси ҳақида Расулуллоҳ соллаллоҳу алайҳи васалламдан кўп ривоятлар ворид бўлган. У жаннат меваларидан, унда шифо бор, ким етти дона ажва хурмосидан еса, унга сеҳр таъсир қилмайди. Расулуллоҳ соллаллоҳу алайҳи васаллам шахсан ўзлари муборак қўллари билан Мадинада ана ўша ажва хурмосини экканлар.

Омир ибн Саъд розияллоҳу анҳудан, унинг отасидан ривоят қилинади. Набий соллаллоҳу алайҳи васаллам: “Ким (оч қоринга) эрталаб ажвадан етти дона еса, ўша куни унга заҳар ҳам, сеҳр ҳам зарар қилмайди”, дедилар (Учовлари ва Насоий ривоят қилганлар).

Саъд розияллоҳу анҳу айтади: «Расулуллоҳ соллаллоҳу алайҳи васалламнинг “Ким ҳар куни тонгда еттита ажва хурмо еса, ўша куни унга заҳар ҳам, сеҳр ҳам зарар қилмайди”, деганларини эшитдим».

Ажва – энг сифатли хурмо навларидан бўлиб, меваси кичикроқ, қорамтир, шираси мўътадил бўлади. У асосан Мадинаи Мунавварада етиштирилади. Ҳозир ҳам унинг қиймати баланд. Унинг заҳар ва сеҳрни кесиш хусусиятига эгалиги бугун қатор илмий тадқиқотларда тасдиқланмоқда.

Дўстларингизга ҳам улашинг ⤵️

https://t.me/diyonatli

АССАЛОМУ АЛАЙКУМ!

Янги бир кун эзгу ният, яхши тилаклар билан бошланиши лозим. Чунки тилаклар дуоларга айланади. Ихлосла қилинган дуолар эса ижобат бўлади

Аллоҳим хайрли дуоларингизни мустажоб қилсин, кунингиз файзу баракотли ўтсин!!!

https://t.me/diyonatli

#Ҳадис

Оиша онамиз розияллоҳу анҳо айтадилар: "Набий соллаллоҳу алайҳи васаллам бирон ойда шаъбондагидан кўп рўза тутмас эдилар. Зотан, у зот шаъбоннинг ҳаммасида рўза тутар эдилар".

Имом Бухорий ривояти.

Дўстларингизга ҳам улашинг ⤵️

https://t.me/diyonatli

#Раддия #Видео #Маъруза

ИСЛОМДА ҲИЖРАТ МАСАЛАСИ...

Абдул Хамид домла Маликов,
Тошкент вилояти Пискент тумани "Пискент" жоме масжид имом-хатиби

"Ўзбекистон Республикаси Дин ишлари бўйича қўмитасининг 2026 йил 23 январдаги 03-07/464-сонли хулосаси асосида тайёрланди."

Ижтимоий тармоқлардаги саҳифаларимиз:
Facebook | Youtube | Telegram | Instagram

Дўстларингизга ҳам улашинг:
https://t.me/diyonatli

❗️Ҳаж ва Умрага бориш учун энди ягона портал орқали рўйхатдан ўтиш мажбурий бўлди

Ҳукумат қарорига кўра, янги тартиб қуйидаги саналардан кучга киради:
➖ 2026 йил 1 февралдан — “Ҳаж” тадбири учун;
➖ 2026 йил 1 майдан — “Умра” тадбири учун портал орқали рўйхатдан ўтиш мажбурий бўлади.

Зиёратчилар ҳақидаги маълумотлар порталга киритилмасдан туриб, сафараларни ташкил этишга рухсат берилмайди.

Дўстларингизга ҳам улашинг

https://t.me/diyonatli

Ижобат бўлган дуо

Бисмиллаҳир Роҳманир Роҳийм

Нуҳ алайҳиссалом бор йўғи тўрт калимадан иборат дуо билан Ер куррасини сувга ғарқ қилдилар:

أَنِّى مَغْلُوبٌ فَٱنتَصِرْ

“Мен мағлубдирман, ёрдам қилгин!” (Қамар сураси, 10-оят).

Сулаймон алайҳиссалом эса, бор йўғи учта калимадан иборат дуо билан Ер юзига ҳукмрон бўлдилар:

وَهَبْ لِى مُلْكًا

“Менга мулк (ҳукмронлик) бергин!” (Сод сураси, 35-оят).

Демак, бирор нарсага эришмоқ, таъсир этмоқ, асар қолдирмоқ учун узундан узоқ дуога ҳожат йўқ экан. Бор йўғи, Аллоҳга ихлос ва ишонч билан чин дилдан дуо қилинса, бас. Зеро, Аллоҳ таоло ваъда берган:

ٱدْعُونِىٓ أَسْتَجِبْ لَكُمْ

“Менга дуо қилингиз, Мен (дуоларингизни) ижобат қиламан” (Ғофир сураси, 60-оят).

Ҳомиджон домла ИШМАТБЕКОВ

Дўстларингизга ҳам улашинг ⤵️
https://t.me/diyonatli