ИМОМЛАРИМИЗ ЖАНУБИЙ КОРЕЯДА

Сўнгги йилларда юртимизда Рамазон ойи ҳурматли Президентимизнинг «Муборак Рамазон ойини муносиб тарзда ўтказиш тўғрисида»ги қарорига биноан жуда кўтаринки руҳда ўтказилмоқда.

Бу ойда нафақат юртимизда яшаётган, айни пайтда чет давлатларга ўқиш ёки ишлаш мақсадида кетган юртдошларимиз ҳам эътилбордан четда қолмаяпти.

Бу йил Рамазон арафасида қирққа яқин имом-хатибларимиз дунёнинг 9 та давлатига бориб, у ердаги юртдошларимиз билан суҳбатлар қилмоқда.

Тошкент вилоятидан ҳам икки нафар имом-домла айни кунларда Жанубий Кореяда бўлиб турибди.

Илёс домла Шокиров Самней шаҳарчасидаги «Абдуллоҳ ибн Умар» масжидида таровиҳ ва жума намозларини адо қилиб, гўзал суҳбатлар қилиб бермоқда.
* * *
Маъруфжон домла Нишонов эса Корея Республикаси Вонжу шаҳридаги «Wonju islamic centre» масжидида таровиҳ намозларида «Рамазон ва рўзанинг фазилатлари» мавъизалар қилиб беряпти.

Суҳбатлардан сўнг юртдошларимиз ўзларини қизиқтирган саволларга атрофлича жавоб олмоқдалар.

Таъкидлаш жоиз, Жанубий Кореяга ўқиш ёки ишлаш учун борган юртдошларимиз ҳурматли Президентимиз ва ҳукуматимиз ташаббуси, Муфтий ҳазратларининг бевосита қўллаб-қувватлашлари туфайли Ўзбекистондан ташриф буюрган уламоларнинг мавъизаларидан, таровеҳларда қориларнинг гўзал қироатларидан баҳраманд бўлишмоқда. Улар жуда мамнун эканликларини хатми Қуръонлардан сўнг Юртбошимиз, ҳукуматимиз, муфтий ҳазратлари ҳақларига гўзал дуолари билан намоён этмоқда.

Сафарлар давом этади.

Тошкент вилояти вакиллиги
Матбуот хизмати

Дўстларингизга ҳам улашинг:

https://t.me/diyonatli