Ҳар куни тонгда ўқиладиган 3 дуо

Бисмиллаҳир Роҳманир Роҳийм

﴿رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ﴾

Ўқилиши: Робби авзиъний ан ашкура ниъматакал-латий анъамта ъалаййа ва ъалаа ваалидаййа ва ан аъмала солиҳан тарзоҳу ва адхилний би роҳматика фий ъибаадикас-соолиҳийн.

Маъноси: Роббим! Менга ва ота-онамга инъом этган неъматингга шукр қилишга ва Ўзинг рози бўладиган яхши амалларнигина қилишга мени муваффақ этгин ва мени Ўз фазлинг билан солиҳ бандаларинг қаторига киритгин! (Намл сураси, 19-оят).

﴿وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا﴾

Ўқилиши: Роббана ҳаблана мин азважина ва зурриййаатина қуррота аъйунин важъална лил-муттақийна имама.

Маъноси: Роббимиз аёлларимиздан ва зурриётларимиздан бизга кўз қувончини бахш эт ва бизни тақводорларга пешво қилгин! (Фурқон сураси, 74-оят).

﴿رَبِّ هَب لي حُكمًا وَأَلحِقني بِالصّالِحينَ واجعَل لي لِسانَ صِدقٍ فِي الآخِرينَ واجعَلني مِن وَرَثَةِ جَنَّةِ النَّعيم﴾

Ўқилиши: Робби ҳаблий ҳукман ва алҳиқний бис-солиҳийн важъал лий лисаана сидқин фил-аахирийн важъалний мин варасати жаннатин-наъийм.

Маъноси: Роббим, менга ҳикмат ҳадя эт ва мени солиҳларга қўшгин. Ва менга кейин келгувчилар ичида содиқ мақтовлар бўладиган қилгин. Ва мени наъийм жаннати ворисларидан қилгин.

Даврон НУРМУҲАММАД

Дўстларингизга ҳам улашинг:

https://t.me/diyonatli

ЁҒОЧЧАЛИК ЭМАСМИ МУҲАББАТИНГИЗ?

Жаноби Пайғамбаримиз соллаллоҳу алайҳи васаллам илк паллаларда хурмо ёғочига суяниб хутба ўқир эдилар. Кейинчалик минбар тайёрланди.

У зот минбарга чиқиб хутба ўқийдиган бўлдилар. Қуриган хурмо ёғочи эса бу айрилиққа чидолмади, гўдак йиғиси каби овоз билан йиғлади.

Жанобимиз соллаллоҳу алайҳи васаллам минбардан тушдилар, келиб, гўдакни қучоқлагандек дарахтни қучоқладилар...

Шундан сўнг ёғоч тинчланиб, йиғини тўхтатди.

Жанобимиз соллаллоҳу алайҳи васаллам айтдилар: "Агар мен уни қучоқламаганимда, албатта қиёматга қадар йиғлаган бўлар эди".

Дўстларингизга ҳам улашинг:

https://t.me/diyonatli

Тинчлик дуоси

Бисмиллаҳир Роҳманир Роҳийм

Ўқилиши: “Роббижъал ҳаазаа баладан ааминан варзуқ аҳлаҳуу минаç çамарооти ман аамана минҳум биллааҳи ва йавмил аахир”.

Маъноси: “Роббим, буни омонлик юрти қилгин ва аҳлидан Аллоҳга ва қиёмат кунига иймон келтирганларини мевалар ила ризқлантиргин” (Бақара сураси, 126-оят).

Дўстларингизга ҳам улашинг:

https://t.me/diyonatli

Ғафлатда қолманг: Рамазоннинг сўнгги 10 кунлиги бошланди

Бисмиллаҳир Роҳманир Роҳийм

Расулуллоҳ соллаллоҳу алайҳи васаллам: "Лайлатул қадрни Рамазоннинг охирги ўн кечасининг тоқ (кеча)ларидан изланглар", деганлар (Имом Бухорий ривояти).

Қадр кечасининг
1 сонияси 23 соатдан афзал
1 дақиқаси 58 кундан афзал
1 соати 9 йилу 8 ойдан афзал
1 кечаси 83 йилу 3 ойдан афзал

Оиша онамиз розияллоҳу анҳо айтадилар: "Набий соллаллоҳу алайҳи васаллам (охирги) ўн кунлик кириб келса белбоғларини маҳкам боғлардилар, кечаларини тирилтирар ва аҳлларини уйғотардилар" (Имом Бухорий ривояти).

Бу йилги рамазон ойининг охирги тоқ кечалари:
21 кеча: 10 март (сешанба)дан — 11 март (чоршанба)га ўтар кечаси;
23 кеча: 12 март (пайшанба)дан — 13 март (жума)га ўтар кечаси;
25 кеча: 14 март (шанба)дан — 15 март (якшанба)га ўтар кечаси;
27 кеча: 16 март (душанба)дан — 17 март (сешанба)га ўтар кечаси;
29 кеча: 18 март (чоршанба)дан — 19 март (пайшанба)га ўтар кечаси.

Шундай экан, рамазон ойининг охирги 10 кунлигида кўпроқ
- зикр ва дуо қилинг;
- Қуръон тиловат қилинг;
- нафл намозларни ўқинг;
- закотингизни беринг.
- Аллоҳ таолонинг мағфирати ва раҳматини сўранг: “Аллоҳумма иннака афуввун, туҳиббул афва, фаъфу ъанний”.
- ҳар куни хайр-эҳсон қилинг;
- фитр садақасини беринг!

Аллоҳим барча мўминларга Рамазоннинг охирги ўн кунлигида Сени рози қиладиган амалларни қилишга муваффақ айла ва солиҳ амалларимизни қабул эт!

Даврон НУРМУҲАММАД

Дўстларингизга ҳам улашинг:

https://t.me/diyonatli

#Раддия #Мақола

ФОТИҲАДАН КЕЙИН “ОМИН” АЙТИШНИНГ ҲУКМИ

Ҳанафий ва Моликий мазҳабларида “омин”ни маҳфий (ичда) айтиш суннат деб айтилган бўлса, Шофеъий ва Ҳанбалий мазҳабларида уни жаҳрий (овоз чиқариб) айтиш суннат деб ҳисобланади.

Шофеъий ва Ҳанбалий мазҳаб уламолари қуйидаги ҳадисни ҳужжат қилиб келтирадилар. Абу Ҳурайра розияллоҳу анҳудан ривоят қилинади: Расулуллоҳ соллаллоҳу алайҳи васаллам дедилар:
“Қачон имом "омин" деса, сизлар ҳам "омин" денглар. Чунки кимнинг сўзи фаришталарнинг "омин’"га мувофиқ келса, унинг ўтган гуноҳлари мағфират қилинади” (Имом Бухорий ривояти).

“Омин”ни овоз чиқармасдан айтиш суннат деган Ҳанафий ва Моликий уламолари бу ҳадисга қуйидагича жавоб берганлар:
Пайғамбаримиз соллаллоҳу алайҳи васалламнинг “Қачон имом "омин" деса, сизлар ҳам "омин" денглар” деган сўзларида “омин”ни овоз чиқариб айтишга очиқ-ойдин далолат йўқ.

Уламолар бу ердаги “имом "омин" деса” иборасини мажозий маънога ҳамл қиладилар. Яъни, имом “омин” дейдиган ўринга келганда, сизлар ҳам “омин” денглар, деган маъно тушунилади.

“Омин”ни маҳфий айтиш суннат эканига саҳобаи киромларнинг сўзлари ва амаллари ҳам далил бўлади. Абу Воил розияллоҳу анҳудан ривоят қилинади: у зот айтадилар: Али ва Ибн Масъуд розияллоҳу анҳумо намоз ичида “Бисмиллаҳир роҳманир роҳим”ни ҳам, “аъузу”ни ҳам, “омин”ни ҳам овоз чиқариб айтмас эдилар. Бошқа бир ривоятда ҳазрати Умар розияллоҳу анҳунинг ҳам “омин”ни ичларида айтиб намоз ўқиганлари таъкидланади.

Уламолар “омин”ни маҳфий айтиш суннат эканига ақлий далиллар ҳам келтирганлар. Чунки “омин” лафзи дуодир, унинг маъноси “ижобат қил”, яъни “дуони қабул қил” демакдир.

Аллоҳ таоло Қуръони каримда марҳамат қилади:
“Роббингизга зорланиб ва хуфёна (овозсиз) дуо қилингиз! Зеро, У ҳаддан ошувчиларни ёқтирмайди” (Аъроф сураси, 55-оят).

Ҳадиси шарифда Пайғамбаримиз соллаллоҳу алайҳи васаллам бу ҳақда шундай:
“Ичда қилинган дуо жаҳрий қилинган дуодан етмиш баравар афзалдир” деганлар: (Имом Абу Шайх ривояти).

Абдул Хамид домла Маликов,
Тошкент вилояти Пискент тумани "Пискент" жоме масжид имом-хатиби

Дўстларингизга ҳам улашинг:
https://t.me/diyonatli

#КУН_ОЯТИ

(Эй, Муҳаммад!) Сиздан илгари Биз юборган ҳар бир пайғамбарга ҳам: «Мендан ўзга илоҳ йўқ, бас, Менга ибодат қилингиз!» – деб ваҳий юборгандирмиз.

Анбиё сураси 25-оят

Ижтимоий тармоқлардаги саҳифаларимиз:

https://t.me/diyonatli

Энг афзал рўза тутувчилар

Бисмиллаҳир Роҳманир Роҳийм

Уламолар айтадилар:

“Энг афзал рўза тутувчилар – рўзаси давомида Аллоҳ азза ва жаллани кўп зикр қилувчилардир”.

Дўстларингизга ҳам улашинг:

https://t.me/diyonatli