Ғафлатда қолманг: Рамазоннинг сўнгги 10 кунлиги бошланди

Бисмиллаҳир Роҳманир Роҳийм

Расулуллоҳ соллаллоҳу алайҳи васаллам: "Лайлатул қадрни Рамазоннинг охирги ўн кечасининг тоқ (кеча)ларидан изланглар", деганлар (Имом Бухорий ривояти).

Қадр кечасининг
1 сонияси 23 соатдан афзал
1 дақиқаси 58 кундан афзал
1 соати 9 йилу 8 ойдан афзал
1 кечаси 83 йилу 3 ойдан афзал

Оиша онамиз розияллоҳу анҳо айтадилар: "Набий соллаллоҳу алайҳи васаллам (охирги) ўн кунлик кириб келса белбоғларини маҳкам боғлардилар, кечаларини тирилтирар ва аҳлларини уйғотардилар" (Имом Бухорий ривояти).

Бу йилги рамазон ойининг охирги тоқ кечалари:
21 кеча: 10 март (сешанба)дан — 11 март (чоршанба)га ўтар кечаси;
23 кеча: 12 март (пайшанба)дан — 13 март (жума)га ўтар кечаси;
25 кеча: 14 март (шанба)дан — 15 март (якшанба)га ўтар кечаси;
27 кеча: 16 март (душанба)дан — 17 март (сешанба)га ўтар кечаси;
29 кеча: 18 март (чоршанба)дан — 19 март (пайшанба)га ўтар кечаси.

Шундай экан, рамазон ойининг охирги 10 кунлигида кўпроқ
- зикр ва дуо қилинг;
- Қуръон тиловат қилинг;
- нафл намозларни ўқинг;
- закотингизни беринг.
- Аллоҳ таолонинг мағфирати ва раҳматини сўранг: “Аллоҳумма иннака афуввун, туҳиббул афва, фаъфу ъанний”.
- ҳар куни хайр-эҳсон қилинг;
- фитр садақасини беринг!

Аллоҳим барча мўминларга Рамазоннинг охирги ўн кунлигида Сени рози қиладиган амалларни қилишга муваффақ айла ва солиҳ амалларимизни қабул эт!

Даврон НУРМУҲАММАД

Дўстларингизга ҳам улашинг:

https://t.me/diyonatli

#Раддия #Мақола

ФОТИҲАДАН КЕЙИН “ОМИН” АЙТИШНИНГ ҲУКМИ

Ҳанафий ва Моликий мазҳабларида “омин”ни маҳфий (ичда) айтиш суннат деб айтилган бўлса, Шофеъий ва Ҳанбалий мазҳабларида уни жаҳрий (овоз чиқариб) айтиш суннат деб ҳисобланади.

Шофеъий ва Ҳанбалий мазҳаб уламолари қуйидаги ҳадисни ҳужжат қилиб келтирадилар. Абу Ҳурайра розияллоҳу анҳудан ривоят қилинади: Расулуллоҳ соллаллоҳу алайҳи васаллам дедилар:
“Қачон имом "омин" деса, сизлар ҳам "омин" денглар. Чунки кимнинг сўзи фаришталарнинг "омин’"га мувофиқ келса, унинг ўтган гуноҳлари мағфират қилинади” (Имом Бухорий ривояти).

“Омин”ни овоз чиқармасдан айтиш суннат деган Ҳанафий ва Моликий уламолари бу ҳадисга қуйидагича жавоб берганлар:
Пайғамбаримиз соллаллоҳу алайҳи васалламнинг “Қачон имом "омин" деса, сизлар ҳам "омин" денглар” деган сўзларида “омин”ни овоз чиқариб айтишга очиқ-ойдин далолат йўқ.

Уламолар бу ердаги “имом "омин" деса” иборасини мажозий маънога ҳамл қиладилар. Яъни, имом “омин” дейдиган ўринга келганда, сизлар ҳам “омин” денглар, деган маъно тушунилади.

“Омин”ни маҳфий айтиш суннат эканига саҳобаи киромларнинг сўзлари ва амаллари ҳам далил бўлади. Абу Воил розияллоҳу анҳудан ривоят қилинади: у зот айтадилар: Али ва Ибн Масъуд розияллоҳу анҳумо намоз ичида “Бисмиллаҳир роҳманир роҳим”ни ҳам, “аъузу”ни ҳам, “омин”ни ҳам овоз чиқариб айтмас эдилар. Бошқа бир ривоятда ҳазрати Умар розияллоҳу анҳунинг ҳам “омин”ни ичларида айтиб намоз ўқиганлари таъкидланади.

Уламолар “омин”ни маҳфий айтиш суннат эканига ақлий далиллар ҳам келтирганлар. Чунки “омин” лафзи дуодир, унинг маъноси “ижобат қил”, яъни “дуони қабул қил” демакдир.

Аллоҳ таоло Қуръони каримда марҳамат қилади:
“Роббингизга зорланиб ва хуфёна (овозсиз) дуо қилингиз! Зеро, У ҳаддан ошувчиларни ёқтирмайди” (Аъроф сураси, 55-оят).

Ҳадиси шарифда Пайғамбаримиз соллаллоҳу алайҳи васаллам бу ҳақда шундай:
“Ичда қилинган дуо жаҳрий қилинган дуодан етмиш баравар афзалдир” деганлар: (Имом Абу Шайх ривояти).

Абдул Хамид домла Маликов,
Тошкент вилояти Пискент тумани "Пискент" жоме масжид имом-хатиби

Дўстларингизга ҳам улашинг:
https://t.me/diyonatli

#КУН_ОЯТИ

(Эй, Муҳаммад!) Сиздан илгари Биз юборган ҳар бир пайғамбарга ҳам: «Мендан ўзга илоҳ йўқ, бас, Менга ибодат қилингиз!» – деб ваҳий юборгандирмиз.

Анбиё сураси 25-оят

Ижтимоий тармоқлардаги саҳифаларимиз:

https://t.me/diyonatli

Энг афзал рўза тутувчилар

Бисмиллаҳир Роҳманир Роҳийм

Уламолар айтадилар:

“Энг афзал рўза тутувчилар – рўзаси давомида Аллоҳ азза ва жаллани кўп зикр қилувчилардир”.

Дўстларингизга ҳам улашинг:

https://t.me/diyonatli

Хурмонинг фойдалари

Саҳобалар айтадилар: “Расулуллоҳ соллаллоҳу алайҳи васаллам сариёғ ва хурмони яхши кўрар эдилар” (Имом Абу Довуд, Имом Ибн Можа ривояти).

Хурмо кам калорияли мева ҳисобланиб, унда бор-йўғи 23 кило калория мавжуд. Бироқ хурмонинг таркибида инсон организми учун зарур бўлган 30 га яқин турдаги аминокислоталар мавжуд бўлиб, уларнинг аксарияти бошқа меваларда учрамайди.

Шунингдек, у калий, магний, темир, мис ва витаминлар айниқса B6га бойдир.

Хурмо организмдаги холестерин даражасини пасайтириш орқали юрак касалликлари хавфини камайтиради. Ичак фаолиятини яхшилайди ва қабзиятнинг олдини олади. Уни мунтазам истеъмол қилиш ичак микрофлорасини соғломлаштиришга хизмат қилади.

Хурмо таркибидаги калий қон босимини меъёрлаштиришга ва юрак функциясини қўллаб-қувватлашга ёрдам беради. Унда B6 витамини ва антиоксидантлар миядаги яллиғланиш жараёнларини камайтиради, хотирани мустаҳкамлайди, фикрлаш қобилиятини яхшилайди.

Таркибидаги глюкоза, фруктоза ва сукроза каби табиий шакарлар туфайли хурмо организмга энергия беради. Шу сабабли у жисмоний чарчоқ пайтида ва ифторликда энг яхши озуқа ҳисобланади.

Расулуллоҳ соллаллоҳу алайҳи васаллам: “Хурмо мўмин учун қандоқ ҳам яхши саҳарлик”, деганлар (Имом Абу Довуд ривояти).

Набий соллаллоҳу алайҳи васаллам қишда хурмо билан, ёзда сув билан оғиз очар эдилар.

Хурмо таркибидаги калций, магний ва фосфор суякларни мустаҳкамлайди ва остеопороз каби касалликлар хавфини камайтиради. Ундаги антиоксидантлар эса, тери қаришини секинлаштиради ва унинг эластиклигини сақлайди.

Тадқиқотлар шуни кўрсатадики, ҳомиладорлик даврида мунтазам хурмо истеъмол қилиш туғруқ жараёнини осонлаштиришга ёрдам беради.

Жобир розияллоҳу анҳудан ривоят қилинади. Расулуллоҳ соллаллоҳу алайҳи васаллам: «Кимки: “Субҳаналлоҳи ва биҳамдиҳи”, деса, у учун жаннатда бир хурмо экилади», дедилар (Имом Термизий ривояти).

Даврон НУРМУҲАММАД

Дўстларингизга ҳам улашинг:

https://t.me/diyonatli

#laylatul_qadr #namoz #tilovat

ҚАДР КЕЧАСИДА ҚАНДАЙ АМАЛЛАРНИ БАЖАРИШ КЕРАК?

1. Қуръони карим тиловати билан машғул бўлиш.

2. Нафл намозларни адо этиш.
Аллоҳ таоло ҳадиси қудсийда айтади: "...Бандам Менга нафл ибодатлар билан яқинлашиб келаверади, ҳатто Мен уни яхши кўраман..." (Имом Бухорий, Имом Аҳмад ва Ибн Ҳиббон ривояти).

3. Аллоҳни кўп зикр қилиш.
“Субҳааналлоҳи валҳамдулиллаҳи ва лаа илаҳа иллаллоҳу валлоҳу акбар ва лаа ҳавла ва лаа қуввата илла биллаҳил ъалиййил ъазийм”.

4. Ота-она, аҳли-оила, яқинлар ва жамики мусулмон умматининг ҳаққига дуо қилиш.
"Роббанағфир лий ва ли ваалидаййа ва лилмуминийна йавма йақуумул ҳисааб".
Маъноси: “Роббимиз! Ҳисоб-китоб қилинадиган (қиёмат) куни мени, ота-онамни ва (барча) мўминларни мағфират қилгин!” (Иброҳим сураси, 41-оят).

5. Ушбу дуони кўп қилиш.
"Аллоҳумма иннака афуввун, туҳиббул афва, фаъфу ъанний".
Маъноси: "Аллоҳим, Сен афв қилувчисан, афв қилишни яхши кўрасан, мени афв қил (кечир)гин".
Олимлардан бири айтади: "Вақт оз, аммо Аллоҳдан сўрайдиган сўровларинг кўп бўлса Аллоҳдан авф қилишини сўра. Агар Аллоҳ сени авф қилса, барча ҳожат ва истакларинг сўрамасанг ҳам олдинга келади".

6. Расулуллоҳ соллаллоҳу алайҳи васалламга салавот айтиш.
"Аллоҳумма солли ва саллим ъалаа Муҳаммадин ва ъалаа аали Муҳаммад".

7. Имконият даражасида мискин-фақирларга садақа бериш.
Расулуллоҳ соллаллоҳу алайҳи васаллам: "Садақа Аллоҳнинг ғазабини ўчиради", деганлар (Имом Термизий ривояти).

8. Истиғфор айтиш.
“Астағфируллоҳал аъзийм аллазий лаа илаҳа иллаа ҳувал Ҳаййул Қоййум ва атуубу илайҳи”.

9. Аллоҳдан ибодатларни қабул қилишини сўраш.
"Роббана тақоббал минна иннака антас самийъул аълийм ва туб аълайна йаа Мавлаанаа иннака антат тавваабур роҳийм".

Дўстларингизга ҳам улашинг:
https://t.me/diyonatli

Ассалому алайкум

Рамазоннинг муборак тонгида дуоларингиз ижобат, қалбингиз пок бўлсин. Аллоҳ қилган ҳар бир яхшилигингизни Ўз даргоҳида қабул айлаб, сизни икки дунё саодатига эриштирсин.

Кунингиз файзу баракотли,  хайр манфаатли ўтсин!!!

https://t.me/diyonatli