#Ҳадис

Ибн Умар розияллоҳу анҳудан ривоят қилинади. Расулуллоҳ соллаллоҳу алайҳи васаллам: «Сизлардан бирортангиз чап қўли билан овқатланмасин. Ҳамда чап қўли билан бирор ичимлик ичмасин. Чунки шайтон чап қўли билан овқатланиб, чап қўли билан ичимлик ичади», дедилар.

Имом Муслим ривояти.

Дўстларингизга ҳам улашинг ⤵️

https://t.me/diyonatli

#КУН_ОЯТИ

وَفِي خَلۡقِكُمۡ وَمَا يَبُثُّ مِن دَآبَّةٍ ءَايَٰتٞ لِّقَوۡمٖ يُوقِنُونَ

Ва сизларнинг яратилишингизда ва таратиб қўйган жониворларда аниқ ишонадиган қавм учун оят-белгилар бор.

Жосия сураси 4-оят

Инсоннинг яратилишида Аллоҳ таолонинг биру борлигига, куч-қудратига, тадбиру санъатига сонсиз-саноқсиз оят-белгилар бор.

Ижтимоий тармоқлардаги саҳифаларимиз:

https://t.me/diyonatli

Сиз шундай инсонлардан бири бўлишга ҳаракат қилинг

Муоз ибн Анас розияллоҳу анҳудан ривоят қилинади. Расулуллоҳ соллаллоҳу алайҳи васаллам айтдилар: “Ким Қуръон ўқиса ва ундаги бор нарсаларга амал қилса, Қиёмат куни Аллоҳ унинг ота-онасига бир тож кийдирадики, унинг нури дунё қуёшининг нуридан ҳам гўзалроқдир. Энди бунга амал қилган киши ҳақида нима деб ўйлайсиз?!” (Имом Абу Довуд ривояти).

Шундай экан, беҳуда ўтаётган вақтингизни Қуръон ёдлаш билан жонлантиринг. Зеро, Аллоҳ таоло ҳузурида Қуръон аҳлининг мартабасидан юқори мартаба йўқдир.

Қуръон соҳиби ўз аҳли-оиласидан дўзах вожиб бўлган ўн кишини шафоат қилади.

Қуръон аҳли сабабли балолар ва ваболар кўтарилади, ёмғирлар ёғади ва улар қаерда бўлсалар, ўша ерга раҳматлар нозил бўлади.

Сиз ҳам ана шундай инсонлардан бири бўлишга ҳаракат қилинг.

Ҳомиджон қори ИШМАТБЕКОВ

Дўстларингизга ҳам улашинг:

https://t.me/diyonatli

Исломни қабул қилди

Бисмиллаҳир Роҳманир Роҳийм

Кураш инсоннинг жисмонан кучли, бақувват бўлишини таъминлайдиган энгмуҳим спорт турларидан бири ҳисобланади. Ислом динида кураш тушиш ва кураш мусобақаларини ўтказиш доимо қўллаб қувватланади.

Ҳадисда ривоят қилинишича, бир куни Язид ибн Рукона уч юзта қўй етаклаб Набий соллаллоҳу алайҳи васалламнинг олдиларига келди ва “Эй Муҳаммад, мен билан курашасанми?” деди. У зот алайҳиссалом: “Агар сени йиқитсам нима тикасан?” дедилар. У: “Юзта қўй”, деди. Улар кураш тушишган эди. Язид ибн Рукона йиқилди. У: “Яна қайта тушасанми?” деди. У зот: “Нима тикасан?” дедилар. У: “Бошқа юзтасини”, деди. Улар кураш тушишди. У яна йиқилди. Учинчисида ҳам шундай бўлди. Шунда у: “Эй Муҳаммад, сендан аввал бирор киши менинг курагимни ерга теккизмаган эди”, деди ва Исломни қабул қилди.

Шунда у: “Энди аҳлимга нима дейман? Битта қўйимни бўри еди, бири қочиб кетди, учинчисини нима дейман?” деди. Набий соллаллоҳу алайҳи васаллам: “Биз сени йиқитиб, қўйларингга эга бўлиш учун кураш тушмадик. Қўйларингни олиб, кетавер”, дедилар.

Ушбу ҳадисдан олинадиган фойдалар қуйидагилардир:

1. Ислом динида кураш каби спорт турлари жоизлиги;
2. Мусулмон киши ўзга дин вакили билан мусобақалашиши жоизлиги;
3. Мусобақага соврин учун бирор нарса тикиш жоизлиги;
4. Мағлуб киши мағлубиятини тўғри тан ола билиши ва рақибига яхши муносабатда бўлиши;
5. Ғолиб мағлуб рақибини хафа қилмаслиги.

Муҳаммад Зариф Муҳаммад Олим ўғлининг
"Исломда саломатлик" китобидан олинди

Дўстларингизга ҳам улашинг:

https://t.me/diyonatli

Робиа Басриянинг Аллоҳ таолога бўлган муҳаббатлари

Бисмиллаҳир Роҳманир Роҳийм

Робиа Басриянинг дуо қилганлари ҳақида бундай ривоят қилинади. У зот таҳажжуд намозидан сўнг бундай дуо қилар эдилар: “Ё Роббим! Қуёш ботди, тун бўлди, осмонда юлдузлар чарақлай бошлади. Дунё подшоҳлари ўз дарвозаларини ёпишди. Лекин Сенинг эшигинг ҳали-ҳануз очиқдир. Шунинг учун Сенинг ҳузуринга келдим”.

Субҳаналлоҳ! Нақадар ажойиб илтижо. Ҳа, бундай зотлар Аллоҳ таолога дуо қилиш лаззатини жуда яхши билганлар. Аллоҳ улардан рози бўлсин!

Шайх Зулфиқор Аҳмад Нақшбандийнинг
"Илоҳий ишқ" китобидан Нодир Одинаев таржимаси

Дўстларингизга ҳам улашинг:

https://t.me/diyonatli

Ҳеч ким ҳақли эмас!

Бисмиллаҳир Роҳманир Роҳийм

Ҳеч ким билимсиз ёки нафсига эргашиб бошқалар гуноҳи ҳақида гапиришга ҳақли эмас. Чунки инсон ўз гуноҳлари учун жавобгар бошқаларнинг гуноҳлари учун эмас.

Дўстларингизга ҳам улашинг:

https://t.me/diyonatli

Зулқаъда ойида қандай амаллар бажарилади?

Зулқаъда нима дегани? Луғатда “маконга қайтадиган”, “жойланиб олинадиган” деган маънони англатади.

Зулқаъда – шаҳрул ҳаром.

Зулқаъда ойи тўрт ҳаром ойлардан бири бўлиб, бу ойда жанг ва урушлар ҳаром қилинган. (Тўрт ҳаром ойлар зулқаъда, зулҳижжа, муҳаррам ва ражаб). Жоҳилият даврида ҳам бу ойда уруш бошламасдилар. Ҳатто фарзанд ўз отасининг қотилини кўрганда ҳам бу ойнинг ҳурматидан унга бирор сўз айтмасди.

Зулқаъда – ҳижрий тақвимнинг ўн биринчи ойи. Бу ой шавволдан кейин ва зулҳижжадан олдин келади.

Қуръони каримда Зулқаъда ойи...

Аллоҳ таоло Қуръони каримда бундай марҳамат қилади: “Албатта, Аллоҳнинг китобида ойларнинг сони Аллоҳнинг ҳузурида осмонлару ерни яратган куни ўн икки ой қилиб белгиланган. Улардан тўрттаси (уруш қилиш) ҳаром (ойлар)дир. Мана шу тўғри диндир. У(ой)ларда ўзингизга зулм қилманг. Мушрикларга қарши жам бўлиб, улар сизга қарши жам бўлиб урушаётгандек, уруш қилинг. Ва билингки, албатта, Аллоҳ тақводорлар биландир” (Тавба сураси, 36-оят).

Ҳадиси шарифда Зулқаъда ойи...

Расулуллоҳ соллаллоҳу алайҳи васаллам: “Албатта, замон Аллоҳ таоло осмонлар ва ерни яратган пайтдаги ҳолига қайтди. Бир йил ўн икки ойдир. Улардан тўрти ҳаром ойлардир. Учтаси бирин кетин: зулқаъда, зулҳижжа ва муҳаррам ҳамда (тўртинчиси) жумади (ас-соний) ва шаъбон орасидаги музарнинг ражаби (бу ойни ҳурмат қилганлари учун музар қабиласининг номи билан аталган)”, дедилар (Имом Бухорий ривояти).

Бу ойда қандай амалларни бажариш лозим?

Аллоҳдан мағфират сўрашни, истиғфор айтишни кўпайтиринг.
Имкон қадар инфоқ, эҳсон садақа қилинг.
Ҳар куни Мулк сурасини ўқинг.
Инсонларга зулм қилманг.
Ғазабингизни ютишга одатланинг.
Зуҳо намозини ўқинг.
Кўпроқ Қуръон тиловат қилинг.
Нафл рўзаларни тутинг.

Даврон НУРМУҲАММАД

Дўстларингизга ҳам улашинг:

https://t.me/diyonatli

#Bosh_imom_minbari

ҚАБР — ЖАННАТДАН БИР БОҒЧА ЁКИ ДЎЗАХДАН БИР ЧУҚУР

Дониёр домла Икромов
Тошкент вилояти бош имом-хатиби

https://t.me/diyonatli

#Раддия #Видео #Маъруза

ТАҲОРАТДА НИЯТ ФАРЗМИ?

Абдул Хамид домла Маликов,
Тошкент вилояти Пискент тумани "Пискент" жоме масжид имом-хатиби

Ўзбекистон Республикаси Дин ишлари бўйича қўмитасининг 2026 йил 16 апрелдаги 03-07/3287-сонли хулосаси асосида тайёрланди.

Ижтимоий тармоқлардаги саҳифаларимиз:
Facebook | Youtube | Telegram | Instagram

Дўстларингизга ҳам улашинг:
https://t.me/diyonatli

#Раддия #Видео #Маъруза

ТАҲОРАТДА НИЯТ ФАРЗМИ?

Абдул Хамид домла Маликов,
Тошкент вилояти Пискент тумани "Пискент" жоме масжид имом-хатиби

Ўзбекистон Республикаси Дин ишлари бўйича қўмитасининг 2026 йил 16 апрелдаги 03-07/3287-сонли хулосаси асосида тайёрланди.

Ижтимоий тармоқлардаги саҳифаларимиз:
Facebook | Youtube | Telegram | Instagram

Дўстларингизга ҳам улашинг:
https://t.me/diyonatli