Piskent jome masjidi | Rasmiy kanal
2.7K subscribers
8.67K photos
4.46K videos
29 files
7.28K links
Ушбу каналда оят, ҳадислар, уларнинг шарҳлари, ибратли воқеалар, ҳикматлар, маърифий мақолалар ҳамда "Пискент" жоме масжиди имом хатиби Абдул Ҳамид домланинг маърузалари эълон қилиб борилади.
Download Telegram
ҚИССАДАГИ ИБРАТ

Ибн Касир роҳимаҳуллоҳ ўзининг "Ал-бидая ван ниҳая" номли китобида келтиради:
"Жуъайф Самарқандий Аббосий халифалардан бўлган Мўътазиднинг дўсти эди. Бир куни у халифа билан овга чиқди. Улар қўшиндан анча узоқлашиб кетишди. Иккови ёлғиз эди. Уларнинг олдидан шер чиқиб қолди. Шунда халифа Жуъайфга деди:
- Эй Жуъайф! Бугун сенда яхшилик борми?
Яъни, халифа бу гапи билан "бугун мени қутқара оласанми шердан?", демоқчи бўлди.
Жуъайф деди:
- Аллоҳга қасамки, йўқ эй мўъминлар амири!
Халифа деди:
- Ҳеч бўлмаганда тушиб олишим учун отимни ушлаб турарсан?!
- Майли!
Халифа отидан тушди ва қиличини яланғочлади. Шер унга ҳужум қилди. Халифа қиличи билан шернинг қўлига урди, шернинг қўли кесилиб кетди. Шер қўли билан овора бўлиб қолди. Шунда халифа унинг бошига уриб ўлдирди.

Жуъайф айтади:
"Мен халифа билан умрининг охиригача бирга бўлдим. У шерни ўлдирганини бирор кишига айтмади, мақтанмади. Мен нимадан ажабланишни ҳам билмайман. Халифанинг шижоатиданми ёки унинг ўз қаҳрамонлигини нишонламаганиданми?! Ҳатто мен унга ёрдам бермаганим учун ҳам у мени койимади. Аллоҳга қасамки, у мени бирор марта юзимга солмади!".

Шуни билишимиз лозимки, инсонлар мусулмон бўладими, кофир бўладими, бой бўладими, фақир бўладими барибир инсонлик қафасидан чиқиб кета олишмайди. Ҳатто башариятнинг энг тозаси бўлган пайғамбарлар ҳам ҳаётларида, инсоний ҳис-туйғуларда бошқа инсонлар каби бўлишган.
Мусо алайҳис салом сеҳргарлар арқон ва таёқларини ерга ташлаганда қўрқиб кетган эдилар. Чунки у киши Набий бўлиш билан бирга инсонлар. Аллоҳ билан гаплашиб қавмлари олдига қайтиб келганларида уларнинг бузоққа ибодат қилаётганини кўриб ғазаблари қўзиб кетди. Таврот ёзилган лавҳларни ерга ташлаб юбориб биродарлари Ҳорун алайҳис саломнинг соқолларидан тутдилар. Чунки у киши ҳам гўшт ва қондан иборат инсондирлар!
Ғарқ бўлаётган кофир ўғилларини кўриб Нуҳ алайҳис саломнинг қалблари парчаланди. Чунки у киши Набий бўлиш билан бирга ота ҳам эдилар!
Расулимиз саллоллоҳу алайҳи ва саллам ўғиллари Иброҳимни, амакилари Ҳамза розиёллоҳу анҳуни, завжалари Ҳадича онамиз розиёллоҳу анҳони йўқотганларида йиғладилар. Чунки у кишига ҳам суюкли кишиларини йўқотиш оғриқ берар эди!

Кишиларга мана шу ўлчов асосида муомала қилишимиз керак. Улар аввало инсон!
Аёл кишида Қоруннинг мулки бўлсада, у суюкли ёри ҳадя қилган оддий гулдан хурсанд бўлади. Уни сотиб олишга кучи етмаганидан эмас, балки бир нарсага молик бўлиш ундаги шодлик ва қувончга ҳам эга бўлиш дегани эмаслигидан.
Аёл киши қанчалар катта мансабга ўтирмасин эркакнинг ғамхўрлигидан, соғинчла унинг қўлини ушлашидан, ширин сўзидан беҳожат эмас. Чунки аёл ҳам, эркак ҳам масабдор бўлишидан олдин инсондир!
Инсон бутун бир халқ устида ҳукмрон бўлсада, фарзандга эҳтиёжи бор. Зеро бу инсоний фитрат ва эҳтиёждир.
Инсонлардан фаришта бўлишни талаб қилмаслигимиз лозим. Чунки биз модомики инсон эканмиз, қўрқамиз, ғазаб қиламиз, синиб қоламиз, муҳаббатни йўқотиб қўямиз, рози бўламиз, кечирамиз, куламиз, йиғлаймиз. Шундай экан, инсонлигимизча яшашимиз керак. Шуни унутмайликки, биз муомала қилаётган атрофимиздаги инсонлар ҳам инсон!

Абдул Қодир САМАРҚАНДИЙ

👉 @diyonatli
👍3
This media is not supported in your browser
VIEW IN TELEGRAM
Ҳақиқий олимнинг сифати | Абдул Ҳамид домла

👉 @diyonatli
👍3
ИЛМ БИЛАН МАШҒУЛ БЎЛИШ

1997 йилнинг 16-феврал куни вафот этган устозлар устози Абдулфаттоҳ Абу Ғудда роҳимаҳуллоҳ вафотларига 25 йил бўлди.

Илмда, сулукда, фаросатда, ҳалимликда беназир эдилар. Аллоҳ таоло раҳмат қилсин.

У кишидан шу ҳикматли гапни нақл қилсак:

«Илм ўзи билан машғул бўлган инсонга дарҳол фойда келтирмаса ҳам, вақтни зое қилувчи бекорчи нарсалардан узоқ тутиши ҳам етарлидир».

Изоҳ: инсон умуман фойда келтирмайдиган илм билан машғул бўлиши бекор ўтиришдан, вақтни зое қилиб исроф қилишдан яхшироқдир, демоқдалар.

Абдуллоҳ Раҳим

👉@diyonatli
👍3
Қадимий китобларни ўқишни ҳамма ҳам эплолмайди. Чунки уларни фаҳмлаш учун махсус ўқиш ашёлари ва калитлар керак бўлади. Чунки у китобларни ўқишда турли хил бошқа илмларга боғланган илмий ёндошувларга эҳтиёж бўлади. Улар луғавий, шаръий ва мантиқий илмлар кабидир. Шунингдек, яна кўплаб инсонларга ҳам эҳтиёж бўлади. Ва яна ушбу китоб мутахассиси бўлган шайхга унинг рамзларини англаш ва аслларига қайтарган ҳолда ўқиб ўтказиш керак.

Шайх Юсуф Қарзовий.

👉@diyonatli
👍3
Abdul Hamid domla - Haqiqiy olimning sifati
DIYONAT.UZ
Ҳақиқий олимнинг сифати | Абдул Ҳамид домла

👉 @diyonatli
👍1
ҲАР БИР АҚЛ ЭГАСИ ҒАФЛАТ УЙҚУСИДАН УЙҒОНМОҚЛИГИ ЛОЗИМ

Ғафлат тўшагидан уйғониш аломатлари тўрт нарсадир:
1. Дунёнинг ишларини қаноат билан, шошқалоқлик қилмасдан бажариш;
2. Охират ишларига ҳирс қўйиш ва уни шошилиб бажариш;
3. Дин ишларини илм ва ижтиҳод билан қилиш;
4. Хулқ-атвор ишларини насиҳат билан қилиш.

Эй биродарлар! Албатта, ҳаммамиз ўлишга маҳкум, ўлим учун яратилганмиз. Ундан ҳеч ким қочиб қутула олмас. Аллоҳ таоло бундай дейди: “Ҳеч шак-шубҳасиз, сен ўлувчидирсан, улар ҳам ўлувчидирлар” (Зумар, 30);

Айтинг: “Агар сизлар ўлишдан ё ўлдирилишдан қочсангизлар, бу қочиш сизларга бирор фойда бермас” (Аҳзоб, 16).

Ҳар бир мусулмон кишига ўлим бошига тушмасидан олдин ўлимга ҳозирлик кўрмоқлик вожибдир. Аллоҳ таоло бундай дейди: “Ростгўй бўлсангизлар, ўлимни орзу қилинглар. Қилган кирдикорлари сабабли ҳаргиз уни (ўлимни) орзу қилолмайдилар” (Бақара, 94-95).

Аллоҳ таоло бизларга, албатта, Аллоҳга ва охиратга ҳамда унинг жаннатига ишонадиганлар, яъни содиқлар ўлимни орзу қилишларини баён этади. Ва энди, албатта, Аллоҳга ишонмай, охиратни ва Унинг жаннатини ёлғон дегувчилар ўз амаллариннинг ёмонлиги сабабли ўлимдан қочадилар. Чунки мўмин киши ўлим учун ҳар вақт ҳозирлик кўради ва у Роббисига бўлган иштиёқи билан ўлимни орзу қилади.

Шу ҳақда Абу Дардодан ривоят қилинади. У айтадики: “Мен фақирликни Роббимга камтарлик қилиш учун яхши кўраман ва касалликни гуноҳларга каффорат бўлишлиги учун яхши кўраман. Ўлимни Роббимга муштоқ бўлганлигим учун яхши кўраман”.

“Танбеҳул ғофилин”дан.

👉@diyonatli
👍2
САОДАТ НИМА

Саодат шуки, сени яхши кўрганни сен ҳам яхши кўришингдир.
Сен Аллоҳни У яхши кўрсагина яхши кўра оласан.
Агар нафсинг Аллоҳнинг муҳаббатига мафтун бўлганини сезсанг, шуни билгинки, сени муҳаббат билан ўзига жалб қилган Аллоҳ таолодир.
Албатта муҳаббат муҳаббатга боғлиқдир.

Бориъ азза ва жалла ўз муҳаббатини сенга боғлаб қўйиши улкан саодатдир. Бундан юқори саодат бўлмайди.
Жаннат саодати ҳам, неъматлар саодати ҳам мутлақо ундан устун бўла олмайди. Уларнинг барчаси воситалар холос.
Асосий ғоя Аллоҳнинг муҳаббатига эришиш ва Унинг жамолини кўришдир.

Имом Бутий раҳматуллоҳи алайҳи.
✍️Абдуллоҳ Ғуломов.


👉@diyonatli
👍2
НАМОЗГА УЙҒОТГАН ШАЙТОН

Боязиди Бистомий ҳазратлари бир кеча уйқу оғир келиб, бомдод намозига уйғона олмадилар. Кейин пушаймон бўлиб шунчалик кўп йиғладиларки, ғойибдан бир овоз:
«Эй Боязид! Бу қусурингни кечирдим. Бу тавбанг туфайли сенга яна етмиш минг намоз савобини бердим.» - деди.

Бир неча ойдан кейин, бомдод вақтида яна уйқу бостирган эди. Шайтон келиб муборак оёқларидан туртиб уйғотди ва «Тур, намоз вақтинг ўтиб кетади.» - деди.
Боязид Бистомий ҳазратлари ҳайратланиб сўрадилар:
«Эй малъун, сен қачондан бери хайрли ишга қўл урадиган бўлдинг? Ҳамманинг намоз вақти ўтиб кетишини хоҳлардинг-ку. Мени нега уйғотдинг?

Шайтон:
«Сен бомдод намозини ўтказиб юборган кунинг шунчалик йиғладингки, эвазига етмиш минг намоз савоби олдинг. Мен шуни ўйлаб, сени намозга турғаздим, токи бир намоздан ортиқ савоб олмагайсан. Йўқса яна етмиш минг намоз савобини олардинг!» - деб жавоб берди.

👉@diyonatli
👍3
АЛЛОҲ КИМНИ АЗИЗ ҚИЛСА, БИРОВ УНИ ХЎРЛАЙ ОЛМАС

Ҳорун ар-Рашидга бир одам амри маъруф қилди. Ҳоруннинг ғазаби қўзиб: "Буни қутурган хачирга боғлаб қўйинглар, шундай ўлиб кетсин!", деди. Бу жазо унга кор қилмади. Ҳорун энди: "Бир уйга қамаб, деворларини лой билан уриб ташланглар", дея амр қилди. Шундай қилишувди, уни энди бўстонда сайр қилиб юрганини кўришди. Ушлаб Ҳоруннинг ҳузурига келтиришди. Ҳорун: "Қамоқдан сени ким чиқарди?", деди. У жавоб қилди: - Мени бўстонга киритган Зот чиқарди.
- Бўстонга ким киритди?
- Қамоқдан чиқарган Зот - деди.

Ҳорун билдики, бу одамни хўрлай олмайди. Шунда у мунодийга қуйидагича жар солишни буюрди: "Билиб қўйинглар, Аллоҳ азиз қилиб қўйганни Ҳорун хўрламоқчи бўлди, лекин қўлидан келмади!".

"Кимки иззат истаса, бас, барча иззат Аллоҳникидир". (Фотир сураси, 10-оят)

👉@diyonatli
👍1
Risoladagi xotin 2-qism - Abdul Hamid domla
DIYONAT.UZ
Рисоладаги хотин 2-қисм | Абдул Ҳамид домла

👉 @diyonatli
👍2
ШАЙТОННИ ТАЛТАЙТИРМАНГ

“Бошингизга бир фалокат келганида зинҳор:
“Қуриб кетсин шайтон” деманг. Чунки шундай десангиз, шайтон талтайиб кетади, ўзича ғурурланиб: “Кўрдингизми кучимни, бошингизга фалокатни мен солдим, - дейди. Бундай бало-қазога дуч келганингизда “Бисмиллоҳ...” дeнг. Шунда
шайтон аламидан кичраяди, ҳатто пашшдан-да
заиф ҳолга келади”.

(Имом Аҳмад, Байҳақий, Ҳоким ривояти).

Ҳадисда инсон ўзи олиши лозим бўлган чора-тадбирларни тарк этиб, ҳамма айбни шайтонга тўнкаши янглиш эканига ишора бор
.

👉@diyonatli
👍5
Media is too big
VIEW IN TELEGRAM
Ким алдаса биздан эмас | Абдул Ҳамид домла

👉 @diyonatli
👍2
​​ҚУРЪОН

Албатта Қуръон ва мусиқа инсон қалбида бирга жам бўлмайди. Унинг қалби ёки мусиқа билан тўйинган, қонган бўлади, ёки Қуръон билан тўйинган, қонган бўлади.
Сизларга айтаманки: Дунёдаги энг зўр мусиқачилар жамланишиб, ўзларининг куй-қўшиқлари билан лаззатланишлари мўмин кишининг Аллоҳнинг Китобини тиловат қилиб эришадиган лаззат, саодатнинг даражасига етиша олмайдилар, ҳузурлана олмайдилар.
Яъни, агар ғино ва мусиқадан ўгирадиган бўлсангда, оҳанг ва тараннумнинг неъматидан маҳрум бўлиб қолмайсан, балки Аллоҳнинг Китоби орқали тавсифлаб бўлмас ҳаловат ва лаззат, саодат сенга етади.

Шайх Муҳаммад Ротиб Нобулсий

Изоҳ: Қуръон сураларининг ўқилишида ҳам ўзига хос оҳанг мавжуд бўлиб, бу ҳам унинг ўзига хос бўлган мўъжизасидир. Унинг сўзлари оҳанги билан инсоннинг руҳиятига кириб боради, қалбини лиммо-лим қилади. Сўз уч овозни ифодалайди:
1. Ҳарф маҳраж ва ҳаракатлари билан тараннум саслари.
2. Руҳнинг маъносини ифодаловчи, руҳан ҳарфлар ила инсоннинг қалбига таъсири.
3. Ақлни ҳайратга солувчи таъсир. Қуръони Каримда ифодаланган маънони англаш ва англатиш жараёнида қалбларга бахш этиладиган нурли илҳомлар инсонни илоҳий ўйларга чўмдиради. Ўлик қалблар уни тинглаш орқали ҳаётга қайтадилар.

👉@diyonatli
👍2
Abdul Hamid domla - Kim aldasa bizdan emas
DIYONAT.UZ
Ким алдаса биздан эмас | Абдул Ҳамид домла

👉 @diyonatli
👍1
This media is not supported in your browser
VIEW IN TELEGRAM
Оятал Курсий нима учун фазилатли | Абдул Ҳамид домла

👉 @diyonatli
👍1
АЛЛОҲДАН БОШҚА БИЛАН ҚАСАМ ИЧИШ

Аллоҳ субҳанаҳу ва таоло ўзи яратган махлуқотларнинг хоҳлагани билан қасам ичади. Аммо махлуқлар Аллоҳдан бошқа билан қасам ичишлари мумкин эмас. Кўпгина инсонларнинг тилларида Аллоҳдан бошқа билан қасам ичиш жорий бўлиб кетган, ваҳоланки қасам улуғлашнинг бир тури бўлиб, Аллоҳдан бошқага лойиқ эмасдир.

Абдуллоҳ ибн Умар разияллоҳу анҳумо ривоят қилган ҳадисда: ”Огоҳ бўлингизким, Аллоҳ сизларни ота-боболарингиз номи билан қасам ичишингиздан қайтарган. Ким қасам ичса, Аллоҳ номи билан қасам ичсин ёки жим бўлсин” дейилган.
(Имом Бухорий)

Бошқа ҳадисда: ”Ким Аллоҳдан бошқа билан қасам ичса, ширк қилибди”.
(Имом Аҳмад)

Яна бир ҳадисда эса: ”Ким омонат билан қасам ичса, биздан эмас”. (Абу Довуд)

Каъба, омонат, шараф ёки фалончининг баракаси ва ё ҳаёти билан, пайғамбарлар ёки авлиёларнинг ҳаққи-ҳурмати билан, ота-она ва авлод билан қасам ичиш мумкин эмас. Буларнинг барчаси ҳаромдир. Кимда шулардан бири содир бўлиб қолса, яъни шуларнинг бири билан қасам ичиб қўйса, унинг каффорати “Ла илаҳа иллаллоҳ” дейишдир.

Саҳиҳ ҳадисда: ”Ким қасам ичса ва қасамида Лот, Уззо номи билан деса, ла илаҳа иллаллоҳ деб қўйсин”.
(Имом Бухорий)

Ушбу бобнинг тахтига дохил бўладиган, баъзи мусулмонлар билиб-билмай айтиб юрган ширк ва ҳаром сўзлар ҳам бор. Масалан, «Аллоҳ ва сендан паноҳ истайман», «Аллоҳ ва сенга суянганман», «Аллоҳ ва сен бўлмаганингда», «бу Аллоҳдан ва сендан», «мен учун осмонда Аллоҳ, ерда сен», «Аллоҳ ва фалончи бўлмаганида», «мен Исломдан безорман», «табият инжиқликлари», «табият шуни хоҳлади» ва «замон бузилиб кетди», «ёмон замон бўлди», «бу омадсиз (нахс) пайт», «замон алдовчи» ва ҳоказо замонни сўкадиган барча иборалар мумкин эмас, чунки буларнинг бари шу замонни яратган Аллоҳга қайтади.
Аллоҳдан бошқага бандаликни боғлаб қўядиган исмлар, масалан, “Абдулмасиҳ”, “Абдуннабий”, “Абдуррасул” ва “Абдулҳусайн”га ўхшаш. Буларнинг барини истеъмол қилиш жоиз эмас. Шунингдек янги пайдо бўлган ва тавҳидга хилоф истилоҳ ва иборалардан: Ислом социализми, Ислом демократияси, Халқнинг иродаси – Аллоҳнинг иродасидир, Дин Аллоҳ учун – Ватан барча учун, Араблар номи билан ва Революция номи билан.
Яна ҳаром бўлган лафзлардан: “олампаноҳ”, “шаҳаншоҳ”, “балогардон” шунга ўхшаш сўзларни инсонларга ишлатиш ва ҳамда “саййид” ва шу маънодаги сўзларни кофир ёки мунофиқ кишиларга ишлатиш (араб тилида бўладими ёки бошқа тиллардами баробар). Ғазаб, надомат ва ғам-қайғуга далолат қилувчи “агар” калимасини ишлатиш (“Агар ит бўлмаганда, уйни ўғри урарди” дейиш каби), чунки “агар” сўзи шайтоннинг амалини очади. “Аллоҳ агар хоҳласанг мени кечир” дейиш ҳам ҳаром. Юқорида ўтган барча сўзларнинг истеъмоли жоиз эмас.

👉@diyonatli
👍1
Oyatal Kursiy nima uchun fazilatli
DIYONAT.UZ
Оятал Курсий нима учун фазилатли | Абдул Ҳамид домла

👉 @diyonatli
👍2
Media is too big
VIEW IN TELEGRAM
Салафи солиҳлар ва "салафийлар" фарқи | Абдул Ҳамид домла

👉 @diyonatli
👍1
ТУҲМАТ ВА УНГА ҚУЛОҚ ТУТИШЛИК

Расулуллоҳ соллаллоҳу алайҳи ва саллам туҳмат қилиш ва туҳматга қулоқ тутишдан қайтардилар.

Туҳмат – мусулмон киши ҳақида бошқа бир мусулмонда нафрат уйғотадиган нарсаларни айтиб, унда йўқ айбларни унга тўнкашдир. Бу иши билан Аллоҳ тўғ­рилаб изга солиб қўйган нарсага путур етказади, Аллоҳ уларни боғлаб қўйган риштага дахл қилиб, уни узади. Натижада улар орасида адоват ва нафрат уйғонади. Бу иш катта бузғунчиликка олиб келади, унинг кетидан ёвузлик ва ёмонлик туғилади.

Шунинг учун ҳам Расулуллоҳ (алайҳиссалом): “Бўҳтончи иғвогар жаннатга кирмайди”, деб марҳамат қилдилар. Чунки у шайтоннинг лашкари ва жосусидир. У боғланган ришталарни нифоқ солиш ва гиж-гижлаш билан узади.

Абу Абдуллоҳ Ҳаким ТЕРМИЗИЙнинг “Орифлар тасаллиси” сайланмасидан

👉@diyonatli
👍5