АЛЛОҲГА ҚАРЗ БЕРДИМ
Бир куни ҳазрат Али (каррамаллоҳу важҳаҳу) Набий (соллаллоҳу алайҳи ва саллам) ҳузурларидан чиқиб, уйларига келдилар. Қарасалар, Расулуллоҳнинг қизлари – Фотимаи Заҳро юнг ва тивитни чархда йигириб, ип қилиб ўтирган эканлар. Салмон Форсий (розияллоҳу анҳу) эса, уни тўқиш билан машғул эдилар. Шунда Фотимаи Заҳрога қараб: “Эй аёлларнинг олийжаноби, эрингизни таомлантирадиган бирор нарсангиз борми? – деб сўрадилар.
Фотимаи Заҳро: “Аллоҳга қасамки, уйимизда егуликдан ҳеч вақо йўқ. Фақат мана бу олти танга бор, холос. Салмон Форсийга юнг ва тивит йигиргандим, эвазига шуни бердилар. Аммо буларга Ҳасан ва Ҳусайн (розияллоҳу анҳумо)га таом харид қилмоқчи эдим”, – дедилар. Шунда Али (каррамаллоҳу важҳаҳу) у тангаларни олиб, егулик сотиб олмоқ учун бозор томон йўл олдилар. Кетаётиб, бир одамга дуч келдилар. У бундай деяётган эди: “Аллоҳга бирор нарса қарз берадиган киши борми?” У зот бу ҳолатни кўргач, Аллоҳ розилиги учун қўлларидаги ўша олти тангани унга ҳадя қилдилар. Шу боис, бозордан ҳеч нарса ололмасдан қайтишга мажбур бўлдилар. Фотимаи Заҳро у зотнинг қуруқ қўл билан уйга келганларини кўргач, беихтиёр йиғлаб юбордилар.
Ҳазрат Али сўрадилар: “Эй аёлларнинг олийжаноби, сизни нима йиғлатди?”
Фотимаи Заҳро: “Эй Абул Ҳасан, бўш келдингиз, қўлингизда ҳеч қандай егулик кўрмадим, шунга фарзандларимизнинг оч қолаётганига тоқат қилолмай йиғлаяпман”, – дедилар.
Ҳазрат Али: “Эй Фотима, мен ўша тангаларни Аллоҳга қарз бериб келдим. Иншоаллоҳ, тез орада қайтариб беради”, – дедилар.
Ҳазрат Фотима: “Мен ҳам шундай бўлишини билгандим, шунга сабр қиляпман”, – дедилар.
Шунда Али (каррамаллоҳу важҳаҳу) Расулуллоҳ (соллаллоҳу алайҳи ва саллам) ҳузурларига бормоқчи бўлиб йўлга чиқдилар. Узоқдан бир аъробийни кўриб қолдилар. У бир туяни етаклаб келаётганди. Яқинлашгач, ҳазрат Алига кўзи тушиб: “Эй Абул Ҳасан, бу туяни сотмоқчиман, шуни сиз олинг”, – деди.
У зот: “Ёнимда пул йўқ”, – дедилар.
Аъробий: “Насияга бўлса ҳам сотаман, олаверинг”, – деди.
Ҳазрат Али (розияллоҳу анҳу) сўрадилар: “Ўзи қанчага сотмоқчисан?”
Аъробий: “Юз тангага”, – деди.
Шунда ҳазрат Али уни сотиб олдилар. У аъробий туяни у зотга топширганича кетди. Шундан сўнг, яна бир аъробий пайдо бўлди ва туяга харидор эканини айтиб, баҳосини сўради.
Ҳазрат Али (розияллоҳу анҳу): “Уч юз танга”, – дедилар
Аъробий рози бўлиб, уч юз тангани санаб бергач, туянинг нўхтасидан ушлаб олиб кетди.
Ҳазрат Али (каррамаллоҳу важҳаҳу) Фотимаи Заҳро (розияллоҳу анҳо)нинг ёнларига ўша уч юз тангани кўтариб келдилар. Расулуллоҳнинг қизлари буни кўргач, табассум-ла: “Эй Абул Ҳасан, қўлингиздаги нима?” – дедилар.
Ҳазрат Али бир туяни насияга, юз тангага олиб, нақдга, уч юз тангага сотганларини айтгандилар, Фотимаи Заҳро: «Ҳа, тўғри топибман”, – дедилар.
Сўнг, Али (розияллоҳу анҳу) Расулуллоҳ (соллаллоҳу алайҳи ва саллам)нинг ҳузурларига борган эдилар, у зоти бобаракот ҳам табассум қилиб: “Эй Али, бўлиб ўтган воқеанинг тафсилотини мен сизга айтайми ёки ўзингиз менга сўзлаб берасизми?” – дедилар.
Ҳазрат Али ҳурмат билан: “Ё Расулуллоҳ, ўзингиз менга айтиб беринг”, – дедилар.
Пайғамбаримиз (соллаллоҳу алайҳи ва саллам): “Эй Али, сизга туяни келтириб, насияга, юз тангага сотган биринчи аъробий ким экани-ю, нақдга, уч юз тангага сотиб олган иккинчи аъробий кимлигини билдингизми?” – деб сўрадилар.
Ҳазрат Али: “Йўқ, Аллоҳ ва Унинг Расули билувчироқ”, – дедилар.
Шунда Расулуллоҳ (соллаллоҳу алайҳи ва саллам): “Эй Али, сизга жаннат бўлсин, Аллоҳ таолога олти тангани қарзга бердингиз, Аллоҳ таоло эса, сизга уч юз танга ато этди, ҳар бир тангангиз эвазига эллик танга берди. Биринчи аъробий Жаброил (алайҳиссалом), иккинчиси эса, Микоил (алайҳиссалом) эдилар”, – деб жавоб бердилар.
👉 @diyonatli
Бир куни ҳазрат Али (каррамаллоҳу важҳаҳу) Набий (соллаллоҳу алайҳи ва саллам) ҳузурларидан чиқиб, уйларига келдилар. Қарасалар, Расулуллоҳнинг қизлари – Фотимаи Заҳро юнг ва тивитни чархда йигириб, ип қилиб ўтирган эканлар. Салмон Форсий (розияллоҳу анҳу) эса, уни тўқиш билан машғул эдилар. Шунда Фотимаи Заҳрога қараб: “Эй аёлларнинг олийжаноби, эрингизни таомлантирадиган бирор нарсангиз борми? – деб сўрадилар.
Фотимаи Заҳро: “Аллоҳга қасамки, уйимизда егуликдан ҳеч вақо йўқ. Фақат мана бу олти танга бор, холос. Салмон Форсийга юнг ва тивит йигиргандим, эвазига шуни бердилар. Аммо буларга Ҳасан ва Ҳусайн (розияллоҳу анҳумо)га таом харид қилмоқчи эдим”, – дедилар. Шунда Али (каррамаллоҳу важҳаҳу) у тангаларни олиб, егулик сотиб олмоқ учун бозор томон йўл олдилар. Кетаётиб, бир одамга дуч келдилар. У бундай деяётган эди: “Аллоҳга бирор нарса қарз берадиган киши борми?” У зот бу ҳолатни кўргач, Аллоҳ розилиги учун қўлларидаги ўша олти тангани унга ҳадя қилдилар. Шу боис, бозордан ҳеч нарса ололмасдан қайтишга мажбур бўлдилар. Фотимаи Заҳро у зотнинг қуруқ қўл билан уйга келганларини кўргач, беихтиёр йиғлаб юбордилар.
Ҳазрат Али сўрадилар: “Эй аёлларнинг олийжаноби, сизни нима йиғлатди?”
Фотимаи Заҳро: “Эй Абул Ҳасан, бўш келдингиз, қўлингизда ҳеч қандай егулик кўрмадим, шунга фарзандларимизнинг оч қолаётганига тоқат қилолмай йиғлаяпман”, – дедилар.
Ҳазрат Али: “Эй Фотима, мен ўша тангаларни Аллоҳга қарз бериб келдим. Иншоаллоҳ, тез орада қайтариб беради”, – дедилар.
Ҳазрат Фотима: “Мен ҳам шундай бўлишини билгандим, шунга сабр қиляпман”, – дедилар.
Шунда Али (каррамаллоҳу важҳаҳу) Расулуллоҳ (соллаллоҳу алайҳи ва саллам) ҳузурларига бормоқчи бўлиб йўлга чиқдилар. Узоқдан бир аъробийни кўриб қолдилар. У бир туяни етаклаб келаётганди. Яқинлашгач, ҳазрат Алига кўзи тушиб: “Эй Абул Ҳасан, бу туяни сотмоқчиман, шуни сиз олинг”, – деди.
У зот: “Ёнимда пул йўқ”, – дедилар.
Аъробий: “Насияга бўлса ҳам сотаман, олаверинг”, – деди.
Ҳазрат Али (розияллоҳу анҳу) сўрадилар: “Ўзи қанчага сотмоқчисан?”
Аъробий: “Юз тангага”, – деди.
Шунда ҳазрат Али уни сотиб олдилар. У аъробий туяни у зотга топширганича кетди. Шундан сўнг, яна бир аъробий пайдо бўлди ва туяга харидор эканини айтиб, баҳосини сўради.
Ҳазрат Али (розияллоҳу анҳу): “Уч юз танга”, – дедилар
Аъробий рози бўлиб, уч юз тангани санаб бергач, туянинг нўхтасидан ушлаб олиб кетди.
Ҳазрат Али (каррамаллоҳу важҳаҳу) Фотимаи Заҳро (розияллоҳу анҳо)нинг ёнларига ўша уч юз тангани кўтариб келдилар. Расулуллоҳнинг қизлари буни кўргач, табассум-ла: “Эй Абул Ҳасан, қўлингиздаги нима?” – дедилар.
Ҳазрат Али бир туяни насияга, юз тангага олиб, нақдга, уч юз тангага сотганларини айтгандилар, Фотимаи Заҳро: «Ҳа, тўғри топибман”, – дедилар.
Сўнг, Али (розияллоҳу анҳу) Расулуллоҳ (соллаллоҳу алайҳи ва саллам)нинг ҳузурларига борган эдилар, у зоти бобаракот ҳам табассум қилиб: “Эй Али, бўлиб ўтган воқеанинг тафсилотини мен сизга айтайми ёки ўзингиз менга сўзлаб берасизми?” – дедилар.
Ҳазрат Али ҳурмат билан: “Ё Расулуллоҳ, ўзингиз менга айтиб беринг”, – дедилар.
Пайғамбаримиз (соллаллоҳу алайҳи ва саллам): “Эй Али, сизга туяни келтириб, насияга, юз тангага сотган биринчи аъробий ким экани-ю, нақдга, уч юз тангага сотиб олган иккинчи аъробий кимлигини билдингизми?” – деб сўрадилар.
Ҳазрат Али: “Йўқ, Аллоҳ ва Унинг Расули билувчироқ”, – дедилар.
Шунда Расулуллоҳ (соллаллоҳу алайҳи ва саллам): “Эй Али, сизга жаннат бўлсин, Аллоҳ таолога олти тангани қарзга бердингиз, Аллоҳ таоло эса, сизга уч юз танга ато этди, ҳар бир тангангиз эвазига эллик танга берди. Биринчи аъробий Жаброил (алайҳиссалом), иккинчиси эса, Микоил (алайҳиссалом) эдилар”, – деб жавоб бердилар.
👉 @diyonatli
👍7👏2😢1
ЛУҚМОННИНГ САДОҚАТИ...
Луқмон оддийгина қул бўлиб, хожаси уни жуда яхши кўрар, бирга тамадди қилишни хуш кўрар эди. Хожага бир қовун ҳадя қилинди. Қулларидан бирига Луқмонни чақириб келишни буюрди. Луқмон келганида хожаси қовундан бир тилим узатди. У соҳибининг икромини мамнуният билан қабул қилди. Қовундан яна кесиб берди, Луқмон иштаҳа билан еди.
Хожа: «Луқмон қовунни жуда яхши кўрар экан», деб ўйлади ва бир тилим қолгунига қадар кесиб бераверди. Луқмон ҳам ҳар сафар қовунни иштаҳа билан ерди. Унинг иштаҳасини кўрган хўжайин қовун жуда ширин экан деб ўйлаб, охирги тилимидан тишлаб кўрди-ю, шу заҳоти унинг аччиқ таъмидан юзлари буришиб кетди. «Луқмон, қовун жуда аччиқ экан, уни қандай қилиб бунчалар иштаҳа билан единг?» деб сўради.
Луқмон: «Бир неча йиллардан буён қўлингиздан шундай тотли-мазали таомлар едимки, бу ҳадянгизни «Аччиқ экан», дейишга уялдим. Сиздан келган машаққатга фарёд қилгандан кўра бурним ерга ишқалангани афзал. Лутф билан инъом этган бу қўлларингиздаги мазали қовунда қандай аччиқ таъм қолиши мумкин?!» деб жавоб берди.
«Кўҳна дунё ривоятлари» китобидан.
👉 @diyonatli
Луқмон оддийгина қул бўлиб, хожаси уни жуда яхши кўрар, бирга тамадди қилишни хуш кўрар эди. Хожага бир қовун ҳадя қилинди. Қулларидан бирига Луқмонни чақириб келишни буюрди. Луқмон келганида хожаси қовундан бир тилим узатди. У соҳибининг икромини мамнуният билан қабул қилди. Қовундан яна кесиб берди, Луқмон иштаҳа билан еди.
Хожа: «Луқмон қовунни жуда яхши кўрар экан», деб ўйлади ва бир тилим қолгунига қадар кесиб бераверди. Луқмон ҳам ҳар сафар қовунни иштаҳа билан ерди. Унинг иштаҳасини кўрган хўжайин қовун жуда ширин экан деб ўйлаб, охирги тилимидан тишлаб кўрди-ю, шу заҳоти унинг аччиқ таъмидан юзлари буришиб кетди. «Луқмон, қовун жуда аччиқ экан, уни қандай қилиб бунчалар иштаҳа билан единг?» деб сўради.
Луқмон: «Бир неча йиллардан буён қўлингиздан шундай тотли-мазали таомлар едимки, бу ҳадянгизни «Аччиқ экан», дейишга уялдим. Сиздан келган машаққатга фарёд қилгандан кўра бурним ерга ишқалангани афзал. Лутф билан инъом этган бу қўлларингиздаги мазали қовунда қандай аччиқ таъм қолиши мумкин?!» деб жавоб берди.
«Кўҳна дунё ривоятлари» китобидан.
👉 @diyonatli
Фарзанди бўлмаётганларга уламолардан тавсиялар
Усома ар-Рифоий, Саид Аҳмад Паланпурий ҳазратларидан фарзанди бўлмаётганларга тавсия сўралганда у зотлар намоз охирида (охирги қаъдада) саловатдан кейин қуйидаги дуоларни ўқишни тавсия қилганлар:
رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ
Ўқилиши: Роббана атина фиддуня ҳасана ва фил охирати ҳасана ва қина азабан-нар.
Маъно таржимаси: «Роббимиз, бизга бу дунёда ҳам яхшилик, охиратда ҳам яхшилик бергин ва бизни дўзах азобидан сақлагин» (Бақара сураси, 201-оят)
***
رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ يَوْمَ يَقُومُ الْحِسَابُ
Ўқилиши: Роббанағфирлий валивалидаййа валил мўминийна явма яқумул ҳисаб.
Маъно таржимаси: «Роббимиз, ҳисоб қилинадиган Кунда мени, ота-онамни ва мўминларни мағфират айлагин». (Иброҳим сураси 41-оят)
***
رَبِّ لا تَذَرْنِي فَرْداً وَأَنْتَ خَيْرُ الْوارِثِينَ
Ўқилиши: Робби ла тазарний фардан ва анта хойрул варисийн.
Маъно таржимаси: «Роббим, мени ёлғиз ташлаб қўйма, Сен ворисларнинг энг яхшисисан» (Анбиё сураси, 89-оят)
____
Иншааллоҳ, давомли тарзда шуларни ўқиганларга Аллоҳ таоло фарзанд беради.
Абдуллоҳ Раҳим
@diyonatli
Усома ар-Рифоий, Саид Аҳмад Паланпурий ҳазратларидан фарзанди бўлмаётганларга тавсия сўралганда у зотлар намоз охирида (охирги қаъдада) саловатдан кейин қуйидаги дуоларни ўқишни тавсия қилганлар:
رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ
Ўқилиши: Роббана атина фиддуня ҳасана ва фил охирати ҳасана ва қина азабан-нар.
Маъно таржимаси: «Роббимиз, бизга бу дунёда ҳам яхшилик, охиратда ҳам яхшилик бергин ва бизни дўзах азобидан сақлагин» (Бақара сураси, 201-оят)
***
رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ يَوْمَ يَقُومُ الْحِسَابُ
Ўқилиши: Роббанағфирлий валивалидаййа валил мўминийна явма яқумул ҳисаб.
Маъно таржимаси: «Роббимиз, ҳисоб қилинадиган Кунда мени, ота-онамни ва мўминларни мағфират айлагин». (Иброҳим сураси 41-оят)
***
رَبِّ لا تَذَرْنِي فَرْداً وَأَنْتَ خَيْرُ الْوارِثِينَ
Ўқилиши: Робби ла тазарний фардан ва анта хойрул варисийн.
Маъно таржимаси: «Роббим, мени ёлғиз ташлаб қўйма, Сен ворисларнинг энг яхшисисан» (Анбиё сураси, 89-оят)
____
Иншааллоҳ, давомли тарзда шуларни ўқиганларга Аллоҳ таоло фарзанд беради.
Абдуллоҳ Раҳим
@diyonatli
👍3
ҚАРЗНИ УЗМАЙ ВАФОТ ЭТГАН ОДАМ
Ҳар бир қарздор тезроқ қарзини узиш пайида бўлиши керак. Қарзини узмай туриб вафот этиб қолиш жуда ҳам оғир вазиятни юзага келтиради. Ўлган бандадан Аллоҳ таоло Ўз ҳақини кечиб юбориши мумкин, аммо қарз банданинг ҳақидир. Бу ҳақни қарз эгасининг ўзи кечмагунича, Аллоҳ таоло кечмайди.
Шунинг учун ҳам қай бир мусулмон вафот этса, аввало унинг қарзи суриштирилади ва ўша қарзни узиш чоралари кўрилади.
Вафот этган кишидан қолган тарикага, яьни "тарк қилинган нарса"га бир неча ҳақлар боғлиқ бўлади ва улар қуйидаги тартиб ила адо этилади.
1. Бир мусулмон одам вафот этганидан сўнг унинг тариқаси ҳисоб қилиниб, биринчи галда уни кафанлаб, кўмиш учун кетадиган харажатлар ажратилади.
Бунда уни кафанлашга, ювишга, гўрини қазишга, олиб бориб, кўмишга кетадиган харажатлар ўртача ҳисоб билан чиқарилади. Бу харажатлар учун кетадиган молда меросхўрларнинг ҳаққи бўлмайди.
2. Ундан кейин одамлардан қарзи бўлса, ўша қарз учун бериладиган маблағ ажратилади.
Бу ҳақ ҳам меросхўрларнинг ҳаққидан устун ҳақ ҳисобланади.
Пайғамбаримиз соллаллоҳу алайҳи васаллам Имом Аҳмад ривоят қилган ҳадисда:
"Мўминнинг руҳи то адо этилмагунча, қарзига боғлиқ бўлиб туради", деганлар.
Бошқа ҳадисларда айтилишича, маййит ҳатто шаҳид бўлса ҳам, қарзи туфайли ўз даражасига эриша олмай туради. Фақат яқинлари унинг қарзини адо этганларидан кейингина шаҳидларга ваьда қилинган мартабаларга эришади. Шунинг учун ҳам қарз меросхўрлар ҳаққидан устун қўйилади.
Фараз қилайлик, қарзи бор, аммо уни узишга ортида бирор нарсаси йўқ одамнинг ҳоли нима бўлади? Бундай ҳолда вафот этган одам Аллоҳ таолонинг ҳузурида энг катта гуноҳ бўлмиш ширкдан кейинги ўринда турадиган гуноҳни қилиб ўлган бўлади.
«Қарз ва унга боғлиқ масалалар» китобидан.
👉 @diyonatli
Ҳар бир қарздор тезроқ қарзини узиш пайида бўлиши керак. Қарзини узмай туриб вафот этиб қолиш жуда ҳам оғир вазиятни юзага келтиради. Ўлган бандадан Аллоҳ таоло Ўз ҳақини кечиб юбориши мумкин, аммо қарз банданинг ҳақидир. Бу ҳақни қарз эгасининг ўзи кечмагунича, Аллоҳ таоло кечмайди.
Шунинг учун ҳам қай бир мусулмон вафот этса, аввало унинг қарзи суриштирилади ва ўша қарзни узиш чоралари кўрилади.
Вафот этган кишидан қолган тарикага, яьни "тарк қилинган нарса"га бир неча ҳақлар боғлиқ бўлади ва улар қуйидаги тартиб ила адо этилади.
1. Бир мусулмон одам вафот этганидан сўнг унинг тариқаси ҳисоб қилиниб, биринчи галда уни кафанлаб, кўмиш учун кетадиган харажатлар ажратилади.
Бунда уни кафанлашга, ювишга, гўрини қазишга, олиб бориб, кўмишга кетадиган харажатлар ўртача ҳисоб билан чиқарилади. Бу харажатлар учун кетадиган молда меросхўрларнинг ҳаққи бўлмайди.
2. Ундан кейин одамлардан қарзи бўлса, ўша қарз учун бериладиган маблағ ажратилади.
Бу ҳақ ҳам меросхўрларнинг ҳаққидан устун ҳақ ҳисобланади.
Пайғамбаримиз соллаллоҳу алайҳи васаллам Имом Аҳмад ривоят қилган ҳадисда:
"Мўминнинг руҳи то адо этилмагунча, қарзига боғлиқ бўлиб туради", деганлар.
Бошқа ҳадисларда айтилишича, маййит ҳатто шаҳид бўлса ҳам, қарзи туфайли ўз даражасига эриша олмай туради. Фақат яқинлари унинг қарзини адо этганларидан кейингина шаҳидларга ваьда қилинган мартабаларга эришади. Шунинг учун ҳам қарз меросхўрлар ҳаққидан устун қўйилади.
Фараз қилайлик, қарзи бор, аммо уни узишга ортида бирор нарсаси йўқ одамнинг ҳоли нима бўлади? Бундай ҳолда вафот этган одам Аллоҳ таолонинг ҳузурида энг катта гуноҳ бўлмиш ширкдан кейинги ўринда турадиган гуноҳни қилиб ўлган бўлади.
«Қарз ва унга боғлиқ масалалар» китобидан.
👉 @diyonatli
👍2
Бир киши: “Бу кеча, албатта, садақа қиламан”, деб ният қилди. У садақасини олиб чиқиб, ўғрининг қўлига берди. Тонгда кишилар орасида уни кечаси ўғрига садақа қилибди, деган гап тарқалди. У киши: “Эй Аллоҳим! Ўғри учун Сенга ҳамд бўлсин. Албатта, яна садақа қиламан”, деди. У садақасини бу сафар бузуқ аёлнинг қўлига берди. Кишилар эртаси уни зинокор аёлга садақа қилганини гапиришди. У киши: “Эй Аллоҳим! Зинокор аёл учун Сенга ҳамд бўлсин. Яна садақа қиламан”, деди. Учинчи куни садақа беришга азм қилиб, садақасини бойнинг қўлига топширди. Кишилар эртаси уни бойга садақа қилганини гапириб юришди. У: “Аллоҳим! Ўғри учун, зония учун, бой учун Сенга ҳамд бўлсин”, деди. Ўша оқшом туш кўрди. Тушида унга “Эҳтимол, сен берган садақа туфайли ўғри ўғрилигини ташлар. Эҳтимол, сен берган садақа туфайли зония бузуқилигини ташлар. Эҳтимол, сен берган садақа туфайли бой ўзига берилган бойликдан инфоқ қилар!” дейилди (Имом Бухорий ва Имом Муслим ривоятлари).
@diyonatli
@diyonatli
👍3
ИНСОФ ЯХШИ-ДА!
Абдуллоҳ Мурод исмли олим йигит бор, ўзи ниҳоятда софдил, ҳалол инсон. Бу воқеа ана шу киши билан содир бўлган. Абдуллоҳ Мурод ҳамкасбидан бир молни тўрт юз минг сўмга сотиб олди. Чўнтагида шунча пул ҳам бор эди, фақат юз минги ўзига жуда зарур эди. «Уч юз мингини ҳозир бериб, қолганини насия қилсаммикан, ё савдомиз бузилармикан» деган истиҳолда бироз тараддудланиб қолди. Кейин келишилган пулнинг ҳаммасини бериб, қарзидан қутулди.
Орадан бир ҳафталар ўтгач, Абдуллоҳ Мурод ўша ҳамкасбини йўлда учратиб қолди. Кўрди-ю, юраги «шиғ» этди. «Ахир унга юз минг сўм беришим керак эди, шекилли. Орадан анча вақт ўтиб, эсимдан чиқиб кетай дебди» деган ўй кўнглидан ўтди. У шоша-пиша чўнтагидан пул чиқариб, ҳамкасбига тутқазди. У эса олишга ҳайрон: «Нега пул беряпсиз, бу ўзи ниманинг пули?» Абдуллоҳ Мурод савдоларини эслатди, ўшанда юз минг насия бўлиб қолганини айтди. Ҳамкасби эътироз билдирди: «Пулни тўлиқ олганман, сиз адашибсиз ё эсингиздан чиқиб қопди» .
Олим пулларини ёнига соларкан: «Мусулмонлик яхшида, савдода алданишдан, ҳақингни уриб қолишларидан, хиёнат қилишларидан чўчимай яшайсан», дея олди холос...
«Кўҳна дунё ривоятлари» китобидан.
👉 @diyonatli
Абдуллоҳ Мурод исмли олим йигит бор, ўзи ниҳоятда софдил, ҳалол инсон. Бу воқеа ана шу киши билан содир бўлган. Абдуллоҳ Мурод ҳамкасбидан бир молни тўрт юз минг сўмга сотиб олди. Чўнтагида шунча пул ҳам бор эди, фақат юз минги ўзига жуда зарур эди. «Уч юз мингини ҳозир бериб, қолганини насия қилсаммикан, ё савдомиз бузилармикан» деган истиҳолда бироз тараддудланиб қолди. Кейин келишилган пулнинг ҳаммасини бериб, қарзидан қутулди.
Орадан бир ҳафталар ўтгач, Абдуллоҳ Мурод ўша ҳамкасбини йўлда учратиб қолди. Кўрди-ю, юраги «шиғ» этди. «Ахир унга юз минг сўм беришим керак эди, шекилли. Орадан анча вақт ўтиб, эсимдан чиқиб кетай дебди» деган ўй кўнглидан ўтди. У шоша-пиша чўнтагидан пул чиқариб, ҳамкасбига тутқазди. У эса олишга ҳайрон: «Нега пул беряпсиз, бу ўзи ниманинг пули?» Абдуллоҳ Мурод савдоларини эслатди, ўшанда юз минг насия бўлиб қолганини айтди. Ҳамкасби эътироз билдирди: «Пулни тўлиқ олганман, сиз адашибсиз ё эсингиздан чиқиб қопди» .
Олим пулларини ёнига соларкан: «Мусулмонлик яхшида, савдода алданишдан, ҳақингни уриб қолишларидан, хиёнат қилишларидан чўчимай яшайсан», дея олди холос...
«Кўҳна дунё ривоятлари» китобидан.
👉 @diyonatli
👍4
Media is too big
VIEW IN TELEGRAM
#Juma_maruzasi
𝐇𝐮𝐣𝐮𝐫𝐨𝐭 𝐬𝐮𝐫𝐚𝐬𝐢 13-𝐨𝐲𝐚𝐭𝐢𝐧𝐢𝐧𝐠 𝐬𝐡𝐚𝐫𝐡𝐢
𝐀𝐛𝐝𝐮𝐥 𝐇𝐚𝐦𝐢𝐝 𝐝𝐨𝐦𝐥𝐚 𝐌𝐚𝐥𝐢𝐤𝐨𝐯
𝚃𝚘𝚜𝚑𝚔𝚎𝚗𝚝 𝚟𝚒𝚕𝚘𝚢𝚊𝚝𝚒 𝚋𝚘𝚜𝚑 𝚒𝚖𝚘𝚖-𝚡𝚊𝚝𝚒𝚋 𝚘'𝚛𝚒𝚗𝚋𝚘𝚜𝚊𝚛𝚒
@Diyonatli
𝐇𝐮𝐣𝐮𝐫𝐨𝐭 𝐬𝐮𝐫𝐚𝐬𝐢 13-𝐨𝐲𝐚𝐭𝐢𝐧𝐢𝐧𝐠 𝐬𝐡𝐚𝐫𝐡𝐢
𝐀𝐛𝐝𝐮𝐥 𝐇𝐚𝐦𝐢𝐝 𝐝𝐨𝐦𝐥𝐚 𝐌𝐚𝐥𝐢𝐤𝐨𝐯
𝚃𝚘𝚜𝚑𝚔𝚎𝚗𝚝 𝚟𝚒𝚕𝚘𝚢𝚊𝚝𝚒 𝚋𝚘𝚜𝚑 𝚒𝚖𝚘𝚖-𝚡𝚊𝚝𝚒𝚋 𝚘'𝚛𝚒𝚗𝚋𝚘𝚜𝚊𝚛𝚒
@Diyonatli
👍2
7 НАРСАГА ОДАТ ҚИЛИБ, 7 НАРСАДАН ҲАЗАР ҚИЛМОҚ
Барро ибн Озиб ривоят қиладирлар:
«Расулуллоҳ саллаллоҳу алайҳи ва саллам бизга етти
нарсага одат қилиб, етти нарсадан ҳазар қилмоқни буюрдилар. «Қуйидагиларни одат
қилингиз!» — дедилар:
1. Жанозага қатнашмоқни
2. Касални бориб кўрмоқни
3. Чақирилган жойга бормоқни
4. Мазлумга ёрдам бермоқни
5. Қасам ичса, қасамида турмоқни
6. Саломга алик олмоқни
7. Акса урган киши «Алҳамду лиллоҳ» деса, унга «Йарҳамукаллоҳ» демоқни.
«Қуйидагилардан ҳазар қилингиз!» — дедилар:
1. Кумуш идиш тутмоқдан
2. Тилла узук тақмоқдан
3. Ипакли кийим киймоқдан (эркаклар назарда тутилган)
4. Дебож (гулдор ипакли кийим) киймоқдан
5. Қасий (дағал матодан тикилган кийим) киймоқдан
6. Истабрак (атласга ўхшаган мато) киймоқдан
7. (бу ривоятда еттинчиси тушириб қолдирилган)».
«Ал-Жомиъ ас-саҳиҳ. 4-жилд» китобидан.
👉 @diyonatli
Барро ибн Озиб ривоят қиладирлар:
«Расулуллоҳ саллаллоҳу алайҳи ва саллам бизга етти
нарсага одат қилиб, етти нарсадан ҳазар қилмоқни буюрдилар. «Қуйидагиларни одат
қилингиз!» — дедилар:
1. Жанозага қатнашмоқни
2. Касални бориб кўрмоқни
3. Чақирилган жойга бормоқни
4. Мазлумга ёрдам бермоқни
5. Қасам ичса, қасамида турмоқни
6. Саломга алик олмоқни
7. Акса урган киши «Алҳамду лиллоҳ» деса, унга «Йарҳамукаллоҳ» демоқни.
«Қуйидагилардан ҳазар қилингиз!» — дедилар:
1. Кумуш идиш тутмоқдан
2. Тилла узук тақмоқдан
3. Ипакли кийим киймоқдан (эркаклар назарда тутилган)
4. Дебож (гулдор ипакли кийим) киймоқдан
5. Қасий (дағал матодан тикилган кийим) киймоқдан
6. Истабрак (атласга ўхшаган мато) киймоқдан
7. (бу ривоятда еттинчиси тушириб қолдирилган)».
«Ал-Жомиъ ас-саҳиҳ. 4-жилд» китобидан.
👉 @diyonatli
👍2
ИМОМИ АЪЗАМНИНГ ЎҒЛИ ҲАММОДГА ЎН ЎГИТИ
1) Аллоҳдан қўрқиб, жисмингдаги барча аъзоларни гуноҳу маъсиятдан сақлаган ҳолда Унга бандачилик қил! Унинг буйруқларини сўзсиз адо эт!
2) Эҳтиёжинг тушадиган илмни ўрганишдан ўзингни олиб қочма!
3) Мусулмонга ҳам, зиммийга ҳам душманчилик қила кўрма!
4) Аллоҳ берган ризқингга қаноат қил!
5) Бошқаларга муҳтож бўлмаслигинг учун қўлингдаги бисотингдан тадбиркорлик билан фойдалан!
6) Одамлар сенга таҳқир назари билан боқишларига сабабчи бўладиган юмушни қилма!
7) Аллоҳни зикр қил, Унинг пайғамбарига бисёр саловатлар йўлла!
8) Ҳар куни Қуръон ўқишга одат қил ва ўқиганларингнинг савобини Пайғамбаримизга (алайҳиссалом) , ота-онанг, устозларингга ва барча мусулмонларга бахшида қил!
9) Қўшничиликни яхши қил ва қўшнингдан келадиган азиятларга сабр-бардошли бўл!
10) Барча ишларингда холис ниятли бўл, ҳар ҳолатда ҳам фақат ҳалол нарсаларни истеъмол қилишга жидду жаҳд қил!
«Ўксинма» китобидан.
👉 @diyonatli
1) Аллоҳдан қўрқиб, жисмингдаги барча аъзоларни гуноҳу маъсиятдан сақлаган ҳолда Унга бандачилик қил! Унинг буйруқларини сўзсиз адо эт!
2) Эҳтиёжинг тушадиган илмни ўрганишдан ўзингни олиб қочма!
3) Мусулмонга ҳам, зиммийга ҳам душманчилик қила кўрма!
4) Аллоҳ берган ризқингга қаноат қил!
5) Бошқаларга муҳтож бўлмаслигинг учун қўлингдаги бисотингдан тадбиркорлик билан фойдалан!
6) Одамлар сенга таҳқир назари билан боқишларига сабабчи бўладиган юмушни қилма!
7) Аллоҳни зикр қил, Унинг пайғамбарига бисёр саловатлар йўлла!
8) Ҳар куни Қуръон ўқишга одат қил ва ўқиганларингнинг савобини Пайғамбаримизга (алайҳиссалом) , ота-онанг, устозларингга ва барча мусулмонларга бахшида қил!
9) Қўшничиликни яхши қил ва қўшнингдан келадиган азиятларга сабр-бардошли бўл!
10) Барча ишларингда холис ниятли бўл, ҳар ҳолатда ҳам фақат ҳалол нарсаларни истеъмол қилишга жидду жаҳд қил!
«Ўксинма» китобидан.
👉 @diyonatli
👍1😍1
СЎРАЛГАЙ
Яратганнинг ҳузурида
барча бирдай қаралгай,
Ҳар жон кечган аёзи-ю
ҳам ёзидан сўралгай.
Амалларнинг пинҳонаси,
ошкораси бор эрур,
Барча қалб ҳам ошкораси,
ҳам розидан сўралгай.
Омад отлиқ учқур отда
гуркираган қоматлар,
Ўшал кунда пасту баланд
парвозидан сўралгай.
Худо берган гул ҳуснига
рози бўлмаган юзлар,
Кун келадир, турли туман
пардозидан сўралгай.
Керак вақти овоз қилиб,
қалбни уйғотди Билол,
Нокерак пайт “бараллачи”
овозидан сўралгай.
Риё – барча амалларни
пуч қилгувчи катта куч,
Дуч келса ким, барча қилган
ниёзидан сўралгай.
Адолатни турли “жанг”лар,
турфа рангга бўяйдир,
Бу қилмишнинг ҳар зарраси
ҳар қозидан сўралгай.
Фалончининг гуноҳи кўп,
менда оз-ку, деб зинҳор,
Ғафлатланма, кўп кўпидан,
оз озидан сўралгай.
Ботирман, деб гердаймасдан
сажда қил, Тангридан қўрқ,
Чин мусулмон энг аввало
намозидан сўралгай.
@Botirjon_Ergashev
Яратганнинг ҳузурида
барча бирдай қаралгай,
Ҳар жон кечган аёзи-ю
ҳам ёзидан сўралгай.
Амалларнинг пинҳонаси,
ошкораси бор эрур,
Барча қалб ҳам ошкораси,
ҳам розидан сўралгай.
Омад отлиқ учқур отда
гуркираган қоматлар,
Ўшал кунда пасту баланд
парвозидан сўралгай.
Худо берган гул ҳуснига
рози бўлмаган юзлар,
Кун келадир, турли туман
пардозидан сўралгай.
Керак вақти овоз қилиб,
қалбни уйғотди Билол,
Нокерак пайт “бараллачи”
овозидан сўралгай.
Риё – барча амалларни
пуч қилгувчи катта куч,
Дуч келса ким, барча қилган
ниёзидан сўралгай.
Адолатни турли “жанг”лар,
турфа рангга бўяйдир,
Бу қилмишнинг ҳар зарраси
ҳар қозидан сўралгай.
Фалончининг гуноҳи кўп,
менда оз-ку, деб зинҳор,
Ғафлатланма, кўп кўпидан,
оз озидан сўралгай.
Ботирман, деб гердаймасдан
сажда қил, Тангридан қўрқ,
Чин мусулмон энг аввало
намозидан сўралгай.
@Botirjon_Ergashev
👍3😍1
Media is too big
VIEW IN TELEGRAM
🔹МУФТИЙ ҲАЗРАТНИНГ ИБОДАТДА РИЁГА БЕРИЛГАНЛАРГА МУНОСАБАТЛАРИ
⚡️Умра зиёратидан қайтган айримлар хайрли ишларда ибрат бўлиш ўрнига кутиб олишдаги исрофлар: энг қимматбаҳо автоуловларда юриш, от ё туяга миниш, кўча бошидан поёндозлар солиш, маросимни тўйга, баъзан эса Худо кечирсин, шоуга айлантириш кабиларга Ўзбекистон мусулмонлари идораси раиси, муфтий Нуриддин домла ҳазратлари Муносабат билдирдилар.
Youtube | Tas-ix | Facebook | Instagram
Дўстларингизга ҳам улашинг,
Каналга аъзо бўлиш учун ушбуни босинг
👇👇👇
@Diyonatli
⚡️Умра зиёратидан қайтган айримлар хайрли ишларда ибрат бўлиш ўрнига кутиб олишдаги исрофлар: энг қимматбаҳо автоуловларда юриш, от ё туяга миниш, кўча бошидан поёндозлар солиш, маросимни тўйга, баъзан эса Худо кечирсин, шоуга айлантириш кабиларга Ўзбекистон мусулмонлари идораси раиси, муфтий Нуриддин домла ҳазратлари Муносабат билдирдилар.
Youtube | Tas-ix | Facebook | Instagram
Ўзбекистон мусулмонлари идораси Матбуот хизмати
Дўстларингизга ҳам улашинг,
Каналга аъзо бўлиш учун ушбуни босинг
👇👇👇
@Diyonatli
👍2
Abdulhamid domla 12.11.22
Fitrat.uz
#Савол_жавоб
12.11.2022
🎤 Абдулҳамид домла Маликов
Тошкент вилояти бош-имом хатиби ўринбосари
Дўстларингизга ҳам улашинг:
@Diyonatli
12.11.2022
🎤 Абдулҳамид домла Маликов
Тошкент вилояти бош-имом хатиби ўринбосари
Дўстларингизга ҳам улашинг:
@Diyonatli
👍2
МУҲАММАД СОЛЛАЛЛОҲУ АЛАЙҲИ ВАСАЛЛАМ БОЛАЛИКЛАРИДАН...
* * *
Муҳаммад алайҳиссалом умри давомида ҳеч қачон бутга сиғинмади. Бир куни ҳазрати Али Расулуллоҳдан сўради: “Ё Расулуллоҳ, болалик чоғингизда ҳеч бутга ибодат қилдингизми?”
– «Йўқ! Асло!» дедилар.
* * *
Бир куни амакиси Абу Толиб кичик Муҳаммадни бир санамга атаб ўтказилаётган қурбонлик маросимига олиб бормоқчи бўлди. Бу маросим ҳар йили ўтказилиб, қурайшийлар кечга қадар санамни тавоф қилишарди. Муҳаммад (с.а.в.) у ерга асло бормаслигини айтди. Биринчи марта жиянидан жаҳли чиққан Абу Толиб бошидаги қийиқни унга қараб отди:
– Мен қўрқаманки, бутлар сенга бирон зиён-заҳмат етказмасин!
Гарчи амакиси мажбуран у ерга олиб борган бўлсада, Муҳаммад бутга ибодат қилмади. Кўзларига малаклар кўриниб:
– Асло унга яқинлашма, сен унга яқинлаша олмайсан, - деганларини эшитди. Бир четда ўтиб маросимни кузатиб турди.
* * *
Бир куни амакиси Абу Толиб билан Зулҳижор (савдо- сотиқ ери)га боришди. Абу Толиб жуда чанқаган эди. Муҳаммадга (с.а.в.) қараб:
– Эй укамнинг ўғли, жуда чанқадим,- деди. Шунда Расулулоҳ муборак оёқлари билан қумни тепди ва «Шайъан», деди. Шу пайт у ердан сув қайнаб чиқди. Буни кўрган Абу Толиб ҳайратдан ёқа ушлади. Кейинчалик бу ҳақда шундай ҳикоя қилади:
– Муборак оёқлари босилган ердан сув қайнаб чиққанини кўрдим. Бу сув мисли кўрилмаган лаззатли эди. Қониб-қониб ичдим. Сўнг оёқларини такрор қумга урди, қум ўз ҳолига қайтди.
* * *
– Зайниддин Даҳлоний «Сийратуннабавийя» асарида айтадики, Макка аҳли сувсизликдан қийналган эди. Абу Толиб кичик Муҳаммаднинг қўлидан тутиб Каъбаи муаззамага олиб борди. Муҳаммад (с.а.в.) қўлларини кўкка ишора қилар-қилмас осмонни булут қоплаб, шаррос ёмғир ёға бошлади. Водийлар сувга тўлиб тошди.
* * *
– Муҳаммад алайҳиссалом ҳеч қачон маъсият жойларга бормади. «Сайратул Халабий» китобида келтиришича, бир куни Расулуллоҳ ёшлигида Макканинг бир маҳалласидан ўтаётиб мусиқа овозини эшитади.
– «Бу қандай овоз?» деб сўрайди. “Фалон одамнинг ўғли фалончининг қизига уйланяпти, тўй бўляпти”, дейишади. Ичкарига кирган Муҳаммад (с.а.в.)ни уйқу элитади. Шу тариқа Аллоҳ таоло ўз Расулини ёмон нарсаларни кўришдан сақлайди.
«Муҳаммад алайҳиссаломнинг болалиги ва ёшликлари» китобидан.
👉 @diyonatli
* * *
Муҳаммад алайҳиссалом умри давомида ҳеч қачон бутга сиғинмади. Бир куни ҳазрати Али Расулуллоҳдан сўради: “Ё Расулуллоҳ, болалик чоғингизда ҳеч бутга ибодат қилдингизми?”
– «Йўқ! Асло!» дедилар.
* * *
Бир куни амакиси Абу Толиб кичик Муҳаммадни бир санамга атаб ўтказилаётган қурбонлик маросимига олиб бормоқчи бўлди. Бу маросим ҳар йили ўтказилиб, қурайшийлар кечга қадар санамни тавоф қилишарди. Муҳаммад (с.а.в.) у ерга асло бормаслигини айтди. Биринчи марта жиянидан жаҳли чиққан Абу Толиб бошидаги қийиқни унга қараб отди:
– Мен қўрқаманки, бутлар сенга бирон зиён-заҳмат етказмасин!
Гарчи амакиси мажбуран у ерга олиб борган бўлсада, Муҳаммад бутга ибодат қилмади. Кўзларига малаклар кўриниб:
– Асло унга яқинлашма, сен унга яқинлаша олмайсан, - деганларини эшитди. Бир четда ўтиб маросимни кузатиб турди.
* * *
Бир куни амакиси Абу Толиб билан Зулҳижор (савдо- сотиқ ери)га боришди. Абу Толиб жуда чанқаган эди. Муҳаммадга (с.а.в.) қараб:
– Эй укамнинг ўғли, жуда чанқадим,- деди. Шунда Расулулоҳ муборак оёқлари билан қумни тепди ва «Шайъан», деди. Шу пайт у ердан сув қайнаб чиқди. Буни кўрган Абу Толиб ҳайратдан ёқа ушлади. Кейинчалик бу ҳақда шундай ҳикоя қилади:
– Муборак оёқлари босилган ердан сув қайнаб чиққанини кўрдим. Бу сув мисли кўрилмаган лаззатли эди. Қониб-қониб ичдим. Сўнг оёқларини такрор қумга урди, қум ўз ҳолига қайтди.
* * *
– Зайниддин Даҳлоний «Сийратуннабавийя» асарида айтадики, Макка аҳли сувсизликдан қийналган эди. Абу Толиб кичик Муҳаммаднинг қўлидан тутиб Каъбаи муаззамага олиб борди. Муҳаммад (с.а.в.) қўлларини кўкка ишора қилар-қилмас осмонни булут қоплаб, шаррос ёмғир ёға бошлади. Водийлар сувга тўлиб тошди.
* * *
– Муҳаммад алайҳиссалом ҳеч қачон маъсият жойларга бормади. «Сайратул Халабий» китобида келтиришича, бир куни Расулуллоҳ ёшлигида Макканинг бир маҳалласидан ўтаётиб мусиқа овозини эшитади.
– «Бу қандай овоз?» деб сўрайди. “Фалон одамнинг ўғли фалончининг қизига уйланяпти, тўй бўляпти”, дейишади. Ичкарига кирган Муҳаммад (с.а.в.)ни уйқу элитади. Шу тариқа Аллоҳ таоло ўз Расулини ёмон нарсаларни кўришдан сақлайди.
«Муҳаммад алайҳиссаломнинг болалиги ва ёшликлари» китобидан.
👉 @diyonatli
👍3
ПАЙҒАМБАРИМИЗ СОЛЛАЛЛОҲУ АЛАЙҲИ ВАСАЛЛАМ НАСАБЛАРИ
Бир куни Аббос ибн Абдулмутталиб розияллоҳу анҳу кофирларнинг Пайғамбаримиз ҳақларида таҳқиромуз гапларини эшитиб қолади ва тўғри Пайғамбаримиз Муҳаммад алайҳиссаломнинг ҳузурларига ғазабланган ҳолда келади.
Буни эшитган Пайғамбаримиз насабларини баён қилиш мақсадида минбарга кўтарилдилар: (Танбеҳ бериш маъносида)
- «Мен кимман?» деб сўрайдилар.
Саҳобалар саволни яхши тушунмасдан:
- «Сиз Аллоҳнинг элчисисиз», деб жавоб беришади.
Пайғамбаримиз (с.а.в):
- «Мен Муҳаммад ибн Абдуллоҳ ибн Абдулмутталибман.
(Яъни сизлар ота-боболаримни яхши биласизлар).
Албатта, Аллоҳ таоло махлуқотни (яъни жин ва инсонларни) яратди. Мени уларнинг яхшилари (бўлган мукаррам инсонлар) ичида қилди. Сўнгра у (инсон)ларни икки гуруҳ (араб ва ажам)га бўлди. Мени энг яхши гуруҳ (араблар) ичида қилди. Сўнгра уларни қабилалар қилди. Мени энг яхши қабила (бўлмиш Қурайш) ичида қилди. Сўнгра уларни хонадонлар қилди. Мени энг яхши хонадон (бўлган Бани Ҳошим) ичида қилди. (Фахр эмас,) мен жон (яъни з от ва руҳ) жиҳатидан ҳам, хонадон (ва пок насаб) жиҳатидан ҳам уларнинг энг яхшиси бўлдим (зеро, Аллоҳ мени охирзамон пайғамбари этиб тайёрлар эди)», дедилар».
«Сунани Термизий», 3608-рақам. Муснади Аҳмад ибн Ҳанбал». «Мишкотул масобийҳ», 5757-ҳадис. Саҳиҳ.
👉 @diyonatli
Бир куни Аббос ибн Абдулмутталиб розияллоҳу анҳу кофирларнинг Пайғамбаримиз ҳақларида таҳқиромуз гапларини эшитиб қолади ва тўғри Пайғамбаримиз Муҳаммад алайҳиссаломнинг ҳузурларига ғазабланган ҳолда келади.
Буни эшитган Пайғамбаримиз насабларини баён қилиш мақсадида минбарга кўтарилдилар: (Танбеҳ бериш маъносида)
- «Мен кимман?» деб сўрайдилар.
Саҳобалар саволни яхши тушунмасдан:
- «Сиз Аллоҳнинг элчисисиз», деб жавоб беришади.
Пайғамбаримиз (с.а.в):
- «Мен Муҳаммад ибн Абдуллоҳ ибн Абдулмутталибман.
(Яъни сизлар ота-боболаримни яхши биласизлар).
Албатта, Аллоҳ таоло махлуқотни (яъни жин ва инсонларни) яратди. Мени уларнинг яхшилари (бўлган мукаррам инсонлар) ичида қилди. Сўнгра у (инсон)ларни икки гуруҳ (араб ва ажам)га бўлди. Мени энг яхши гуруҳ (араблар) ичида қилди. Сўнгра уларни қабилалар қилди. Мени энг яхши қабила (бўлмиш Қурайш) ичида қилди. Сўнгра уларни хонадонлар қилди. Мени энг яхши хонадон (бўлган Бани Ҳошим) ичида қилди. (Фахр эмас,) мен жон (яъни з от ва руҳ) жиҳатидан ҳам, хонадон (ва пок насаб) жиҳатидан ҳам уларнинг энг яхшиси бўлдим (зеро, Аллоҳ мени охирзамон пайғамбари этиб тайёрлар эди)», дедилар».
«Сунани Термизий», 3608-рақам. Муснади Аҳмад ибн Ҳанбал». «Мишкотул масобийҳ», 5757-ҳадис. Саҳиҳ.
👉 @diyonatli
👍3👏1
МУБОРАК КЎЗ ЁШЛАР ЁХУД “НЕГА ЙИҒЛАДИНГИЗ, Ё РАСУЛАЛЛОҲ!”
ЖОҲИЛИЯТ АМАЛИ
Бир киши Расулуллоҳ (соллаллоҳу алайҳи васаллам) олдиларига келиб шундай деди: “Эй Расулуллоҳ, биз жоҳилият аҳли ва бутларга сиғинувчилар эдик. Ҳатто фарзандларимизни ҳам тириклайин ўлдирардик. Менинг ҳам бир қизим бор эди. У мен чақирганимда ўзини қўярга жой топа олмайдиган даражада хурсанд бўлиб кетар эди. Улғайганидан сўнг, бир куни олдимга чақирдим. У мен билан орқамдан эргашди. Уни олиб ўзимиздан унча узоқ бўлмаган бир қудуқ олдига олиб келдим. Нозик қўлларидан тутиб уни қудуққа улоқтирдим. Унинг оғзидан эшитган энг охирги сўзим бу “Эй отажоним!”, “Эй отажоним”, деган сўзлар эди”. Расулуллоҳ (соллаллоҳу алайҳи васаллам) буни эшитиб йиғладилар, кўзларидан муборак кўз ёшлар оқди.
У зот билан ўтирган саҳобалардан бири ҳалиги кишига дакки бериб: “Расулуллоҳни ҳафа қилдинг”, деди. Шунда У зот: “Тек қўй! У ўзи учун муҳим масала ҳақида сўраяпти”, дедилар ва ҳалиги кишига қараб: “Менга айтган сўзларингни яна қайта айтиб бергин”, дедилар. У бўлган воқеаларни қайта айтиб берди. У зот яна йиғладилар, ҳатто кўзларидан оққан ёшлар соқолларини хўл қилди.
Сўнг Расулуллоҳ (соллаллоҳу алайҳи васаллам): “Аллоҳ таоло уларнинг жоҳилиятда қилган амалларини кечди. Янгитдан (эзгу) амал бошлагин!”, дедилар.
Сунани Доримий.
👉 @diyonatli
ЖОҲИЛИЯТ АМАЛИ
Бир киши Расулуллоҳ (соллаллоҳу алайҳи васаллам) олдиларига келиб шундай деди: “Эй Расулуллоҳ, биз жоҳилият аҳли ва бутларга сиғинувчилар эдик. Ҳатто фарзандларимизни ҳам тириклайин ўлдирардик. Менинг ҳам бир қизим бор эди. У мен чақирганимда ўзини қўярга жой топа олмайдиган даражада хурсанд бўлиб кетар эди. Улғайганидан сўнг, бир куни олдимга чақирдим. У мен билан орқамдан эргашди. Уни олиб ўзимиздан унча узоқ бўлмаган бир қудуқ олдига олиб келдим. Нозик қўлларидан тутиб уни қудуққа улоқтирдим. Унинг оғзидан эшитган энг охирги сўзим бу “Эй отажоним!”, “Эй отажоним”, деган сўзлар эди”. Расулуллоҳ (соллаллоҳу алайҳи васаллам) буни эшитиб йиғладилар, кўзларидан муборак кўз ёшлар оқди.
У зот билан ўтирган саҳобалардан бири ҳалиги кишига дакки бериб: “Расулуллоҳни ҳафа қилдинг”, деди. Шунда У зот: “Тек қўй! У ўзи учун муҳим масала ҳақида сўраяпти”, дедилар ва ҳалиги кишига қараб: “Менга айтган сўзларингни яна қайта айтиб бергин”, дедилар. У бўлган воқеаларни қайта айтиб берди. У зот яна йиғладилар, ҳатто кўзларидан оққан ёшлар соқолларини хўл қилди.
Сўнг Расулуллоҳ (соллаллоҳу алайҳи васаллам): “Аллоҳ таоло уларнинг жоҳилиятда қилган амалларини кечди. Янгитдан (эзгу) амал бошлагин!”, дедилар.
Сунани Доримий.
👉 @diyonatli
😢3👍1
Хоразмийдан гўзал муқояса
Бир киши Хоразмийдан: «Инсоннинг қиймати нимага тенг?» деб сўради. Олимнинг жавоби қуйидагича бўлди: «Агар инсон гўзал ахлоқли бўлса, у 1 га тенг. Ҳусни ҳам гўзал бўлса, бирнинг ёнига 0 ни қўшинг, 10 га тенг бўлади. Бой бўлса, яна битта 0 ни қўшинг, 100 га тенг бўлади. Насл-насабли ҳам бўлса, яна битта 0 ни қўшинг, 1000 га тенг бўлади. Энди, унинг гўзал ахлоқи бўлмаса, ундаги 1 ни олиб ташланг, натижа 000 дан иборат бўлиб, ҳеч қандай қийматга эга бўлмайди.
Абдул Азим Зиёуддин
@diyonatli
Бир киши Хоразмийдан: «Инсоннинг қиймати нимага тенг?» деб сўради. Олимнинг жавоби қуйидагича бўлди: «Агар инсон гўзал ахлоқли бўлса, у 1 га тенг. Ҳусни ҳам гўзал бўлса, бирнинг ёнига 0 ни қўшинг, 10 га тенг бўлади. Бой бўлса, яна битта 0 ни қўшинг, 100 га тенг бўлади. Насл-насабли ҳам бўлса, яна битта 0 ни қўшинг, 1000 га тенг бўлади. Энди, унинг гўзал ахлоқи бўлмаса, ундаги 1 ни олиб ташланг, натижа 000 дан иборат бўлиб, ҳеч қандай қийматга эга бўлмайди.
Абдул Азим Зиёуддин
@diyonatli
👍2