Piskent jome masjidi | Rasmiy kanal
2.7K subscribers
8.59K photos
4.45K videos
29 files
7.25K links
Ушбу каналда оят, ҳадислар, уларнинг шарҳлари, ибратли воқеалар, ҳикматлар, маърифий мақолалар ҳамда "Пискент" жоме масжиди имом хатиби Абдул Ҳамид домланинг маърузалари эълон қилиб борилади.
Download Telegram
#Ҳадис

Абу Ҳурайра розияллоҳу анҳудан ривоят қиланади. Расулуллоҳ соллаллоҳу алайҳи васаллам: «Лаззатларни кетказувчи ўлимни эслашни кўпайтиринглар», деб айтдилар.

Имом Термизий ривоятлари.

@fitratuz
👍2
This media is not supported in your browser
VIEW IN TELEGRAM
#Видео

КЕКСАЛАР УЧ НАРСАГА ЭҲТИЁЖМАНД БЎЛИБ ҚОЛАР ЭКАН

Жасурбек домла Раупов,
Тошкент вилояти бош имом-хатиби

Ижтимоий тармоқлардаги саҳифаларимиз:
Facebook|Youtube|Telegram|  Instagram

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA
👍1
#САВОЛ_ЖАВОБЛАР

Чилла ҳақида

САВОЛ:
Ассалому алайкум! Мени уйланганимга 3 йил бўлди, лекин айрим сабабларга кўра Аллоҳ фарзанд бермади. Мен бунга норози эмасман, сабр қилиб кутяпман. Лекин аёлим бесабрлик қиляпти. Докторлар иккимизни ҳам текшириб ҳаммаси жойидалигини айтишди. Аёлим бир кинначи аёлни олдига борибди. У аёл унга чилла кирганини, агар чилласини чиқариб юборса фарзанд кўришини айтибди. Қурбон ҳайити байрамидан кейин келишини айтибди. Шу вазиятга маслахат берсангиз.

ЖАВОБ: Ва алайкум ассалом! Сизлар Аллоҳ таолодан ихлос билан дуо қилиб сўранглар. Тажрибада жуда кўп инсонлар дуо ва ихлос ила қилинган тақвою ибодат билан натижага эришган. Шариатимизда бу каби чилла йўқ. Кинначи аёл ёлғон гапирибди. Ундайлар шариат борасида билиб-билмай гапириши “шундай қилса динимизда гуноҳ ёки савоб ёки шундай қилмаса бўлмайди” каби гапларни айтиши “Аллоҳ ва расули шундай деган” деб Аллоҳ ва расулига нисбат бериш ҳисобланади. Бу ўта оғир жиноятдир. Оқибати ҳам жуда хунукдир. Аллоҳ таоло “Наҳл” сурасида марҳамат қилинади:

وَلاَ تَقُولُواْ لِمَا تَصِفُ أَلْسِنَتُكُمُ الْكَذِبَ هَذَا حَلاَلٌ وَهَذَا حَرَامٌ لِّتَفْتَرُواْ عَلَى اللّهِ الْكَذِبَ إِنَّ الَّذِينَ يَفْتَرُونَ عَلَى اللّهِ الْكَذِبَ لاَ يُفْلِحُونَ۝

116. Аллоҳга нисбатан ёлғон тўқиш учун тилларингиз васф қилган ёлғонни гапириб, «Бу ҳалол, бу ҳаром», – деяверманглар. Албатта, Аллоҳга нисбатан ёлғон тўқувчилар зафар топмаслар. “Ҳуд” сурасида:
وَمَنْ أَظْلَمُ مِمَّنِ افْتَرَى عَلَى اللّهِ كَذِبًا أُوْلَئِكَ يُعْرَضُونَ عَلَى رَبِّهِمْ وَيَقُولُ الأَشْهَادُ هَؤُلاء الَّذِينَ كَذَبُواْ عَلَى رَبِّهِمْ أَلاَ لَعْنَةُ اللّهِ عَلَى الظَّالِمِينَ۝

18. Аллоҳга нисбатан ёлғон тўқиган кимсадан кўра золимроқ ким бор? Ана ўшалар Роббларига рўбарў қилинурлар ва гувоҳлар айтурлар: «Манавилар Роббларига нисбатан ёлғон гапирганлардир. Огоҳ бўлингким, Аллоҳнинг лаънати золимларгадир». “Юунус” сурасида:
قُلْ أَرَأَيْتُم مَّا أَنزَلَ اللّهُ لَكُم مِّن رِّزْقٍ فَجَعَلْتُم مِّنْهُ حَرَامًا وَحَلاَلاً قُلْ آللّهُ أَذِنَ لَكُمْ أَمْ عَلَى اللّهِ تَفْتَرُونَ۝

59. Сен: «Аллоҳ сизга туширган, сўнгра сиз ундан баъзисини ҳаром ва ҳалол қилиб олган ризқдан хабар беринг-чи!» – деб айт. Сен: «Сизга Аллоҳ изн бердими ёки Аллоҳга нисбатан ёлғон тўқияпсизми?» – деб айт.
قُلْ إِنَّ الَّذِينَ يَفْتَرُونَ عَلَى اللّهِ الْكَذِبَ لاَ يُفْلِحُونَ۝

69. Сен: «Албатта, Аллоҳга нисбатан ёлғон тўқийдиганлар зафар топмаслар», – деб айт. “Аъроф” сурасида:
قُلْ إِنَّمَا حَرَّمَ رَبِّيَ الْفَوَاحِشَ مَا ظَهَرَ مِنْهَا وَمَا بَطَنَ وَالإِثْمَ وَالْبَغْيَ بِغَيْرِ الْحَقِّ وَأَن تُشْرِكُواْ بِاللّهِ مَا لَمْ يُنَزِّلْ بِهِ سُلْطَانًا وَأَن تَقُولُواْ عَلَى اللّهِ مَا لاَ تَعْلَمُونَ۝

33. Сен: «Роббим фақатгина ошкора ва яширин фаҳш ишларни, гуноҳларни, ноҳақ тажовузкорликни ва Аллоҳга Ўзи у ҳақида ҳеч қандай ҳужжат туширмаган нарсаларни шерик қилиб олишингизни ҳамда Аллоҳга нисбатан ўзингиз билмайдиган нарсани гапиришингизни ҳаром қилган, холос», – деб айт. ("Тафсири Ҳилол" китобидан). Валлоҳу аълам!

«Зикр аҳлидан сўранг» ҳайъати

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA
👍3
Қалб хотиржамлигига қандай қилиб эришиш мумкин?

Нима сабабдан ҳаётдан ноумидсиз, тушкунликка тушгансиз?

Қалб хотиржамлигига қандай қилиб эришиш мумкин?

Бу саволларга турли одамлар турлича жавоб беришади. Баъзилар агар солиҳа аёлинг, кенг уйинг, юқори даромадли ишинг бўлса хотиржам бўласан дейди. Йўқ, йўқ асло ундай эмас! Қалб хотиржамлигига эришишнинг фақат битта йўли бор. Уни Аллоҳ таоло Ўзи Қуръони каримда бизга маълум қилган: “Аллоҳнинг зикри ила қалблар ором топур” (Раъд сураси, 28-оят).

Банда Аллоҳни зикр қилиш билан қалбини юпатади, қалби лаззатланади. Аллоҳни зикр қилиш бу – Қуръон тиловати, Аллоҳнинг амрига бўйсуниш, суннатга эргашиш каби солиҳ амалларнинг барчаси киради.

Демак, қалб халоватига эришишнинг ягона йўли – Аллоҳни зикр қилиш экан. Ҳатто, ҳашаматли уйи, замонавий машинаси, катта даромадли иши бор одам ҳам қалб хотиржамлигига эриша олмаслиги, бир умр тушкунликда яшаши мумкин. Зеро, қанчадан-қанча машҳур, бой инсонлар ўз жонларига қасд қилдилар, депрессиядан қийналиб кун кечирдилар. Буларнинг барчасига Аллоҳни зикр қилмаслик сабабдир.

Аллоҳ таоло бошқа бир оятда бундай марҳамат қилади: “Ким Менинг зикримдан юз ўгирса, албатта, унга торчилик ҳаёти бўлур ва қиёмат куни уни кўр ҳолида тирилтирурмиз” (Тоҳа сураси 124-оят).

Аллоҳнинг зикридан юз ўгирганлар учун ҳатто ер юзи, бутун сайёра ҳам торлик қилади. Уйи, иши, аёли, фарзандлари бўлса-да, лекин қалби хотиржам бўлмайди. Қалби ҳамиша нотинч, хавотирда бўлади. Энг ёмони – нафақат бу дунёда қийинчиликларга дучор бўлади, балки охиратда ҳам азобланади. Ҳатто кўзи кўр ҳолатда тирилади.

Шунда банда: “Эй Роббим, нима учун мени кўр ҳолда тирилтирдинг. Ахир, кўрувчи эдим-ку” дейди. Аллоҳ таоло унга жавобан бундай дейди: “Сенга оятларимиз келди. Сен эса, уларни унутдинг? Шунингдек, сен ҳам бугун унутилурсан”.

Демак, агар қалб хотиржамлигига эришишни истасангиз – Аллоҳни кўп зикр қилинг!

Айримлар: “Ахир дунёда кўплаб мусулмонлар тушкунлик, депрессиядан азобланяпти-ку?” деб эътироз билдириши мумкин.

Ҳа, албатта. Синов ва мусибатлар мусулмоннинг ҳам бошига тушади. Лекин у қийинчиликларни сабр билан кутиб олади. Аллоҳнинг мукофотларини қўлга киритиш учун бир сабаб деб билади. Охиратдаги даражасининг юқори бўлишидан умид қилади. Аммо бошқалар эса, мусибатга учраши билан нолий бошлайди. Яшашдан умидини узади, ўз жонига қасд қилишгача боради.

Олимлар гўзал бир мисол келтирадилар. Гуноҳ экзема касалига ўхшайди. Бу касалликка дучор бўлган одам танасини қичиса роҳатланади, тасалли олади. Аммо бу вақтинча бўлиб, қичишни тўхтатганидан кейин янада баттар қизариб, ачишади, қонайди.

Худди шунингдек, агар зино, ёлғон, алдаш, фирибгарлик каби гуноҳ ишлар билан бахтга эришмоқчи бўлсак, вақтинча ҳузур-ҳаловатни қўлга киритишимиз мумкин. Лекин унинг азоби аламли ва қаттиқ бўлади. Уни тавсифлашнинг, изоҳлашнинг иложи йўқ. Қалб эса беҳузур бўлиб қолаверади...

Даврон НУРМУҲАММАД

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA
👍2
#Аудио #Маъруза

Расулуллоҳ соллаллоҳу алайҳи васалламнинг саҳобаларига муҳаббат

Абдул Хамид домла Маликов
,
Тошкент вилояти Пискент тумани "Пискент" жоме масжид имом-хатиби

Ижтимоий тармоқлардаги саҳифаларимиз:
Facebook | Youtube | Telegram | Instagram

Дўстларингизга
ҳам улашинг:
@diyonatli
Роббим!

Танангизни сиҳатли,
Кўнгилларингизни шафқатли,
Ҳаётингизни хайрли,
Ахлоқингизни иффатли,
Ризқингизни баракотли айласин!

Ассалому алайкум!

Кунингиз мазмунли ўтсин!..


@diyonatli
#Ҳадис

Оиша розияллоҳу анҳудан ривоят қилинади. Расулуллоҳга соллаллоҳу алайҳи васаллам биров бир нарсадан - чақами, жароҳатми - шикоят қиладиган бўлса, кўрсаткич бармоқларини ерга қўйиб, сўнгра кўтариб, қуйидаги дуони ўқир эдилар: «Бисмиллаҳи турбату арзина бирийқоти баъзина юшфа биҳи сақиймуна биизни Раббина».

Маъноси: Аллоҳнинг исми билан, ерларимизнинг тупроғи билан, баъзиларимизнинг тупуги билан Раббимизнинг изни ила касалларимиз шифо топади.

Имом Бухорий ва Муслим ривоятлари.

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA
👍1
This media is not supported in your browser
VIEW IN TELEGRAM
#Видео

АГАР ЭМИЗИКЛИ БОЛАЛАР ИБОДАТЛИ ЁШЛАР ВА НУРОНИЙ ҚАРИЯЛАР БЎЛМАГАНДА ЭДИ

Жасурбек домла Раупов,
Тошкент вилояти бош имом-хатиби

Ижтимоий тармоқлардаги саҳифаларимиз:
Facebook|Youtube|Telegram|  Instagram

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA
«МИЛЛИЙ ҚАДРИЯТ – МУСТАҚИЛЛИК ПОЙДЕВОРИ» шиори остидаги ўзбек тили байрамининг 34 йиллиги муносабати билан ўтказилаётган «ДЎППИ САЙЛИ» фестивалига таклиф қиламиз!

Фестивал ўтказилиш вақти ва манзили: 2023 йил 25 октябрь соат 10:00 да "Зангиота зиёратгоҳи" ёдгорлик мажмуаси

@fitratuz
👍1
#САВОЛ_ЖАВОБЛАР

Машина олди сотдиси

САВОЛ:
Ассалому алайкум! Мен машина сотиб олган эдим, аммо сотиб олиб бўлганимдан кейин маълум бир вақт ўтиб билсам машинани юргани орқага айлантирилган экан. Мисол учун олган пайтимда 20мин км юрган кўрсатган бўлса хозир 30мин кмга етган бўлган бўлса, Сотаётган вохтим: олганимда 20мин км эди хозир 30мин км бўлди диб айтсам лекин орқага айлантирилганини индамасам халол бўладими ёки халол бўлмайдими?

ЖАВОБ: Ва алайкум ассалом! Машинанинг айби бор экан, уни харидорга айтмасдан сотманг. Молдаги айбни олди-сотдида беркитишлик ҳаром амаллардан ҳисобланади. Шунинг учун мусулмон молини айбини айтишлиги ёки ҳеч бўлмаганда молни қараб олинг кейинчалик айби чиқса, мен унга кафил бўлмайман дейиши зарурдир.

لَا يَحِلُّ كِتْمَانُ الْعَيْبِ فِي مَبِيعٍ أَوْ ثَمَنٍ ؛ لِأَنَّ الْغِشَّ حَرَامٌ

“Мол ёки пулдаги айбни яшириш ҳалол эмас. Чунки, алдов ҳаромдир” (Роддул муҳтор).

إذَا بَاعَ سِلْعَةً مَعِيبَةً، عَلَيْهِ الْبَيَانُ وَإِنْ لَمْ يُبَيِّنْ قَالَ بَعْضُ مَشَايِخِنَا يَفْسُقُ وَتُرَدُّ شَهَادَتُهُ

“Айбли молни сотаётганда айбини айтиб сотиш вожиб бўлади. Агар баён қилмаса, баъзи машойихларимиз (ўша сотувчи) фосиқ бўлади ва шаҳодати рад этилади деганлар” (Роддул муҳтор).

وَصَحَّ الْبَيْعُ بِشَرْطِ الْبَرَاءَةِ مِنْ كُلِّ عَيْبٍ وَإِنْ لَمْ يُسَمِّ بِأَنْ قَالَ بِعْتُك هَذَا الْعَبْدَ عَلَى أَنِّي بَرِيءٌ مِنْ كُلِّ عَيْبٍ

“Номларини айтмай ҳар бир айбдан бароатни шарт қилиб олди-сотди қилиш дуруст бўлади. Масалан, бу қулни барча айбидан бариъман (яхшилаб кўриб олинг кейин айби чиқса, тан олмайман) деб сотиш каби”. (Роддул муҳтор). Валлоҳу аълам!

«Зикр аҳлидан сўранг» ҳайъати

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA
Умра тадбирларини ташкил этиш юзасидан расмий муносабат

🏢 Маълумки, Вазирлар Маҳкамасининг 2023 йил 8 августдаги 345-сонли “Умра” тадбирларини ташкил этиш ва ўтказишда зиёратчиларнинг манфаатларини самарали ҳимоя қилиш бўйича қўшимча чора-тадбирлар тўғрисида”ги қарори қабул қилинди.

🗂 Мазкур қарор асосида эндиликда мамлакатимизда хусусий сектор томонидан “Умра” тадбирларини ташкил этиш ва амалга ошириш имконияти яратилмоқда.

📌 Унга кўра, туристик фаолиятни амалга ошириш лицензияси чиқиш туризми кичик турининг “Умра” хизматларини кўрсатиш фаолияти бўйича қуйидаги қўшимча лицензия талаблари ва шартлари жорий этилмоқда:

💵 100 минг АҚШ долларидан кам бўлмаган маблағларни Туризм қўмитасининг Хавфсиз туризм жамғармасига захира қилиб қўяди;

🕌 “Умра” хизматлари давомида зиёратчиларнинг гуруҳ раҳбари этиб Ўзбекистон мусулмонлари идораси билан тузиладиган шартнома асосида унинг диний билим ва кўникмаларга эга бўлган мутахассисларини тайинлайди;

🕋 “Умра” хизматларини кўрсатувчи туроператор штатида диний (исломий) таълим йўналишлари бўйича республика таълим муассасаси ёки Ўзбекистон халқаро ислом академиясининг тегишли бакалавриат таълим йўналиши ёхуд магистратура мутахассислиги битирувчиси бўлган камида бир нафар мутахассиснинг бўлишини таъминлайди;

❌ “Умра” хизматларини вояга етмаган фуқароларга кўрсатиш таъқиқланади;

📝 “Умра” хизматларини Саудия Арабистони Подшоҳлигидаги ҳамкор ташкилот ўртасида имзоланадиган шартномага мувофиқ амалга оширади.

📊 2023 йил 1 октябрдан “Умра” хизматларини кўрсатувчи туроператорлар фаолиятини рейтинг асосида баҳолаш тизими жорий этилди. Баҳолаш тизими Туризм қўмитасининг махсус сайтида эълон қилиб борилмоқда.

✅ Эслатиб ўтамиз, қарорда белгиланган қўшимча лицензия талаб ва шартлари 2023 йил 1 ноябрдан қўлланилади.

❗️ Шу ўринда, муҳим бир жиҳатга эътибор қаратиш лозим:

➖ Мазкур қарор асосида эндиликда фақат “Умра лицензиясига эга” бўлган мамлакатимизда фаолият юритаётган туристик ташкилот “Умра” тадбирларини ташкил этади.

➖ Умра фаолиятини 1 ноябрдан сўнг ташкил қилишни реклама қилаётган ҳар қандай “турфирма”нинг лицензияси мавжудлигини суриштириб олишингизни тавсия қиламиз!

➖ Ноқонуний “турфирма” ёки “турагент”лардан огоҳ бўлинг!

✔️ Эслатиб ўтамиз! Туристик ташкилотлар томонидан “Умра” тадбирлари юқоридаги қарор ижросини қатъий таъминланган ҳолда ташкил этилади.

🌐 Дин ишлари бўйича қўмита
Ахборот хизмати

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA
This media is not supported in your browser
VIEW IN TELEGRAM
#Руҳий_тарбия

Муаллим ва мутааллим одоблари (7-маъруза)

«Руҳий тарбия» китобидан.

Тўлиқ видео
👉https://youtu.be/jESZrWJTGU0

Ижтимоий тармоқлардаги саҳифаларимиз:
Facebook|Youtube|Telegram |Instagram

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA
Муаллим ва мутааллим одоблари
fitrat.uz
#Руҳий_тарбия

Муаллим ва мутааллим одоблари (7-маъруза)

Бошқа илмлар каби, нафсни поклаш ва ахлоқни сайқаллаш илми соҳасида ҳам устоз ва шогирднинг ҳар бирига хос одоблар ва масъулиятлар бор.

Илм талаб қилувчининг (мутааллимнинг) одоблари қуйидагилар:

1. Илм талаб қилувчи шахс нафс поклигини ахлоқий разилат ва ёмон сифатлардан юқори қўймоғи лозимдир. Зотан, илм қалбнинг ибодатидир.

2. Илм талаб қилувчи шахс ўзини чалғитувчи нарсалардан алоқани кесмоғи лозим. Чунки фикр бўлинса, ҳақиқатларни идрок қилишдан ожиз бўлиб қолади. Салафи солиҳлар илмни бошқа барча нарсадан юқори қўяр эдилар. Баъзилари илмдан кўзлаган мақсадларига эришмай туриб, бошқа нарсаларга қўл урмас эдилар.

Батафсил

Ижтимоий тармоқлардаги саҳифаларимиз:
Facebook|Youtube|Telegram |Instagram

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA
👍1
«Намозни тўкис адо этинглар. Албатта, намоз мўминларга вақти тайин фарз бўлгандир» (Нисо:103)

2023/1444 Ҳ. ЙИЛ, 25 - ОКТЯБР
КУНИ УЧУН НАМОЗ ВАҚТЛАРИ ТАҚВИМИ

⏱ТОНГ
- 05:27
⏱БОМДОД - 06:10 (ўқилиш вақти)
⏱ҚУЁШ - 06:45
⏱ПЕШИН - 13:00
⏱АСР - 15:55
⏱ШОМ - 17:35
⏱ХУФТОН - 19:05

🔗 Улашинг: @diyonatli
👍4👏2
Янги бир кун эзгу ният, яхши тилаклар билан бошланиши лозим. Чунки тилаклар дуоларга айланади. Ихлосла қилинган дуолар эса ижобат бўлади, иншааллоҳ!..

Аллоҳим хайрли дуоларингизни мустажоб қилсин, кунингиз файзу баракотли ўтсин!!!

@diyonatli
❤1
Азиз обуначилар ва ҳамюртлар!

Ўзбекистон мусулмонлари идорасининг 18.07.2022 санадаги "Масжидларга фуқаролар томонидан бўлаётган мурожаатларни тартибга солиш" тўғрисидаги 01А/101/1 сонли буйруғига асосан, Пискент тумани " Пискент " жоме масжидида хафтанинг ҳар чоршанба куни "Фуқароларни қабул қилиш куни" этиб белгиланди.

Фуқароларни "Пискент" жоме масжиди имом-хатиби, Абдухамид домла Маликов қабул қилади.

Бундан кўзланган мақсад шуки, масжидга фуқаролар томонидан бўлаётган мурожаатларни ўз вақтида кўриб чиқиш, ўрганиб чиқиш жараёнида шаффофликни таъминлаш ва фуқароларнинг мурожаатларини амалдаги қонунчилик асосида сифатли бажарилишини таъминлашдир.

Манзил: Тошкент вилояти, Пискент тумани, Мўминобод МФЙ, А. Алавия кўчаси, 2-А уй, "Пискент " жоме масжиди.

Қабул учун марҳамат, мурожаат қилишингиз мумкин.

Дўстларингизга ҳам улашинг.

@diyonatli
👍1
#Ҳадис

Анас розияллоҳу анҳудан ривоят қилинади. Бу зот Собит розияллоҳу анҳуга: «Расулуллоҳ соллаллоҳу алайҳи васаллам дам солиб ўқийдиганлари билан дам солайми?» деб қуйидагиларни айтдилар:
«Аллоҳумма Раббан нас, музҳибал баъси ишфи анта шафий, ла шафия илла анта шифаъан ла юғодиру сақома».

Маъноси: Аллоҳим, Сен инсонларнинг Раббисан, қийинчиликларни кетказ, шифо бер, Сен шифо берувчисан. Сенинг шифоингдан бошқа шифо йўқ. Сен берган шифо бирорта ҳам касаллик қолдирмайди.

Имом Бухорий ривоятлари.

Фойда: Дам солиш учун қуйидаги уч нарса шарт қилинди.

1. У Аллоҳнинг каломидан ёки исмларидан ёки сифатларидан бўлиши керак.

2. У араб тилида ёки ўзи тушунадиган луғатда бўлиши керак.

3. Дам солишнинг ўзи таъсир ўтказа олмайди, балки Аллоҳнинг тақдири билан фойда беради деган эътиқодда бўлиши керак. Энди юқоридаги ҳадисда келган лафз ила дам солиш маҳбуброқдир.

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA
#САВОЛ_ЖАВОБЛАР

Ўзига бўлган ишонч

САВОЛ: Ассалому алайкум! Ҳозирги кунда психолог ҳамда тренинг ўтувчилар ижтимоий тармоқларда, "ўзингга ишон" деган фалсафий ёндашув олдинга суришади. Яни ўзига қанча кўп ишонса, ҳаракатчан бўлади ва ишларида муваффақият қозонади деган тушунча. Инсон ўзига бўлган ишончни ошириш учун турли машқларни айтиб ўтишади. Улардан базиларини айтиб ўтадиган бўлсак ҳар кун ойнага қараб бир неча бор сен зўрсан дейиш, бирор кичик ёки катта бўлсин ишни маромига етказса сен уддаладинг сен қила олдинг, сен зўрсан деган сўзлар билан мақташлик керкаклиги такидлашади! Ислом шариатида қандай қаралади, мусулмон инсон бундай фикрларга қандай қараши лозим?

ЖАВОБ: Ва алайкум ассалом! Ўзига бўлган ишонч бу ҳар бир инсон шакллантириши керак бўлган муҳим хислатдир. Ундан мурод ўз кучидан ғурурланиш эмас. Балки, ўзидаги қобилиятларни идрок қилиш ва уларга Аллоҳ инъом этган неъмат деб қарай олишдир. Агар киши ўзидаги қобилиятни кўра олмаса, эътироф эта олмаса уни журътасизлик, қўрқоқлик ва нўноқлик эгаллаб олади. Агар ўзидаги қобилиятни ҳис қилсаю лекин уни шахсий ютуқ деб санаб, Аллоҳни унутса, бу осийликдир, ужбнинг айни ўзидир. Мўмин киши иккисининг ўртасида бўлиши керак. Ўзидаги хислатни эътироф этади, аммо уни Аллоҳнинг тортиғи эканини бир он ҳам унутмайди. Валлоҳу аълам!

«Зикр аҳлидан сўранг» ҳайъати

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA
ДЎППИ САЙЛИ ЎТКАЗИЛДИ

Сарлавҳани ўқиган кишининг хаёлига Ўзбекистон Қаҳрамони, Халқ шоири Эркин Воҳидовнинг:
Қайга бормай, бошда дўппим,
Ғоз юрарман гердайиб,
Олам узра номи кетган
Ўзбекистон, ўзбегим,
деган сатрлари келиши табиий.

Тошкент вилояти ҳокимлиги, Дин ишлари бўйича қўмита Тошкент вилояти ҳудудий бошқармаси, Ўзбекистон мусулмонлари идораси Тошкент вилояти вакиллиги ҳамда бошқа ҳамкор ташкилотлар иштирокида «Миллий қадрият – мустақиллик пойдевори» шиори остидаги ўзбек тили байрамининг 34 йиллиги муносабати билан «ДЎППИ САЙЛИ» ўтказилди.

– Ўзбек тилига давлат тили мақоми берилганининг 34 йиллиги муносабати билан дўппи сайли ўтказилаётгани айни муддао бўлди, – дейди машҳур хаттот Ҳабибуллоҳ Солиҳ. – Чунки биз буюк халқмиз. Буюклигимизга яраша анъана ва қадриятларимиз ҳам улуғ. Шу жумладан, дўппиларимиз ҳам. Ўзимизнинг ажойиб ва гўзал дўппиларимиз турганда ажнабий бош кийимларни кийиш бизга ярашмайди. Дўппи қадимдан эрон ва туркий халқлар орасида кенг тарқалган. Туркистон халқлари орасида (айниқса, Ўзбекистон ва Тожикистон ҳудудида) дўппи миллий кийим турига айланган. Ўзбек дўппиларилари ўзига хос шакли, безаги билан фарқланади. Дўппи уч қисмдан иборат – тепа (айлана ва тўртбурчак шаклида бичилади), кизак (гардиш шаклида) ва жиякдан тузилган. Республикамизнинг турли жойларида турлича безатилади, қисмлари бирлаштирилганда турлича кўринишга эга бўлади.

Тадбирда вилоят ҳунармандлари билан бир қаторда Андижон, Наманган, Фарғона, Қашқадарё вилоятлари ҳамда Тошкент шаҳар ҳунармандлари ўзларининг ижод намуналари билан иштирок этди.

Бундан ташқари, тадбирда ўзбек миллий дўппичилик тарихи бўйича таниқли мутахассислар, олимлар ва хаттотлар қатнашди.

Ўзбек миллий бош кийими бўлган дўппининг пайдо бўлиш тарихи ва ундаги турли шаклларни мазмун моҳияти тўғрисида маълумотлар тадбир иштрокичиларида қизиқиш уйғотди.

Тадбирнинг кўзланган асосий мақсад миллий қадриятларимиз тиклаш, ҳозирда турли миллат ва бошқа халқларнинг дўппиларини кийиб юрган ёшларда миллий қадриятлар руҳини шакллантиришдан иборат.

Шуни унутмаслик керак, ҳар бир миллат бирор кийимни қадрият даражасига кўтариши учун у кийим асрлар синовидан ўтган, ўша миллатга муносиб, ярашадиган бўлиши керак. Шундай экан, ҳар биримиз ўзимизнинг миллий қадриятларимизни тараннум этишимиз шарт.

Иштирокчилар тадбирдан бир олам таассуротлар билан қайтишди ва ҳар йили шундай сайилларни ўтказиб туриш таклифини билдиришди.

Тошкент вилояти вакиллиги Матбуот хизмати

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA
👍2