Piskent jome masjidi | Rasmiy kanal
2.7K subscribers
8.67K photos
4.46K videos
29 files
7.28K links
Ушбу каналда оят, ҳадислар, уларнинг шарҳлари, ибратли воқеалар, ҳикматлар, маърифий мақолалар ҳамда "Пискент" жоме масжиди имом хатиби Абдул Ҳамид домланинг маърузалари эълон қилиб борилади.
Download Telegram
НОЎРИН ҲАЗИЛ ВА МАЗАХДАН ЭҲТИЁТ ҚИЛИНГ

Ақлли одамни мазаҳ қилсангиз, унинг нафратига учрайсиз, эсипастни мазаҳ қилсангиз, уни ўзингиз билан тенг кўрган бўласиз. Мазаҳ кишидан ҳайбатни кетказади ва юзини шувут қилади. Шунингдек, у ҳиқду ҳасадга ва дўстлик ҳаловатининг кетишига сабаб бўлади.

Шайх Муҳаммад Содиқ Муҳаммад Юсуф.
"Ижтимоий одоблар"
Audio
Òàáàðîê ñóðàñè
Абдулазиз қоридан гўзал қироат:

Мулк сураси


Abdulaziz qoridan go'zal qiroat:

Mulk surasi


@abdulaziz_sufiyev @quronhidoyati
ДУНЁГА СУЮНМА!

📌Сўфи Оллоҳёр
(қоддасаллоҳу сирруҳу)

🔰Суюнма, гар дунё суюбдур,
"Суюбман" деб, кўзунга қум қуюбдур.

Кима кўрсатди бул фони вафони,
Азалдин душмани жон билгил они.


Шарҳ:

Агар дунёвий ишларинг кучайиб,дунё сен томон юзланса,зинҳор,"мен омади чопган,дунё мени суядиган инсонман"деб суюнма.Аслида,дунёнинг сени суйгани кўзингга қум қуйгани,кўзингни кўришдан жудо қилганидир.Эй дўстим,бу ўткинчи дунё кимга вафо қилдики,сен билан менга вафо қилса.Билгинки,бу фоний дунё азалдан жоннинг душманидир.

🔰"Равойиҳур райхон" китобидан олинди.
This media is not supported in your browser
VIEW IN TELEGRAM
Абдул Ҳамид домла маъруза қиладилар: "МУСУЛМОНДАН ЁМОНЛИК ЧИҚМАЙДИ"
Media is too big
VIEW IN TELEGRAM
TAҲОРAT ҚAНДAЙ ҚИЛИНAДИ? | БИРГAЛИКДA ЎРГAНAMИЗ
❓Саждада дуо қилиш ҳақида тушунтириб берсангиз.

Жавоб:

Бисмиллаҳир Роҳманир Роҳим. Дарҳақиқат, сажда ҳолатида қилинган дуо ижобатга яқинлиги ҳақида ҳадиси шариф ва уламоларимизнинг сўзлари кўпдир. Чунки киши саждада турганида Аллоҳга энг яқин ҳолатда бўлади. Бу ҳақда Абу Ҳурайра розияллоҳу анҳудан ривоят қилинган ҳадисда Пайғамбаримиз соллаллоҳу алайҳи васаллам бундай деганлар:
“أقربُ مَا يَكونُ العبْدُ مِن ربِّهِ وَهَو ساجدٌ، فَأَكثِرُوا الدُّعاءَ” (رواهُ الإمام مسلم).
яъни: “Банда Раббисига энг яқин бўладиган ҳолати сажда қилган вақтидир. Шундай экан, (бу пайтда) дуони кўпайтиринглар” (Имом Муслим ривояти).
Демак, банда Аллоҳ таолога энг яқин ҳолатда туриб дуо қилса, дуоси ҳам ижобатга яқин бўлади.
Ҳанафий мазҳабимизда фарз ва вожиб намозларининг саждасида суннат бўлган тасбеҳларга ҳеч нарсани зиёда қилинмайди. Фақат “Субҳаана Роббиял аълаа” дейилади холос. Бу ҳақда Имом Шурунбулолий шундай дейдилар:
وَلاَ يَأْتِي فِي الرُّكُوعِ أَوِ السُّجُودِ بِغَيْرِ التَّسْبِيْحِ وَقَالَ الشَّافِعِيُّ يَزِيْدُ فِي الرُّكُوعِ اَللَّهُمَّ لَكَ رَكَعْتُ وَلَككَ خَشَعْتُ وَلَكَ أَسْلَمْتُ وَعَلَيْكَ تَوَكَّلْتُ. وَفِي السُّجُودِ سَجَدَ وَجْهِي لِلَّذِيْ خَلَقَهُ وَصَوَّرَهُ وَشَقَّ سَمْعَهُ وَبَصَرَهُ فَتَبَارَكَ اللهُ أَحْسَنُ الْخَالِقِيْنَ. كَمَا رُوِيَ عَنْ عَلِيٍّ قُلْنَا هُوَ مَحْمُولٌ عَلَى حَالَةِ التَّهَجُّدِ
яъни: “Руку ёки саждада тасбеҳдан бошқа нарсани айтмайди. Имом Шофеъий Али розияллоҳу анҳудан ривоят қилингани каби рукуда:
اَللَّهُمَّ لَكَ رَكَعْتُ وَلَكَ خَشَعْتُ وَلَكَ أَسْلَمْتُ وَعَلَيْكَ تَوَكَّلْتُ.
“Эй, Аллоҳ сен учун руку қилдим, сенга хушу қилдим, сенга бўйсундим, сенга таваккал қилдим”, саждада эса:
سَجَدَ وَجْهِي لِلَّذِي خَلَقَهُ وَصَوَّرَهُ وَشَقَّ سَمْعَهُ وَبَصَرَهُ فَتَبَارَكَ اللهُ أَحْسَنُ الْخَالِقِينَ
“Юзим уни яратган, сурат берган, қулоқ ва кўзини очган зотга сажда қилди. Гўзал яратувчи Аллоҳ муборак бўлди”, деб айтади, дейдилар. Биз (яъни, Ҳанафийлар): “Бу (дуолар) таҳажжуд намозига хосдир”, деймиз” (“Мароқул-фалаҳ”).
Демак, юқорида келган ва Қуръони карим ҳамда ҳадиси шарифларда зикр қилинган дуоларни таҳажжуд намозида, шу жумладан нафл намозларда ҳам қилиш мумкин.
Аммо одамлардан сўраладиган нарсани нафақат фарз ва вожиб намозларининг саждасида, балки нафл намозларининг саждасида ҳам сўраш жоиз эмас. Масалан, “Аллоҳумма аъти маалан” яъни “Эй, Аллоҳ! Менга мол бер” ёки “Аллоҳумма аъти саманан” яъни “Эй, Аллоҳ! Менга пул бер” каби дуолар. Агар сўралса намоз бузилади.
Шуни ҳам билиш керакки, руку ёки саждада Қуръон қироат қилиш мумкин эмас. Бу ҳақда Ибн Аббос розияллоҳу анҳудан ривоят қилинади:
قَالَ رَسُولُ اَللَّهِ صلى الله عليه وسلم {أَلَا وَإِنِّي نُهِيتُ أَنْ أَقْرَأَ اَلْقُرْآنَ رَاكِعًا أَوْ سَاجِدًا فَأَمَّا اَلرُّكُوعُ فَعَظظِّمُوا فِيهِ اَلرَّبَّ وَأَمَّا اَلسُّجُودُ فَاجْتَهِدُوا فِي اَلدُّعَاءِ فَقَمِنٌ أَنْ يُسْتَجَابَ لَكُمْ} رَوَاهُ الامام مُسْلِمٌ
яъни: “Росулуллоҳ соллаллоҳу алайҳи васаллам айтдилар: “Огоҳ бўлингки, мен руку ёки сажда ҳолида қироат қилишдан қайтарилдим. Рукуда Роббни улуғланглар, саждада дуога ҳаракат қилинглар. Мана шунда ижобатга лойиқ бўласизлар” (Имом Муслим ривояти).
Уламоларимиз бу ҳадисдаги саждада дуога жидду жаҳд қилишни ҳам нафл намозларга хос дейдилар.
Жумладан, Абу Ҳурайра розияллоҳу анҳудан ривоят қилинган ҳадиси шарифда айтилишича Пайғамбаримиз соллаллоҳу алайҳи васаллам саждада мана бу дуони қилардилар:
«اللَّهُمَّ اغْفِرْ لي ذَنْبِي كُلَّهُ: دِقَّهُ وَجِلَّهُ، وَأَوَّلَهُ وَآخِرَهُ، وَعَلالاَنِيَتَهُ وَسِرَّهُ». رواه الامام مسلم
яъни: “Эй, Аллоҳ! Менинг ҳамма гуноҳларимни кечир, кичигини ҳам, каттасини ҳам, аввалгисини ҳам, охиргисини ҳам, очиғини ҳам, махфийсини ҳам кечир” (Имом Муслим ривояти). Валлоҳу аълам.

Ўзбекистон мусулмонлари идораси
фатво ҳайъати.
@diniysavollar
This media is not supported in your browser
VIEW IN TELEGRAM
Икки ракат намоз ўқишни биладиган одам ким?

Абдул Ҳамид домла маъруза қиладилар.
Audio
❓Намозда 2чи ракатда, “Аттаҳият” дуоси ўкилиш керак. Ана шу дуони ўкиш эсдан чиқиб, 3чи ракат ўкиб кетилса, нима килиш жоиз?

---------------------
ТУБАНЛАШИШ ПИЛЛАПОЯЛАРИ

1. Хаёл ўз вақтида тийилмаса, васвасага айланади.

2. Васваса иродага айланади.

3. Ирода кучайиб, қатъият касб этади.

4. Қатъият амалга ўтади.

5. Амал такрорланавериб, доимий одат ҳамда мустаҳкам ва барқарор ҳолат бўй кўрсатади.

Ана шу пайтда бу ҳолатдан ҳам, унгача олиб борган пиллапоялардан ҳам чиқиб кетиш осон кечмай қолади.

Арабчадан Муқим Маҳмуд таржимаси
2020-12-26
This media is not supported in your browser
VIEW IN TELEGRAM
Намоз. Зикр. Ибодат. Бугун бошла.
📌АБУ ЗАР МЕНДАН ПУХТАРОҚ

Бир куни Абу Дардо розияллоҳу анҳу бозорга кўйлак харид қилиш учун чиқди. Йўлда у кишига Абу Зар розияллоҳу анҳу йўлиқди.
- Қаёққа кетаяпсиз, эй Абу Дардо? - деди.
- Кўйлак олмоқчиман.
- Неча пулга?
- Ўн дирҳамга.
Абу Зар бошини чангаллаб деди:
- Огоҳ бўлинглар! Абу Дардо исроф қиладиган бўпти!

Абу Дардо розияллоҳу анҳу воқиани айтар экан, шундай дейди: Буни эшитиб яширинадиган ер изладим. Аксига олиб ундай ер ҳам йўқ эди.
-Ундай қилманг, эй Абу Зар,- дедим. - Мана, пул ёнимда турибди. Ўзингиз олиб беринг унда.
- Олиб берганимни киясизми? - деди Абу Зар.
- Албатта, - дедим.
Шунда у бозорга мен билан келди ва менга тўрт дирҳамга бир кўйлак олиб берди.
Уйга қайтдим. Ярим йўлга етганимда аврати ярим очиқ турган одамни учратдим
- Оллоҳдан қўрқ, авратингни беркит, - дедим унга.
- Оллоҳга қасамки, - деди у. - Авратимни яширадиган нарсам йўқ.

Устимдаги кийимни ечиб унга бердим-да, қайта бозорга кетдим. У ердан яна тўрт дирҳамга бошқа кўйлак харид қилиб, кийиб олдим. Кейин яна қайтиб уйга жўнадим.
Қарасам, йўлда бир чўри турар, оёғи остида синиб чил-чил бўлган идиш ётар, ўзи эса изиллаб йиғларди.
- Нега йиғлаяпсан? - дедим.
- Идишим синиб кетди, - деди у. - Уйдагиларга ҳам кеч қолдим.

У билан бозорга қайтдим ва бир дирҳамга идиш тўла сарёғ сотиб олиб бердим.
- Эй шайх, - деди у. - Модомики бунча яхшилик қилдингиз, энди эгаларим олдига ҳам бирга юринг. Чунки кечикиб кетдим, уришларидан хавотирдаман.

У билан бирга хўжайинлари уйига бориб, чақирдим.
Уй эгаси пешвоз чиқиб:
- Буюринг, эй Абу Дардо, - деди. - Нима юмушингиз бор?
- Хизматчингиз кечикиб кетибди.Сизларга ёлғиз келса уришларингиздан қўрқди. Тегинмаслингиз учун бирга келишимни илтимос қилди, - дедим.
- Сиз бирга келганингиз учун Оллоҳ йўлида уни озод қилдим, бунга сизни гувоҳ қиламан, - деди!

Шунда ўзимга ўзим дедим: ўн дирҳамга мени кийдирган, бир мискинни кийдирган, бир чўрини озод қилган Абу Зар мендан пухтароқ экан..

🔰Тарихи Димашқ мухтасари, 26/20.
Ихлос - амалларни
<unknown>
#audio

🎤Устоз Салоҳиддин домла Шарипов

Минор масжидига ташриф…
"Ихлос - амалларни одамларнинг мулоҳазасидан поклашдир"

•┈┈┈•☪️•┈┈┈•

https://t.me/joinchat/AAAAAEt7gNhJjLeIX92JLA
ДИН ИЛМ ВА АМАЛДИР!
Баъзилар динни фақатгина баданий ибодатдан иборат деб ўйлашади. Ҳолбуки, дин илм ва ибодатдир. Илмсиз дин фалокатдир.
Ўйлаб кўринг, бир пайтлар шундай кишилар чиқдики, саҳобалар уларнинг қилган амаллари олдида ўз амалларини оз ҳисоблаб қолишди. Аммо у кишиларда ибодат бўлсада англаш йўқ эди, фиқҳ йўқ эди, илм йўқ эди. Оқибат шу бўлдики, улар Расулуллоҳ саллоллоҳу алайҳи ва салламдан сўнг башариятнинг энг гултожлари бўлган саҳобалар розиёллоҳу анҳумга қарши қилич кўтаришди.

Имом Молик роҳимаҳуллоҳ айтадилар:
"Бир қавм ибодатни исташди, илмни зое қилишди. Оқибатда Муҳаммад алайҳис саломнинг умматига қилич яланғочлаб қарши чиқишди. Агар улар илм олишганида илм уларни бундан тўсган бўлар эди!".

Ҳасан Басрий роҳимаҳуллоҳ айтадилар:
"Илмсиз амал қиладиган киши ислоҳдан кўра кўпроқ фасод қилади. Илмни шундай талаб қилингки, ибодатга зарар етмасин. Ибодатни шундай қилингки, илмга зарар етмасин!".

Ибодатнинг кўпи илмдан беҳожат қилмайди. Дин ва дунёни тушуниш албатта илмдадир!

Набий саллоллоҳу алайҳи ва саллам:
"Олимнинг обиддан афзаллиги худди тўлин ойнинг бошқа юлдузлардан афзаллиги кабидир", дейдилар.

Бугун ҳам мусулмон умматини қони тўкилишида динсизлар билан бир қаторда илмсиз мусулмонларнинг, ақидаси бузуқ обидларнинг ҳам яхшигина ҳиссаси бор.
ЗЕРО БИР МУСУЛМОННИНГ НОҲАҚДАН ҚОНИ ТЎКИЛГАНИДАН, АЛЛОҲ УЧУН БУ ДУНЁНИНГ ЙЎҚ БЎЛИБ КЕТИШИ ЕНГИЛРОҚДИР!

@Abdulqodir_Polvonov
This media is not supported in your browser
VIEW IN TELEGRAM
"Аҳли дунёнинг оқибати"
Абдул Ҳамид домла маъруза қиладилар
ЎЗИНГИЗНИ АРЗОНГА СОТМАНГ!

Муҳаммад ибн Ҳанафийя раҳимаҳуллоҳ айтади:
"Қадр-қиймати ўзи учун муҳим бўлган кишининг наздида дунё арзимас - қийматсиз бўлмоғи керак".
Яна шундай дейди:
"Аллоҳ таоло сизларга нарх ўлароқ Жаннатни қўйди. Ўзингизни арзонга сотиб юборманг".

@Sayfulloh_Nosir
📍Намозини шошилиб ўқийдиган инсон, сизга эслатма!

Расулуллоҳ саллаллоҳу алайҳи васаллам: “Банда агар намоз ўқишга турса, унинг барча гуноҳлари олиб келиниб, боши ва елкаси устига қўйилади. Ҳар гал рукуъ ва сажда қилганида устидан гуноҳлари тўкилади”, деганлар.

📌Имом Табароний ва Байҳақий ривояти.
Номаҳрамга қарашнинг ҳукми:

Али розияллоҳу анҳудан ривоят қилинади:

«Набий соллаллоҳу алайҳи васаллам:
«Эй Али, назарга назарни эргаштирма. Албатта, биринчиси сен учун безарар бўлса ҳам, бошқаси ундай эмас», дедилар».

Абу Довуд ва Термизий ривоят қилганлар.

Агар бир киши уйланмоқчи бўлса, шариат кўрсатмаси бўйича назар солсин. Бу гуноҳ ҳам бўлмайди, биров маломат ҳам қилмайди. Ўз хотинига хоҳлаганича назар солсин, ундан лаззат олсин, савоб бўлади. Аммо бировнинг хотинига ёки бировга хотин бўладиган одамга шаҳват назари билан қарамасин. Акс ҳолда зино содир бўлмаган чоғда ҳам, кўз зиноси, хиёнат содир бўлади. Шунинг учун Аллоҳдан ва қиёмат кунидан умиди бор эркаклар номаҳрам назарлардан ўзларини сақлашсин, аёллар, қизлар эса ўзларини кўз-кўз қилишмасин, эркакларни жалб қилишга сабабчи бўлишмасин.

©️Шайх Муҳаммад Содиқ Муҳаммад Юсуфнинг «Ижтимоий одоблар» китобидан.
@Abror_Siddiq
This media is not supported in your browser
VIEW IN TELEGRAM
"Жаҳаннам азоби"
Абдул Ҳамид домла маъруза қиладилар
ҚУШ РИЗҚЛАНГАНИ КАБИ...
Умар ибн Хаттоб розиёллоҳу анҳу халифалик даврларида ҳаж қилдилар. У зот ҳаж мавсумида зод-роҳиласиз ҳажга келган бир қанча кишиларни кўриб қолдилар. Улар кишилардан у-бу нарса тиланиб юрган эди. Умар розиёллоҳу анҳу улардан:
-Сизлар кимсизлар?-дея сўрадилар.
Улар:
-Биз таваккул қилувчилармиз, дейишди.
Умар розиёллоҳу анҳу уларга:
-Сизлар ялқовларсиз. Таваккул қилувчи олдин ерга уруғни қадаб сўнгра Аллоҳга таваккул қилади!-дедилар.

Кўп инсонлар Аллоҳга таваккул қилишни нотўғри фаҳмлашади. Таваккулни сабабларни тарк қилиш деб ўйлашади. Булар уни ё унутишади ёки ўзларини унутганга солишади. Сабаблар Аллоҳнинг қадарида воқе бўладиган ишлардир. Аллоҳ субҳанаҳу ва таоло бу борлиқда биз риоя қилишимиз лозим бўлган қонунларни жорий қилган. Инсон қодир бўлганича бу қонунларга риоя қилиши лозим. Ана шундан сўнггина ишончини Аллоҳга боғлайди. Аллоҳ изн бермаса бу сабаблар зарар ҳам фойда ҳам бера олмаслигига эътиқод қилади.

Ҳа! Аллоҳ шифо берувчидир. Аммо шифокорга бормаслик ва даволаниш чорасини кўрмаслик аҳмоқликдир.
Набий саллоллоҳу алайҳи ва саллам энг Аллоҳга ишончи мустаҳкам инсон эдилар. Аммо бунга муқобил ўлароқ, у зот сабабларни ҳам энг қаттиқ тутувчи инсон эдилар.
Мадинага ҳижрат қилганларида йўл кўрсатувчи қидирдилар. “Мен пайғамбарман. Аллоҳ менга йўл кўрсатиб боради” , демадилар.
У зот саллоллоҳу алайҳи ва саллам умрлар Аллоҳнинг қўлида эканлигига иймон келтирган бўлсаларда, Уҳуд жангида икки қават совут кийдилар. “Аллоҳ мени сақлайди”, демадилар. Бизга сабабларни тутиш маданиятини таълим бердилар.
Агар бирор-бир ғазотга чиқмоқчи бўлсалар уни яширин тутар эдилар. Қайси йўлдан боришларини яширар эдилар. Аслида ғалаба Аллоҳники эканлигига иймон келтирган эдилар.
Расулуллоҳ саллоллоҳу алайҳи ва саллам: “Агар сиз Аллоҳга таваккули ҳаққича таваккул қилганингизда эди худди қушларни ризқлантиргани каби ризқлантирар эди. Улар қоринлари бўш ҳолда кетиб, қоринлари тўлиб қайтишади”, дейишлари билан фақатгина ёлғиз Аллоҳнинг ўзи бизларни тирилтиришини, ўлдиришини, ризқ беришини, шифо беришини таълим бермоқчи бўлар эдилар. Аммо бунинг муқобилида бу дунёнинг сабаблар дунёси эканлигини бизга сингдирар эдилар. Қушларнинг ризқ талабида бўш қорин билан учиб чиқиши айнан сабабдир. Қушлар инларида ризқини кутиб ўтиришмайди. Очлигини қоплаш учун дон қидиради. Аммо улар ҳам Аллоҳ тақсим қилган ризқни олишади холос.
Баъзи инсонлар сабабларсиз мўъжизалар кутишади. Улар сенга Мусо алайҳис саломнинг асолари қандай қилиб денгизни иккига бўлганини гапиришади. Юнус алайҳис саломни кит ютган бўлсада у зотга ҳеч нарса қилмаганини гапиришади. Иброҳим алайҳис саломни оловга улоқтиришганда олов у зотни куйдирмаганини эслатишади. Улар билишмайдики, мўъжизалар Аллоҳ бу борлиқдаги қонунларни бузиш учун пайғамбарларга берилган одатдан ташқари ишлардир. Сабаблар Аллоҳга ўтмайди, бандаларига ўтади.
Агар ҳозирда биз асомиз билан денгизни иккига бўлмоқчи бўлсак кишилар бизни аниқ жинни дейишади. Агар ўзимизни оловга отсак куйиб ўламиз.
Сабабларни олмасдан, фақатгина уларга ишонишдан ёмон иш йўқ дунёда!

@Abdulqodir_Polvonov
ОТА ҲАЙБАТИ

Бир воқеа мени хурсанд қилди, айни пайтда ўйлантириб ҳам қўйди.

Бундан икки ойлар олдин Қуръон мусобақаси уюштириладиган бўлди. Мусобақага тахминан бир ой қолганда Анисанинг қайсарлиги тутиб:

- Мен қатнашмайман, - деб туриб олибди. Бону менга шикоят қилганди, мен унга:

- Қўявер, қатнашгиси келмаса, қатнашмай қўя қолсин, мажбурлама, - дедим.

Шу билан Аниса мутлақо дарс қилмай қўйибди. Бону хавотир олиб, яна шикоят қилди.

Мен Анисанинг дарсларини назорат қилишни ўз зиммамга кўчирдим. Аниса дарсни менга топширадиган бўлди.

Шу билан деярли ҳар куни яхши дарс топшириб турди. Мусобақага уч кун қолганда фикрини ўзгартириб, "Мен ҳам қатнашаман"га ўтди. Қатнашди ва ҳатто ғолиб бўлиб, биринчи ўринни олди.

Бундан жуда хурсанд бўлдик, албатта.

Энди мени ўйлантириб қўйган тарафини айтиб ўтай. Аниса бир неча марта Бонуга:

- Ойижон, дарсни ўзингизга топширай, айтганингизни қиламан, ҳеч гапингизни икки қилмайман, - деб ялиниб-ёлворди.

Қизиқ! Мен уни урмадим, сўкмадим, унга қаттиқ гапирмадим, аксинча, доим эркалатиб турдим. Ҳатто "Дарсингни топшир" ибораси ўрнига "Асал қизим бугун ҳам мени бир хурсанд қиладими?" каби ибораларни қўлладим.

Мен шунчалар қўрқинчли одамманми, деган ўй бироз безовта қилди.

Лекин барибир хурсандлигим кўпроқ бўлди. Оилада отанинг ҳайбати сақланиб тургани маъқул.

Шу ўринда ёш келинларга бир насиҳатимни айтиб ўтай.

Қизларим, оилада эрнинг нуфузи, ҳайбати сақланиб туриши кўпроқ сизларга боғлиқ бўлади. Эрингизнинг ширин муомаласини, севиб эркалашларини ҳаргиз суиистеъмол қила кўрманг. Талтайиб кетиб, менсиз яшай олмайди, деган пуч ўйларга бориб, ҳаддингиздан ошиб кетманг. Ҳар ким ўз ҳаддида турса, оила гўзаллашади.

Аёл аёллиги билан гўзал, эркак эркаклиги билан. Ўрни алмашиб қолса, жуда хунук, ёқимсиз ҳолат юзага келади.

Аллоҳ ҳамма ўғил-қизларимизнинг бахтини берсин.

Muqim MAHMUD