#Ҳадис

Саҳл ибн Саъддан (р.а.) ривоят қилинади. Расулуллоҳ соллаллоҳу алайҳи васаллам: Алига (р.а.): «Аллоҳга қасамки, Аллоҳ сен сабабли бир кишини ҳидоят қилмоғи сенга бериладиган қизил туядан ҳам яхшироқдир», дедилар.

Имом Бухорий ва Муслим ривоятлари.

Фойда: қизил туя ўша пайтда арабларнинг энг қимматбаҳо мулки эди.

Дўстларингизга ҳам улашинг:

https://t.me/diyonatli

#КУН_ОЯТИ

У жойда (Қиёматда) мадад фақат Ҳақ – Аллоҳ (изми) дадир. У мукофоти яхши ва оқибати хайрли зотдир.

Каҳф сураси 44-оят

Ижтимоий тармоқлардаги саҳифаларимиз:

https://t.me/diyonatli

#САВОЛ_ЖАВОБЛАР

НАЗРНИ БАЖАРИШГА ҚУРБИ ЕТМАСА

САВОЛ: Агар бир одам “Шу гуноҳни қилсам, шунча пул садақа қиламан”, деса, бу назр бўлиб қоладими? Назр бўлса ва гуноҳ қилгандан кейин назрини бажаришга қурби етмаса, қандай йўл тутади?

ЖАВОБ: Бисмиллаҳир Роҳманир Роҳим. Инсон икки турдаги иш учун назр қилиши мумкин. Бири содир бўлмаслигини истаб, иккинчиси, содир бўлишини истаб, назр қилади. Уларнинг ҳукми ҳам икки хил бўлади. Агар содир бўлишини истаб назр қилса, масалан, “Фарзандим соғайиб кетса, шунча пул садақа қиламан”, деса ва боласи соғайса, бу ҳолатда айтилган суммани фақирларга садақа қилиши лозим бўлади. Саволда сўралгани каби содир бўлишини истамайдиган ишга назр қилса ва ўша гуноҳни қилиб қўйса, истаса, назрини бажаради, истаса, қасамнинг каффоратини тўлайди.

Шунга кўра бирор киши гуноҳлардан сақланиш учун "Агар бу гуноҳни қилсам, шунча пул садақа қиламан" деса, бу назр ҳисобланади. Агар у одам ўша гуноҳни қилса, айтган суммасини садақа қилиши вожиб бўлади. Бу сўз бир маънода қасам бўлгани боис назрини адо этишга имконияти бўлмаса, қасамнинг каффоратини тўлаши ҳам мумкин.

Агар гуноҳ содир бўлган вақтда бунга имконияти бўлмаса, ҳаёти давомида имкон топиши билан адо қилиб қўяди. Чунки назр ва қасам каби нарсаларда дарҳол бажариш вожиб эмас. Агар умри давомида адо этишга имкони бўлмаса, бу пулларни адо этишни васият қилиб кетади. Агар васият ҳам қилмаса, назр қилган одам гуноҳкор бўлади. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:

https://t.me/diyonatli

АССАЛОМУ АЛАЙКУМ

Ҳаёт синовларингиз фақат муваффақиятли ўтсин, натижалар номаи амалингизга хайрла, ажру савобла битилишини Аллоҳ таоло муяссар айласин!

https://t.me/diyonatli

#Ҳадис

Абу Ҳурайра розияллоҳу анҳудан ривоят қилинади:

«Набий соллаллоҳу алайҳи васаллам:
«Қай бир қавм ўтириб, Аллоҳ азза ва жаллани зикр қилсалар, албатта, уларни фаришталар қуршаб олур, раҳмат ўраб олур, устиларидан сакийна нозил бўлур ва Аллоҳ уларни Ўз ҳузуридагилар ичида зикр қилур», дедилар».

Муслим ва Термизий ривоят қилишган

Дўстларингизга ҳам улашинг!
https://t.me/diyonatli

АССАЛОМУ АЛАЙКУМ

Ҳаёт синовларингиз фақат муваффақиятли ўтсин, натижалар номаи амалингизга хайрла, ажру савобла битилишини Аллоҳ таоло муяссар айласин!

https://t.me/diyonatli

#САВОЛ_ЖАВОБЛАР

МАҚОМИ МАҲМУД ҲАҚИДА

САВОЛ: Расулуллоҳ соллаллоҳу алайҳи васаллам Мақоми маҳмуднинг эгаси бўлсалар, унда нега азон айтилганидан кейин "Эй Аллоҳ, у зотни Ўзинг ваъда қилган Мақоми маҳмудга етказгин", деб дуо қиламиз? Бундан гўёки (Аллоҳ сақласин) Расулуллоҳ соллаллоҳу алайҳи васалламга Мақоми маҳмуд берилмагандек бўлиб чиқмаяптими?

ЖАВОБ: Бисмиллаҳир Роҳманир Роҳим. Йўқ, бундай эмас. “Мақоми маҳмуд” “Мақталган мақом” маъносида бўлиб, аксарият уламолар наздида "Мақоми маҳмуд"дан Расулуллоҳ соллаллоҳу алайҳи васалламнинг буюк шафоатлари ирода қилинган. Бу иззат ва кароматнинг энг олий мақоми бўлиб, у Одам авлодидан фақатгина ул муборак зотгагина насиб этган, холос. Шунингдек, азон сўнгида ўқиладиган дуода Расулуллоҳ соллаллоҳу алайҳи васалламнинг ўзлари бизга Аллоҳ таолодан у зот учун "Мақоми маҳмуд"ни сўрашни ўргатганлар. Бу мақомни Аллоҳ таоло у зотга ваъда қилган. Қолаверса, Пайғамбаримиз алайҳиссалом мазкур дуони қилиш орқали у зотнинг шафоатларига ноил бўлишимизнинг хушхабарини ҳам берганлар. Албатта, У зот алайҳиссаломга "Мақоми маҳмуд" сўрашимиз, бу мақом у зотга берилмаганлигини англатмайди, чунки Аллоҳ таолонинг ваъдаси амалга ошган иш кабидир. Шундай экан, бизнинг азон дуосида "Мақоми маҳмуд"ни Аллоҳдан сўрашимизнинг маъноси нима деган саволга уламолар у зот бизнинг дуойимиз туфайли Мақоми маҳмудга эришмайдилар, балки Аллоҳ таоло у зотга бу мақомни аниқ қилиб қўйган. Биз бу дуони у зотнинг шафоатларига ноил бўлиш учун қиламиз. Бундан ташқари бундай дуо қилишнинг маъноси ё “Мақоми маҳмуд”нинг бардавом бўлишини, яъни у зотга берилган мақталган мақомни давомли қилгин деб сўраш маъносида ёки банда Расулуллоҳ соллаллоҳу алайҳи васаллам ҳақларига дуо қилиш орқали ўз эҳтиёжларини Аллоҳ таолодан сўраши мумкин эканлигига ишорадир, деб жавоб берганлар. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:

https://t.me/diyonatli

#КУН_ОЯТИ

وَمَا كُنتُمۡ تَسۡتَتِرُونَ أَن يَشۡهَدَ عَلَيۡكُمۡ سَمۡعُكُمۡ وَلَآ أَبۡصَٰرُكُمۡ وَلَا جُلُودُكُمۡ وَلَٰكِن ظَنَنتُمۡ أَنَّ ٱللَّهَ لَا يَعۡلَمُ كَثِيرٗا مِّمَّا تَعۡمَلُونَ

Сиз ўзингизга қарши қулоғингиз, кўзларингиз ва териларингиз гувоҳлик беришларидан яширинмас эдингиз. Лекин Аллоҳ қилаётган амалларингизнинг кўпини билмайди, деб гумон қилар эдингиз.

Фуссилат сураси 22 оят

Сиз гуноҳ ишларни қилаётган вақтингизда одамлар гувоҳ бўлмасин, деб беркинсангиз ҳам, қулоқ, кўз ва териларингиздан беркина олмас эдингиз, бизга қарши гувоҳлик бермайди, деб ўйлардингиз.

Ижтимоий тармоқлардаги саҳифаларимиз:

https://t.me/diyonatli

АССАЛОМУ АЛАЙКУМ!

Янги бир кун эзгу ният, яхши тилаклар билан бошланиши лозим. Чунки тилаклар дуоларга айланади. Ихлосла қилинган дуолар эса ижобат бўлади

Аллоҳим хайрли дуоларингизни мустажоб қилсин, кунингиз файзу баракотли ўтсин!!!

https://t.me/diyonatli

Саломни тарқатинглар!

Абу Ҳурайра розияллоҳу анҳудан ривоят қилинади:

«Набий соллаллоҳу алайҳи васаллам:
«Роҳманга ибодат қилинглар! Саломни тарқатинглар! Жаннатга салом ила кирурсизлар», дедилар».

Термизий ривоят қилган.

Шарҳ: Ушбу ҳадиси шарифда зикр қилинган икки ишга одатланган кишилар ўзлари жаннатга киришлари учун лозим бўлган икки омилни касб қилган бўлар эканлар.

https://t.me/diyonatli