Жаннатнинг ўрта эшиги

Бисмиллаҳир Роҳманир Роҳийм

“Ота – жаннат эшикларининг ўртасидир”.
Яъни: отанинг итоатида бўлиш ва унга оқ бўлмаслик инсонни жаннатнинг энг афзал, ўрта эшикларидан киришига сабаб бўлади. Буни Имом Ироқий зикр қилган.

Имом Байзовий раҳимаҳуллоҳ айтади: "Бу ерда “ўрта эшик” дегани - энг яхши ва энг юксак эшик демак. Маъноси шуки, жаннатга кириш учун энг яхши васила - отага итоат қилиш ва унинг ҳаққини адо этиш".

Бу ерда “ота” дегани жинс маъносида, яъни ота-онани ўз ичига олади. Агар ота ҳақида ҳукм шу бўлса, она ҳақидаги ҳукм бундан ҳам кучлироқ ва устунроқдир.

“У эшикни зое қилиш”.
Бу буйруқ феъли бўлиб, маъноси: уни асрашни тарк этиш, яъни отага итоатни йўқотиш.

“Ёки уни сақлаш”.
Яъни: доимий равишда уни қўлга киритишга, яъни отага яхшилик қилиш ва итоатда бўлишга ҳаракат қилиш, сенинг ихтиёрингда.

Ҳомиджон қори ИШМАТБЕКОВ

Дўстларингизга ҳам улашинг:

https://t.me/diyonatli

15 ёшгача болангизга телефон олиб берманг!

Бисмиллаҳир Роҳманир Роҳийм

Психологлардан бири айтади: "Қабулимга жуда кўп ота-оналар болаларини олиб келишади: уларда дарсларни ўзлаштиришда орқада қолиш, ўртоқлари билан чиқиша олмаслик, бутун дунёдан, воқеликдан узилиш кузатилади.

Энг ачинарлиси, ота-она телефондан фойдаланишни тақиқласа, уларга қўл кўтаришгача бораётган болалар бор. Шунинг учун 15 ёшгача болаларга телефон, гаджетлар олиб бермаслик лозим”.

Дўстларингизга ҳам улашинг:

https://t.me/diyonatli

Аллоҳ сизга берган неъматларни ҳисоблаб кўринг

Роббимга ишонч ила дуо этарман,
Кўп ўтмай унинг ижобатин кўрарман.

Эрталаб уйғонган вақтингизда бир оз ўйлаб кўринг. Бугун тонг отди. Ушбу тонг қанчадан-қанча фақирлар устидан нур сочди, сиз эса неъмат ичидасиз. Бу тонг минглаб ҳибсдагилар, қанчадан-қанча очлар узра нур сочмоқда, сиз эса қорнингиз тўқ ва озодликдасиз. Қанчадан-қанча аёллар мусибатга учраган, яқинларини йўқотган, сиз эса саломат ва бахтиёрсиз. Қанча аёлларнинг кўзида ёш, минглаб оналарнинг қалбида азоб ва яна қанча гўдакларнинг томоғида алам қичқириғи бор. Сиз эса табассум билан яшамоқдасиз. Шундай экан, Аллоҳнинг карами ва лутфи учун У зотга ҳамд айтинг.

Ўзингиз билан ёлғиз қолинг ҳамда сизда қанча мол-дунё ва неъматлар борлигини бир ҳисоб-китоб қилиб кўринг: Чирой, мол-мулк, оила, уй, Ватан, нур, ҳаво, таом, дори-дармон ва ҳоказо... Шундай экан, хурсанд бўлинг ва бахтни ҳис этинг!

Шуъла: Ўзингиздаги пуллар эвасизга фақирлар дуоси ва мискинлар муҳаббатини сотиб олинг.

Дўстларингизга ҳам улашинг:

https://t.me/diyonatli

Ҳар қандай ҳолатда ҳам сиз фойда кўраверасиз

Бисмиллаҳир Роҳманир Роҳийм

Беқарор тақдир сабаб бизга таъна этганларга айтинг:
Қўрқувга қалби тўлгангина қисматга қарши чиқмасми?!

Доимо савоб умидида бўлинг. Чунки ғам-ташвиш ёки маҳзунлик етса билингки, у гуноҳларингизга каффорот бўлмоқда. Агар сиз бирор фарзандингизни йўқотсангиз, билингки, у Қиёмат куни сизга шафоатчи бўлади. Агар сизга бирор камчилик ёки бирор касаллик етса, билингки, у Аллоҳнинг ҳузурида ажр-мукофотга айланиб турибди. Очлик ўз эвази бўлган ажри, касаллик ўз савоби ва фақирлик эса ўз мукофоти билан У зотнинг ҳузурида сақланиб турибди. Унинг ҳузурида ҳеч нарса зое бўлмайди, барчасини сақлайди. Бу худди омонатни сақлаб уни охиратда эгасига қайтариш каби амалга ошади.

Шуъла: Намоз – кўнгилни хотиржам қилиш ва ғамларни даф этиш кафилидир.

Доктор Оиз ал-Қарнийнинг
"Дунёдаги энг бахтли аёл" китобидан

Дўстларингизга ҳам улашинг:

https://t.me/diyonatli

Ат-таҳиййату лиллаҳ

Бисмиллаҳир Роҳманир Роҳийм

Қачонки сиз намозда ташаҳҳуд ва саловот ўқиётганингизда, илтимос, қалбингиз тўлиқ ҳозир бўлсин ва айтаётган калималарингизни маъносини тушуниб айтинг:

1. “Ат-таҳиййату лиллаҳ…”

Сиз Подшоҳ — Аллоҳ ҳурзуридасиз. Унга ҳеч қандай тўсиқсиз бевосита салом беряпсиз. Гўёки шу лаҳзада Аллоҳ билан “суҳбатдасиз”. Тасаввур қилинг, сизнинг саломингиз қандай бўлиши керак? Албатта, кимга мурожаат қилаётганингизга мос, ихлос ва ҳурмат билан бўлиши лозим.

2. “Вас-салавоту ват-тоййибат”

Бу намоз — фақат Сенинг юзинг учун, эй Аллоҳ! Бу — Сенинг рубубиятингни тан олишдир.

3. “Ас-салому алайка айюҳан-набиййу ва раҳматуллоҳи ва баракотуҳ”

Аллоҳга салом берганингиздан сўнг, энди Пайғамбарга салом йўллайсиз. Шу кичикгина ўтиришда сиз Раббул-оламин ва Унинг Расули — Муҳаммад соллаллоҳу алайҳи васаллам билан “учрашгандай” бўласиз. Бу манзарани, бу улуғ мажлисни бир лаҳза бўлса ҳам қалбингизда тасаввур қилинг.

4. “Ас-салому алайна ва ала ибадиллоҳис-солиҳийн”

Сиз ўзингизга ҳам гўзал салом беряпсиз (“ўзингизга гўзал салом беринглар”). Ўзингизни шу нур доирасига киритдингиз. Подшоҳ ва Унинг Расули ҳузурида ўзингизга салом бердингиз. Сўнгра Аллоҳнинг солиҳ бандаларига салом берасиз — гўё сиз ҳам улар сафига қўшилгандек бўласиз.

Бутун дунёда шу боғланишдан кўра гўзал, юксак ва пок алоқа борми?!!

Эй намоз ўқувчи! Илтимос, намозингиздаги шу оддий, лекин жуда улуғ лаҳзаларнинг лаззатини қўлдан бой берманг. Сиз бир кунда беш марта Аллоҳ, Унинг Расули, ўзингиз ва солиҳ бандалар билан “учрашасиз”.

Лекин салом берганингизда, кимга салом бераётганингизни эсланг!

Аллоҳим! Бизга ўргатганингдан фойда бер, бизга фойдали илм ўргат ва илмимизни зиёда қил. Омин, эй Роббул-оламийн.

Башариятга таълим берган зотга салавот айтиб туринг:
У зотга салавот ва саломлар бўлсин.

Салавот айтинг:
— тиз чўкиб ўтириб, қушчаси ўлган боланга тасалли берган зотга;
— муҳаббатни “Мени Оиша ҳақида озорламанглар” деган сўз билан ифодалаган зотга;
— бир куни унга озор бермагани учун касал бўлиб қолган яҳудийни бориб ҳолидан хабар олган зотга;
— Қиёмат куни: “Умматим! Умматим!” деб нидо қиладиган зотга.

Аллоҳим, Муҳаммад соллаллоҳу алайҳи васалламга салавот ва саломларингни ёғдир!

Ҳомиджон қори ИШМАТБЕКОВ

Дўстларингизга ҳам улашинг:

https://t.me/diyonatli