Улар бахтли эмаслар!

Эй, менга етган шиддатли ғамлар,
Кетинг, келмоқда тонг отар дамлар.

Ҳашамат, дабдаба ва исроф билан яшаётганлар ҳаётига ҳавас қилманг, чунки уларнинг воқеликлари жуда аянчли ва хурсанд бўладиган эмас. Улар мақсадлари нафслари ва шаҳватлари учун исроф қилиш бўлган, бор кучларини роҳатланиш учун сарфлайдиган, ҳалол ёки ҳаромлигига қизиқиб ҳам ўтирмай лаззатланишга интиладиган инсонлардир. Улар бахт-саодат ичида эмас, балки ғам-ташвиш ичидалар. Чунки Аллоҳ белгилаб қўйган чегарадан чиқиб кетган ва У зотга осийлик қилиб юрган инсонлар ҳеч қачон бахтни топа олмайди.

Исрофгар ва дабдабавоз инсонлар бахт-саодат ичида деб асло ўйламанг. Баъзи камбағал, оддий ҳаёт ичида яшаётган инсонлар қасрларда ипак матоларга бурканиб яшаётганлардан кўра бахтли бўлади. Чунки фақир бўлсада ибодатли ва солиҳа мўмина аёл осий аёлдан кўра бахтлироқдир.

Шуъла: Бахт-саодат ўзингизга боғлиқ, шунинг учун бор ҳаракатингизни, ўзингизни тўғирлашга қаратинг.

Доктор Оиз ал-Қарнийнинг
"Дунёдаги энг бахтли аёл" китобидан

Дўстларингизга ҳам улашинг:

https://t.me/diyonatli

Улар бахтли эмаслар!

Эй, менга етган шиддатли ғамлар,
Кетинг, келмоқда тонг отар дамлар.

Ҳашамат, дабдаба ва исроф билан яшаётганлар ҳаётига ҳавас қилманг, чунки уларнинг воқеликлари жуда аянчли ва хурсанд бўладиган эмас. Улар мақсадлари нафслари ва шаҳватлари учун исроф қилиш бўлган, бор кучларини роҳатланиш учун сарфлайдиган, ҳалол ёки ҳаромлигига қизиқиб ҳам ўтирмай лаззатланишга интиладиган инсонлардир. Улар бахт-саодат ичида эмас, балки ғам-ташвиш ичидалар. Чунки Аллоҳ белгилаб қўйган чегарадан чиқиб кетган ва У зотга осийлик қилиб юрган инсонлар ҳеч қачон бахтни топа олмайди.

Исрофгар ва дабдабавоз инсонлар бахт-саодат ичида деб асло ўйламанг. Баъзи камбағал, оддий ҳаёт ичида яшаётган инсонлар қасрларда ипак матоларга бурканиб яшаётганлардан кўра бахтли бўлади. Чунки фақир бўлсада ибодатли ва солиҳа мўмина аёл осий аёлдан кўра бахтлироқдир.

Шуъла: Бахт-саодат ўзингизга боғлиқ, шунинг учун бор ҳаракатингизни, ўзингизни тўғирлашга қаратинг.

Доктор Оиз ал-Қарнийнинг
"Дунёдаги энг бахтли аёл" китобидан

Дўстларингизга ҳам улашинг:

https://t.me/diyonatli

#КУН_ОЯТИ

Осмонлардаги ва Ердаги (бор) нарса (мутлақ) Подшоҳ, (нуқсонлардан) Пок, Қудратли ва Ҳикматли бўлмиш Аллоҳга тасбеҳ айтур.

Жумъа сураси 1-оят

Ижтимоий тармоқлардаги саҳифаларимиз:

https://t.me/diyonatli

#Ҳадис

“Бадгумон бўлманглар, бадгумонлик энг ёлғон сўздир, тирноқ остидан кир қидирманглар, бир-бирингизга ҳасад қилманглар, бир-бирингиздан аразламанглар ва нафратланманглар, ака-ука тутиниб, Аллоҳнинг (солиҳ) бандалари бўлинглар”, дедилар.

Имом Бухорий ривояти.

Дўстларингизга ҳам улашинг:

https://t.me/diyonatli

#КУН_ОЯТИ

Эҳсон қилган ҳар бир нафақангиз (садақангиз) ёки атаган назрингизни, албатта, Аллоҳ билади. (Хайр-эҳсон қилмай ўзига) зулм қилувчиларга эса, ёрдам берувчилар йўқдир.

Бақара сураси 270-оят

Ижтимоий тармоқлардаги саҳифаларимиз:

https://t.me/diyonatli

РОЗИ БЎЛДИМ

Расулуллоҳ соллаллоҳу алайҳи васаллам: "Ким ҳар куни эрталаб ва кечқурун "Розийту биллаҳи Роббан ва бил Ислами дийнан ва би Муҳаммадин соллаллоҳу алайҳи васаллама Расулан" (Аллоҳни Робб, Исломни дин, Муҳаммад соллаллоҳу алайҳи васаламни Расул деб рози бўлдим) деб уч марта айтса қиёмат куни Аллоҳнинг розилигини топади", дедилар.

Бошқа бир ҳадиси шарифда Расулуллоҳ соллаллоҳу алайҳи васаллам: "Бу калималарни айтган албатта жаннатга киради", деганлар.

Расулуллоҳ соллаллоҳу алайҳи васаллам ушбу дуони мунтазам ўқишга одатланган умматларини қиёмат куни шафоатларига олишлари башоратини берганлар ҳамда уларни жаннатга кирмагунча тарк этмасликларини айтганлар.

Шунингдек, Расулуллоҳ соллаллоҳу алайҳи ва саллам: "Ким Аллоҳни Робб, Исломни дин, Муҳаммад соллаллоҳу алайҳи васалламни Расул деб рози бўлдим деса қалбида имон ҳаловатини топади", дедилар.

Саъд ибн Абу Ваққос розияллоҳу анҳудан ривоят қилинади: Расулуллоҳ соллаллоҳу алайҳи васаллам: "Ким азонни эшитганда, "Ашҳаду аллаа илаҳа иллаллоҳу ваҳдаҳу лаа шарийка лаҳу ва ашҳаду анна Муҳаммадан абдуҳу ва Расулуҳу.

Розийту биллаҳи Роббан ва би Муҳамадин Расулан ва бил Ислами дийнан" деса, унинг гуноҳи мағфират қилинади", дедилар.

Дўстларингизга ҳам улашинг:

https://t.me/diyonatli

#Ҳадис

“Йўл бўйида ўтиришдан сақланинглар. Агар ўтирсангиз, унинг ҳаққини адо этинглар”, дедилар. Саҳобалар: “Ё Расулуллоҳ, йўлнинг ҳаққи нима?”, дейишди Расулуллоҳ: “Кўзни номаҳрамларга қаратишдан тийиш, ўтувчиларга азият бермаслик, саломга алик олиш, яхшиликка буюриб, ёмонликлардан қайтариш, дедилар.

Имом Бухорий, Имом Муслим ривояти.

Дўстларингизга ҳам улашинг:

https://t.me/diyonatli

#САВОЛ_ЖАВОБЛАР

КЛЕКСАН ДОРИСИ

САВОЛ: Ҳозирда кўп беморларни даволашда клексан дориси қўлланилмоқда, аммо яқинда ушбу препаратни чўчқадан олиниши ҳақида ўқиб қолдим. Мусулмон киши ушбу доридан фойдаланиши мумкинми?

ЖАВОБ: Бисмиллаҳир роҳманир роҳим. “Клексан” тижорат белгиси остида чиқарилаётган бу препаратнинг тиббий номи “эноксапарин натрий”дир. Бир қатор манбаларда ҳақиқатан ҳам ушбу препарат чўчқа ичагининг шиллиқ қаватидан ишлаб чиқарилиши айтилган. Фармокологик жиҳатдан ушбу препарат паст молекуляр массали гепарин ҳисобланади. Маккадаги Ислом фиқҳи академиясининг 2003 йил 13-17 декабрь кунлари бўлиб ўтган йиллик йиғилишида “Паст молекуляр вазнга эга гепарин” воситасидан фойдаланиш мавзуси ўрганиб чиқилди. Йиғилишда оддий гепариндан паст молекуляр вазнга эга гепаринни ажратиб олиш кимёвий жараёнлар воситасида амалга оширилади, натижада физик ва кимёвий хусусиятлари оддий гепариндан фарқ қиладиган янги модда ҳосил бўлади, бу эса фиқҳдаги истиҳола (моддани бутунлай бошқа моддага айланиб кетиши)га мувофиқ келади, деган хулосага келинди. Фиқҳий қоидага кўра, нопок модда истиҳола жараёнидан ўтса, пок моддага айланади.

Юқоридаги қарордан паст молекуляр вазнга эга гепариндан фойдаланиш мумкинлиги келиб чиқади. Клексан препаратининг таркиби эноксапарин натрий эканини, у эса паст молекуляр вазнга эга бўлган гепаринлигини ҳисобга олсак, ушбу дори воситасидан фойдаланиш жоиз деган хулоса чиқади. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:

https://t.me/diyonatli

#КУН_ОЯТИ

(У) Еру осмонларнинг Яратувчисидир. Бирор ишни қиладиган бўлса, (фақатгина унга) «Бўл!» деса, бас, у бўлади.

Бақара сураси, 117-оят

Ижтимоий тармоқлардаги саҳифаларимиз:

https://t.me/diyonatli

#Bosh_imom_minbari 

АЁЛЛАРИНГИЗГА ШИРИН СЎЗ АЙТИНГ

Дониёр домла Икромов
Тошкент вилояти бош имом-хатиби

https://t.me/diyonatli

Садақаси соясида бўлади

Бисмиллаҳир Роҳманир Роҳийм

Уқба ибн Омир розияллоҳу анҳудан ривоят қилинади: «Расулуллоҳ соллаллоҳу алайҳи васалламнинг: "Ҳар ким қиёмат куни одамлар ўртасида ҳукм чиқарилгунча садақаси соясида бўлади" деганларини эшитдим».

Язийд: "Абул Хайр бирор кунни ҳам садақасиз ўтказмас эди. Ҳеч бўлмаса, бир бурда қотган нон ёки бир дона пиёз бўлса ҳам", деди.

Қиёматнинг даҳшатли жазирамасида ҳамма соя излаб зор юрган пайтда банданинг бошига бу дунёда қилган садақалари соябон бўлиб туради.

Ким охиратдаги сояси қуюқ бўлишини, охиратнинг куйдирувчи иссиғидан сояда жон сақлашни истаса, кўпроқ садақа қилиши керак.

Абул Хайр розияллоҳу анҳу мана шу ҳадиси шарифни эшитиб қолган, одамларга ривоят қилган, унинг маъносини ўзига тўлиқ сингдирган, яхши билган.

Шунинг учун Аллоҳнинг берган куни садақа бериб юрган. Жуда ҳеч нарса топа олмай қолса, бир дона пиёзни бўлса ҳам садақа қилиб, шу ҳадисга амал қилган, қиёматдаги соясини кўпайтирган экан.

Дўстларингизга ҳам улашинг:

https://t.me/diyonatli

#Ҳадис

“Икки заифнинг – аёл кишининг ва етимнинг молидан узоқ бўлишингизни васият қиламан”, дедилар.

Имом ибн Можа ривояти.

Дўстларингизга ҳам улашинг:

https://t.me/diyonatli