#САВОЛ_ЖАВОБЛАР

ҲАДЯГА БЕРИЛГАН НАРСАНИ СОТИШ

САВОЛ: Менинг китоб дўконим бор. Ноширлар бизга баъзи китобларни намуна сифатида бепул беришади. Ушбу китобларни сотишим мумкинми?

ЖАВОБ: Бисмиллаҳир Роҳманир Роҳим. Нашриётлар сизга намуна сифатида бепул китоблар тақдим этганларида, агар улар бу китобларни сизга ҳадя, совға деб беришса, у сизники бўлади ва уни хоҳлагандек ишлатиш мумкин бўлади. Ўқишингиз ҳам, бировга ҳадя қилишингиз ҳам, сотишингиз ҳам мумкин. Лекин агар буни харидорларга кўрсатиш, таништириш учун берамиз, кейин қайтариб берасиз, дейишса, бу ҳолатда уларнинг мулки ҳисобланиб, сизга вақтинчалик фойдаланишга берган бўлади. Уни сотиш ёки ҳадя қилиш жоиз бўлмайди. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:

https://t.me/diyonatli

“Ҳар бир элчи бир ойда (Янги Тошкентга) битта инвестор олиб келмагунча кабинетда ўтирмайди” — Шавкат Мирзиёев.

https://t.me/diyonatli

#hikmat

Раҳм-шафқатдан бебаҳра инсон, аввало, ўзига зулм қилади. Аллоҳнинг раҳматига эришган кишилар эса барча мавжудотга меҳр билан муносабатда бўладилар. Улар гўё тиканлар ичида ҳам ифор таратадиган гул кабидир.

Мавлоно Жалолиддин Румий раҳимаҳуллоҳ айтганларидек:

"Ой қоронғи тунга сабр қилгани учун кечаларни ёритувчи тўлин ойдин ойга айланди.

Тиканнинг дўстлигига бардош бериб, чиройли сабр қилгани учун гулга хушбўй ифор ва нафис ранг насиб қилди.

Бир-бирингиздан ўпкалаб, ранжиш учун баҳоналар ўрнига, меҳрли бўлиш учун чоралар қидиринг".

Ой қоронғуликдан қочмагани учун порлайди. Гул тиканлар орасида ўсгани учун ҳам ўзининг гўзаллиги ва ифорини сақлайди.

Демак, инсон ҳам муҳитнинг ёмонлигига эргашмасдан, эзгулиги билан атрофини гўзал қилиши керак.

Дўстларингизга ҳам улашинг:

https://t.me/diyonatli

#Ҳадис

Анас ибн Молик розияллоҳу анҳу айтади: “Расулуллоҳдан бошқа оиласига меҳрибонроқ бирор кишини кўрмадим”.

Имом Муслим ривояти.

Дўстларингизга ҳам улашинг:

https://t.me/diyonatli

#САВОЛ_ЖАВОБЛАР

БАЧАДОНИ ОЛИБ ТАШЛАНГАН АЁЛ ИДДАСИ

САВОЛ: Бачадони олиб ташланган аёл эри билан ажрашса, иддани қандай ҳисоблайди?

ЖАВОБ: Бисмиллаҳир Роҳманир Роҳим. Бундай аёлда бачадон тўлиқ олиб ташланган бўлса, у ҳижрий ҳисобда уч ой идда ўтиради. Бу гап ҳижрий ойнинг бошида ўртага талоқ тушган бўлса, шундай бўлади. Агар ой бошида эмас, орасида ажрашса, у ҳолда 90 кун идда ўтиради.

Агар бачадони олиб ташланган аёл қон кўрса ва шифокорлар унинг бачадони тўлиқ олинмаган, деган бўлса ва қон камида уч кун келса, ҳайз бўлади. Бу ҳолатда иддани кун ёки ой билан эмас, балки ҳайз билан ҳисоблайди. Агар шифокорлар бачадон тўлиқ олинган, деган хулоса берган бўлса, кўрилган қон ҳайз бўлмайди. Чунки ҳайз бачадондан келадиган қон ҳисобланади. Бачадон йўқ бўлгач, кўрилган қон ҳайз бўла олмайди. Балки истиҳоза, яъни касаллик қони ҳисобланади. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:

https://t.me/diyonatli

Ассалому алайкум!

Ушбу файзли куннинг шарофатидан Аллоҳим барча солиҳ амалларимизни қабул қилсин, қалбларимизни иймонга тўлдирсин, гуноҳларга қарши тура оладиган куч баҳшида этсин, икки дунё саодатига мушарраф бўлишимизни таъминласин!!!

Кунингиз мазмунли ва баракотли ўтсин. Жума муборак, азизлар!

https://t.me/diyonatli

#Bosh_imom_minbari 

ҚЎШНИНГНИ ҲАМ СЕНДА ҲАҚҚИ БОР

Дониёр домла Икромов
Тошкент вилояти бош имом-хатиби

https://t.me/diyonatli

Таҳоратда макруҳ амаллар

1. Агар таҳорат қилувчи ўз уйида ҳаддан ташқари кўп сув ишлатса, макруҳ бўлади. Жамоатнинг сувини исроф қилиш эса ҳаром ҳисобланади.
2. Сувни ўта кам ишлатиш, яъни таҳорат худди масҳ тортгандек бўлмасдан ювилган аъзодан камида икки томчи сув томиши керак.
3. Сувни юзга ёки бошқа аъзоларга уриш. Бу ҳолатда сув ҳар тарафга сачраб, ноқулайлик юзага келади.
4. Дунёвий гаплардан гапириш.
5. Узрсиз бошқанинг ёрдамидан фойдаланиш.
6. Нажосат бор жойда таҳорат қилиш.
7. Рўзадор оғиз чайишда муболаға равишда ҳаракат қилиши. Сув ичкарига кирса, рўзаси очилиши мумкин.
8. Таҳоратнинг суннатларидан бирини тарк қилиш.
9. Ўта иссиқ, ўта совуқ ёки қуёшда исиб қолган сувда таҳорат қилиш. Иссиқ ёки совуқ хушуни бузади. Қуёшда қолган сувдан эса пес касали чиқиш хавфи бор.

Масжид таҳоратхоналарида айрим кимсалар масжид мулки бўлган сув, қоғоз, совун ва ҳоказоларни керагидан кўп ишлатади. Бу бир кишининг эмас, балки жамоатнинг ҳақи бўлиб исрофгар ҳаром иш қилган бўлади. Ёнидаги одамларга сачрайдиган тарзда аъзоларни чайиш ҳам макруҳ. Оғиз чайиш ва бурун қоқишда ўзгаларга озор берадиган даражада такрор ва қаттиқ қилиш дуруст эмас. Киши масжидда таҳорат олаётганда жамоат ичидалигини асло эсдан чиқармаслиги зарур.

“Кифоя” китобидан

Дўстларингизга ҳам улашинг:

https://t.me/diyonatli