Piskent jome masjidi | Rasmiy kanal
2.7K subscribers
8.67K photos
4.46K videos
29 files
7.28K links
Ушбу каналда оят, ҳадислар, уларнинг шарҳлари, ибратли воқеалар, ҳикматлар, маърифий мақолалар ҳамда "Пискент" жоме масжиди имом хатиби Абдул Ҳамид домланинг маърузалари эълон қилиб борилади.
Download Telegram
Media is too big
VIEW IN TELEGRAM
Риё ҳақида | Абдул Ҳамид домла

👉 @diyonatli
👍2
Abdul Hamid domla - Riyo haqida
DIYONAT.UZ
Риё ҳақида | Абдул Ҳамид домла

👉 @diyonatli
👍2
МУСУЛМОН УЧУН МУҲИМ ВАЗИФАЛАР

1. Аллоҳ таолони бир деб билиб, зикр этиш.

2. Ҳалолдан еб-ичиш.

3. Таҳорат олиш, ғусл қилиш.

4. Беш вақт намоз ўқиш.

5. Ризқни Аллоҳдан деб билиш.

6. Ҳалолдан, тоза кийим кийиш.

7. Аллоҳга таваккал қилиш.

8. Қаноаткор бўлиш.

9. Неъматлари учун Аллоҳга шукр қилиш.

10. Аллоҳнинг қазо ва қадарига рози бўлиш.

11. Балоларга, мусибатларга сабр этиш.

12. Гуноҳларга тавба қилиш.

13. Ихлос билан ибодат этиш.

14. Шайтонни душман билиш.

15. Ҳар бир ишда Қуръони каримни ҳужжат, дастур деб билиш.

16. Ўлимни ҳақ билиб, унга ҳозир бўлиш.

17. Яхшиликка буюриш, ёмонликдан қайтариш.

18. Аллоҳ севганини севиш, севмаганидан қочиш. Ҳар бир ишни Аллоҳ учун қилиш.

19. Ота-онага яхши муносабатда бўлиш ва уларга итоат этиш.

20. Қариндошларни зиёрат қилиш.

21. Омонатга хиёнат этмаслик.

22. Аллоҳдан қўрқиш.

23. Аллоҳга, пайғамбарга итоат қилиш.

24. Гуноҳлардан қочиб, ибодат билан машғул бўлиш.

25. Ўйлаб, тадбир билан иш кўриш.

26. Коинотга ибрат назари билан боқиш.

27. Тилни ёмон сўзлардан сақлаш.

28. Қалбни поклаш, беҳуда сўзларни ва ишларни тарк этиш.

29. Ҳеч кимга ёмонлик қилмаслик, бекорчи, фойдасиз иш қилмаслик.

30. Ҳеч кимни масхара этмаслик, миннат қилмаслик.

31. Ҳаромга қарамаслик.

32. Сўзига содиқ бўлиш, тўғриликдан айрилмаслик.

33. Сеҳр-жоду қилмаслик.

34. Ёмон сўзларни эшитмаслик.

35. Илм таҳсил этиш.

36. Тўғри ўлчаш ва тўғри тортиш.

37. Аллоҳнинг азобидан қўрқиш.

38. Фақирга садақа бериш, муҳтожга ёрдам бериш.

39. Аллоҳнинг раҳматидан умид узмаслик.

40. Нафсга (ёмон орзуларга) тобе бўлмаслик.

41. Аллоҳ учун ейиш, едириш.

42. Кифоя қиладиган даражада ризқ талаб этиш.

43. Молининг закотини бериш.

44. Хайз ва нифос ҳолатида хотинига яқинлашмаслик.

45. Қалбини маъсияд ва ёмонликлардан тозалаш.

46. Кибр қилмаслик.

47. Етимнинг молини сақлаш.

48. Беш вақт намозни вақтида ўқиш.

49. Зулм ва ҳақсизлик билан халқнинг молини емаслик.

50. Аллоҳга ширк келтирмаслик.

51. Шароб ичмаслик, қимор , пора олмаслик, пора бермаслик.

52. Зинодан қочиш.

53. Бекорчи ишлар учун қасам ичмаслик.

👉@diyonatli
👍3
ШАЙТОН ҚОЧИШИНИ ХОҲЛАСАНГИЗ

Ҳар қандай ҳолатда осон ва енгил бажариладиган амал ҳақида ўйлаб қолдим. Юрганимда ҳам, ўтирганимда ҳам, ётганимда ҳам, ижтимоий муносабатларда ҳам, сафаримда ҳам муқимлигимда ҳам машаққат туғдирмасин. Ниҳоят топдим, Аллоҳ жалла жалалуҳуни зикр қилиш.
У майин шаббода сингаридир, муздек, зилол сувдек, бирор оғир ҳаракатларсиз, уринишларсиз амалга оширса бўлади. Ҳолбуки бу амал Аллоҳнинг наздида ажри ва савоби буюк ишдир. Қолаверса, юмушингизни тўхтатмайди, балки қувватингизга қувват қўшади. Ҳамда осон ва енгил битиришингизга ёрдам беради.
Масалан, кийимингизни кийяпсиз, тасбеҳ айтишингиз мумкин. Чунки тилнинг ҳаракати энг енгил ва энг осон ҳаракатдир. Яна, инсонлар гапини эшитяпсиз, тилингизни ҳаракатлантиринг ва қалбингизни зикр билан Ҳозирланг. Лекин нодир ҳолатлар ҳам учраб туради, бу пайт тасбеҳ айтиш қийинроқ бўлади. Масалан, таом еяётган чоғингиз фақат дилингиздан зикр қила олишингиз мумкин. Лекин шунда ҳам ҳар луқма орасида ҳамд айтишга эгасиз. Яна, учоқни ёки поездни кутиб терминалда турибсиз, тасбеҳ билан тилингизни намлантириб туришингиз осон. Яна, бирор байрам, тан-таналарда иштирок этяпсиз, нафсингизни Аллоҳнинг таҳлили ва тасбеҳи билан банд қилинг. Ўша пайтда замон ва макон Унинг зикри билан тўлиб-тошсин. Сиз эса Роббул оламин ҳузурида энг саодатли банда бўласиз. Сизни машғул бўлиб турган амалингиздан чалғитмай, балки унга енгиллик ва осонлик туҳфа этадиган бирор иш-ҳаракат йўқ. Фақатгина, Аллоҳнинг зикри билан банд бўлиш неъмати бундан мустасно.
Масалан, намоз. Унинг ҳолатлари, вақтлари, кайфияти мавжуд. Рўза эса кўпчиликка қийин туюлади. Садақага ҳамма ҳам қодир эмас. Аммо Аллоҳнинг зикри билан тасбеҳ айтишга келсак, у Аллоҳнинг жаннатидир. Уни Ўзига яқин бандаларига тақдим қилгандир, хоҳлаганлар кирсин. Унинг зикридан мосуво бўлганлар, ана ўшалар бахтсиз кимсалардир. Асл гап Аллоҳ кимни муваффақ қилганида бўлиб, кимни тасбеҳ ва зикри учун муваффақ қилса, батаҳқиқ, унга жаннатул фирдавснинг калитини берибди.
اللهم أعني على ذكرك و شكرك وحسن عبادتك
“Эй Аллоҳим, бизга зикринг, шукринг ва чиройли ибодатинг сари ёрдам бер”.

"Ниҳоят, саодатни топадим" китобидан.

👉@diyonatli
БАРМОҚ ИЗИДА ЯШИРИНГАН ШАХСИЯТ

Қуръонда инсонни қайта тирилтириш Аллоҳ учун осон эканлиги таъкидланиши билан бир қаторда, одамларнинг бармоқ изларига ҳам алоҳида урғу берилган:

«Йўқ! Биз унинг бармоқ учларигача тўлиқ тартиб билан йиғиб қўйишга қодирмиз». («Қиёмат» сураси, 4-оят)

Бармоқ изларига берилган урғунинг ўзига хос маъноси бор. Чунки ҳар бир кишининг бармоқ изидаги шакллар ва кичик деталлар ҳар бир шахс учун ягонадир. Нафас олиб турган ҳар бир инсон ёки бу оламда яшаб ўтган инсонлар такрорланмас бармоқ излари тўпламига эгадирлар.

Бундан ташқари, ҳатто бир хил ДНК кетма-кетлигига эга бўлган ўхшаш эгизаклар ҳам ўзларининг алоҳида бармоқ излари тўпламига эга. Бармоқ излари туғилишдан олдин якуний шаклга киради ва умр бўйи, агар доимий чандиқ орттирилмаса, ўзгармасдан қолади. Шу боис, ўз эгаларига ягона бўлган бармоқ излари шахсиятни жуда ҳам тўғри тасдиқловчи далил сифатида қабул
қилинади.

Бармоқ излари илмидан шахсни хатосиз аниқлаш услуби сифатида фойдаланилади Бармоқ изларининг бу фазилати фақатгина XIX асрнинг охирларида кашф қилинганлиги алоҳида аҳамият касб этади. Ундан олдин, бармоқ излари ҳеч қандай аҳамиятсиз ёки маъносиз оддий эгри чизиқлар деб тушунилар эди.

Аммо Қуръонда, Аллоҳ ўша пайтда ҳеч ким эътибор қилмаган бармоқ учлари ҳақида бизни огоҳ қилган ва бизнинг диққатимизни уларнинг муҳимлигига жалб қилган. Бу муҳимлик фақат ҳозирги кунга келиб тўлиқ англаб етилди. Бармоқ излари воситасида шахсни аниқлаш усулининг қонунга мувофиқлиги кейинги йигирма беш йил ичида кўплаб полиция маҳкамалари томонидан тасдиқланган ва у қонуний исботланган услубдир.

Бизнинг давримиздаги шахсни аниқловчи ҳеч бир технология бармоқ изларидек бундай самарали натижаларни бермайди. Шахсни тасдиқлаш учун бармоқ изларидан фойдаланиш кейинги 100 йил ичида қонуний жараёнларда ва халқаро эътиборга молик жараёнларда қўлланиб келинмоқда.

АндреА. Моэнсен сўзининг «Fingerprint Techniques» (Бармоқ изи усуллари) номли китобида ҳар бир шахс ягона бармоқ излари тўпламига эга эканлигини таҳлил қилади: «... шу пайтгача турли бармоқлардан олинган икки бармоқ изининг бир-бирига аниқ мос тушганлик ҳодисасига бирор марта ҳам дуч келинмаган».

«Аллоҳ таолонинг Қуръони каримдаги мўъжизалари» китобидан.

👉@diyonatli
👍1
АБРАҲАНИНГ ҚЎШИНИ

Тарихга қайтиб Аллоҳнинг борлигига далиллар изласак ҳaм aлбатта бундай мўъжизаларнинг гувоҳи бўлишимиз аниқ. Ҳар биримиз Фил сурасининг нозил бўлиши ҳақида эшитганмиз. Унга кўра Абраҳа ўзининг қўшини билан Каъбани бузмоқчи бўлиб, қўшин тортиб келади. Каъбага яқинлашганида эса осмондан қалдирғочдек Абобил қушлари ёпирилиб келади ва ҳар бири ўзи билан тош кўтариб келади. Ўша тошларни Абраҳанинг қўшини устига ташлайди ва душман қўшини буткул қирилиб кетади.
Бу воқеа пайғамбаримиз алайҳиссалом туғилган йилларда содир бўлган. Расулуллоҳ соллаллоҳу алайҳи васаллам қирқ ёшга етганларида Аллоҳнинг элчиси бўлдилар ва кўп ўтмай, ҳали Ислом қувватга эга бўлмай туриб Аллоҳ таоло Фил сурасини нозил қилди.
Демак, бу сура нозил бўлган пайтда Абраҳанинг қўшини ва унинг ҳалокатли енгилишини ўз кўзи билан кўрган кишилар ҳаёт бўлган. Айтайлик, ёши олтмиш атрофидаги киши ўша пайтда бу воқеанинг тирик гувоҳи бўлган. Агар пайғамбар алайҳиссалом ёлғончи бўлганларида Исломга тиш тирноқлари билан қаршилик қилган мушриклар бу оятларни ёлғонга чиқарган ва ақли бор кимсаларнинг бирортаси илоҳий ваҳийга эргашмаган бўларди.
Энди буни бирор кимса ёлғон дея оладими?
Бу воқеани бўлмаган дея оладими? Аллоҳ таоло бундай марҳамат қилади:

(Эй, Муҳаммад!) Раббингиз “фил эгалари”ни не қилганини кўрмадингизми?

(У) уларнинг макрларини йўққа чиқармадими?!

Уларнинг устига тўда-тўда қушларни юборди.

(Улар) сопол тошлар билан уларни отар эди.

(Бас) уларни (Каъбани бузишга келганларни) еб (чайнаб) ташланган сомондек қилиб қўйди. (Фил сураси)
Мана шундай ояти карималарни яхшилаб тафаккур қилган киши Аллоҳнинг каломи ҳақ эканлигига иймон келтиради.

Шайх Муҳаммад Мутавалли ШАЪРОВИЙ

👉@diyonatli
👍1
Media is too big
VIEW IN TELEGRAM
Марҳумга тиловат қилиш бидъатми? | Абдул Ҳамид домла

👉 @diyonatli
👍1
ТОНГ НУРЛАРИ

Тонг нури зулматини тарқартиб, Билолнинг азони Мадинадаги сукунатни бузди. Расулуллоҳ соллаллоҳу алайҳи васаллам эса тунги ибодат (таҳажжуд)дан толиқиб қолган муборак жисмларига дам бериш учун бу пайтда ухлаётган эдилар. Билолнинг азони янграши биланоқ ўринларидан турдилар.
“Алҳамду лиллааҳил лазии аҳйаанаа баъда маа амаатанаа ва илайҳин-нушуур”.
Маъноси: “Бизни (кичик) ўлимдан қайта тирилтирган Аллоҳга ҳамдлар бўлсин. Барчамиз Унинг ҳузурида тўпланурмиз” – дея оламлар Роббига ҳамд айтгач, ёстиқлари тагидан мисвокни олиб, тишларини яхшилаб ишқаладилар.
“Муснади Аҳмад”, “Саҳиҳул Бухорий” ва “Саҳиҳи Муслим” китобларидан.
Сўнг муаззинга қўшилиб азонни такрорладилар. Билол: “Аллоҳу акбар”, - деса, у зот ҳам: “Аллоҳу акбар”, - дер, “Ашҳаду аллаа илааҳа иллаллоҳ”, - деса, Пайғамбаримиз: “Ва ана (“мен ҳам”)”, Билол: “Ҳаййа алассолааҳ”, - деса, у зот: “Лаа ҳавла ва лаа қуввата иллаа биллаҳ”, Билол: “Ҳаййа алалфалааҳ”, - деса, у зот яна: “Лаа ҳавла ва лаа қуввата иллаа биллаҳ”, Билол: “Аллоҳу акбар”, - деса, у зот ҳам: “Аллоҳу акбар”, - дер, Билол: “Лаа илааҳа иллаллоҳ”, - деса, у зот соллаллоҳу алайҳи васаллам ҳам: “Лаа илааҳа иллаллоҳ”, - дер эдилар.
“Муснади Аҳмад”, “Сунани Абу Довуд”, “Саҳиҳи Ибн Ҳиббон” ва “Саҳиҳул Бухорий” китобларидан.
Пайғамбаримиз соллаллоҳу алайҳи васаллам ҳам азондан кейин айтиладиган махсус дуога умматларини одатланишга ундар ва уларни азондан кейин қандай ҳожат бўлса, Аллоҳдан сўрашга тарғиб қилар эдилар.
Имом Бухорий ривоят қилган ҳадисда бу ҳақда шундай дейилган:
Жобир ибн Абдуллоҳ розияллоҳу анҳумодан ривоят қилинади:
“Расулуллоҳ соллаллоҳу алайҳи васаллам: “Ким азонни эшитганида: “Аллоҳумма! Робба ҳазиҳиддаъватит-таамма, вас солаатил қооима, аати Муҳаммаданил-васийлата вал-фазийла. Вабъасҳу мақоомам маҳмууданиллазии ваъадтаҳ”, - деса, қиёмат куни унга шафоатим вожиб бўлади”, - дедилар”.
Дуонинг маъноси: “Аллоҳим, эй ушбу тугал азоннинг ва тўкис намознинг Робби! Муҳаммадга васила ва фазилат бергин ҳамда уни Ўзинг ваъда қилган “Мақоми маҳмуд”да тирилтиргин”.

“Расулуллоҳ (соллаллоҳу алайҳи васаллам)нинг бир кунлари” китобидан.

👉@diyonatli
👍1
МАВЛАВИЙ ҲИНДИСТОНИЙ ДОМЛАНИНГ БОШДАН КЕЧИРГАНЛАРИ
12-ҚИСМ.

Ман домлалар билан видолашган вақтимда мадрасанинг бош мударрислари Мавлоно Ахмад Али менга бир рисола хадия қилғон эдилар. Рисоланинг номи «Раҳбарул ҳаж», ўзлари тасниф қилғон эканлар. Менга тавсия қилиб буюрдиларки: «Бу рисоланинг ичида ҳар бир нарса ёзилғон, шунга амал қилинг».
Бомбей шаҳрига келганда бу рисолани олиб қарадим. Рисолада ёзибдурларки: «Бомбей шаҳридан параходга тушар олдидан ҳожиларга лозим шуки, олти метр узунликда бир арқон олсинлар, бир пақир олсинлар, кейин лимондан қилинғон консервадан неча миқдорда сотиб олсинлар. Яня қора чойга одатланғон одамлар қора чой олсинлар, чунки Арабистонда топилмайди». Ман бунга амал қилиб, бу нарсаларни магазиндан сотиб олдим. Параходға чиқиш олдидан дўхтурларнинг муоянасидан ўтмоқ лозим экан. Ҳожи агар касал бўлса, параходга рухсат бермас экан. Дадамни дам қисар касалликлари бор эди. Баъзилар айтдилар: «Дадангга дўхтурлар ижозат бермайди». Мен ҳожихона ходимлари била маслаҳат қилдим. Улар айтдилар: «Сан дўхтурдан ўтушда дадангдан муқаддам тутгин-да, даданга навбат келғонда ўн рупия пулни дўхтурнинг қўлига бергин, дўхтурдан илтимос қилгин, шу билан даданга руҳсат беради». Мени ўрду тилини билишим катта фойда қилди. Дўхтурга беш сўмлик «Николай» тиллисини қўлига бердим.  Урду тилида дўхтурдан ижозат сўрадим. Дадам учун дўхтур руҳсат берди. Параходга чиқдик, рисолани олиб қарадим, бу жойда нима лозим бўлади. Ёзибдурки, иложи борича юқоридан жой олинг, чунки, параходни пастдаги уйлари кўп бесарамжон бўлади. Шундоғ ҳодисаларда лимонни кесиб, оғзига солиб, сўриб туриш керак.
Ман рабочикларнинг бригада бошлиғини топиб, қўлига беш рупия бердим-да, яхши жойдан жой топиб беришини илтимос қилдим. Дадамга яхши жой олиб бериб, роҳат билан ётқузуб қўйдум. Ҳақиқатда ҳам пастдан жой олган кишилар кўб қийналдилар. Ман лимон сўриш орқасида бошим ҳам айнағони йўқ. Дадам ҳам яхши холдалар. Одамлар мендан илтимос қилар эдиларки, лимондан бир парча кесиб берсангиз. Мен бир парча лимонни бир рупиядан сотғони турдум. Боши айланғон одамлар шу лимондан олиб, бош оғриқдан қутулдилар. Икки катта банкада лимон касерва олғон эдим, ҳаммасини одамлар талашиб олдилар. Мен афсус қилдимки, кўп олсам бўлар экан. Параходда одатан ширин сувни ичмоқ учун очуруд билан берадилар. Таҳорат қилишга сув йўқ. Менинг арқоним билан пақирим намоз ўқувчиларга катта фойда берди. Пастдан шўр сувни тортиб олиб, таҳорат қилиб, намоз ўқушар эрдилар. Хулосаи калом, ўн тўрт кун параходда юрдуқ.

ДАВОМИ БОР...


👉@diyonatli
👍3
Abdul Hamid domla - Marhumga tilovat qilish bidʼatmi?
DIYONAT.UZ
Марҳумга тиловат қилиш бидъатми? | Абдул Ҳамид домла

👉 @diyonatli
👍1
АЛЛОҲГА ЕТИШИШ ИШТИЁҚИ

Дўстларим! Кимнинг қалбида илоҳий муҳаббат бор бўлса, Маҳбубга етишмоқ учун баҳоналар излайди.
Мана шу сабабдан Аллоҳнинг валий бандалари беш вақт намоз ўқисаларда, қалб чанқоғи қонмасдан, Аллоҳ ила янада кўпроқ ҳамкалом бўлишни, дийдорлашмоқни истайдилар. Гоҳ ишроқ нафлларини баҳона қилсалар, гоҳ зуҳо нафлларини, гоҳо аввобийн нафлларини баҳона айласалар, гоҳо таҳажжуд нафлларини баҳона қиладилар. Баъзида таҳорат қилиб, ортидан икки ракаат таҳийятул вузуъ нафли нияти билан жойнамозда турсалар, баъзида масжидга кириб таҳийятул-масжид ниятида икки ракаат нафлни ният қиладилар. Бу нафллар бир баҳонадир. Ҳақиқатда эса, Парвардигор билан ҳамкалом бўлмоқни истаётган бўладилар.
Биз баъзи аҳли зикр дўстларимизни фарз ва суннат намозларини ўқиб, нафл намозларини эса нафл билиб тарк этаётганларини кўрамиз. Йўқ асло, дўстларим! Бундан ҳам улуғроқ нарса бормики, қиёмат кунида агар фарзларда камчилик бўлса, ўрнига нафлларни қўшиб фарз қабул қилинади. Бунданда улуғроқ нарса эса, маълум эмас қайсидир ерда, қачондир қилинган саждага Парвардигорнинг хос назари тушиб, даргоҳига қабул қилинган бўлса.
Шунинг учун нафл намозларни қай вақт бўлмасин, шариатга мувофиқ ҳолда, албатта адо қилмоқлик даркордир!

Шайх Зулфиқор Аҳмад Нақшбандий ҳафизаҳуллоҳ. "Илоҳий муҳаббат" китоби. 43-бет.

ЭСЛАТМА:

Ишроқ - қуёш чиққан пайтда,
Зуҳо - чошт вақти,
Аввобийн - шом намозидан кейин,
Таҳажжуд - кечанинг охирги қисмида,
Таҳийятул вузу - таҳорат олгандан сўнг,
Таҳийятул масжид - масжидга кирган пайтда ўқиладиган нафл ибодатлардир.

👉@diyonatli
👍4
ҲАЁТ САБОҚЛАРИ

... Бир куни подшоҳ билан қул бир кемага чиқишибди...
Умрида ДЕНГИЗ кўрмаган қул кема ҳаракатланганида қўрқиб бақира бошлабди...
Қул огоҳлантиришларга қарамай бақираверибди. Қулнинг бақириб-чақиришидан подшоҳнинг ҳаловати йўқолибди...

... Кемадаги ДОНО кишилардан бири подшоҳга:
– Рухсат берсангиз, уни жим қила оламан, – дебди.
Подшоҳ жуда хурсанд бўлишини айтибди...

... Подшоҳнинг рухсати билан доно киши қулнинг денгизга ташланишини буюрибди...
Сузишни билмаган қул жон ҳолича ёрдам сўрабди.
Қулнинг сувда чўкаётганини кўрган доно киши:
– Бўлди, етади. Уни олиб чиқинглар...

... Доно кишининг сўзига биноан қулни денгиздан олиб чиқишибди. Қул уни олиб чиққанларга РАҲМАТ айтиб бир чеккада тинчгина ўтирибди.
Доно кишининг бу иши подшоҳга ёқибди...

... Подшоҳ табассум билан қараб:
– Бу қулни қандай қилиб жим қилдинг..?
Доно киши жавоб берибди:
– Ўтирган жойида бақириб-чақирган бу қул бундан олдин денгизда чўкмаган... Шунинг учун кемадаги ҳузур-ҳаловатнинг қадрини билмайди...
Бу қул каби соғлик ва ҳузурнинг қадрини фақат уни йўқотганлар билади...

Хулоса сиздан...

👉@diyonatli
👍2
РАСУЛУЛЛОҲНИНГ
СЎНГГИ СЎЗЛАРИ


Набий соллаллоҳу алайҳи ва саллам дедилар:
– Эй инсонлар, сизлар гўё мен ҳақимда қўрқаётгандексиз...
Саҳобалар айтишди:
– Ҳа, ё Расулуллоҳ, шундай. Набий алайҳиссалом:
– Эй инсонлар, Сизларнинг мен билан ваъдалашган жойингиз бу дунё эмас, балки Ҳавзи Кавсар бўйидир. Аллоҳга қасам, мен уни турган шу жойимдан кўраётгандекман.
Эй инсонлар! Аллоҳга қасам, сизларнинг фақир бўлишингиздан қўрқмайман. Лекин сиздан олдингилар мол-дунёга берилиб кетганлари сингари сизлар ҳам мол-дунёга ҳирс қўйишларингиздан қўрқаман. Мол-дунё сиздан олдингиларни ҳалок қилгани каби сизларни ҳам ҳалок этади.
– Эй инсонлар! Намозга эҳтиёт бўлинг, намозга эҳтиёт бўлинг! Яъни намозларингизни асрашингиз учун Буюк Аллоҳнинг номи билан онт ичишларингизни истайман, деб бу сўзни бир неча марта такрорладилар. Сўнгра:
– Эй инсонлар! Аёлларнинг ҳақлари борасида Аллоҳдан қўрқинглар. Аёлларга яхшилик қилишингизни васият этаман.
– Эй инсонлар! Банда (ўзларини назарда тутиб)га дунё ва Аллоҳнинг ҳузуридаги нарсаларни танлаш ихтиёри берилди.
Ҳеч ким Расулуллоҳнинг бу сўзларидан мақсадлари нима эканини англай олмади. Илло, Абу Бакр розияллоҳу анҳу бу сўзни англаб етди ва ҳўнграб йиғлаб: “Сизга оталаримиз, оналаримиз, авлодларимиз, аҳлимиз, молимиз фидо бўлсин, ё Расулуллоҳ!” дея бир неча марта бу сўзни такрорлади.
Одамлар Абу Бакр розияллоҳу анҳуга: “Расулуллоҳнинг сўзларини бўлишга қандай журъати етди?” дея қарашди.
Набий соллаллоҳу алайҳи ва саллам Абу Бакр розияллоҳу анҳуни ҳимоя қилиш мақсадида: “Эй инсонлар! Абу Бакрга индаманглар. Сизлардан ҳар бирингизни ўз фазлига кўра мукофотладик. Илло, Абу Бакрни мукофотлашга қодир эмасмиз. Уни мукофотлашни Аллоҳ таолога ҳавола қилдим. Масжидга чиқиладиган барча эшиклар тўсилсин. Илло, Абу Бакрнинг эшиги асло тўсилмайди.
Ахийри, Набий соллаллоҳу алайҳи ва саллам минбардан тушишларидан олдин мусулмонлар учун дуо қилдилар. Бу гўё у зотнинг энг сўнгги дуолари бўлди: “Аллоҳ сизларни ёрлақасин, Ўз паноҳида асрасин, сизларга нусрат берсин, собит қилсин, қўлласин!..”
Коинот султонининг охирги сўзлари: “Минбардан тушишларидан аввал умматларига: “Эй инсонлар! Қиёматгача менинг умматимдан менга эргашганларга саломимни етказинг. Бирор кишининг олдида мен зикр этилсаму у менга салавот айтмаса, ўша ўта бахилдир”.

Арабчадан Толибжон НИЗОМ таржимаси


👉@diyonatli
👍5
Media is too big
VIEW IN TELEGRAM
Ижтимоий одоблар | Абдул Ҳамид домла

👉 @diyonatli
👍1
ҲАЖНИНГ ФАЗИЛАТЛАРИ

Ҳаж Ислом арконларидан бири бўлган улуғ ибодат ҳисобланади. Ҳаж ибодати Ҳижрий тўққизинчи сананинг охирларида қуйидаги оят билан фарз қилинган: “Одамлардан йўлини топганларига Аллоҳ учун Байтни ҳаж қилмоқ бурчдир” (Оли Имрон сураси, 97-оят).

Ушбу оятда келган буйруққа кўра, қодир бўлган мусулмон учун умрида бир марта ҳаж қилиши фарз ҳисобланади.
Ҳаж ибодатининг кўплаб умумий ва шахсий фойдалари бор:

Умумий фойдалари
1. Турли миллат вакиллари бўлган мусулмонларнинг бир-бирлари билан кўришишларига сабаб бўлади;
2. Ер юзининг қайси жойида яшашларидан қатъий назар барча мусулмонлар бир мақсад йўлида яшаётган оға-инилар эканини ҳис қилишларига сабаб бўлади;
3. Ҳидоят нури таралган маконда Аллоҳ таолонинг буйруғини адо этиш учун жамланган мусулмонларнинг ўзлари билган, билмаган кўплаб манфаатларга эга бўлишларига сабаб бўлади.

Шахсий фойдалари
1. Сағира (кичик) гуноҳлари кечирилишига сабаб бўлади;
2. Сабр-тоқатга, қийинчилигу машаққатларни кўтаришга ўргатади;
3. Мол ва офият неъматларининг шукронасини адо этишга сабаб бўлади;
4. Ислом тарихини, Пайғамбаримиз соллаллоҳу алайҳи васаллам ва саҳобаи киромларнинг Ислом шиорларини таратиш йўлидаги фидокорона хатти ҳаракатларини ўзгача файз билан ёдга солади;

Ҳаж ибодатининг фазилатлари ҳақида Пайғамбаримиз соллаллоҳу алайҳи васаллам кўплаб хушхабарларни айтганлар:

Абу Ҳурайра розияллоҳу анҳудан ривоят қилинади: “Расулуллоҳ соллаллоҳу алайҳи васаллам: “Кимки ҳаж қилса, фаҳш гапни гапирмаса, маъсият қилмаса, унинг олдин ўтган барча гуноҳлари мағфират қилинади”, дедилар”. Термизий ривоят қилган.

Демак, бандаларнинг ҳақларига тааллуқли бўлмаган барча гуноҳлари мағфират қилинишини хоҳлаган ҳожи, албатта, ушбу ҳадисдаги кўрсатмаларга риоя қилиши лозим. Бошқа бир ҳадисда эса Умра ва мабрур ҳажнинг мукофотлари нақадар улуғ экани қуйидагича хабар берилган:

Абу Ҳурайра розияллоҳу анҳудан ривоят қилинади: “Расулуллоҳ соллаллоҳу алайҳи васаллам: “Умра (олдин қилинган) умрагача (бўлган) иккаласининг ўртасидаги (сағира гуноҳларга каффорот бўлади. Мабрур ҳажнинг мукофоти албатта жаннатдир”, дедилар”. Термизий ривоят қилган.

Ушбу ҳадисда Умранинг фазли, яъни иккита умра ўртасидаги бандаларнинг ҳақларига тааллуқли бўлмаган сағира гуноҳлар кейинги умра сабабидан ювилиб кетиши хабар берилган. Ҳадис давомида мабрур ҳажнинг мукофоти жаннат бўлиши таъкидлаб баён қилинган. Бу эса ҳожиларни қилаётган ҳажларини мабрур ҳам бўлишига ниҳоятда эътиборли бўлишга тарғиб қилиш ҳисобланади. Мабрур ҳажнинг қандай бўлиши ҳақида бир-бирига яқин бир қанча таърифлар берилган:
— Гуноҳ маъсиятлар аралашмаган ҳаж;
— Қабул қилинган ҳаж;
— Риё ва сумъадан (биров кўрсин ё эшитсиндан) холи бўлган ҳаж;
— Кейин бирор маъсият қилинмаган ҳаж.
Ҳожилар Пайғамбаримиз соллаллоҳу алайҳи васалламнинг қуйидаги муборак дуоларига сазовор бўлиш бахтига эришган кишилар ҳисобланади:

Абу Ҳурайра розияллоҳу анҳудан ривоят қилинади: “Расулуллоҳ соллаллоҳу алайҳи васаллам: “Эй Аллоҳим, ҳожиларни ҳам, ҳожилар мағфират сўраган кишиларни ҳам мағфират қилгин”, дедилар”. Байҳақий ривоят қилган.

Пайғамбаримиз соллаллоҳу алайҳи васаллам ушбу ҳадисларида мабрур ҳаж қилганларни ва улар дуо қилган кишиларни ҳам мағфират қилинишини сўраб дуо қилганлар. Шунга кўра, Пайғамбаримиз соллаллоҳу алайҳи васалламнинг мазкур дуоларига эришиб қолиш учун ҳам ҳожилардан дуо олишга ҳаракат қилинади.

"Динимиз аҳкомлари" китобидан
.

👉@diyonatli
👍2
МАВЛАВИЙ ҲИНДИСТОНИЙ ДОМЛАНИНГ БОШДАН КЕЧИРГАНЛАРИ
13-ҚИСМ.

Жиддаи муборакга келдик. Мийқотдан ғусл қилиб, ҳажга эҳром боғладик. Байтуллоҳга ҳар икки киши бир туяни кира қилдик. Йўлда бир кеча тунаб, эртасига Байтуллоҳга етиб келдик. Байтуллоҳнинг зиёрати учун одатга ҳар бир шаҳарнинг ўзига хос далиллари бўлар экан. Байтуллоҳни Макка шаҳрига киравериш олдидан ҳожилар олдидан истиғфор бўлишиб, далиллар сўрашур экан: «Қайси шаҳардан келдингиз?» деб. Қўқонд шаҳрининг далили бизнинг туямизни етаклаб, ўз жойига олиб борди. Бизни ҳожихонадан бир ой олиб, ушбу ерга жойлади. Кейин бизни Байтуллоҳга олиб кириб, тавофи қадум қилдирди, далилнинг ўзи олдимизда юриб, овози баланд билан ўқуйдурғон дуоларни айтиб турар экан. Дадамнинг тоблари йўқлиги орқасида, орқамга кўтариб олиб Байтуллоҳни етти мартаба айланиб тавоф қилдирдим.
Сафо ва Марвани тавоф қилишда бир эшак кира қилиб, дадамни миндириб, етти мартаба бунда ҳам тавоф қилдирдим. Кейин эҳромдан чиқдик, чунки ҳали ҳажга Арафот тоғига боруш учун ҳожихона кароватда ёткузуб қўйғонман. Ўн беш кун бор эди. Дадамнинг тоблари йўқ, ўзим беш вақтда Байтуллоҳда намозни жамоат билан ўқуб, Байтуллоҳни тавоф қилиб, бир чеккада ўтуруб Қуръон тиловат қилиб турғонимда бир киши орқамдан келиб, мени елкамдан ушлаб: «Қори бобо, келдингизму?», деди. Мен қарасам ўша Ҳиндистонда кўрушғонча Мулло Фақир алайҳир-раҳма эканлар. Бу зотнинг кароматлари зоҳир бўлдики, менга айтгандилар: «Байтуллоҳда кўришамиз» деб. Менга айтдиларки: «Расулуллоҳ саллаллоҳу алайҳи васалламнинг туғулгон жойларини зиёрат қилдингизму?». Мен айтдим: «Мен билмайман». Айтдиларки: «Мени била юр».
Мени бошлаб Байтуллоҳдан олиб чиқиб, бир ҳовличага олиб кирдилар. «Мана шу ҳовлида, мана шу жойда Расулуллоҳ туғулгонлар». Уйнинг эшигини очиб мени ичкарига олиб кирдилар. Бу уйнинг ичида олти киши халқа қилиб ўтурубтилар. Ҳар қайсилари бошқа рангдаги одамлар. Баъзилари қора юзлик ҳабашлардан. Баъзилари сариқ юзлик. Баъзиларининг сочлари узун билакларига тушади. Мулло Фақир менга айтдилар: «Буларни зиёрат қил», деб. Ман ҳаммаларини зиёрат қилдим.
Кейин мени бошлаб ташқарига олиб чиқиб кетдилар. Ташқарида бир уйнинг ичида бўйронинг устида ўтирдик. Менга ўз қўллари била чой дамлаб, яхши кўк чойни ичиб бўлғондин кейин мени дилимдан ўтди: «Шу чойдин бир дамлам илтимос қилиб оламан». Шу ҳолда қўлтуғларидан бир юмалоқ чойни олиб қўлимга бердилар. Мендан: «Ким била бирга келдинг?», деб сўрадилар. Ман дадамизни келғонини ҳикоя қилдим. Айтдилар: «Мени ҳожихонага олиб боринг, қиблагоҳни зиёрат қилайлик». Ман ҳожихонага олиб келдим. Қиблагоҳ билан кўришдилар. 15 кундан кейин Арафотга эҳром бойладик. Шу била Арафот тоғига келиб, куни била бу жойда бўлуб, кечқурун қайтиб Муздалифага келдик. Бу ерда бир кеча бўлуб эртасига Минога келдик. Минода ҳаж аҳкомларини бажариб, уч кун туриб қурбонлик қилдик. Кейин Байтуллоҳга келиб тавоф зиёрат қилдик. Кейин Мадинага бордик. Расулуллоҳнинг равзаларини зиёрат қилдик. Қайтиб Маккага келдик.
Дадамнинг касалликлари зиёда бўлуб қолди. Болнисага ётқуздим. 15 кун болнисада турдилар. Касалликлари тузук бўлмади. Болнисадан ҳожихонага қайтариб олиб келдик. Дадам менга айтдилар: «Мен Худодан тилаган эдим, мени ўлумим шу муқаддас жойда бўлсун, деб. Умидим шулки, менинг дуойим мустажоб бўлгондур. Ман вафот бўлғондин сўнг бир хатми Каломуллоҳ қилиб, менга багишлаб, кейин тўғри мамлакатга боргил. Онангни ҳам кўруб, дуоларини олғил», деб васият қилдилар. Дадам вафот бўлдилар. Кўп мени дуо қилдилар.

ДАВОМИ БОР...

👉@diyonatli
👍1
Abdul Hamid domla - Ijtimoiy odoblar
DIYONAT.UZ
Ижтимоий одоблар | Абдул Ҳамид домла

👉 @diyonatli
👍1
ҒИЙБАТ ФАҚАТ ТИЛДА ЭМАС

Билгин! Тил билан бировни ғийбат қилиш ҳаром қилинди. Чунки, унда
биродарингнинг нуқсонини, агар ўзи эшитса, хафа бўладиган бирор
камчилигини ўзгага билдириш бор.

Шунингдек, кимнидир қоралаш маъноси яширинган барча феъллар - киноями, имо-ишорами, кўз қисишми, хатда ёзишми, хуллас, шу мақсадни англатадиган барча ҳаракатлар ғийбат ҳудудига киради ва у ҳаромдир.

Оиша розийаллоҳу анҳо айтган ушбу сўзлар ҳам шу жумладан: «Бир аёл ҳузуримизга кирди. Кетаётганида у аёлнинг паканалигига ишора қилдим. Шунда Пайғамбар алайҳиссалом: «Сен уни ғийбат қилдинг» - дедилар» (Ибн Абу Дунё ривояти).

Кимнингдир жисмоний камчилигини тақлид қилиб кўрсатиш ҳам ғийбатга
киради. Масалан, чўлоқ одам ҳақида гапиратуриб, унинг чўлоқлигига ишоратан оқсоқланиб юриш. Бу ҳатто ғийбатдан ҳам хунукроқдир. Чунки, бунда айб нафақат очилади, балки янада бўрттирилади.

Шунингдек, ёзув орқали ҳам ғийбат бўлиши мумкин. Негаки, қалам ҳам бир тил. Дейлик, мусанниф китобида муайян шахснинг сўзга нўноқлигини тилга олса, бу ғийбат саналади. Албатта, агар бу ерда гап айтилмаса бўлмайдиган сабабларга боғланса, бу энди ғийбат эмас.

«Одамлар фалон деди» - дейиш ҳам ғийбатга кирмайди. Чунки, ғийбатда гап хоҳ тирик, хоҳ ўлик бўлсин, аниқ бир шахсга қаратилган бўлади. Шундай қилиб, ўзгани қоралашдан иборат мақсадини мақтовнинг ортига яширади. Гўё ўзини яхшиларга ўхшатиб, нафсини мазаммат қилиб ҳам қўяди ва бу билан у ғийбатчи, риёкор, ўз нафсини оқловчи кишига айланади, бир амалда уч бузуқликни жамлайди. Нодонлиги туфайли ўзини ғийбатдан сақлайдиган солиҳ кишилар жумласиданман, деб ўйлайди.

Шунинг учун ҳам шайтон илмсиз ибодатга шўнғиган жоҳиллар билан ўйнашади, уларни эргаштиради. Турли ҳийла-найранглари билан уларнинг амалларини йўққа чиқаради, устларидан кулиб, масхара қилади.

Ўзганинг айби айтилганида, айтувчига танбеҳ бериш ўрнига: «Субҳаноллоҳ! Наҳотки, шундай бўлса-я?» - деб ғийбатга мойиллик билдирган киши ҳам ғийбатчидир. Негаки, у айтилганни эшитди, нима дейилганини англади, ҳатто бу ёмонликнинг юзага чиқишида Оллоҳнинг номини восита қилди.

"Тил офатлари" китобидан.

👉@diyonatli
👍3
МЎЪМИННИНГ ТАВБАСИ КЎП

"Мўъмин гуноҳига тавба қилгувчидир. Бахтли киши шундай кишики, тавба қилиб, афсус-надомат чекиб, вафот этади".

Мўъмин киши содир қилган ҳар бир хатосига дарҳол афсус чекиб, пушаймон бўлиб, покизаланиб, тавба қилгувчидир. Ушбу хатоларнинг кўплиги, доимий тавба натижасида гуноҳларнинг тўкилишига тўсқин бўлолмайди.

Динида маъсиятлар туфайли содир бўлган яра ва йиртиқларни йиртилган либосни тиккандек дарҳол тавбаси билан тикиб, тузатиб, ямоғини солади. Ямоқсиз, йиртиқсиз, тоза ва дазмолланган либос албатта гўзал, аммо кийимлар баъзи сабаблар туфайли йиртилиб, сўкилади. “Йиртилди, сўкилди” деб дарров у кийимни ташлаб юбормаймиз, иложи борича таъмирлаймиз, керак бўлса, ямоқ соламиз ёки тикувчига берамиз.

Шунга ўхшаб, гуноҳлар, хато
ва камчиликлар ҳам тавбаю тазарруълар билан бартараф этилади. Инсоннинг қилган ишларини юзига солмоқ тўғри эмаслиги, аввалги ҳадиси шарифларда зикр этилди.

Комил зотлар бундай кишиларни умидсизликка туширмайдилар, бахту саодат даражаларидан маҳрум этмайдилар. Шунинг учун бахтли киши тавба қилиб, надомат чекиб, вафот этган инсондир, дейилмоқда. Ҳақ субҳанаҳу ва таоло бизларни ҳам ҳақиқий тавба ва надомат билан, зикру тасбиҳ, қироати Қуръон, намозу ниёз, иймон ва Ислом бирла охиратга риҳлат этгувчи бандалардан қилсин.

Бир инсон қанчалик кирланса ҳам, кирлиги туфайли инсон қаторидан чиқиб қолмайди. Уни кир-чир инсон дейишади, холос. Аммо қачонки ҳаммомда яхшилаб ювиниб таранса, покиза либослар кийса, эски ҳолатига қайтади ва чиройли бир инсон бўлади.

Куфр иш қилмаган бўлса, ҳалолни ҳаром, ҳаромни ҳалол демаган бўлса, мўъмин киши гуноҳлари туфайли дарҳол кофир бўлиб қолмайди. Ҳатто куфрдан қайтиб, тавба қилса, аҳли жаннат бўлиши ҳам мумкин.

Бу сабабдан, тажаллийларга эътибор бер, бировга ёмон кўз билан қарама! Инсон ўзининг қай бир тажаллийда жон беришини билолмайди. Оқибати номаълум. Бандаларнинг қалблари ё Жалол, ё Жамол тажаллийлари орасида бўлиб, бу ҳар вақт ўзгариши мумкин. Баъзан Жалол Жамолга, Жамол эрса Жалолга ўзгаради. Шунинг учун ҳаммага яхши кўз билан қарагил!

«Мўъминнинг сифатлари» китобидан.

👉@diyonatli
👍1
САҒИРА ВА КАБИРА ГУНОҲ

Ҳазрат Ашраф Али Таҳонавий айтдиларки, бир гуноҳни сағира, яъни кичик деб айтилган бўлса, у катта гуноҳга нисбатан олганда кичик дейилган бўлади, холос. Аслида эса Аллоҳ ва Унинг Расулига итоатсизлик қилиш жиҳатидан қаралганида ҳар қандай гуноҳ ҳам катта гуноҳдир. Сандиқ ва унинг ичидаги нарсаларни ёқиб юбориш учун катта олов ҳам, арзимас чўғ ҳам баробардир. Чунки кичкинагина чўғ ҳам ловулласа, катта оловга айланади. Гуноҳларни сағира ва кабирага тақсимлаш уларни ўзаро бир-бирига солиштирилганда айтилади, холос. Сағира гуноҳни кичкина деб бепарво бўлиш ўз тепасига ҳалокатни чақиришдир. Қуръони карим Уҳуд ғазоти бошланишидаги мағлубиятни саҳобаларнинг биргина янглишишлари натижаси эканини хабар берган. Оят мана будир:
إِنَّمَا اسْتَزَلَّهُمُ الشَّيْطَانُ بِبَعْضِ مَا كَسَبُوا
Маъноси: «Шайтон уларни баъзи қилган ишлари сабабли йўлдан урди».
Биламизки, бу воқеада саҳобаи киромлар бирор гуноҳи кабира қилмаганлар. Лекин биргина гуноҳи сағира Уҳуддаги мағлубиятга сабаб бўлган.

"Мажолиси ҳакимул-умма" китобидан.

👉@diyonatli
👍1