ОТА-ОНАСИ ТИРИКЛИГИДА ЖАННАТГА КИРА ОЛМАГАН ОДАМ ҲАҚИДА
Абу Ҳурайрадан ривоят қилинади:
"Набий соллаллоҳу алайҳи васаллам:
" Бурни ерга ишқалсин, бурни ерга ишқалсин, бурни ерга ишқалсин", дедилар.
"Эй Аллоҳнинг Расули, кимнинг?" дейишди.
"Ота-онаси ёки улардан бири кексалигида улар билан бирга яшаб, дўзахга кирган кишининг", дедилар".
Шарҳ: Демак, ота-она улуғ ёшга кирганларида уларнинг хизматини қилиб, розилигини топиб қолса, жаннатга кирар экан, акс ҳолда дўзахга кирар экан. Икковлари бўлмаса, биттаси - ё ота, ё она бўлса ҳам, ана шу ҳолат бўлар экан.
Бу ҳадиси шариф ҳам ота-онанинг розилигини топиш қанчалик муҳим иш эканини таъкидламоқда. Банданинг жаннат ёки дўзахга киришга сабаб бўладиган амаллардан бири ота-онага бўладиган муносабат эканини кўрсатмоқда. Айниқса ота-она кексайганларида алоҳида эҳтиётлик билан уларга яхшилик қилиш пайида бўлиш зарурлигини билдирмоқда.
Ушбу ҳадиси шарифдан олинадиган фойдалар:
1. Тингловчининг эътиборини тортиш учун бир ишнинг оқибатини такрор-такрор айтиш мумкинлиги.
2. Олим ва раҳбар кишидан бирор масала оқибати ҳақидаги гапни эшитганда, бу оқибат ким учун эканини сўраш лозимлиги.
3. Ота-онаси бўла туриб, уларнинг розилигини топиб, жаннатга киришга сазовор бўлолмай қолган одам бахтсиз шахс экан.
"Одоблар хазинаси" китобидан.
👉 @diyonatli
Абу Ҳурайрадан ривоят қилинади:
"Набий соллаллоҳу алайҳи васаллам:
" Бурни ерга ишқалсин, бурни ерга ишқалсин, бурни ерга ишқалсин", дедилар.
"Эй Аллоҳнинг Расули, кимнинг?" дейишди.
"Ота-онаси ёки улардан бири кексалигида улар билан бирга яшаб, дўзахга кирган кишининг", дедилар".
Шарҳ: Демак, ота-она улуғ ёшга кирганларида уларнинг хизматини қилиб, розилигини топиб қолса, жаннатга кирар экан, акс ҳолда дўзахга кирар экан. Икковлари бўлмаса, биттаси - ё ота, ё она бўлса ҳам, ана шу ҳолат бўлар экан.
Бу ҳадиси шариф ҳам ота-онанинг розилигини топиш қанчалик муҳим иш эканини таъкидламоқда. Банданинг жаннат ёки дўзахга киришга сабаб бўладиган амаллардан бири ота-онага бўладиган муносабат эканини кўрсатмоқда. Айниқса ота-она кексайганларида алоҳида эҳтиётлик билан уларга яхшилик қилиш пайида бўлиш зарурлигини билдирмоқда.
Ушбу ҳадиси шарифдан олинадиган фойдалар:
1. Тингловчининг эътиборини тортиш учун бир ишнинг оқибатини такрор-такрор айтиш мумкинлиги.
2. Олим ва раҳбар кишидан бирор масала оқибати ҳақидаги гапни эшитганда, бу оқибат ким учун эканини сўраш лозимлиги.
3. Ота-онаси бўла туриб, уларнинг розилигини топиб, жаннатга киришга сазовор бўлолмай қолган одам бахтсиз шахс экан.
"Одоблар хазинаси" китобидан.
👉 @diyonatli
👍3
БАНДАНИ ИЙМОНДАН ЧИҚАРАДИГАН НАРСАНИНГ БАЁНИ ҲАМДА ИЙМОННИНГ ТАЪРИФИ
Банда иймондан ўзини унга киритган нарсани инкор қилиш билан чиқади.
Шарҳ: Бу гапда хавориж ва мўътазилийларнинг "Мўмин гуноҳи кабира қилиши билан иймондан чиқади", деган гапларига раддия бор. Яна муаллифнинг "Аҳли қиблалардан бирортасини гуноҳ туфайли, модомики ўшани ҳалол ҳисобламаса, кофир қилмаймиз", деган гапига таъкид ва изоҳ бор. Бу ҳақдаги гап олдин ўтди. Яъни банда фақат ўзини динга киритган нарсани ва унинг (диннинг) бор бўлаги экани ўз-ўзидан маълум бўлган нарсани инкор қилиш билангина кофир бўлади.
Иймон - тил билан иқрор бўлиш ва қалб ила тасдиқ қилишдир.
Шарҳ: Бу иймонни изҳор қилиш эътиборидан тасдиқлашдир. Чунки тасдиқлаш ички иш бўлиб, у беркилган бўлади. Фақат иқрор ёки тасдиққа далолат қилувчи ишлар билангина билинади. Аммо мавжудлик ва ҳақиқатга айланиш жиҳатидан эса иймон - дил билан тасдиқ қилишдир. Тил билан иқрор бўлиш унинг аломати ва изҳоридир. Бас, муаллифнинг гапи бошқаларнинг гапига мухолиф бўлмайди.
Иймоннинг тасдиғи ҳақидаги мазҳаблар бештадир:
1. Молик, Шофеъий, Аҳмад, Авзоъий, Исҳоқ ибн Роҳавайҳ, бошқа аҳли ҳадислар, Мадина аҳли, аҳли зоҳир ва мутакаллимлардан бир жамоаси: "Иймон қалб ила тасдиқ қилиш, тил билан иқрор бўлиш ва аъзолар билан амал қилишдир", деганлар.
2. Бизнинг асҳобларимиздан кўплари Таҳовий раҳматуллоҳи алайҳи зикр қилган нарсага: "Иймон тил билан иқрор бўлиш ва қалб билан тасдиқ қилишдир", деган фикрга иттифоқ қилганлар.
3. Абу Мансур Мотуридий ва Абу Ҳанифа раҳматуллоҳи алайҳилар: "Тил билан иқрор бўлиш ортиқча рукндир, аслий эмас. Аслий рукн - қалб билан тасдиқ қилишдир. Иқрор эса унга аломат ёки узрли бўлмаганлар учун шартдир", дейдилар.
4. Карромия мазҳабидагилар: "Иймон фақат тил билан иқрор бўлишдир", дейдилар. Уларнинг наздида мунофиқлар иймони комил одам ҳисобланадилар. Бу очиқ-ойдин бузуқ ақийдадир. Чунки Аллоҳ таоло мунофиқлар ҳақида: "Улар мўмин эмаслар" (Бақара сураси, 8-оят) ва "Ана ўшалар залолатни ҳидоятга сотиб олганлардир", деган (Бақара сураси, 16-оят).
5. Жаҳм ибн Сафвон, қадария мазҳаби раисларидан бири Абул Ҳасан Солиҳийлар: "Иймон қалб маърифатидир, агар бўйсунмаса ва таслим бўлмаса ҳам бўлаверади", деганлар. Бу гапнинг фасодлиги олдинги (карромиялар айтган) гапдан ҳам зоҳирроқдир. Агар бу гапга юрилса, Фиръавн ва унинг қавми ҳам мўмин бўладилар. Чунки улар Мусо ва Ҳорун алайҳиссаломларнинг содиқлигини билганлар, аммо иймон келтирмаганлар. Шунинг учун Мусо Фиръавнга: "Анавиларни осмонлару ернинг Роббидан ўзга ҳеч бир Зот кўз очувчи қилиб туширмаганини яхши биласан", деган (Исро сураси, 102-оят).
Аҳли китоблар ҳам Набий соллаллоҳу алайҳи васалламни худди болаларини танигандек танир эдилар, аммо мўмин бўлмаганлар.
Билингки, Абу Ҳанифа раҳматуллоҳи алайҳи билан бошқа Аҳли сунна имомлари орасидаги ихтилоф суратда холос (яъни кўринишдан ихтилофдек бўлса ҳам, аслида бундай эмас). Улар гуноҳи кабира иймондан чиқармаслигига, балки уни қилган одам Аллоҳнинг хоҳишига ҳавола қилинишига, хоҳласа азоблайди, хоҳласа афа қилади, деган фикрга иттифоқ қилиб туриб, "Аъзоларнинг амали қалбдаги иймон учун лозимми ёки иймоннинг бир жузими?" деган гапни айтиш лафзий низо бўлиб, бундан ақийданинг бузилиши келиб чиқмайди.
Агар бу масалада Аҳли сунна орасидаги низо фақат лафзий низо бўлса, уларнинг бир тоифаси иккинчисига душманлик қилишларига, шу боисдан тафриқага тушишларига, мутакаллимларнинг қораланган бидъат таъвилларига ҳеч ҳожат йўқ.
Имом Абу Ҳанифа раҳматуллоҳи алайҳи Аллоҳнинг каломидан далиллар келтириб, иймон ҳақиқатига луғавий жиҳатдан ёндашганлар. Бошқа имомлар раҳматуллоҳи алайҳим эса иймон ҳақиқатига шаръий таъриф жиҳатидан ёндашганлар. Чунки шариатда тасдиққа намоз, рўза, ҳаж ва шу каби васф ва шартлар қўшилган.
"Ақийдатут-Таҳовия" шарҳининг талхийси китобидан.
👉 @diyonatli
Банда иймондан ўзини унга киритган нарсани инкор қилиш билан чиқади.
Шарҳ: Бу гапда хавориж ва мўътазилийларнинг "Мўмин гуноҳи кабира қилиши билан иймондан чиқади", деган гапларига раддия бор. Яна муаллифнинг "Аҳли қиблалардан бирортасини гуноҳ туфайли, модомики ўшани ҳалол ҳисобламаса, кофир қилмаймиз", деган гапига таъкид ва изоҳ бор. Бу ҳақдаги гап олдин ўтди. Яъни банда фақат ўзини динга киритган нарсани ва унинг (диннинг) бор бўлаги экани ўз-ўзидан маълум бўлган нарсани инкор қилиш билангина кофир бўлади.
Иймон - тил билан иқрор бўлиш ва қалб ила тасдиқ қилишдир.
Шарҳ: Бу иймонни изҳор қилиш эътиборидан тасдиқлашдир. Чунки тасдиқлаш ички иш бўлиб, у беркилган бўлади. Фақат иқрор ёки тасдиққа далолат қилувчи ишлар билангина билинади. Аммо мавжудлик ва ҳақиқатга айланиш жиҳатидан эса иймон - дил билан тасдиқ қилишдир. Тил билан иқрор бўлиш унинг аломати ва изҳоридир. Бас, муаллифнинг гапи бошқаларнинг гапига мухолиф бўлмайди.
Иймоннинг тасдиғи ҳақидаги мазҳаблар бештадир:
1. Молик, Шофеъий, Аҳмад, Авзоъий, Исҳоқ ибн Роҳавайҳ, бошқа аҳли ҳадислар, Мадина аҳли, аҳли зоҳир ва мутакаллимлардан бир жамоаси: "Иймон қалб ила тасдиқ қилиш, тил билан иқрор бўлиш ва аъзолар билан амал қилишдир", деганлар.
2. Бизнинг асҳобларимиздан кўплари Таҳовий раҳматуллоҳи алайҳи зикр қилган нарсага: "Иймон тил билан иқрор бўлиш ва қалб билан тасдиқ қилишдир", деган фикрга иттифоқ қилганлар.
3. Абу Мансур Мотуридий ва Абу Ҳанифа раҳматуллоҳи алайҳилар: "Тил билан иқрор бўлиш ортиқча рукндир, аслий эмас. Аслий рукн - қалб билан тасдиқ қилишдир. Иқрор эса унга аломат ёки узрли бўлмаганлар учун шартдир", дейдилар.
4. Карромия мазҳабидагилар: "Иймон фақат тил билан иқрор бўлишдир", дейдилар. Уларнинг наздида мунофиқлар иймони комил одам ҳисобланадилар. Бу очиқ-ойдин бузуқ ақийдадир. Чунки Аллоҳ таоло мунофиқлар ҳақида: "Улар мўмин эмаслар" (Бақара сураси, 8-оят) ва "Ана ўшалар залолатни ҳидоятга сотиб олганлардир", деган (Бақара сураси, 16-оят).
5. Жаҳм ибн Сафвон, қадария мазҳаби раисларидан бири Абул Ҳасан Солиҳийлар: "Иймон қалб маърифатидир, агар бўйсунмаса ва таслим бўлмаса ҳам бўлаверади", деганлар. Бу гапнинг фасодлиги олдинги (карромиялар айтган) гапдан ҳам зоҳирроқдир. Агар бу гапга юрилса, Фиръавн ва унинг қавми ҳам мўмин бўладилар. Чунки улар Мусо ва Ҳорун алайҳиссаломларнинг содиқлигини билганлар, аммо иймон келтирмаганлар. Шунинг учун Мусо Фиръавнга: "Анавиларни осмонлару ернинг Роббидан ўзга ҳеч бир Зот кўз очувчи қилиб туширмаганини яхши биласан", деган (Исро сураси, 102-оят).
Аҳли китоблар ҳам Набий соллаллоҳу алайҳи васалламни худди болаларини танигандек танир эдилар, аммо мўмин бўлмаганлар.
Билингки, Абу Ҳанифа раҳматуллоҳи алайҳи билан бошқа Аҳли сунна имомлари орасидаги ихтилоф суратда холос (яъни кўринишдан ихтилофдек бўлса ҳам, аслида бундай эмас). Улар гуноҳи кабира иймондан чиқармаслигига, балки уни қилган одам Аллоҳнинг хоҳишига ҳавола қилинишига, хоҳласа азоблайди, хоҳласа афа қилади, деган фикрга иттифоқ қилиб туриб, "Аъзоларнинг амали қалбдаги иймон учун лозимми ёки иймоннинг бир жузими?" деган гапни айтиш лафзий низо бўлиб, бундан ақийданинг бузилиши келиб чиқмайди.
Агар бу масалада Аҳли сунна орасидаги низо фақат лафзий низо бўлса, уларнинг бир тоифаси иккинчисига душманлик қилишларига, шу боисдан тафриқага тушишларига, мутакаллимларнинг қораланган бидъат таъвилларига ҳеч ҳожат йўқ.
Имом Абу Ҳанифа раҳматуллоҳи алайҳи Аллоҳнинг каломидан далиллар келтириб, иймон ҳақиқатига луғавий жиҳатдан ёндашганлар. Бошқа имомлар раҳматуллоҳи алайҳим эса иймон ҳақиқатига шаръий таъриф жиҳатидан ёндашганлар. Чунки шариатда тасдиққа намоз, рўза, ҳаж ва шу каби васф ва шартлар қўшилган.
"Ақийдатут-Таҳовия" шарҳининг талхийси китобидан.
👉 @diyonatli
👍3
Уйга салом бериб, табассум билан келинг. Уйдагилар сизнинг келишингиздан севинсин.
Изоҳ:
Салом – Аллоҳнинг исмларидан бири. У саломитлик ва омонлик тилаш ҳисобланади. Айни пайтда дуо ҳамдир. У қаршингиздаги кишига ишонч беради. Мен сизга зиён келтирмийман, сизга яхшиликни соғинаман,дегани бўлади. Шу боис киши уйига кираётганида “Бисмиллаҳир роҳмани роҳийм”, деб, сўнг салом бериши лозим. Агар уйда одам бўлса, улар алик олишади. Мабодо, уйда ҳеч ким бўлмаса, фаришталарга салом берган ҳисобланади. Инсон шундай қилса, уйда шодлик ва хурсандчилик ҳукм суради. Унинг уйга кириб келишидан севинган яқинлари: “Келганингиздан бошимиз кўкка етди. Аллоҳ бахтимизга сизни омон сақласин”, деб қарши оладилар.
Аксинча, саломсиз ва қовоғини солган ҳолда нимадандир жаҳли чиқиб уйга кирган эркакдан хотини ва фарзандлари ўзини олиб қочади. У билан бирор нарса ҳақида гаплашишга қўрқишади. Гарчи, тил билан айтилмаса-да, киши ичида: “қаердан ҳам келди, яхшигина ўтирган эдик. Энди эркин юра олмаймиз. Қанийди янаям кечроқ келса”, деб ўйлаши мумкин.
Хотиржамлик йўқолиб жанжал кўтарилса, бу сўзлар кишининг тилига чиқиши ҳам мумкин. Афсуски, кейин кеч бўлади. Оила аъзобларининг бир-бирига муҳаббати ва ҳурмати йўқолиб, сабри тугайди. Бундай кўнгилсизликларнинг олдини олиш учун эса оддий, аммо ўта аҳамиятли ҳаракатларни амалга ошириш керак. Зеро, салом бериш, табассум қилиш пул билан сотиб олинмайди. Бойнинг ҳам, камбағалнинг ҳам, подшо-ю гадонинг ҳам қўлидан келади.
Хуллас, бу ерда таъкидлаётган жиҳат қуйидагича: сенга қандай муомила қилишларини истасанг, ўзинг бошқаларга шундай муомалада бўл. Ўзингга раво кўрмаган нарсани бошқалар бошига тушишини истама. Ичинг ҳам, ташинг ҳам гўзал бўлсин. Ўзинг ҳам, сўзинг ҳам гўзал бўлсин. Орқангдан “Илоҳим барака топсин“, дейишсин.
“Бахтли оила” китобидан.
👉 @diyonatli
Изоҳ:
Салом – Аллоҳнинг исмларидан бири. У саломитлик ва омонлик тилаш ҳисобланади. Айни пайтда дуо ҳамдир. У қаршингиздаги кишига ишонч беради. Мен сизга зиён келтирмийман, сизга яхшиликни соғинаман,дегани бўлади. Шу боис киши уйига кираётганида “Бисмиллаҳир роҳмани роҳийм”, деб, сўнг салом бериши лозим. Агар уйда одам бўлса, улар алик олишади. Мабодо, уйда ҳеч ким бўлмаса, фаришталарга салом берган ҳисобланади. Инсон шундай қилса, уйда шодлик ва хурсандчилик ҳукм суради. Унинг уйга кириб келишидан севинган яқинлари: “Келганингиздан бошимиз кўкка етди. Аллоҳ бахтимизга сизни омон сақласин”, деб қарши оладилар.
Аксинча, саломсиз ва қовоғини солган ҳолда нимадандир жаҳли чиқиб уйга кирган эркакдан хотини ва фарзандлари ўзини олиб қочади. У билан бирор нарса ҳақида гаплашишга қўрқишади. Гарчи, тил билан айтилмаса-да, киши ичида: “қаердан ҳам келди, яхшигина ўтирган эдик. Энди эркин юра олмаймиз. Қанийди янаям кечроқ келса”, деб ўйлаши мумкин.
Хотиржамлик йўқолиб жанжал кўтарилса, бу сўзлар кишининг тилига чиқиши ҳам мумкин. Афсуски, кейин кеч бўлади. Оила аъзобларининг бир-бирига муҳаббати ва ҳурмати йўқолиб, сабри тугайди. Бундай кўнгилсизликларнинг олдини олиш учун эса оддий, аммо ўта аҳамиятли ҳаракатларни амалга ошириш керак. Зеро, салом бериш, табассум қилиш пул билан сотиб олинмайди. Бойнинг ҳам, камбағалнинг ҳам, подшо-ю гадонинг ҳам қўлидан келади.
Хуллас, бу ерда таъкидлаётган жиҳат қуйидагича: сенга қандай муомила қилишларини истасанг, ўзинг бошқаларга шундай муомалада бўл. Ўзингга раво кўрмаган нарсани бошқалар бошига тушишини истама. Ичинг ҳам, ташинг ҳам гўзал бўлсин. Ўзинг ҳам, сўзинг ҳам гўзал бўлсин. Орқангдан “Илоҳим барака топсин“, дейишсин.
“Бахтли оила” китобидан.
👉 @diyonatli
👍4
ЧИРОЙЛИ САБР
Сабр билан зийнатланиш улуғ зотлар хусусиятларидан бўлиб, улар қийинчиликларни кенг юрак, кучли ирода ва мустаҳкам ифтихор билан қарши олишади. Агар сиз ва биз сабр қилмасак, унда нима қиламиз?!
Сизда сабрдан бошқа ечим борми? Бизга ундан ўзга чора топиб бера оласизми?
Улуғлар ҳаёти мусибат ва қийинчиликлар мусобақалашадиган майдон эдилар. Бир қийинчиликдан халос бўлиб, улгурмасларидан ҳар гал, бошқа бир мусибат зиёратга келарди. Улар эса сабрни қалқон қилиб, Аллоҳ таолога ишонч ила ҳимояланишарди.
Улуғ зотлар қийинчиликларни енгиб, муаммоларни ерга улоқтириш билан ғалаба қозонишади.
Сиз сабр қилаверинг, ўша сабрингиз Аллоҳ учун бўлади. Қийинчиликлардан қутулишга аниқ ишонган, охири яхшилигини билган, ажрни талаб қилган ва гуноҳлар кечирилишига рағбат қилган ҳолда сабр қилинг. Қийинчиликлар қанчалик кўп бўлса ҳам, сўқмоқ олдингизда зулмат таратса ҳам, албатта, ғалаба, сабр ва рўшнолик машаққат билан бўлади. Қийинчилик билан бирга енгиллик борлигига асло шубҳа йўқ.
Бу дунёдан ўтиб кетган улуғ зотлар тарихларини ўқиб, уларнинг сабру матонатларини кўриб, тўғриси, ҳайратга тушасиз. Улар бошларига мусибат тушганида, уни худди совуқ сув қатраларидек қабул қилар эдилар. Улар тоғлардек сабот ва ҳақиқатдек мустаҳкамлик узрадирлар. У озгина вақт холос. Сўнг уларнинг юзларида шодлик нурлари, зафар сурури ва нусрат асари балқади. Лекин уларнинг фақат сабри қачон бошимиздан бало кўтариларкан деб ётиб олиб кутиш эмасди. Аксинча, улар бало-офатларга қарши улкан сабр ила курашиш, мусибатларга осонгина бўйин эгишмасди.
"Ўкинма" китобидан.
👉 @diyonatli
Сабр билан зийнатланиш улуғ зотлар хусусиятларидан бўлиб, улар қийинчиликларни кенг юрак, кучли ирода ва мустаҳкам ифтихор билан қарши олишади. Агар сиз ва биз сабр қилмасак, унда нима қиламиз?!
Сизда сабрдан бошқа ечим борми? Бизга ундан ўзга чора топиб бера оласизми?
Улуғлар ҳаёти мусибат ва қийинчиликлар мусобақалашадиган майдон эдилар. Бир қийинчиликдан халос бўлиб, улгурмасларидан ҳар гал, бошқа бир мусибат зиёратга келарди. Улар эса сабрни қалқон қилиб, Аллоҳ таолога ишонч ила ҳимояланишарди.
Улуғ зотлар қийинчиликларни енгиб, муаммоларни ерга улоқтириш билан ғалаба қозонишади.
Сиз сабр қилаверинг, ўша сабрингиз Аллоҳ учун бўлади. Қийинчиликлардан қутулишга аниқ ишонган, охири яхшилигини билган, ажрни талаб қилган ва гуноҳлар кечирилишига рағбат қилган ҳолда сабр қилинг. Қийинчиликлар қанчалик кўп бўлса ҳам, сўқмоқ олдингизда зулмат таратса ҳам, албатта, ғалаба, сабр ва рўшнолик машаққат билан бўлади. Қийинчилик билан бирга енгиллик борлигига асло шубҳа йўқ.
Бу дунёдан ўтиб кетган улуғ зотлар тарихларини ўқиб, уларнинг сабру матонатларини кўриб, тўғриси, ҳайратга тушасиз. Улар бошларига мусибат тушганида, уни худди совуқ сув қатраларидек қабул қилар эдилар. Улар тоғлардек сабот ва ҳақиқатдек мустаҳкамлик узрадирлар. У озгина вақт холос. Сўнг уларнинг юзларида шодлик нурлари, зафар сурури ва нусрат асари балқади. Лекин уларнинг фақат сабри қачон бошимиздан бало кўтариларкан деб ётиб олиб кутиш эмасди. Аксинча, улар бало-офатларга қарши улкан сабр ила курашиш, мусибатларга осонгина бўйин эгишмасди.
"Ўкинма" китобидан.
👉 @diyonatli
👏2👍1
БУНДАН ҲАМ ГЎЗАЛ ҲУШХАБАР БОРМИ...
Машҳур аллома шаҳид Муҳаммад Саъид Рамазон Бутий раҳматуллоҳи алайҳ уйланганларидан таҳминан бир ҳафта кейин ўзлари билан боғлиқ бўлган бир қиссани айтиб берадилар;
Бир куни эрталаб ҳужрам эшиги тақиллаб қолди. Мен масжидда намоз ўқиб бўлгандан кейин келиб ухлаётган эдим. Бу уйланганимдан таҳминан бир ҳафта ўтиб бўлган эди. Отам баланд овоз билан мени чақириб; Сен ҳали ҳам уйқудамисан, сенга келган ҳушхабарлар сени кечаси билан шукр саждасини қилиб ўтказишингни талаб қилади-ку!! - дедилар.
У кишининг қичқириқларидан уйғониб кетдим ва чиқиб у киши далолат қилаётган ҳушхабар ҳақида сўрадим.
Отам айтдики; "Бу кеча тушумда Расулуллоҳ соллаллоҳу алайҳи ва салламнинг келганларини кўрдим. У зот билан бирга бир неча кишилар ҳам бор эди. Билдимки улар у зотнинг саҳобалари экан..
У зот менга; Саъидни уйланганлиги билан муборакбод этгани келдик, дедилар".
Бу хабар менга ушбу уйланиш саодатини ҳис қилдирган нарсаларнинг биринчиси эди. Кейин Аллоҳ ҳадя қилган ушбу улуғ яхшилик ва мўл-кўл саодат бугунгача давом этди.
”Бу менинг отам” номли китобидан Абдуллоҳ Ғуломов таржимаси.
👉 @diyonatli
Машҳур аллома шаҳид Муҳаммад Саъид Рамазон Бутий раҳматуллоҳи алайҳ уйланганларидан таҳминан бир ҳафта кейин ўзлари билан боғлиқ бўлган бир қиссани айтиб берадилар;
Бир куни эрталаб ҳужрам эшиги тақиллаб қолди. Мен масжидда намоз ўқиб бўлгандан кейин келиб ухлаётган эдим. Бу уйланганимдан таҳминан бир ҳафта ўтиб бўлган эди. Отам баланд овоз билан мени чақириб; Сен ҳали ҳам уйқудамисан, сенга келган ҳушхабарлар сени кечаси билан шукр саждасини қилиб ўтказишингни талаб қилади-ку!! - дедилар.
У кишининг қичқириқларидан уйғониб кетдим ва чиқиб у киши далолат қилаётган ҳушхабар ҳақида сўрадим.
Отам айтдики; "Бу кеча тушумда Расулуллоҳ соллаллоҳу алайҳи ва салламнинг келганларини кўрдим. У зот билан бирга бир неча кишилар ҳам бор эди. Билдимки улар у зотнинг саҳобалари экан..
У зот менга; Саъидни уйланганлиги билан муборакбод этгани келдик, дедилар".
Бу хабар менга ушбу уйланиш саодатини ҳис қилдирган нарсаларнинг биринчиси эди. Кейин Аллоҳ ҳадя қилган ушбу улуғ яхшилик ва мўл-кўл саодат бугунгача давом этди.
”Бу менинг отам” номли китобидан Абдуллоҳ Ғуломов таржимаси.
👉 @diyonatli
👍6
АЛЛОҲ БЕРГАНИГА РОЗИ БЎЛИНГ, ОДАМЛАРНИНГ БОЙИ БЎЛАСИЗ
Бунинг учун биринчи қадам - ўзингизга берилган тана, мол-давлат, бола-чақа, бошпана ва қобилиятга рози бўлишингиз ҳамда қаноат қилишингиз лозим. Чунки Қуръони карим шунга буюради: "Бас, сенга берганимни (қабул этиб) ол ва шукр қилувчилардан бўл!" (Аъроф сураси, 144-оят).
Салаф олимлар ва илгари яшаб ўтганларнинг кўпи камбағал бўлишган. Уларда турли буюмлар, ҳашаматли уйлар, уловлар ва хизматкорлар бўлмаган бахтиёр қилишган. Чунки улар Аллоҳ ато этган яхшиликларни тўғри йўлга йўналтира олишган. Натижада уларнинг умрлари, вақтлари ва қобилиятларида барака бўлган.
Аммо бу муборак қатламга қарама-қарши ўлароқ мол-дунё, бола-чақа ва бошқа турли неъматлар ато этилган бир тоифа бор, бу неъматлар уларни баҳтсиз ва тубан қилди. Чунки улар соғлом фитратдан ва ҳақ йўлдан оғди. Демак, натижани у неъматлар белгиламайди. Яъни, неъматнинг ўзи ҳам ҳеч нарса эмас.
Дунёнинг ҳамма жойида ўтадиган дипломларни кўтариб олганларга боқинг. Аслида уларнинг дипломлари ҳам, онги ва таъсир доираси ҳам жуда арзимас. Аммо, айни чоғда айрим билими чегараланган кишилар бор, улар бу озгина билимини ўзгаларга манфаат етказишга, ислоҳот ва бунёдкорликка сарфлаб, гўё кичкина ариқни серсув дарёга айлантирган.
Агар сиз бахтли ҳаёт хоҳласангиз, Аллоҳ берган жисмингизга, оилавий аҳволингизга, овозингизга, англаш қобилиятингизга ва келаётган даромадингизга рози бўлинг. Баъзи зоҳид мураббийлар: "Эришганингдан озига ва интилганингдан пастроғига рози бўл!" дейишади.
Сизга дунёдаги насибалари чегараланган, аммо ўзлари ўрнак бўларли ёрқин шахслардан айримларини танитаман:
Ато ибн Абу Рабоҳ ўз замонасининг тенгсиз олими бўлган. Бироқ бурни пучуқ, шол, жингалак сочли қора қул эди.
Аҳнаф ибн Қайс араблар ичида жуда ҳалим, озғин жисмли, букри, оёғи қийшиқ, тузилиши заиф зот эди.
Дунё муҳаддиси Аъмаш қул, кўз нури заиф, ўта камбағал, жулдур кийимли, кўриниши ва уйи бир аҳволда бўлган.
Пайғамбарларнинг барчалари қўй боқишган. Довуд алайҳиссалом темирчи, Закариё алайҳиссалом дурадгор, Идрис алайҳиссалом тикувчи бўлган. Улар инсонлар орасидан танланганлари ва башариятнинг энг афзаллари эдилар.
Шундай экан, сизни иқтидорингиз, солиҳ амалингиз, ўзгаларга манфаатингиз ва хулқингиз қадрли қилади. Йўқотган чиройингиз, бой берган молингиз ва аҳли-аёлингиздан афсусланманг. Аллоҳнинг тақсимига рози бўлинг. "Уларнинг ҳаёти дунёдаги тирикчиликларини ҳам уларнинг ўрталарида Биз тақсимлаганмиз" (Зухруф сураси, 32-оят).
"Ўкинма" китобидан.
👉 @diyonatli
Бунинг учун биринчи қадам - ўзингизга берилган тана, мол-давлат, бола-чақа, бошпана ва қобилиятга рози бўлишингиз ҳамда қаноат қилишингиз лозим. Чунки Қуръони карим шунга буюради: "Бас, сенга берганимни (қабул этиб) ол ва шукр қилувчилардан бўл!" (Аъроф сураси, 144-оят).
Салаф олимлар ва илгари яшаб ўтганларнинг кўпи камбағал бўлишган. Уларда турли буюмлар, ҳашаматли уйлар, уловлар ва хизматкорлар бўлмаган бахтиёр қилишган. Чунки улар Аллоҳ ато этган яхшиликларни тўғри йўлга йўналтира олишган. Натижада уларнинг умрлари, вақтлари ва қобилиятларида барака бўлган.
Аммо бу муборак қатламга қарама-қарши ўлароқ мол-дунё, бола-чақа ва бошқа турли неъматлар ато этилган бир тоифа бор, бу неъматлар уларни баҳтсиз ва тубан қилди. Чунки улар соғлом фитратдан ва ҳақ йўлдан оғди. Демак, натижани у неъматлар белгиламайди. Яъни, неъматнинг ўзи ҳам ҳеч нарса эмас.
Дунёнинг ҳамма жойида ўтадиган дипломларни кўтариб олганларга боқинг. Аслида уларнинг дипломлари ҳам, онги ва таъсир доираси ҳам жуда арзимас. Аммо, айни чоғда айрим билими чегараланган кишилар бор, улар бу озгина билимини ўзгаларга манфаат етказишга, ислоҳот ва бунёдкорликка сарфлаб, гўё кичкина ариқни серсув дарёга айлантирган.
Агар сиз бахтли ҳаёт хоҳласангиз, Аллоҳ берган жисмингизга, оилавий аҳволингизга, овозингизга, англаш қобилиятингизга ва келаётган даромадингизга рози бўлинг. Баъзи зоҳид мураббийлар: "Эришганингдан озига ва интилганингдан пастроғига рози бўл!" дейишади.
Сизга дунёдаги насибалари чегараланган, аммо ўзлари ўрнак бўларли ёрқин шахслардан айримларини танитаман:
Ато ибн Абу Рабоҳ ўз замонасининг тенгсиз олими бўлган. Бироқ бурни пучуқ, шол, жингалак сочли қора қул эди.
Аҳнаф ибн Қайс араблар ичида жуда ҳалим, озғин жисмли, букри, оёғи қийшиқ, тузилиши заиф зот эди.
Дунё муҳаддиси Аъмаш қул, кўз нури заиф, ўта камбағал, жулдур кийимли, кўриниши ва уйи бир аҳволда бўлган.
Пайғамбарларнинг барчалари қўй боқишган. Довуд алайҳиссалом темирчи, Закариё алайҳиссалом дурадгор, Идрис алайҳиссалом тикувчи бўлган. Улар инсонлар орасидан танланганлари ва башариятнинг энг афзаллари эдилар.
Шундай экан, сизни иқтидорингиз, солиҳ амалингиз, ўзгаларга манфаатингиз ва хулқингиз қадрли қилади. Йўқотган чиройингиз, бой берган молингиз ва аҳли-аёлингиздан афсусланманг. Аллоҳнинг тақсимига рози бўлинг. "Уларнинг ҳаёти дунёдаги тирикчиликларини ҳам уларнинг ўрталарида Биз тақсимлаганмиз" (Зухруф сураси, 32-оят).
"Ўкинма" китобидан.
👉 @diyonatli
👍8
ШОМИ ШАРИФ
Ғам-ташвишдан озгина узоқлашайлик!
Қирқ йил ўтганига қарамасдан мен у воқеани майда икир-чикирларигача эслайман. Бу ота-бола ҳеч ҳам ёдимдан чиқмайди.
Расмий газеталарда эъдодийя шаҳодатномаси натижалари эълон қилингач, улар орасида номимни кўриб беҳад қувондим. Эртаси куни Сувайдодан Дамашққа сафар қилишни мақсад қилдим. Чўнтагимда бир кумуш лира ва Суриянинг беш қоғоз лираси бор эди. Бир кумуш лирани автобусга бердим. Чўнтагимда беш қоғоз лира қолди. Бунга Дамашқдан ширинлик, хусусан Шом пирожнийсидан сотиб олишни ният қилдим. Солиҳийя ва Ҳамидийя бозорига бориб, Жобий эшиги томон йўналдим. Ширинликлар дўконига кирдим. Дўконда дўкондор ўзининг кичик ўғли билан ўтирган экан. Ундан 1 кг пирожний, 1 кг кунжутли юпқа ширинлик ва 1 кг бодомли пирожний беришини сўрадим. Аммо қўлимни чўнтагимга солганимда беш қоғоз лира йўқ эди. Юзимда хафалик зоҳир бўлиб дўкондорга узр айтдим:
– Сўраган нарсаларимни кейин келиб олиб кетаман!
Сотувчи табассум ила сўради:
– Ҳа, пул уйда қолибдими?!
– Менимча пулни йўқотиб қўйдим. Беш қоғоз лира эди.
У сўради:
– Қаерда яшайсиз?
–Сувайдода, саййидим.
У деди:
– Ўтиринг, болам. Озгина дам олинг.
Сўнг у бир қадаҳга чой қуйиб менга узатди:
– Марҳамат, ўғилчам билан бирга чой ичинг!
Сўнг дўкондор юқоридаги ширинликларни бир идишга солиб менга тутди:
– Буни олинг. Пулини келаси сафар берасиз.
Мен дедим:
– Саййидим! Мен ҳали-бери келмасам керак. Бировдан қарз бўлиб қолишни истамайман.
У табассум-ла деди:
– Мен аниқ ишонаман. Сиз келиб буларнинг пулини берасиз!
У мени идишни олишимни сўраб қаттиқ туриб олди. Мен уларни олдим. Жуда хижолат бўлдим. Дўкондор ва ўғилчаси билан хайрлашиб дўкондан чиқдим. Озгина юрганимдан сўнг дўкондорнинг ўғилчаси ортимдан чақириб қолди. Мен тўхтадим. Бола деди:
– Отам дўкондан беш лира топиб олдилар. Сиз туширган бўлсангиз керак. Ширинликларга яраша пул олиб қолиб қайтимини бердилар!
Мен жуда хурсанд бўлдим. Энди елкамда қарз юки йўқ. Сувайдога борадиган автобусга ҳам пулим бор. Алҳамдулиллаҳ бировдан қарз сўрамайдиган бўлдим.
Болага раҳмат айтдим. Отасига ҳам раҳмат айтишини тайинладим.
Сўнгра пулни чўнтагимга солдим.
Сувайдога етиб келгач, шимимнинг чўнтакларига қўл солиб унинг орқа чўнтагидан беш қоғоз лирани топиб олдим. Отамга бўлиб ўтган воқеани айтиб бердим. Отам кулиб дедилар:
– Булар Шом савдогарлари, Ҳалаб савдогарлари. Уларнинг ота-боболари шундай бўлишган. Инсонийликнинг барча маънолари уларда мужассам. Аммо сен у беш лирани унга қайтаришинг лозим. У қарздир. Онанг пиширган нондан уларга олиб бориб, уларни уйимизга меҳмонга таклиф қиласан!
Келаси ҳафтада онам пиширган нон билан беш лирани олиб йўлга чиқдим. Дўкондор мени узоқдан кўриб табассум билан деди:
– Айтмабмидим сизга қайтиб келасиз деб... мана бу ҳарисани олинг! Сувайдодагиларга салом айтинг!
Қачон янги мақтанчоқ савдогар ва савдогарчаларни кўрсам ўша ота-боланинг сиймоси кўз олдимда гавдаланади...
Сақар ал-Мулҳим
"Қалблардан сўранг" китобидан олинди.
@diyonatli
Ғам-ташвишдан озгина узоқлашайлик!
Қирқ йил ўтганига қарамасдан мен у воқеани майда икир-чикирларигача эслайман. Бу ота-бола ҳеч ҳам ёдимдан чиқмайди.
Расмий газеталарда эъдодийя шаҳодатномаси натижалари эълон қилингач, улар орасида номимни кўриб беҳад қувондим. Эртаси куни Сувайдодан Дамашққа сафар қилишни мақсад қилдим. Чўнтагимда бир кумуш лира ва Суриянинг беш қоғоз лираси бор эди. Бир кумуш лирани автобусга бердим. Чўнтагимда беш қоғоз лира қолди. Бунга Дамашқдан ширинлик, хусусан Шом пирожнийсидан сотиб олишни ният қилдим. Солиҳийя ва Ҳамидийя бозорига бориб, Жобий эшиги томон йўналдим. Ширинликлар дўконига кирдим. Дўконда дўкондор ўзининг кичик ўғли билан ўтирган экан. Ундан 1 кг пирожний, 1 кг кунжутли юпқа ширинлик ва 1 кг бодомли пирожний беришини сўрадим. Аммо қўлимни чўнтагимга солганимда беш қоғоз лира йўқ эди. Юзимда хафалик зоҳир бўлиб дўкондорга узр айтдим:
– Сўраган нарсаларимни кейин келиб олиб кетаман!
Сотувчи табассум ила сўради:
– Ҳа, пул уйда қолибдими?!
– Менимча пулни йўқотиб қўйдим. Беш қоғоз лира эди.
У сўради:
– Қаерда яшайсиз?
–Сувайдода, саййидим.
У деди:
– Ўтиринг, болам. Озгина дам олинг.
Сўнг у бир қадаҳга чой қуйиб менга узатди:
– Марҳамат, ўғилчам билан бирга чой ичинг!
Сўнг дўкондор юқоридаги ширинликларни бир идишга солиб менга тутди:
– Буни олинг. Пулини келаси сафар берасиз.
Мен дедим:
– Саййидим! Мен ҳали-бери келмасам керак. Бировдан қарз бўлиб қолишни истамайман.
У табассум-ла деди:
– Мен аниқ ишонаман. Сиз келиб буларнинг пулини берасиз!
У мени идишни олишимни сўраб қаттиқ туриб олди. Мен уларни олдим. Жуда хижолат бўлдим. Дўкондор ва ўғилчаси билан хайрлашиб дўкондан чиқдим. Озгина юрганимдан сўнг дўкондорнинг ўғилчаси ортимдан чақириб қолди. Мен тўхтадим. Бола деди:
– Отам дўкондан беш лира топиб олдилар. Сиз туширган бўлсангиз керак. Ширинликларга яраша пул олиб қолиб қайтимини бердилар!
Мен жуда хурсанд бўлдим. Энди елкамда қарз юки йўқ. Сувайдога борадиган автобусга ҳам пулим бор. Алҳамдулиллаҳ бировдан қарз сўрамайдиган бўлдим.
Болага раҳмат айтдим. Отасига ҳам раҳмат айтишини тайинладим.
Сўнгра пулни чўнтагимга солдим.
Сувайдога етиб келгач, шимимнинг чўнтакларига қўл солиб унинг орқа чўнтагидан беш қоғоз лирани топиб олдим. Отамга бўлиб ўтган воқеани айтиб бердим. Отам кулиб дедилар:
– Булар Шом савдогарлари, Ҳалаб савдогарлари. Уларнинг ота-боболари шундай бўлишган. Инсонийликнинг барча маънолари уларда мужассам. Аммо сен у беш лирани унга қайтаришинг лозим. У қарздир. Онанг пиширган нондан уларга олиб бориб, уларни уйимизга меҳмонга таклиф қиласан!
Келаси ҳафтада онам пиширган нон билан беш лирани олиб йўлга чиқдим. Дўкондор мени узоқдан кўриб табассум билан деди:
– Айтмабмидим сизга қайтиб келасиз деб... мана бу ҳарисани олинг! Сувайдодагиларга салом айтинг!
Қачон янги мақтанчоқ савдогар ва савдогарчаларни кўрсам ўша ота-боланинг сиймоси кўз олдимда гавдаланади...
Сақар ал-Мулҳим
"Қалблардан сўранг" китобидан олинди.
@diyonatli
👍7
ТОРТИШУВНИНГ ОҚИБАТИ
Икки мушук каттагина пишлоқ бўлагини топиб олишибди. Аммо тақсимлай олмай, тортишиб қолишибди. Сўнг орани ажрим қилиш учун маймуннинг олдига боришибди. Маймун пишлоқнинг бирини каттароқ, бошқасини кичикроқ қилиб иккига бўлибди ва ҳар иккала бўлакни тарозининг икки палласига қўйибди. Табиийки, катта бўлак томон оғир келибди. Маймун оғир келган пишлоқдан бир тишлаб олиб, яна тарозига қўйса, энди тишланмаган бўлак оғир чиқибди. Маймун оғир келган томонни тенглаш учун яна бир тишлабди, энди тишланмаган пишлоқ оғир келибди. Маймун ҳар гал оғир келган пишлоқни тишлаб олавериб, охири қолган икки бўлакни ҳам еб қўяй дебди. Шунда мушуклар:
- Бу тақсимга розимиз, энди ўзимизга тегишли пишлоқ бўлагини бер, - дейишибди. Шунда маймун:
- Тарозида тортиб, сизларга ҳакамлик қилганим учун булар менинг ҳақимдир, - деб қолган пишлоқ бўлакларини ҳам оғзига солибди. Икки мушук бекорга тортишганларига афсус чекиб, пишлоқдан ҳам қуруқ қолишибди.
"Кўҳна дунё ривоятлари" китобидан.
👉 @diyonatli
Икки мушук каттагина пишлоқ бўлагини топиб олишибди. Аммо тақсимлай олмай, тортишиб қолишибди. Сўнг орани ажрим қилиш учун маймуннинг олдига боришибди. Маймун пишлоқнинг бирини каттароқ, бошқасини кичикроқ қилиб иккига бўлибди ва ҳар иккала бўлакни тарозининг икки палласига қўйибди. Табиийки, катта бўлак томон оғир келибди. Маймун оғир келган пишлоқдан бир тишлаб олиб, яна тарозига қўйса, энди тишланмаган бўлак оғир чиқибди. Маймун оғир келган томонни тенглаш учун яна бир тишлабди, энди тишланмаган пишлоқ оғир келибди. Маймун ҳар гал оғир келган пишлоқни тишлаб олавериб, охири қолган икки бўлакни ҳам еб қўяй дебди. Шунда мушуклар:
- Бу тақсимга розимиз, энди ўзимизга тегишли пишлоқ бўлагини бер, - дейишибди. Шунда маймун:
- Тарозида тортиб, сизларга ҳакамлик қилганим учун булар менинг ҳақимдир, - деб қолган пишлоқ бўлакларини ҳам оғзига солибди. Икки мушук бекорга тортишганларига афсус чекиб, пишлоқдан ҳам қуруқ қолишибди.
"Кўҳна дунё ривоятлари" китобидан.
👉 @diyonatli
👍6😁1
ЖАҲЛ ШИРИНМИ?!
Жаҳл чиққанда ақл кетади, оқибат дилга шикаст етказувчи аччиқ сўз айтилди. У ўша дамда нафсимизга жуда маъқул бўлади. Лекин унинг ортидан бахтсизлик келади. Игна билан қудуқ қазигандай топган ҳамма яхши нарсаларингизни жаҳл бир зумда сувга оқизади. Жаҳл кишининг энг катта душманидир. Буни асло ёддан чиқармаслик лозим. Жаҳлдорлик - ўткинчи телбаликдир. Шунинг учун жаҳл отидан тушмагунча, бирор қарор қабул қилманг, бировга бир оғиз ҳам гапирманг. Жаҳл устида нималардир деб, яқинидан бир умрга айрилганлар камми бу дунёда?! Жаҳл устида қилинган ҳар бир иш сизга фақат зарар келтиради. Пайғамбаримиз соллаллоҳу алайҳи васаллам марҳамат қилганларидай: "Ҳақиқий иродаси мустаҳкам, кучли киши - рақибини енгган эмас, балки жаҳлини (ғазабини) енга олган кишидир".
Бирор нарсадан асабийлашиб турган кишини жаҳл отидан тушириш, унга яхши гапириб ғазабига сув сепиш - чин мўминнинг ишидир. Аксинча, аччиғи чиқиб турганида баттар гиж-гижлаб, яқин кишиларни уриштириб қўядиган нокаслар ҳам учраб туради, бу ҳаётда! Ҳатто, жаҳл кишини иймондан айиришгача боради. Жаҳлини енга олмаган кишилар оилада ҳам ўз ҳурматини йўқотади. Синган чиннини асл ҳолига қайтариб бўлмаганидай, баъзи оилавий муносабатларда ҳам аввалги севгини қайтариб бўлмайди. Жаҳл сабаб эр-хотин уришиб қолса, тезда ярашиб кетиши керак. Аммо ҳаётда ҳар доим ҳам ундай бўлмайди. Асоссиз жаҳл туфайли эр-хотин орасида низо, бошқа салбий муносабатлар пайдо бўлиши мумкин. Қуйида берилган маслаҳатларга амал қилсангиз, бундай аламли кунларни четлаб ўтишингиз мумкин:
• Эр-хотин орасида тушунмовчилик туфайли жанжал чиқса, ҳақоратлашга йўл қўйманг. Бунинг ўрнига ўз фикрингизни уқтиринг. Аммо турмуш ўртоғингизни ҳақорат қилманг. Жаҳл устида айтилган ҳақорат қалбни жароҳатлайди ва бир умрга меҳрибон умр йўлдошингизни йўқотасиз.
• Жаҳлингиз чиқиб уришаётганингизда турмуш ўртоғингизнинг қариндошлари ёки дўстлари номини асло тилга олманг.
• Мавзудан четлашманг. Эр-хотин уришаётганда юз йил олдинги можароларни қўшманг. Акс ҳолда жанжал катталашиб кетади.Фақат жанални келтириб чиқарган мавзуни муҳокама қилинг.
• Жаҳл иймондан айиради. Асло болалар олдида жанжаллашманг. Улар ёнида бир-бирингизни камситманг, ҳақорат қилманг. Фарзандингиз сизни тушунмай нотўғри хулоса чиқаради. Жаҳл устида шундай қилсангиз, фарзандингиз олдида ҳурматингизни йўқотасиз ва у сизнинг насиҳатларингизни инобатга олмай қўяди.
• Уришаётганингизда турмуш ўртоғингиз нима деётганига ҳам қулоқ солиб кўринг: балки у ҳақдир.
Ўзаро тушунмовчилик ёки аламдан сўнг айбдор кечирим сўраса, урушнинг нимадан келиб чиққани ҳам эсдан чиқади. Жаҳл устида бир-бирини ранжитгандан кўра, ширин гап билан вазиятни юмшата олиш ақлли кишининг ишидир. Жаҳл ҳам ҳаётда кўп муаммоларга сабаб бўлади. Шундай экан, ўзингизни иймонли санасангиз, ақл билан иш юритинг. Нафсингиз ҳукмига кирсангиз, жаҳлга берилиб, кўп нарсани йўқотасиз. Наҳотки, нафсингизни назорат қилиш шунчалар қийин бўлса?! Балки, дангасалик қилаётгандирсиз? Ҳаётингиз гўзал бўлиши шу оддий ҳақиқатга боғлиқ эканлигини унутманг. Ҳар қадамингизда бахт сизни кулиб кутиб турибди. Эрта тонгда шу кунга етказгани учун Аллоҳга шукрона келтириб, яхши ниятлар билан ҳаётингизнинг бир кунини бошласангиз, бахтсиз саналасизми? Ҳамма гап ўзимизда, қилаётган ниятимизда! Ҳаёт сизга кулиб боқмаса, сиз ҳаётга кулиб боқинг...
"Ғам-қайғусиз яшай десангиз (ўксинма)" китобидан.
👉 @diyonatli
Жаҳл чиққанда ақл кетади, оқибат дилга шикаст етказувчи аччиқ сўз айтилди. У ўша дамда нафсимизга жуда маъқул бўлади. Лекин унинг ортидан бахтсизлик келади. Игна билан қудуқ қазигандай топган ҳамма яхши нарсаларингизни жаҳл бир зумда сувга оқизади. Жаҳл кишининг энг катта душманидир. Буни асло ёддан чиқармаслик лозим. Жаҳлдорлик - ўткинчи телбаликдир. Шунинг учун жаҳл отидан тушмагунча, бирор қарор қабул қилманг, бировга бир оғиз ҳам гапирманг. Жаҳл устида нималардир деб, яқинидан бир умрга айрилганлар камми бу дунёда?! Жаҳл устида қилинган ҳар бир иш сизга фақат зарар келтиради. Пайғамбаримиз соллаллоҳу алайҳи васаллам марҳамат қилганларидай: "Ҳақиқий иродаси мустаҳкам, кучли киши - рақибини енгган эмас, балки жаҳлини (ғазабини) енга олган кишидир".
Бирор нарсадан асабийлашиб турган кишини жаҳл отидан тушириш, унга яхши гапириб ғазабига сув сепиш - чин мўминнинг ишидир. Аксинча, аччиғи чиқиб турганида баттар гиж-гижлаб, яқин кишиларни уриштириб қўядиган нокаслар ҳам учраб туради, бу ҳаётда! Ҳатто, жаҳл кишини иймондан айиришгача боради. Жаҳлини енга олмаган кишилар оилада ҳам ўз ҳурматини йўқотади. Синган чиннини асл ҳолига қайтариб бўлмаганидай, баъзи оилавий муносабатларда ҳам аввалги севгини қайтариб бўлмайди. Жаҳл сабаб эр-хотин уришиб қолса, тезда ярашиб кетиши керак. Аммо ҳаётда ҳар доим ҳам ундай бўлмайди. Асоссиз жаҳл туфайли эр-хотин орасида низо, бошқа салбий муносабатлар пайдо бўлиши мумкин. Қуйида берилган маслаҳатларга амал қилсангиз, бундай аламли кунларни четлаб ўтишингиз мумкин:
• Эр-хотин орасида тушунмовчилик туфайли жанжал чиқса, ҳақоратлашга йўл қўйманг. Бунинг ўрнига ўз фикрингизни уқтиринг. Аммо турмуш ўртоғингизни ҳақорат қилманг. Жаҳл устида айтилган ҳақорат қалбни жароҳатлайди ва бир умрга меҳрибон умр йўлдошингизни йўқотасиз.
• Жаҳлингиз чиқиб уришаётганингизда турмуш ўртоғингизнинг қариндошлари ёки дўстлари номини асло тилга олманг.
• Мавзудан четлашманг. Эр-хотин уришаётганда юз йил олдинги можароларни қўшманг. Акс ҳолда жанжал катталашиб кетади.Фақат жанални келтириб чиқарган мавзуни муҳокама қилинг.
• Жаҳл иймондан айиради. Асло болалар олдида жанжаллашманг. Улар ёнида бир-бирингизни камситманг, ҳақорат қилманг. Фарзандингиз сизни тушунмай нотўғри хулоса чиқаради. Жаҳл устида шундай қилсангиз, фарзандингиз олдида ҳурматингизни йўқотасиз ва у сизнинг насиҳатларингизни инобатга олмай қўяди.
• Уришаётганингизда турмуш ўртоғингиз нима деётганига ҳам қулоқ солиб кўринг: балки у ҳақдир.
Ўзаро тушунмовчилик ёки аламдан сўнг айбдор кечирим сўраса, урушнинг нимадан келиб чиққани ҳам эсдан чиқади. Жаҳл устида бир-бирини ранжитгандан кўра, ширин гап билан вазиятни юмшата олиш ақлли кишининг ишидир. Жаҳл ҳам ҳаётда кўп муаммоларга сабаб бўлади. Шундай экан, ўзингизни иймонли санасангиз, ақл билан иш юритинг. Нафсингиз ҳукмига кирсангиз, жаҳлга берилиб, кўп нарсани йўқотасиз. Наҳотки, нафсингизни назорат қилиш шунчалар қийин бўлса?! Балки, дангасалик қилаётгандирсиз? Ҳаётингиз гўзал бўлиши шу оддий ҳақиқатга боғлиқ эканлигини унутманг. Ҳар қадамингизда бахт сизни кулиб кутиб турибди. Эрта тонгда шу кунга етказгани учун Аллоҳга шукрона келтириб, яхши ниятлар билан ҳаётингизнинг бир кунини бошласангиз, бахтсиз саналасизми? Ҳамма гап ўзимизда, қилаётган ниятимизда! Ҳаёт сизга кулиб боқмаса, сиз ҳаётга кулиб боқинг...
"Ғам-қайғусиз яшай десангиз (ўксинма)" китобидан.
👉 @diyonatli
👍4
НАМОЗДАН ЁРДАМ ОЛИНГ
"Эй имон келтирганлар! Сабр ва намоз билан (Мендан) ёрдам сўранглар! Албатта, Аллоҳ сабр қилувчилар билан биргадир". (Бақара сураси, 214-оят).
Агар сизга тўсатдан хавф-хатар келиб қолса, бошингиз хафаликдан чиқмай қолса ёки ғам ёқангиздан олса, шу заҳоти намоз ўқинг. Шунда руҳингиз ором олиб, нафсингиз хотиржам бўлади. Аллоҳ изни ила ғам-андуҳ ва тушкунлик асоратларини бартараф этишга намознинг ўзи етарлидир. Агар Расулуллоҳ соллаллоҳу алайҳи васалламни бирор иш ташвишга солса: "Эй Билол! Бизни намоз билан роҳатлантир", дер эдилар. Албатта, намоз у зотнинг кўз қувончлари, саодатлари ҳамда шодликлари эди.
Солиҳ салафлар ҳаётлари билан танишиш мақсадида тарих китобларини ўқисангиз, бир нарсани кузатасиз: агар улар устига қийинчиликлар бостириб келса ёки бирон кулфат юз берса, итоаткорлик ила намозга шошардилар. Шунда иқтидор, ирода ва ҳимматлари асл ҳолига қайтар эди.
Хавф-хатар чоғида ва ўлим хавфи келганида, хавф намозини ўқиш лозим. Чунки энг катта хотиржамлик ва энг яхши осудаликни қалб ҳузури ила ўқилган намоз беради.
Руҳий ва нафсий касалликларга чалинган авлод ўзини бу оғир азобдан сақлаш учун энг биринчи галда масжиднинг тупроғини ялаб, пешоналарини Раббилари розилиги учун чанг қилмоқлари лозим. Акс ҳолда, кўзёшлари қовоқларини ачиштириб, хафалик асабларни парчалайверади. Ҳеч бир нарса уларга намозчалик тинчлик-хотиржамлик олиб келмайди.
Агар фикр юритсак, гуноҳлар учун каффорат ҳам, Раббимиз ҳузуридаги даражамиз юксалиши сабабчиси ҳам ҳар кунлик беш вақт намозимиздир. Шу маънода у энг буюк неъматдир. У яна ғамларимизнинг улкан муолажаси, дардларимизнинг давосидир. У қалбларимизни соф ишонч ҳис-туйғуси ва барча нарсадан розилик ҳислари билан тўлдиради.
"Ўкинма" китобидан.
👉 @diyonatli
"Эй имон келтирганлар! Сабр ва намоз билан (Мендан) ёрдам сўранглар! Албатта, Аллоҳ сабр қилувчилар билан биргадир". (Бақара сураси, 214-оят).
Агар сизга тўсатдан хавф-хатар келиб қолса, бошингиз хафаликдан чиқмай қолса ёки ғам ёқангиздан олса, шу заҳоти намоз ўқинг. Шунда руҳингиз ором олиб, нафсингиз хотиржам бўлади. Аллоҳ изни ила ғам-андуҳ ва тушкунлик асоратларини бартараф этишга намознинг ўзи етарлидир. Агар Расулуллоҳ соллаллоҳу алайҳи васалламни бирор иш ташвишга солса: "Эй Билол! Бизни намоз билан роҳатлантир", дер эдилар. Албатта, намоз у зотнинг кўз қувончлари, саодатлари ҳамда шодликлари эди.
Солиҳ салафлар ҳаётлари билан танишиш мақсадида тарих китобларини ўқисангиз, бир нарсани кузатасиз: агар улар устига қийинчиликлар бостириб келса ёки бирон кулфат юз берса, итоаткорлик ила намозга шошардилар. Шунда иқтидор, ирода ва ҳимматлари асл ҳолига қайтар эди.
Хавф-хатар чоғида ва ўлим хавфи келганида, хавф намозини ўқиш лозим. Чунки энг катта хотиржамлик ва энг яхши осудаликни қалб ҳузури ила ўқилган намоз беради.
Руҳий ва нафсий касалликларга чалинган авлод ўзини бу оғир азобдан сақлаш учун энг биринчи галда масжиднинг тупроғини ялаб, пешоналарини Раббилари розилиги учун чанг қилмоқлари лозим. Акс ҳолда, кўзёшлари қовоқларини ачиштириб, хафалик асабларни парчалайверади. Ҳеч бир нарса уларга намозчалик тинчлик-хотиржамлик олиб келмайди.
Агар фикр юритсак, гуноҳлар учун каффорат ҳам, Раббимиз ҳузуридаги даражамиз юксалиши сабабчиси ҳам ҳар кунлик беш вақт намозимиздир. Шу маънода у энг буюк неъматдир. У яна ғамларимизнинг улкан муолажаси, дардларимизнинг давосидир. У қалбларимизни соф ишонч ҳис-туйғуси ва барча нарсадан розилик ҳислари билан тўлдиради.
"Ўкинма" китобидан.
👉 @diyonatli
КАМПИРЛАР ЖАННАТГА КИРМАЙДИМИ?
Оиша розияллоҳу анҳодан ривоят қилинади: "Аллоҳнинг Набийси соллаллоҳу алайҳи васалламнинг ҳузурларига ансория кампир келиб:
- Эй Аллоҳнинг Расули, Аллоҳга дуо қилинг, мени жаннатга киритсин, - деди. У зот:
- Кампирлар жаннатга киришмайди, - дедилар. Сўнгра Аллоҳнинг Пайғамбари бориб, намоз ўқидилар ва кейин Оишанинг олдига қайтиб келдилар. Шунда Оиша:
- У гапингиздан хафа бўлганга ўхшайди, - деди.
- Ҳақиқатан шундай: Аллоҳ агар уларни жаннатга киритса, қиз ҳолларида киритади, - дедилар".
"Кўҳна дунё ва ривоятлари" китобидан.
👉 @diyonatli
Оиша розияллоҳу анҳодан ривоят қилинади: "Аллоҳнинг Набийси соллаллоҳу алайҳи васалламнинг ҳузурларига ансория кампир келиб:
- Эй Аллоҳнинг Расули, Аллоҳга дуо қилинг, мени жаннатга киритсин, - деди. У зот:
- Кампирлар жаннатга киришмайди, - дедилар. Сўнгра Аллоҳнинг Пайғамбари бориб, намоз ўқидилар ва кейин Оишанинг олдига қайтиб келдилар. Шунда Оиша:
- У гапингиздан хафа бўлганга ўхшайди, - деди.
- Ҳақиқатан шундай: Аллоҳ агар уларни жаннатга киритса, қиз ҳолларида киритади, - дедилар".
"Кўҳна дунё ва ривоятлари" китобидан.
👉 @diyonatli
👍2
АБУ ҲУРАЙРАНИНГ ОНАСИ
Абу Муррадан ривоят қилинади: "Мадина волийси Марвон Абу Ҳурайрани ўз ўрнига қўйиб кетар эди. Унинг уйи Зулҳулайфада эди. Онаси бир хонада, у эса бошқа бир хонада яшар эди. У уйидан чиқмоқчи бўлса, онасининг эшиги олдига бориб:
- Ассалому алайкум, онажон! Ва раҳматуллоҳи ва барокатуҳу! - дер эди. Онаси ҳам:
- Ва алайка, ўғилгинам! Ва раҳматуллоҳи ва барокатуҳу! - дер эди.
- Кичиклиимда тарбиялаганингиз учун сизга Аллоҳнинг раҳмати бўлсин! - дер эди.
- Кексайганимда яхшилик қилганинг учун сенга ҳам Аллоҳнинг раҳмати бўлсин! - дер эди онаси.
Кейин уйга кирмоқчи бўлса ҳам шундай қилар эди".
"Кўҳна дунё ва ривоятлари" китобидан.
👉 @diyonatli
Абу Муррадан ривоят қилинади: "Мадина волийси Марвон Абу Ҳурайрани ўз ўрнига қўйиб кетар эди. Унинг уйи Зулҳулайфада эди. Онаси бир хонада, у эса бошқа бир хонада яшар эди. У уйидан чиқмоқчи бўлса, онасининг эшиги олдига бориб:
- Ассалому алайкум, онажон! Ва раҳматуллоҳи ва барокатуҳу! - дер эди. Онаси ҳам:
- Ва алайка, ўғилгинам! Ва раҳматуллоҳи ва барокатуҳу! - дер эди.
- Кичиклиимда тарбиялаганингиз учун сизга Аллоҳнинг раҳмати бўлсин! - дер эди.
- Кексайганимда яхшилик қилганинг учун сенга ҳам Аллоҳнинг раҳмати бўлсин! - дер эди онаси.
Кейин уйга кирмоқчи бўлса ҳам шундай қилар эди".
"Кўҳна дунё ва ривоятлари" китобидан.
👉 @diyonatli
👍4
ШИРКНИНГ ТАЪРИФИ ВА УНИНГ ҲАҚИҚАТИ
Ширкнинг ҳақиқати - инсоннинг Аллоҳ Ўзининг олий зотига хос қилган ҳамда бандаликка шиор қилган сифат ва амалларни бошқа махлуқни рози қилиш учун бажаришидир.
Мисол учун, ўша махлуққа сажда қилиши, унга атаб жонлиқ сўйиши, назр қилиши, бошига мушкул иш тушганда ундан ёрдам сўраши ва уни ҳар жойда ҳозиру нозир, деб эътиқод қилиши ҳамда унда тасарруф қилиш қудрати бор, деб ўйлашидир. Буларнинг ҳаммаси ширкдир. ("Ал-Ақийдатул Исломия ас-Суннийя" 85-бет. Аллома Абул Ҳасан Али Надавий).
Имом Валиюллоҳ Деҳлавий наздида ширкнинг моҳияти шуки, инсон томонидан баъзи шаъни улуғланган одамлардан содир бўлган ғаройиб ишлар улар башар жинсида учрамайдиган, улуғ Аллоҳгагина хос бўлган камолот сифатларидан бирига эга бўлгани учунгина содир бўлди, деб ишонишдир. Инсоннинг "Бу хусусият Аллоҳ таолодан бошқада йўқ, У фақат улуҳият либосини Ўзидан бошқага ечиб берсагина ёки ўша бошқа кимса гўё Аллоҳнинг зотида бирлашиб, Аллоҳнинг зоти қолсагина, бу нарса амалга ошади", деб ишониши ёки шунга ўхшаш турли хурофотларга эътиқод қилиши ширкнинг ҳақиқатидир.
"Ақийдатут-таҳовия" шарҳининг талхийси китобидан.
👉 @diyonatli
Ширкнинг ҳақиқати - инсоннинг Аллоҳ Ўзининг олий зотига хос қилган ҳамда бандаликка шиор қилган сифат ва амалларни бошқа махлуқни рози қилиш учун бажаришидир.
Мисол учун, ўша махлуққа сажда қилиши, унга атаб жонлиқ сўйиши, назр қилиши, бошига мушкул иш тушганда ундан ёрдам сўраши ва уни ҳар жойда ҳозиру нозир, деб эътиқод қилиши ҳамда унда тасарруф қилиш қудрати бор, деб ўйлашидир. Буларнинг ҳаммаси ширкдир. ("Ал-Ақийдатул Исломия ас-Суннийя" 85-бет. Аллома Абул Ҳасан Али Надавий).
Имом Валиюллоҳ Деҳлавий наздида ширкнинг моҳияти шуки, инсон томонидан баъзи шаъни улуғланган одамлардан содир бўлган ғаройиб ишлар улар башар жинсида учрамайдиган, улуғ Аллоҳгагина хос бўлган камолот сифатларидан бирига эга бўлгани учунгина содир бўлди, деб ишонишдир. Инсоннинг "Бу хусусият Аллоҳ таолодан бошқада йўқ, У фақат улуҳият либосини Ўзидан бошқага ечиб берсагина ёки ўша бошқа кимса гўё Аллоҳнинг зотида бирлашиб, Аллоҳнинг зоти қолсагина, бу нарса амалга ошади", деб ишониши ёки шунга ўхшаш турли хурофотларга эътиқод қилиши ширкнинг ҳақиқатидир.
"Ақийдатут-таҳовия" шарҳининг талхийси китобидан.
👉 @diyonatli
👍1
РИЗҚ ҲАҚИДА КЎНГЛИНГИЗ ХОТИРЖАМ БЎЛСИН!
Ҳар бир банданинг ризқи Аллоҳ тарафидан белгилаб қўйилган. Инсон онаси қорнидалигидаёқ ризқи, қанча умр кўриши тақдир қилинади. Одам боласи дунёга келгач, тақдирига ёзилган насибаси хоҳласа-хоҳламаса-келаверади.
Инсон ҳечам хавотир олмасин, пешонасига битилган ризқ-рўзини охиригача емагунича дунёни тарк этмайди.
Қуръони карим бизни ризқ борасида хотиржам бўлишга чақиради: "Ерда ўрмалаган нарса борки, барчасининг ризқи Аллоҳнинг зиммасидадир. У Зот уларнинг турар жойларини ҳам, борар жойларини ҳам билади. Ҳамма нарса очиқ-равшан Китобда бордир" (Ҳуд сураси, 6-оят).
Ерда, осмонда, сувда, ер остида қимирлаган жонзотлар ризқини етказиш Аллоҳнинг зиммасидадир. Ҳар бир нарса Лавҳул-маҳфузда тақдир этиб ёзиб қўйилган.
Пайғамбаримиз соллаллоҳу алайҳи васаллам шундай деганлар: "Ким мусулмон бўлса, етарлича ризқлантирилган, Аллоҳ уни Ўзи берган нарсага қаноатли қилиб қўйган бўлса, аниқ нажот топибди".
Эрталаб уйқудан турганингизда тан-жонингиз соғ, тўрт мучангиз омон, юртингиз тинч, ейишга бир бурда нонингиз бўлса, мана шу бахт эмасми? Аллоҳ сизга ризқ-рўз, саломатлик, хотиржамлик неъматини берибди, шукр қилиб яшанг. Атрофга бир қаранг: дунёда тинчлик-хотиржамликдан бебаҳра одамлар қанча?! Шукрки, Аллоҳ диёримизни тинч, осмонимизни мусаффо, заминимизни баракали қилиб қўйган. Бу неъматларга шукр қилсак, Аллоҳ янаям кўпайтириб беради.
Аллоҳ таоло айтади: "Ўз ризқини кўтара олмайдиган қанчадан-қанча жонзотлар бор. Аллоҳ уларга ҳам, сизларга ҳам ризқ беради. У Эшитувчи, Билгувчидир" (Анкабут сураси, 60-оят).
Аллоҳ ҳар бир тирик жоннинг ризқини етказиб туради. Ризқ-рўзини эплаб тополмайдиган, ҳеч вақоси йўқ қанчадан-қанча заиф жонзотлар бор. Аллоҳ уларнинг ҳеч бирини насибасиз қолдирмайди, барчасини ризқлантиради.
Эътибор берсангиз, руҳий безовталик, ҳаловатсизлик кўпинча тирикчилик билан боғлиқ муаммолар сабабидан келиб чиқади. "Энди нима бўлади? Қандай тирикчилик қиламан?" каби саволлар инсон миясида чарх уради, тинчини бузади, оромини ўғирлайди. Аммо мўмин киши учун бундай хавотир бегона. Нега десангиз, у Аллоҳнинг ваъдасига ишонади, ризқ талабида ҳаракат қилади. "Аллоҳ ризқ-насибамни етказади" деган ишонч билан ҳалол меҳнат қилган одамнинг кўнгли хотиржам бўлади. Ҳалолликда гап кўп. Ҳалол ишлаш, ҳалол яшашнинг ҳузур-ҳаловатига ҳеч нарса етмайди.
"Қуръон - қалблар шифоси" китобидан.
👉 @diyonatli
Ҳар бир банданинг ризқи Аллоҳ тарафидан белгилаб қўйилган. Инсон онаси қорнидалигидаёқ ризқи, қанча умр кўриши тақдир қилинади. Одам боласи дунёга келгач, тақдирига ёзилган насибаси хоҳласа-хоҳламаса-келаверади.
Инсон ҳечам хавотир олмасин, пешонасига битилган ризқ-рўзини охиригача емагунича дунёни тарк этмайди.
Қуръони карим бизни ризқ борасида хотиржам бўлишга чақиради: "Ерда ўрмалаган нарса борки, барчасининг ризқи Аллоҳнинг зиммасидадир. У Зот уларнинг турар жойларини ҳам, борар жойларини ҳам билади. Ҳамма нарса очиқ-равшан Китобда бордир" (Ҳуд сураси, 6-оят).
Ерда, осмонда, сувда, ер остида қимирлаган жонзотлар ризқини етказиш Аллоҳнинг зиммасидадир. Ҳар бир нарса Лавҳул-маҳфузда тақдир этиб ёзиб қўйилган.
Пайғамбаримиз соллаллоҳу алайҳи васаллам шундай деганлар: "Ким мусулмон бўлса, етарлича ризқлантирилган, Аллоҳ уни Ўзи берган нарсага қаноатли қилиб қўйган бўлса, аниқ нажот топибди".
Эрталаб уйқудан турганингизда тан-жонингиз соғ, тўрт мучангиз омон, юртингиз тинч, ейишга бир бурда нонингиз бўлса, мана шу бахт эмасми? Аллоҳ сизга ризқ-рўз, саломатлик, хотиржамлик неъматини берибди, шукр қилиб яшанг. Атрофга бир қаранг: дунёда тинчлик-хотиржамликдан бебаҳра одамлар қанча?! Шукрки, Аллоҳ диёримизни тинч, осмонимизни мусаффо, заминимизни баракали қилиб қўйган. Бу неъматларга шукр қилсак, Аллоҳ янаям кўпайтириб беради.
Аллоҳ таоло айтади: "Ўз ризқини кўтара олмайдиган қанчадан-қанча жонзотлар бор. Аллоҳ уларга ҳам, сизларга ҳам ризқ беради. У Эшитувчи, Билгувчидир" (Анкабут сураси, 60-оят).
Аллоҳ ҳар бир тирик жоннинг ризқини етказиб туради. Ризқ-рўзини эплаб тополмайдиган, ҳеч вақоси йўқ қанчадан-қанча заиф жонзотлар бор. Аллоҳ уларнинг ҳеч бирини насибасиз қолдирмайди, барчасини ризқлантиради.
Эътибор берсангиз, руҳий безовталик, ҳаловатсизлик кўпинча тирикчилик билан боғлиқ муаммолар сабабидан келиб чиқади. "Энди нима бўлади? Қандай тирикчилик қиламан?" каби саволлар инсон миясида чарх уради, тинчини бузади, оромини ўғирлайди. Аммо мўмин киши учун бундай хавотир бегона. Нега десангиз, у Аллоҳнинг ваъдасига ишонади, ризқ талабида ҳаракат қилади. "Аллоҳ ризқ-насибамни етказади" деган ишонч билан ҳалол меҳнат қилган одамнинг кўнгли хотиржам бўлади. Ҳалолликда гап кўп. Ҳалол ишлаш, ҳалол яшашнинг ҳузур-ҳаловатига ҳеч нарса етмайди.
"Қуръон - қалблар шифоси" китобидан.
👉 @diyonatli
👍2
Танса
Усмоний султон Сулаймон Қонуний Франция императори Франсуага қуйидаги мазмунда бир мактуб юборган эди:
«Менким, қирқ саккиз юртнинг императори Қонуний Султон Сулаймонман. Менга етган хабарларга кўра, сенинг мамлакатингда «танса» номида хотин билан эркак бир-бири ила қучоқлашиб, халойиқ олдида очиқчасига ўйин тушадиган одат пайдо бўлибди. Ҳудудларимиз битта бўлгани боис, ушбу разолатли ўйиннинг мамлакатимга ўтиш эҳтимоли мавжуд. Номаи ҳумоюним қўлингга етгани замон бу ўйинни тўхтатсанг тўхтатдинг, тўхтатмасанг, менинг ўзим бориб тўхтатаман!».
Ушбу мактуб туфайли Францияда тўла юз йил танса ўйини ман этилди.
Сайёҳ Хаммернинг “Тарих” китоби.
👉 @diyonatli
Усмоний султон Сулаймон Қонуний Франция императори Франсуага қуйидаги мазмунда бир мактуб юборган эди:
«Менким, қирқ саккиз юртнинг императори Қонуний Султон Сулаймонман. Менга етган хабарларга кўра, сенинг мамлакатингда «танса» номида хотин билан эркак бир-бири ила қучоқлашиб, халойиқ олдида очиқчасига ўйин тушадиган одат пайдо бўлибди. Ҳудудларимиз битта бўлгани боис, ушбу разолатли ўйиннинг мамлакатимга ўтиш эҳтимоли мавжуд. Номаи ҳумоюним қўлингга етгани замон бу ўйинни тўхтатсанг тўхтатдинг, тўхтатмасанг, менинг ўзим бориб тўхтатаман!».
Ушбу мактуб туфайли Францияда тўла юз йил танса ўйини ман этилди.
Сайёҳ Хаммернинг “Тарих” китоби.
👉 @diyonatli
👍3
Эрингизга гўзал кўринишга ҳаракат қилинг.
Изоҳ:
Ҳар бир инсон озми-кўпми бошқаларга ёқишни истайди. Бу туйғу аёлларда янада кучли бўлади. Аёллар бошқаларга ёқишни, эътибор марказида туришни истайди. Шу боис ташқи кўринишлари билан ўзгаларнинг диққатини жалб этишга интилади. Бироқ унинг гўзаллиги баъзи ёмон ниятли ва ахлоқсиз эркакларнинг нафсини қўзғатиши мумкин. Атрофимизда, оммавий ахборот воситалари орқали ёки бошқа жойларда тубан ва жирканч ҳолат – номусга тегиш ҳодисаларининг гувоҳи бўламиз. Ҳар қандай жамиятда яхши инсонлар билан бир қаторда қабиҳ ниятли одамлар, ор-номус душманлари бўлади. Машинамиз ўғирланмаслиги учун гараж эшигига қулф осиб, автосигналлар ўрнатганимиздек, номус ва иффатимизга ҳам зарар тегмаслиги учун керакли тадбирларни кўриш зарур. Хотиннинг нияти тўғри бўлиши, ҳақиқий либос эса, тақво либоси ва Аллоҳ қўрқуви эканини билиши жуда муҳим. Шунинг билан бирга аёл, Аллоҳ таоло буюрганидек, бегона эркакларга кўрсатилиши керак бўлмаган зийнат ва вужудини муҳофаза этишга мажбур.
Аёл киши гўзаллигини эридан яширмаслиги, унинг учун ясаниши, унга гўзал кўринишга интилиши лозим. Зеро, хотини чиройли бўлган, хотинидан мамнун ва рози эркак бошқаларга қарамайди. Хотин киши уйида, эрининг олдида истаган шаклда кийиниши, безаниши, ўзига оро бериши мумкин. Уй ичида, эрининг олдида ўзига эътибор бермай, ташқарига чиққанда ўзига оро берадиган аёл эрини мамнун эта олмайди, уни ранжитади. Хотинини уйда доимо кўримсиз кийимларда, эътиборсиз ҳолатда кўрган эркак ташқарида бошқа аёлларга мойиллик билдиради. Шу боис бу борада ҳам аёл кишига катта масъулият юкланади.
“Бахтли оила” китобидан.
👉 @diyonatli
Изоҳ:
Ҳар бир инсон озми-кўпми бошқаларга ёқишни истайди. Бу туйғу аёлларда янада кучли бўлади. Аёллар бошқаларга ёқишни, эътибор марказида туришни истайди. Шу боис ташқи кўринишлари билан ўзгаларнинг диққатини жалб этишга интилади. Бироқ унинг гўзаллиги баъзи ёмон ниятли ва ахлоқсиз эркакларнинг нафсини қўзғатиши мумкин. Атрофимизда, оммавий ахборот воситалари орқали ёки бошқа жойларда тубан ва жирканч ҳолат – номусга тегиш ҳодисаларининг гувоҳи бўламиз. Ҳар қандай жамиятда яхши инсонлар билан бир қаторда қабиҳ ниятли одамлар, ор-номус душманлари бўлади. Машинамиз ўғирланмаслиги учун гараж эшигига қулф осиб, автосигналлар ўрнатганимиздек, номус ва иффатимизга ҳам зарар тегмаслиги учун керакли тадбирларни кўриш зарур. Хотиннинг нияти тўғри бўлиши, ҳақиқий либос эса, тақво либоси ва Аллоҳ қўрқуви эканини билиши жуда муҳим. Шунинг билан бирга аёл, Аллоҳ таоло буюрганидек, бегона эркакларга кўрсатилиши керак бўлмаган зийнат ва вужудини муҳофаза этишга мажбур.
Аёл киши гўзаллигини эридан яширмаслиги, унинг учун ясаниши, унга гўзал кўринишга интилиши лозим. Зеро, хотини чиройли бўлган, хотинидан мамнун ва рози эркак бошқаларга қарамайди. Хотин киши уйида, эрининг олдида истаган шаклда кийиниши, безаниши, ўзига оро бериши мумкин. Уй ичида, эрининг олдида ўзига эътибор бермай, ташқарига чиққанда ўзига оро берадиган аёл эрини мамнун эта олмайди, уни ранжитади. Хотинини уйда доимо кўримсиз кийимларда, эътиборсиз ҳолатда кўрган эркак ташқарида бошқа аёлларга мойиллик билдиради. Шу боис бу борада ҳам аёл кишига катта масъулият юкланади.
“Бахтли оила” китобидан.
👉 @diyonatli
👍3