Piskent jome masjidi | Rasmiy kanal
2.7K subscribers
8.65K photos
4.46K videos
29 files
7.27K links
Ушбу каналда оят, ҳадислар, уларнинг шарҳлари, ибратли воқеалар, ҳикматлар, маърифий мақолалар ҳамда "Пискент" жоме масжиди имом хатиби Абдул Ҳамид домланинг маърузалари эълон қилиб борилади.
Download Telegram
БИЛИШ НЕЪМАТИ

"Билмаганингизни билдирди. Аллоҳнинг Сизга (нисбатан) фазли буюкдир" (Нисо сураси, 113-оят).
Жаҳолат қалбнинг ўлими, ҳаётни ўринсиз қурбон қилувчи, умрни ўчирувчидир. "Мен сенга жоҳиллардан бўлишингдан (қайтариб) насиҳат қиламан" (Ҳуд сураси, 46-оят).
Илм кўз нури, руҳ ҳаёти ва озиқасидир. "Ўлик (кофир) бўлган одамни (ҳидоят билан) тирилтириб, унга одамлар ичида ўзи билан олиб юрадиган нур (имон)ни берганимиздан кейин (у) зулматлар ичида (қолиб,) ундан чиқмайдиган кимсага ўхшайдими?!" (Анъом сураси, 122-оят).
Илм шодлик-хурсандчилик келтиради. Чунки у зулматни ёритади, орзуга етказади, беркилган пардани очади. Нафс янгиликларни билишга, ундан хабардор бўлишга қизиқади. Жаҳолат эса зерикиш ва қайғудан иборатдир. Чунки у янгиликсиз, ажибликдан йироқ, ёқимли бўлмаган ҳаётдир. Унинг бугуни кечагидек, эртаси эса бугунидек.
Бахт истасангиз, илм ва маърифат изланг фойда ҳосил қилинг. Шунда ғам-андуҳ, қайғулардан нажот топасиз. "...ва айтинг: "Парвардигорим, илмимни янада зиёда қилгин" (Тоҳа сураси, 114-оят). (Эй Муҳаммад, Сиз ўзингизга тушириладиган Қуръонни барча мавжудотни) яратган Зот бўдмиш Парвардигорингиз номи билан (бошлаб) ўқинг!" (Алақ сураси, 1-оят). Расулуллоҳ соллаллоҳу алайҳи вассалам дедилар: "Аллоҳ таоло қайси бандасига яхшиликни истаса, уни динда фақиҳ қилиб қўяди".
Маърифатсиз кишига мол-дунё ва обрў-эътибори фахр эмас. Унинг ҳаёти тўкис, кечираётган умри комил бўлмайди. "(Эй Муҳаммад!) Ахир, Сизга Раббингиз туширган нарса аниқ ҳақиқат эканини биладиган киши (маънан) кўр кимсага ўхшайдими?" (Раъд сураси, 19-оят).
Муфассир Замахшарий бундай деган:
Шеър:

Илм йўлида бедор бўлишим
Раққосалар васлидан азиз.
Илм завқидаги гандиракларим
Соқий қуйган шаробдан лазиз.

Қаламларим ғичирлаб ёзса,
Роҳат берар най овозидек.
Варақ узра қумлар овози
Қизлар чалган куйлар завқидек.

Орзу қилиб, мартабам сари
Эришай деб уринган каслар
Маърифатсиз армондир бари
Толиққандан чиқмасдир саслар.

Гоҳ ухламай ўтказсам бедор,
Баъзан ухлаб ўтар тунларим.
Уялмасмикин-а, нодон у беор
Тикилмоққа шодон бу кўзларим?

Билиш қандай яхши шарафдир. У билан нафс бунчалар шодон, қалб тоза, ақл бунчалар заковатли бўлмаса?! "Ахир, Парвардигоридан (аниқ) ҳужжатга (Қуръонга) эга бўлган киши (Сиз ва мўминлар) билан қилган ёмон иши ўзига чиройли кўринган ва ҳавойи нафсига эргашган (кофир) тенг бўлурми?!" (Муҳаммад сураси, 14-оят).

"Ўкинма" китобидан.

👉 @diyonatli
НОМАЪЛУМ ҚАҲРАМОНЛАР

Қуръони каримда номаълум қаҳрамонлар бор. Уларнинг исми зикр қилинмаган, ким эканлиги ҳам айтилмаган. Аммо улар ҳал қилувчи ўринда қаҳрамонлик қилишган, ҳақ томон бўлишган, ҳаққа ёрдам беришган. Агар улар ўз пайтида масалага аралашишмаса, иш оғир бўлиши аниқ эди.
Қуйидаги оятлар ҳақида тафаккур қилинг:
1. Ва шаҳарнинг нариги четидан бир киши шошиб келиб: “Эй Мусо! Аниқки, аъёнлар сени ўлдириш учун тил бириктирмоқдалар. Бас, чиқиб кет. Албатта мен сенга насиҳат қилгувчиларданман”, – деди (“Қасас” сураси 20-оят).
2. Фиръавн аҳлидан бўлган, иймонини яшириб юрадиган бир киши: Бир одамни “Аллоҳ Роббимдир” дегани учун ўлдирасизми?! Ваҳоланки, у сизга Роббингиздан очиқ-ойдин ҳужжатлар ила келмишдир. Агар у ёлғончи бўлса ёлғони ўзига зарар, агар ростгўй бўлса унда у ваъда қилаётган баъзи мусибатлар сизга етади. Албатта Аллоҳ исрофчи ва каззоб бўлган кишини ҳидоят қилмас (“Ғофир” сураси 28-оят).
3. Шаҳар четидан бир киши шошилиб келиб: “Эй қавм! Юборилган пайғамбарларга эргашинг”, – деди (“Ёсин” сураси 20-оят).
4. Улардан (Аллоҳдан) қўрқадиганлардан бўлган ва Аллоҳ уларга неъмат ато этган икки киши: “Уларнинг устига эшикдан кириб боринглар. Агар унга кирсангиз албатта ғолиб бўласизлар. Агар мўмин бўлсангиз, Аллоҳга таваккул қилинг”, – дейишди (“Моида” сураси 23-оят).
Бу инсонларни ҳеч ким танимайди. Ҳатто Қуръон ҳам уларни зикр қилар экан, ноаниқ тарзда бир четдан зикр этиб ўтиб кетади. Уларни ҳодисаларнинг қалбида эмас деб ҳис қиласан. Уларнинг махфий қўшинлар эканини англайсан. Улар ҳеч ким танимайдиган рижоллардир. Шунинг учун Қуръон уларнинг исмига эмас, амалига эътибор қаратади.
Уларга ўхшаганлар ҳар замон ва ҳар маконда бор. Улар шуҳрат ортидан қувишмайди. Нур ёки фахр ортидан тушишмайди. Балки ҳақнинг ҳақ бўлишига ҳаракат қилишади. Қоронғиликдан туриб бунга эришишади. Шунинг учун ҳам Аллоҳ таоло бизга уларнинг исмини зикр қилмади. Гоҳида исм ҳеч нарсани англатмайди. Аллоҳ бизга уларнинг сифатини зикр қилди. Уларнинг сифати рижолдир. Қоронғиликдан туриб, кишиларга ўзини билдирмасдан умматга, динга хизмат қилаётган, ҳақни ҳақ қилишга интилаётган рижолларга саломлар бўлсин!

"Қалблардан сўранг" китобидан олинди.

@diyonatli
👍2👏1
ЮМШОҚ БЎЛИНГ!

Зайнул Обидин раҳимаҳуллоҳ бир аёлга уйланмоқчи бўлиб, унга никоҳ мажлисида шундай деди:
– Мен ёмон хулқли, дақиқ мулоҳазали, қаттиққўл, ғазаби тез чиқиб секин қайтадиган кишиман.
Аёл шундай деди:
– Сизни ёмон хулққа муҳтож қиладиган аёл сиз айтганлардан ҳам ёмондир.
Зайнул Обидин:
– Каъбанинг Роббисига қасамки, сенга уйланганим бўлсин, – деди.
Улар йигирма йил турмуш кечиришди. Бирон-бир ҳодиса содир бўлмади. Бир-бирларидан фақат яхшилик кўришди.
Кунларнинг бирида ораларида хилоф пайдо бўлиб Зайнул Обидин унга: “Ишинг ўз қўлингда”, – деб юборди. (Яъни бу хоҳласанг кетишинг мумкин, талоғинг ўз қўлингда дегани эди.) Шунда хотини деди:
– Ўнлаб йиллар ишим сизнинг қўлингизда бўлди. Уни чиройли муҳофаза қилдингиз. Энди мен уни зое қилиб қўймасимдан бурун яна сизга қайтараман.
Шунда Зайнул Обидин раҳимаҳуллоҳ деди:
– Аллоҳга қасамки, сен менга Аллоҳ берган неъматларнинг энг буюгисан!
Мушкулотлар ечими аёлнинг қўлида. Эркакнинг табиати қандай бўлмасин, аёл унга эга чиқа олади. У ўзининг закийлиги билан эркакни юмшата олади. У ўзининг муҳаббати билан эркакни асир қилиши мумкин. У ўзининг сабри, тасарруфи, ширин сўзлари билан эркакни яхши томонга ўзгартира олади.
Эй эркаклар! Биллурларга эҳтиёт бўлинг.
Эй биллурлар! Сизни кўтариб юрганларга юмшоқ муомалада бўлинг!

"Қалблардан сўранг" китобидан олинди.

@diyonatli
👍3
БИРОР КИШИДАН РАҲМАТ КУТИБ ЎТИРМА

Аллоҳ бандаларини зикр қилиб Уни эслашлари учун яратди. Бугун махлуқотга Ўзига шукр қилишлари учун ризқ берди. Афсуски кўпчилик Ундан бошқага ибодат қилди, Ундан ўзгага шукр қилди. Чунки тан олмаслик, инкор қилишлик, ноиттифоқлик, неъматни инкор қилиш кишиларнинг нафслари устидан ҳукмрондир. Агар сенинг гўзал ишларингни инкор қилиб, яхшиликларингни тан олмай унутишса, сен улар билан тўқнашиб, жанжаллашиб юрма! Кўпинча улар гина замбаракларидан ўқ отиб, сенга душманчилик қилишади. Чунки сен уларга яхшилик қилгансан. Бошқа айбинг йўқ. Аллоҳ таоло Қуръони каримда: "Улар (мунофиқлар) фақат Аллоҳ ва Унинг Пайғамбари уларни Ўз фазлу карамидан бой-бадавлат қилиб қўйгани учунгина (Аллоҳ ва Унинг пайғамбарини) ёмон кўрдилар, холос" (Тавба сураси, 74-оят).
Дунёдаги архивларини ўқиб ўқиб кўр. Унинг бўлимларида ўғлини тарбиялаб, овқатлантириб, кийинтириб, илм-одоб бериб, боласи ухлаб олиши учун ўзи бедор бўлиб, боласининг қорни тўйиши учун ўзи оч қолиб, боласи роҳатланиши учун ўзи ҳориб-чарчаб юрган отани кўрасан кўрасан. Ўғлининг эса мўйловлари чиқиб, билаги куч-қувватга тўлгач, отасига нисбатан худди қутирган ит каби бўлиб қолади. Отасини назар-писанд қилмасдан, таҳқирлагач отаси оқ қилиб, фарзанд азоб ва балога йўлиқади.
Огоҳ бўлинг! Яхшиликларингиз барбод бўлиб, умидингиз чилпарчин бўлиб синганида, савоб ишлар қилишга интилиб, унинг эвазига бахтга эришинг.
Сен яхшиликни Аллоҳнинг розилиги учун қилсанг, ҳамиша ғалабага эришасан. Шунда ношукрларнинг ношукрлиги, инқор қилувчиларни инкор қилиши сенга зарар бермайди. Сени бошқаларга яхшилик қиладиган этиб қўйгани учун Аллоҳга ҳамд айт. Эҳсон қилувчи қўл тиланчилик қилувчи қўлдан афзалдир.
"Биз сизларни Ёлғиз Аллоҳнинг "юзи" учун таомлантирурмиз. Сизлардан (Бу ишимиз учун) бирон мукофот ва миннатдорчидик кутмасмиз" (Инсон сураси, 9-оят).
Гоҳида кўпгина ақлли кишилар ҳам авомнинг феъл-атворидан жой олган инкор қилиш туйғусини унутиб қўйишади. Гўёки улар кеккайган тоифа ҳақида хабар берилган қуйидаги улуғ ваҳийни эшитишмагандек туришади:
"Энди қачонки ундан мусибатини кеткизсак, гўё (ҳеч қачон) ўзига етган бало-мусибатдан Бизга илтижо қилмагандек (юз ўгириб) кетур. Ҳаддан ошувчи кимсаларга ўз қилмишлари мана шундай чиройли қилиб қўйилди" (Юнус сураси, 12-оят).
Агар сен бир аҳмоққа қалам совға қилсанг, у ўша қаламда сени масхаралаб мақола ёзса ёки бир чўлоқ кишига қийналмай юрсин, деб ҳасса ҳадя қилганингда у ўша ҳасса билан бошингни ёриб қўйса ажабланиб, саросимага тушмагин. Яхши кишилар учун шунга ўхшаш синовлар бўлиб туради.

"Ғам-қайғусиз яшай десангиз (ўксинма)" китобидан.

👉 @diyonatli
👍2
АЙТИБ БЎЛМАЙДИГАН СЎЗЛАР

1. “Уф” деманг...
Аллоҳ таоло ота-онага “Уф” дейишдан қайтарган: «Раббингиз, Унинг Ўзигагина ибодат қилишингизни ҳамда ота-онага яхшилик қилишни амр этди. (Эй, инсон!) Агар уларнинг бири ёки ҳар иккиси ҳузурингда кексалик ёшига етсалар, уларга «уф!..» дема ва уларни жеркима! Уларга (доимо) ёқимли сўз айт!» (Исро сураси, 23-оят).

2. “Эртага бажараман” деманг...

Бирор иш бошлаш олдидан “Мен буни эртага албатта бажараман”, дейишдан қайтарилганмиз: «Бирор нарса ҳақида: «Мен, албатта, эртага шуни қилувчиман», дея кўрманг!» (Каҳф сураси, 23-оят).

Аллоҳ таоло оятнинг давомида: Илло, «Иншааллоҳ, (Аллоҳ хоҳласа)» (денг. Бу сўзни) унутган вақтингизда (ёдингизга келиши билан)Раббингизни зикр қилинг (яъни «иншоаллоҳ», денг) ва: «Шояд, Раббим мени бундан ҳам яқинроқ Тўғри йўлга ҳидоят этса», денг!» (Каҳф сураси, 23-оят) деб марҳамат қилган.

3. Замонни ёмон деб айтиб бўлмайди...

Замонни Аллоҳ яратган. Аллоҳ таоло яратган нарсаларда камчилик бўлмайди.

Абу Ҳурайра розияллоҳу анҳудан ривоят қилинади: Расулуллоҳ соллаллоҳу алайҳи ва саллам: “Замонни сўкманглар, чунки Аллоҳ замон (га боғлиқ бўлган барча ишларни қилувчиси)дир”, дедилар.

4. “Агар” сўзини қўллашда эҳтиёт бўлинг.

Атрофни кузатадиган бўлсак, қандайдир мусибат ва фалокат қаршисида ўзимизни беихтиёр “Агар” сўзига тўқнаш келамиз. “Агар мен бу ерга келмаганимда фалокат юз бермасди”, “агар мен уни уйдан чиқармаганимда шу мусибат содир бўлмасди” деб айтиш ўрнига “Аллоҳ таоло тақдирга ёзгани бўлади”, деб айтиш дуруст бўлади. “Агар” деган сўзни қўллашда эҳтиёткор бўлмасак, Аллоҳнинг тақдирига рози бўлмаслик ҳиссини пайдо қилган бўламиз. Ва унутмаслигимиз керакки, неки содир бўлса, “агар”сиздир. Чунки Аллоҳ хоҳлагани бўлади!

@diyonatli
👍6
НИЯТИДАН ҚАЙТДИ (таъсирли воқеа)

Болалари оч қолган бир фақир тул хотин бадавлат қўшнисидан ёрдам сўраб келди. Нафсининг қули бўлган қўшни чиройли бу аёлдан яқинлик истади. Аёл номусли, ҳаёли, Аллоҳдан қўрқуви аёл бўлгани учун бу шартга кўнмай чиқиб кетди. Уйига келса, болалари: "Она, очликдан ўлар бўлдик, егани озгина бўлса ҳам овқат йўқми?" деб фарёд кўтаришди. Болаларининг нолаларига чидай олмаган она яна бойникига борди. Бой ўз таклифини яна такрорлади. Ноилож қолган аёл бойнинг шартига кўнди. Хилват бир жойга киришди. Бой қўшни аёлга яқинлашган заҳоти аёл Парвардигордан қўрққанидан бутун вужуди қалтираб, дағ-дағ титрай бошлади. Бой шунда:
- Нега титраяпсан, қўрқма, бу ерда икковимиздан бошқа ҳеч ким йўқ, - деб уни тинчлантирмоқчи бўлди.
- Ҳеч ким йўқлигини биламан, аммо Аллоҳ бор-ку, инсонман деган ҳар бир одам ҳамиша Ундан қўрқиши керак, - деди аёл.
- Эй хоним, Худо сени шунчалик камбағал, ночор қилиб қўйган бўлса-да, сен Унга осийлик қилмай, қўрқяпсан. Менга эса шунча бойлик бериб қўйган бўлса ҳам ношукрлик қилиб, Ундан нега қўрқмайман, - деди ва ўзининг ёмон ниятидан қайтди. Аёл сўраган нарсаларни бериб, ўзи ҳам мамнун ҳолда уни уйига кузатиб қўйди.

"Кўҳна дунё ва ривоятлари" китобидан.

👉 @diyonatli
This media is not supported in your browser
VIEW IN TELEGRAM
Гуноҳи кабира | Абдул Ҳамид домла
"Ақидатут Таҳовия"

👉 @diyonatli
Audio
Гуноҳи кабира | Абдул Ҳамид домла
"Ақидатут Таҳовия"

👉 @diyonatli
👍3
Жунайд Бағдодий қуддиса сирруҳудан:
"Бошимизга келган бало (офат, ташвиш ёки муаммо) Аллоҳнинг ғазабими ёки гуноҳларга каффоратми ёки даражотми, буни қандай биламиз?", деб сўрашибди.
Жунайд Бағдодий қуддиса сирруҳу ҳазратлари бундай деб жавоб берганлар:
"Агар келган балодан ғазаблансанг, демак Аллоҳнинг ғазаби экан!
Агар бало келганда тавба қилиб, истиғфор айтсанг, демак гуноҳингга каффорат экан!
Агар бало келганда Аллоҳнинг қазосига рози бўлсанг, демак даражотингни кўтариш учун экан!".
Ҳа, қалбингизга қаранг, у сизга ҳақни сўзлар!

@diyonatli
👍5
​​Ишқ нимадир?

Ишқ бир ҳасратдир...

Ҳожар онамиздек бир гўдак билан чўлларда Аллоҳга омонат яшамоқдир.

Ишқ ишончдир...

Иброҳим Халилуллоҳдек энг севганини энг севганига икром қилмоқдир!

Ишқ ҳаёдир...

Oдам Атодек гуноҳлардан уялиб, қирқ йил осмонга қарай олмасдан йиғлаб, авф сўрамоқдир.

Ишқ фидойиликдир...

Яъқуб алайҳиссалом каби Аллоҳга қилган биргина хатоси учун энг суйганининг фироқида ҳижронда яшамоқдир.

Ишқ фидокорликдир.

Худдики бор давлатини дин учун фидо қилган Хадича онамиздек.

Ишқ рашкдир.

Худдики Оиша онамиздек, вафот этган бўлсалар ҳам севганларини Хадича онамиздан қизғаниб кўз ёш тўккандек.

Ишқ кечиришдир.

Юсуф алайҳиссаломдек ўзига мингларча xиёнатларга севги билан жавоб бергандек.

Ишқ йиғламоқдир.

Танимайдиган умматининг гуноҳлари учун йиғламоқ каби.

Ишқ Аллоҳ учун мўминни севмоқдир.

Худдики севимлиси Ҳамзанинг жигарини суғуриб олган Ваҳшийдан мўмин бўлгани учун нафратланмаган Ҳабибимиз Муҳаммад соллаллоҳу алайҳи васалламдек!

@diyonatli
ҚАРЗИНИ ТЎЛАШГА ҚУРБИ ЕТМАГАНИДА АЙТИЛАДИГАН ДУО

Али розияллоҳу анҳудан ривоят қилинади. Бир қул озод бўлиши учун шартлашилган баҳодаги маблағни тополмай, ҳазрат Али розияллоҳу анҳу ёрдам сўради. Шунда у зот: «Сенга Расулуллоҳ соллаллоҳу алайҳи васаллам ўргатган калималарни ўргатайми? Агар:
«Аллоҳуммакфиний биҳалалика ъан ҳаромика ва ағниний бифазлика ъамман сивака», яъни: «Ё Раббим, ҳаром (аралаштирмай) ҳалолинг билан менга кифоя эт. Фазлинг ила Ўзингдан бошқалардан беҳожат қил» дуосини ўқиб юрсанг, қарзинг тоғнинг бир тарафича бўлса ҳам, халос бўласан», дедилар. Имом Термизий ривояти.

"Дуо ва зикрлар" китобидан.

👉 @diyonatli
👍2
НАФСНИНГ НАЙРАНГИ

Ривоят қилинишича, икки бола кўчада ўйнаб юрган экан. Улар узоқ вақт чоп-чоп қилиб, сарчашибди, қоринлари ҳам очиб кетибди. Улар овқатлангани ўтиришибди. Болалардан бирининг қаттиқ нони, иккинчисининг эса ҳолваси бор экан. Ҳар ким ўз озуқаси билан кифояланса, етарли эди. Аммо биринчи бола шеригидаги ҳолвани кўриб, нафси ҳаккалак отди, егиси келиб, тамшанди, охири нафс сўзига кириб, ҳолва эгасидан тиланди.
- Майли, сенга ҳолвадан бераман, фақат битта шартим бор. Менинг итим бўлсанг, шунда ҳолва оласан.
Биринчи бола рози бўлиб, суқли кўзларини ҳолвадан уза олмай, бошини қимирлатди. Аммо шериги мутеълик завқини чўзмоқчи бўлди.
- Итим бўлганингдан кейин вовуллаб бермайсанми?
Бола жон-жаҳди билан итлар каби ҳуришни бошлади.
Қиссадан ҳисса шуки, биринчи боланинг очдан ўлмаслик имконияти - қаттиқ бўлса ҳам нони бор эди. Аммо у қаноат жиловини қўлдан бериб, бир лаҳзали лаззат учун итлик қилди.

"Кўҳна дунё ва ривоятлари" китобидан.

👉 @diyonatli
👍3
ОДИЛЛИК

Султон Ҳорун ар-Рашиднинг ўғилларидан бири отасининг олдига шикоят билан келиб, "Фалон волийнинг ўғли онамни сўкди", деди. Ҳорун ар-Рашид вазирларига маслаҳат солди: "Бундай ярамаслик қилганнинг жазоси нима бўлади?" Вазирлардан бири: "Уни ўлдириш керак", деди.
Бошқаси: "Тилини кесиш керак", деди. Учинчиси: "Молини мусодара қилиш лозим", деса, тағин биттаси "Шаҳардан бадарға қилиш ҳам мумкин", деган фикр билдирди. Қасос олишда зулм бўлишини истамаган ҳукмдор ўғлига: "Эй ўғлим, қўлингдан келса, мурувват кўрсатиб уни кечириб юборақол, агар афв қилолмасанг, сен ҳам унинг онасини сўк, шунда биз тарафимиздан зулмга борилмаган бўлади", деди.

"Кўҳна дунё ва ривоятлари" китобидан.

👉 @diyonatli
Абдуллоҳ розияллоҳу анҳудан ривоят қилинади:

«Набий соллаллоҳу алайҳи васаллам «Аллоҳим! Албатта, мен Сендан ҳидоятни, тақвони, иффатни ва беҳожатликни сўрайман», дер эдилар».

@diyonatli
👏4
КИМ ЎТГАН УЛАМОЛАР ҲАҚИДА ЁМОН СЎЗ АЙТСА, У МУСУЛМОНЛАР ЙЎЛИДАН ЧИҚҚАНДИР.

Аввал ўтган уламолар ва улардан кейин келганлар аҳли хайр ва асардирлар. Аҳли фиқҳ ва назардирлар. Фақат гўзал зикр (васф) ила эсланурлар. Ким уларни ёмонлик ила эсласа, йўлдан озибдир.
Шарҳ: Яъни саҳоба ва тобеъинлардан бўлган уламолар хайр, ҳақ ва саодат аҳлидирлар. Динни нақл қилувчилар, Аллоҳнинг Китобини, Унинг Расули соллаллоҳу алайҳи васалламнинг суннатларини элтувчилардир. Шунингдек, улар фуқаҳо, нассларга (яъни шаръий матнларга) ва шаръий манфаатларга назар солувчилардир.
Улар фақат гўзал мақтов ила эсланурлар. Ким уларни ёмонлик ва қабоҳат билан ёдга олса, ундай одам мўминлар йўлида эмас.
Далил: “Ким ўзига ҳидоят равшан бўлганидан кейин Расулга мухолифлик қилса ва мўминларнинг йўлидан бошқа йўлга юрса, кетган томонига қўйиб қўямиз ва жаҳаннамга киритиб, куйдирамиз. У қандай ҳам ёмон борар жой!” (Нисо сураси, 115-оят).
Мўминларнинг йўли салаф уламоларга муҳаббат қилишдир.
“Расуллуллоҳ соллаллоҳу алайҳи васаллам:
“Асрларнинг яхшиси менинг асримдир. Сўнгра ундан кейин келадиганлари. Сўнгра ундан кейин келадиганлари...” деганлар (Аҳмад, Бухорий, Муслим ва Ибн Можа Абдуллоҳ ибн Масъуд розияллоҳу анҳудан ривоят қилишган).
Салафи солиҳ уламоларнинг барчалари Расуллуллоҳ соллаллоҳу алайҳи васалламга эргашиш вожиблигига шубҳасиз иттифоқ қилганлар.
Лекин улардан бирорталари бирор саҳиҳ ҳадисга хилоф гап айтган бўлса, ўша ҳадисни тарк қилишида албатта узри бўлади.
Саҳиҳ ҳадисга хилоф гап айтишларига сабабчи бўлган барча узрлар уч турли бўлади:
1. Ўша ҳадисни Набий соллаллоҳу алайҳи васаллам айтмаган, деб эътиқод қилиш.
2. Ўша ҳадисда бу масала ирода қилинмаган, деб эътиқод қилиш.
3. Мазкур ҳадиснинг ҳукми мансуҳ бўлган, деб эълон қилиш.

"Ақийдатут таҳовия шарҳининг талхийси" китобидан.

👉 @diyonatli
👏2👍1🔥1
Ассалому алайкум ва раҳматуллоҳи ва барокатуҳ!

"Диёнат" каналининг мухлислари!

Устоз Абдул Ҳамид домла
бугун 22-сентабр 2022-йил пайшанба куни хуфтон намозидан сўнг, яъни соат 20:15 да масжидда савол-жавоб ўтказадилар.

Сизларда шаръий масалаларда муҳим саволларингиз бўлса, шу хабарнинг изоҳ (комментарий) қисмида ёзиб қолдиринг. Биз бу саволларни Устозимизга ўқиб берамиз. Ва жавобини ўша вақтнинг ўзида - жонли ёйин орқали тинглашингиз мумкин.

@Diyonatli
👍7👏1
БОЙЎҒЛИНИНГ ИККИ САВОЛИ

Сулаймон алайҳиссаломнинг хотини товус патидан кўшку айвон қуриб беришни сўрабди. Маликанинг илтимосини рад қила олмаган пайғамбар барча қушларнинг бошлиқларини бир ерга тўплаб, маслаҳат қилибди.
Бойўғли мажлисга кечикиб келибди. Сабабини сўраганида у шундай жавоб қилибди:
- Икки масаланинг ечимини топиш билан банд эдим, шунга кечикдим.
- Қандай масалалар экан улар?
- Биринчиси: бу замонда ўлик кўпми ёки тирик?
- Сенингча қайси бири кўп экан?
- Ўлик кўп, чунки тонгда ибодатга турмай ғафлат уйқусида ётганлар ҳам ўликлар қаторига киради.
- Хўш, иккинчи масала нима экан?
- Дунёда хотин кўпми ёки эркак?
- Қайси бири кўп экан?
- Хотин кўп, чунки хотинининг етовида юрадиганлар ҳам шу ҳисобга киради, - деб бойўғли.
Бу гапни эшитган пайғамбар ҳеч нарса демай, мажлисни тарқатиб юборибди.

"Кўҳна дунё ва ривоятлари" китобидан.

👉 @diyonatli
👏3
ЎКИНМАНГ ВА ИСТИҒФОРНИ КЎПАЙТИРИНГ! ШУБҲАСИЗ, РАББИНГИЗ ЎТА МАҒФИРАТЛИ ВА КЕЧИРИМЛИ ЗОТДИР

"Бас, дедим: "Раббингиздан мағфират сўранг! Албатта, У (бандаларига нисбатан) ўта кечиримли Зотдир. (Шунда, яъни, истиғфор айтсангиз) устингизга осмондан (баракали) ёмғир ёғдиради, сизларга мол-дунё, фарзандлар билан мадад беради ҳамда сизларга боғлар (барпо) қилади ва сизларга анҳорлар (ато) қилади" (Нуҳ сураси, 10-12-оятлар.
Истиғфорни кўпайтиринг, шунда кенг, хотиржам ҳаёт, ҳалол ризқ, солиҳ фарзандлар ва мўл-кўл баракот соҳибига айланасиз. Аллоҳ таоло айтади: "(Аллоҳ буюради), Раббингиздан кечирим сўранг, сўнгра Унга тавба қилинг, шунда (У) сизларни маълум муддат (ажалларингиз охири)гача чиройли баҳра билан баҳраманд қилади ва ҳар бир фазлли (карамли, сахий) кишига Ўз фазлини ато этади. Агар юз ўгирсангиз, бас, мен сизларга Улуғ кун (қиёмат) азоби (етиши)дан қўрқаман" (Ҳуд сураси 3-оят).
Расулуллоҳ соллаллоҳу алайҳи васаллам: "Ким кўп кечирим сўраса, Аллоҳ таоло унинг учун ҳар қандай ғамдан қутулиш, ҳар қандай тангликдан чиқиш йўлини кўрсатади".
Истиғфорнинг энг улуғини кўп айтиб юринг. Имом Бухорийнинг "Саҳиҳ"ларида келади: "Эй Аллоҳ, Сен Парвардигоримсан. Сендан ўзга илоҳ йўқ. Сен мени яратгансан. Мен Сенинг қулингман, имконим борича аҳду ваъдамда тураман. Қилган ишларимнинг ёмонлигидан Сендан паноҳ сўрайман. Неъматларингга қуллуқ қиламан. Гуноҳларимга тавба қиламан. Мени кечир, чунки фақат Сенгина гуноҳларни кечирасан".

"Ўкинма" китобидан.

👉 @diyonatli
👍2👏1
Forwarded from Fitrat.uz
This media is not supported in your browser
VIEW IN TELEGRAM
#Видео #Маъруза

Табарруқ савдоси ҳукми

Абдулҳамид домла Маликов
Тошкент вилояти бош имом-хатиби ўринбосари

Ижтимоий тармоқлардаги саҳифаларимиз:
Facebook|Youtube|Telegram| Instagram

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA
👍8
ҚУРЪОННИ ЯХШИ КЎРИШ ХОСИЯТИ

Анас розияллоҳу анҳудан ривоят қилинишича, бир киши: “Аллоҳга қасамки, мен Ихлос сурасини яхши кўраман”, деди. Шунда Расулуллоҳ соллаллоҳу алайҳи ва саллам: “Бу сурага муҳаббатинг сени жаннатга олиб киради”, деб мужда бердилар .
Банданинг Қуръонга муҳаббати уни жаннат дарвозаси сари етаклайди. Жумладан, Ихлос сурасини қалбига жойлаган инсон соф имон-эътиқоди, яхши амаллари сабаб Аллоҳ розилигига эришади.
Мусулмонлар орасида “Қул ҳуваллоҳу аҳад”ни билмайдиган одам йўқ, десак ҳам бўлади. Кўпчилик бу сурани ёдлашга ҳаракат қилади. Афсуски, ҳаммада ҳам Ихлос сурасига муҳаббат йўқ. Бироқ ҳақиқий мўмин банда Ихлосни севиб ўқийди, ўқиб қалби тиниқлашади, кўнгли хотиржам бўлади.
Абдуллоҳ ибн Масъуд розияллоҳу анҳу шундай деган: “Ким Қуръонни яхши кўрса, хурсанд бўлсин ”.
Қуръонни яхши кўрган инсон қанча севинса арзийди. Чунки уни Аллоҳ яхши кўради, охиратда Қуръон шафоатига эриштиради.
Лекин бир нарсани эслатиб ўтиш лозим, тилида: “Мен Қуръонни яхши кўраман”, дейиш билан иш битмайди. Қуръонни чинакам яхши кўрган одам Каломуллоҳни ўқийди, куч-қуввати етганча ёдлайди, ҳукмларини ўрганади. Ким: “Қуръонни яхши кўраман”, деб туриб, йиллаб Қуръон ўқимай юрса, ҳақларини адо этмаса, бу гапдан зиғирча наф йўқ.
Яна Абдуллоҳ ибн Масъуд розияллоҳу анҳудан ривоят қилинади: “Ким Қуръонни яхши кўрса, хушласа, яхшилик узрадир ”.
Қуръонга муҳаббати баланд инсон хайр-баракага эришади. Ким Қуръонни яхши кўрса, ўқиб-ўрганса, икки дунёси обод бўлади. Қуръон ошиғини Аллоҳ яхши кўради, ундан рози бўлади, жаннатга киритади.
Ривоят қилинишича, Абдуллоҳ ибн Масъуд розияллоҳу анҳу нафл рўзаларни камроқ тутарди. Бунинг боиси сўралганида: “Агар рўза тутсам, Қуръон ўқишга қийналаман. Рўза тутишдан кўра Қуръон тиловатини яхши кўраман”, деб айтган .
Абдуллоҳ ибн Масъуд розияллоҳу анҳунинг жуссаси кичик бўлган. Ҳатто арок дарахтига чиқиб мисвок олган. Унинг болдири шунчалик ингичкалигидан шамол учириб юборгудек бўларди. Бир сафар одамлар Ибн Масъуднинг устидан кулишди. Шунда Расулуллоҳ соллаллоҳу алайҳи ва саллам сўрадилар:
– Нега куляпсизлар?!
– Болдирлари ингичкалигидан куляпмиз.
– Нафсим измида бўлган Зотга қасамки, Абдуллоҳнинг икки болдири Мезонда Уҳуд тоғидан ҳам оғирроқдир .
Ривоят қилинишича, Икрима ибн Абу Жаҳл Мусҳафни юзига суртиб: “Парвардигорим Китоби, Парвардигорим Китоби!” деб Қуръонни эъзозларди .
Буюк аждодларимиз Қуръонга муҳаббатлари кучли бўлгани учун Каломуллоҳни қалбларининг, уйларининг тўрида сақлаб келишган, бизга ўхшаб ойлаб, йиллаб токчаларда қолдиришмаган, ўқиб-амал қилиб ҳақини адо этишган.
Қуръон Динимизнинг бош манбаидир. Шу сабаб Қуръон мўминнинг севгисига, ҳурмат-эҳтиромига ортиғи билан лойиқ. Улуғларнинг бу борадаги ҳассосликлари боиси шу эди.

"Қуръон - қалблар шифоси" китобидан.

👉 @diyonatli
👍6