Piskent jome masjidi | Rasmiy kanal
2.7K subscribers
8.65K photos
4.46K videos
29 files
7.27K links
Ушбу каналда оят, ҳадислар, уларнинг шарҳлари, ибратли воқеалар, ҳикматлар, маърифий мақолалар ҳамда "Пискент" жоме масжиди имом хатиби Абдул Ҳамид домланинг маърузалари эълон қилиб борилади.
Download Telegram
This media is not supported in your browser
VIEW IN TELEGRAM
#Одоб_ахлоқ

ИНТЕРНЕТ ОДОБЛАРИ

Манба: "Ижтимоий одоблар китоби" (248-254 бетлар)

Тўлиқ видео👉 https://youtu.be/vjBSalbH1qE

Дўстларингизга ҳам улашинг:
@diyonatli
👎3👍1
ИНТЕРНЕТ ОДОБЛАРИ
fitrat.uz
#аудио

ИНТЕРНЕТ ОДОБЛАРИ.

Манба: "Ижтимоий одоблар китоби" (248-254 бетлар)

Интернет» сўзи ажнабий тилдаги қисқартирилган жумла бўлиб, тилимизда «халқаро маълумотлар тўри» деган маънони англатади. Аммо бу ном ихтиёр қилинганидан кейин интернетнинг тинмай ривожланиши окибатида у фақат маълумотлар такдим ва кабул килиш билан чекланиб қолмай, бундан ҳам катта ҳажмдаги ишларни олиб боришга хизмат қиладиган бўлиб кетди. Ҳаётнинг барча сохаларида интернет ёрдамида осонлик, арзонлик ва тезлик фойдалари кўзланадиган бўлди
👉 Батафсил

Дўстларингизга ҳам улашинг:
@diyonatli
👎3👍1
МУРШИДИ КОМИЛ
ҲИКМАТЛАРИ
(50)

Доктор, профессор, Шайх
МАҲМУД АСЪАД ЖЎШОН
раҳматуллоҳи алайҳ ҳазратларининг
сўзларидан сайланма
* * *
Бир неъмат етганида, хуш ёқадиган бирор иш бўлганида Аллоҳга шукр қилмоқ лозим. Кимки Аллоҳга шукр қилгувчи бўлса, Аллоҳ унинг неъматини зиёда қилади. Аллоҳнинг энг суйган нарсаларидан бири – банда неъматнинг қадр-қимматини билиши ва бу неъмат учун Унга шукр қилиши, ҳамд айтишидир.
* * *
Зинҳор неъмат ва нашъали ҳаёт Аллоҳ севгисининг ифодаси деб ўйламанг! Кофирларнинг фаровонлиги, нашъу намоси чексиз даражада ортиқ! Донгдор меҳмонхоналарда, денгиз бўйларида, Маямида, Гаити оролларида яшайди улар! Чўнтагида долларлар тўла, энг нуфузли (люкс) меҳмонхоналарда туради, аммо Аллоҳнинг энг суймаган қулларидир улар.
* * *
Аллоҳдан яхшилик тилаймиз. Неъмат тилаш ҳам мумкин, бойлик тилаш, бола-чақа тилаш, бахт-саодат тилаш ҳам мумкин. Ҳамма нарса тилаш эркин, бемалол, аммо берилиши ҳам, берилмаслиги ҳам мумкин. Берилса – шукр қиламиз; берилмаса – сабр қиламиз.
* * *
Ўзига фойдаси тегмайдиган, лозим бўлмаган, кераксиз, беҳуда нарсаларни тарк этмоғи кишининг яхши мусулмонлиги аломатидир.
* * *
Ўз тамойилимиз, ўз қоидамизга мувофиқ бўлган нарсани, агар қаноатлантирсак, ишонтирсак, ҳамма олиши, ҳамма биздан истифода этиши мумкин. Бас, унда мустаҳкам турмоғимиз лозим. Бошимизни мустақил, Исломий мезонларга мос тарзда ишлатмоғимиз, шунга эришмоғимиз лозим. Ҳеч кимдан қўрқмасдан, Аллоҳ ризоси учун бу (хайрли) ишларни қилмоғимиз лозим.
* * *
Илм инсонни олдинга элтади, режа-тартиб олдинга элтади, дарбадарлик, пала-партиш яшаш ортда қолдиради инсонни. Малояъний ишларни – бемаъни ишларни, беҳуда нарсаларни тарк этмоғимиз лозим. Режа, усул билан иш юритмоғимиз, бирор лаҳзамизни беҳуда ўтказмаслигимиз керак. Шифокор сифатида, муҳандис сифатида фойдали бўлишимиз керак. Тасаввуфий жамоанинг бош таърифи ана шундай. Техник ходимдир, ўқимишлидир, дорилфунун аҳлидир, доцентдир, профессордир, яъни устоз-ўқитувчи сингари фойдалидир бизнинг биродарларимиз. Ва шундай бўлмоғи керак.
* * *
Шаклан зикр қила-қила, зикр руҳингизга етади. Тақлидан зикр қила-қила, ҳақиқий зикрга эришасиз. Сўзини айтавериб-айтавериб, Ўзини топасиз. Зикрини қила-қила, пардаларни кўтариб, гўзал бир нуқтага эришасиз. Фақат уринганлар, меҳнат қилганлар эришади.
* * *
Бир киши марҳамат қилмаса, ёрдам бермаса, ачинмаса, севмаса, унинг атворида гўзал ахлоқ намоён бўлмаса, номи дарвиш бўлди нима-ю, бўлмади нима! Унинг дарвиш аталиши – тариқатга бўҳтон; тариқатга гап текизади. Ҳам дарвиш, мурид, ҳам ҳамма ёқтирмайдиган ишларни қилгани учун салбий бир тарғибот воситаси бўлади.

Мусанниф:
Мирзо Кенжабек
•┈❁✿❁┈•
@xojagon_uz
@m_kenjabek
@diyonatli
•┈❁✿❁┈•
👍1
This media is not supported in your browser
VIEW IN TELEGRAM
#Долзарб_мавзу

Ҳадис илми ва ҳадислардан ҳукм олиш тартиблари.

Манба: “Ҳанафий улуғлар наздида ҳадис илмлари қоидалари” китоби асосида.

Тўлиқ видео👉 https://youtu.be/HnVhvs789Qo

Бисмиллаҳир роҳманир роҳим.
Ҳадис бу Набий соллаллоҳу алайҳи васалламнинг қавли (айтган сўзлари), феъли (қилган ишлари), тақрири (бирор саҳобий бир ишни қилганини айтганида индамаганлари) ва сияр (кўриниш, юриш туриш) ларидир.
👉 Батафсил

Дўстларингизга ҳам улашинг:

@diyonatli
This media is not supported in your browser
VIEW IN TELEGRAM
Энг катта бойлик – қаноатдир | Абдул Ҳамид домла

@diyonatli
Сохиби узр киши качон тахоратини янгилайди?

❓CАВОЛ: тахорат ушлай олмайдиган одам масжидга бориб нафл ёки қазо намоз ўқиса вақти намозга тахорат янгилайдими?


ЖАВОБ:
Бисмиллаҳир Роҳманир Роҳим. Мисол учун, узрли шахс Бомдод учун тоҳарат қилди. Унинг тaҳoрати қуёш чиқиши билан синади. Қуёш чиққандан кейин қилган тaҳoрати билан Пешинни ўқиса бўлади. Заволга ўхшаш вақтнинг кириши эмас. Заволдан олдин тaҳoрат қилган узрли шахснинг тaҳoрати завол бўлиб Пешиннинг вақти кириши билан синмайди. Балки ўша тоҳарат Пешиннинг вақти чиқиши билан синади

@diyonatli
👍1🔥1
Мени Бақиъ қабристонига дафн этинглар

Йигирманчи асрнинг буюк исломий уламоларидан бўлмиш Шайх Муҳаммад Ғаззолий раҳимаҳуллоҳ Расулуллоҳнинг шаҳарлари Мадинаи мунавварада вафот этишни орзу қилар ва Аллоҳдан шу орзусига етказишини сўраб дуо қилар эди. Ҳар гал шу дуони қилганида оиласи ва шогирдлари ҳайрон бўлишар ва бу етиб бўлмайдиган орзуку дейишар эди.

Аллоҳ таоло Шайхнинг дуосини ижобат қилган эди. 1996 йилда Муҳаммад Ғаззолийга Риёз шаҳрида бўлиб ўтадиган илмий конференцияга таклифнома келди. Шогирдлари ва оила аҳли Шайхни ушбу конференцияга бормасликларини сўрашди. Хусусан, у кишининг соғликларини назорат қилиб турадиган табиб ҳам сафар қилиш мақсадга мувофиқ эмаслигини айтди. Аммо, Шайх ўз фикрида қатъий туриб, Саудия арабистонига сафарга отланди.

Конференция давомида Шайхнинг чиқишига баъзи бир мухолифлар эътироз билдиришди. Улар Шайхни суннатга хилоф қарашлари бор, деган даъвони қилишар эди. Бу даъвога қарши Шайх ўзининг Суннатга муносабатини, яъни доимо Суннатни ёқлаб келганлигини, Суннатга нисбатан муҳаббати юксак эканлигини баён қилатуриб, бехосдан юрак хуружи тутиб қолади ва шу ернинг ўзида жон таслим қилади. Шайхнинг энг охирги сўзи: "бизнинг мақсадимиз Ла илаҳа иллаллоҳ" калимасини олий қилишдан бошқа эмас", бўлди.

Шундан кейин Саудия арабистони қироллиги Валий аҳди амир Абдуллоҳ бин Абдулазизнинг қарори ва Саудия мамлакати муфтийси Шайх Абдулазиз бин Боз раҳимаҳуллоҳнинг фатвосига биноан Шайх Муҳаммад Ғаззолийнинг жуссаси Мадинаи мунавварага олиб келинади. Доктор Зағлул ан-Нажжорнинг айтишича, жанозада иштирок этиш учун дунёнинг ҳамма жойидан одамлар шахсий самалётларида кела бошладилар. Шом намозида Масжидун набавий одамлар билан лиммо лим тўлди.

Доктор Нажжор айтади: Шайхнинг жасадини дафн этишга масъул бўлган кишининг айтишича, дафн учун қабр кавлашга қаерга кетмон урса, ер қаттиқ чиқар эди. Охирида Абдуллоҳ ибн Умарнинг мавлоси Нофеъ билан Имом Молик ибн Анас раҳимаҳуллоҳнинг қабрлари орасини қавласам, ер юмшаб, тупроқлари жуда мулойим кавланди. Мен шу вақтгача бундай ҳолатга дуч келмаган эдим...

Аллоҳим Шайх Муҳаммад Ғаззолийни Ўз раҳматига олган бўлсин.

@diyonatli
😢3👍2
Media is too big
VIEW IN TELEGRAM
Эҳсоннинг мукофоти эҳсондир.

Аллоҳ таоло бир эҳсон, садақага етти юз баробар зиёда ажр ваъда қилган.

Жорий йилнинг 25 декабр якшанба куни Тошкент вилояти Пискент тумани  "Пискент" жоме масжидида саховатпеша ҳомийларни жалб қилинди ва эҳсон тадбири ўтказилди.

Бунда Пискент туманидаги 29 та маҳалладан эҳтиёжманд оилаларга қарийиб 35 млн сўмлик озиқ-овқат маҳсулотлари тарқатилди.

Аллоҳ таоло барча соҳиби эҳсонларнинг холис яхшиликларини ҳусни мақбул айласин!

@diyonatli
👍7❤2
This media is not supported in your browser
VIEW IN TELEGRAM
#Ақида

Имом Таҳовий

Манба
: Шарҳу Ақидатут-Таҳовий
Муҳаммад ибн Муҳаммад Бабурти Ал Ҳанафий (14-15 бетлар)

Тўлиқ видео 👉https://youtu.be/sujOg7IEbWw

♻️ Ulashing
@diyonatli
😱1
Ақида
fitrat.uz
#аудио

Имом Таҳовий

Манба: Шарҳу Ақидатут-Таҳовий
Муҳаммад ибн Муҳаммад Бабурти Ал Ҳанафий (14-15 бетлар)

Имом Таҳовийнинг таржимаи ҳоли ва илмий фаолияти.

Имом Абу Жаъфар Аҳмад ибн Муҳаммад ибн Салома ибн Салама ал-Аздий ал-Ҳажрий ат-Таҳовий раҳимаҳуллоҳ 229 йилда Мисрнинг юқори қисмидаги Таҳия деб номланган мавзеъда туғилганлар
У тенгдошлари ичида ёдлаш қобилиятининг кучлилиги ва фаҳмининг тезлиги, Қуръони каримни пухта ёдлаши ила ажралиб турган. Имом ат-Таҳовийга Қуръони каримдан бошланғич илм берган ва ёзишни ўргатган имом Закариё Яҳё ибн Муҳаммад ибн Амрдир. Сўнгра у фиқҳ ва усулда пешқадам бўлган отасининг илм ҳалқасида иштирок этиб, фиқҳдан дарс олади.

👉Батафсил

Дўстларингизга ҳам улашинг:
@diyonatli
20221226_212812
Имом Таховий | Абдул Хамид домла
@diyonatli
This media is not supported in your browser
VIEW IN TELEGRAM
Агар бошингизга мусибат тушса... | Абдул Ҳамид домла

@diyonatli
👍6
#САВОЛ_ЖАВОБЛАР

НАМОЗДАН ҚАЗОСИ БОР ИНСОННИНГ СУННАТ НАМОЗИ ҚАБУЛ БЎЛМАЙДИМИ?

CАВОЛ: Биpop нaмoзнинг қaзoси бўлса, кейинги намозларнинг фарзлари қабул бўлиб, сyннaт нaмoзлapи қабул бўлмайдими? Macaлaн, acp намозини ўқимадим, шoм намозини ўқиганимда нaмoзининг 3 paĸaт фapзи қaбyл бўлиб, 2 paĸaт cyннaти қaбyл бўлмайдими?

ЖАВОБ:
Бисмиллаҳир Роҳманир Роҳим.
Намоздан қазоси бор инсоннинг ўқиган суннат намозлари ёки нафл намозлари қабул бўлмайди, деган гап йўқ. Қазоси бор одам нафл намоз ўқигандан кўра, қазо намозларини ўқигани афзал. Аммо мутлақо нафл ўқиб бўлмас экан, деган тушунчага бориш нотўғри. Валлоҳу аълам.

Ўзбекистон мусулмонлари идораси
Фатво ҳайъати.

Дўстларингизга ҳам улашинг:
@diyonatli
Media is too big
VIEW IN TELEGRAM
#Видео #Маъруза

Муфтий ҳазрат: Ёлғон хабар тарқатиш – оғир гуноҳ
(1-қисм)


Дўстларингизга ҳам улашинг:
@diyonatli
— Орангизда насабда унга яқин бўлган одам борми? — деб сўради дастлаб.
— Менман.
Бу жавобни берган киши Абу Суфён эди, Ҳеракл ишорат қилиб, уни қаршисига чорлади.

Суҳбат таржимон орқали борарди.
— Сен рўпарамда турасан, — деди Ҳеракл. Сўнгра бошқаларга хитоб қилди: — Сизлар унинг орқасида туринглар. Мен бу одамдан баъзи нарсаларни сўрайман, бордию янглиш жавоб берса, ишорат қилиб менга билдирасизлар.

Шундан сўнг Абу Суфённи саволга тута бошлади:
— Орангизда унинг насаби қандай?
— У шарафли бир оиладандир.
—Ундан олдин орангиздан пайғамбарлик даъвоси билан чиққан бирон кимса бўлганми?
— Йўқ.
— Боболари орасида подшоҳ ё султон ўтганми?
— Йўқ.
— Унинг даъватини кўпроқ инсонларнинг юқори табақаси қабул қиляптими ё паст табақасими?
— Ростини айтганда, унга кўпроқ заифлар эргашишяпти.
— Эргашувчилар кўпайяптими ё камайяптими?
— Кўпайяпти.
— Ичларида унинг динини ёқтирмай чиқиб кетганлар борми?
— Йўқ.
—Пайғамбарлик даъвосини қилмасидан илгари унинг ҳеч ёлғон сўзлаганини
кўрганмисизлар?
— Асло.
— Ваъдасида турмаган ҳоллари бўлганми?
— Йўқ.

Абу Суфён бу ерда шериклари уни уялтирмасликларига амин эди. Ҳеч бири бу суҳбат давомида ўртага отилиб: «Бу одам ёлғон айтяпти, ҳақиқат бу сўзлаётгани каби эмас!» демади.

Аммо сафардан қайтишларида уларнинг тилларини биров тушовлаб туролмайди. Бу воқеа у ербу ерда ҳали гапирилади, «Абу Суфён билиб туриб ёлғон сўзлади, аммо Ҳерақлнинг ҳузурида бизлар аҳволни бузгимиз келмади», дейдиганлар ҳам чиқади. Шундай экан, фурсатини топиб озгина бўлсада, бир нарсаларни айтиб олса бўлмасмиди? Нозик бир нарсалар тўқиб юборса, ярани сал тирнаб юборса, етарди.

Аҳмад Лутфий Қозончи “Саодат асри қиссалари”

Дўстларингизга ҳам улашинг:
@diyonatli
👍1
This media is not supported in your browser
VIEW IN TELEGRAM
Банда ўлмас - ризқи тугамас! | Абдул Ҳамид домла

@diyonatli
👍3
#МУТОЛАА_ВАҚТИ

Орадан кўп вақт кечмади. Жаброили амин (а.с.) келди. Ҳафса сўзида турмаганини ва сирни сирликдан чикарганини билдирди. Расули акрам жанобимиз Ҳафсанинг ёнига кирдилар ва унинг қилмишини сўзма-сўз айтиб бера бошладилар. Ҳафса шунақа довдираб қолдики, Расули акмалнинг сўзларини ҳам охиригача эшитиб туролмади, буткул ўзини йўқотди.
— Буларни сизга ким айтди?.. — дея олди.

Бундай савол дарҳақиқат довдираб қолганининг ифодаси эди. Кимдир бошқа одам шундай сўраса, жоҳиллигига йўйилиши мумкин эди, аммо Пайғамбар жанобимиз билан неча йилдан бери бир ёстиқда бош қўйиб яшаб келаётган, Жаброили (а.с.) келтирган ваҳийларга кўп гувоҳ бўлган Ҳафсадай бир хотинлари бундай савол бермаслиги лозим эди.

Олдингию кейингиларнинг саййиди (с.а.в.) ғоят сокин бир овозда:
— Ҳар нарсани билгувчи, ҳар нарсадан хабардор Аллоҳ етказди менга, — дедилар.
Бу жавоб етарли бўлди. Энди Ҳафсанинг: «Мен Ойишага айтаётганимда ҳеч ким йўқ эди», дейишига ўрин қолмади. Худди «Йўқ, мен ҳеч кимга ҳеч нарса айтмадим...» дейишнинг иложи бўлмагани каби.

Яна Жаброили амин (а.с.) келди. Расули амин (с.а.в.) жанобимизнинг қалбларига ушбу оятларни нақшлади:
«Пайғамбар жуфтларидан бирига (яъни, Ҳафсага) бир сўзни пинҳона айтганини эсланг! Энди қачон (Ҳафса) у (сир) ҳақида (Ойишага) хабар бергач ва Аллоҳ (Жаброил фаришта воситасида Пайғамбарни Ҳафсанинг қилмишидан) воқиф қилгач, у (Ҳафсага ўзи воқиф бўлган нарсанинг) баъзисини билдирди ва баъзисидан юз ўгирди (билдирмади). Бас, қачон (Пайғамбар Ҳафсага ўзи воқиф бўлган нарсанинг баъзиси ҳакида) хабар бергач, у: «Ким сизга бу хабарни берди?» деган эди, (Пайғамбар): «Менга билгувчи ва хабардор зот хабар берди», деди. (Эй Ҳафса ва Ойиша) агар сизлар иккингиз (бу қилмишларингиз учун) Аллоҳга тавба қилсангизлар (ўзларингизга яхшироқ бўлур). Чунки сизларнинг дилларингиз (ҳақ йўлдан) тойиб кетди! (Аммо) агар сизлар (Пайғамбарнинг) зиёнига (яъни, у зот билан аёллари ўртасини бузадиган ишлар устида) бир-бирингизга ёрдам берсангизлар, у ҳолда шак-шубҳасиз, Аллоҳнинг ўзи ҳам, Жаброил ҳам, аҳли солиҳ мўминлар ҳам унинг мададкоридирлар. Яна, булардан кейин фаришталар ҳам (Пайғамбарга) ёрдамчидир. Эҳтимол Парвардигори — агар у сизларни талоқ қилса — унга сизлардан яхшироқ жуфтларни — муслима, мўмина, (Аллоҳ ва унинг пайғамбарига) итоат этувчи, тавба-тазарру қилгувчи, обида, (мудом Аллоҳнинг йўлида) кетгувчи жувон ва қизларни алмаштириб берур». * (Таҳрим, 3—5.)


Бу оятларни мўминларга ва хоссатан Ҳафса ва Ойиша оналаримизга Жанобимиз ўзлари ўқиб бердилар. Оятларни охиригача эшитгач, Расулуллоҳга термулган кўзларда ўжарлик эмас, аксинча, пушаймонлик бор эди, «жоҳиллик қилдик, тавба қиламиз...» маъносига келадиган бир ҳол бор эди.

Ҳафса онамиз аввалроқ отаси келиб ўзини огоҳлантирган кунларни ва айтган гапларини эслади. «Расулуллоҳ сени балки менинг юз-хотирим учун қўйиб юбормаётгандирлар, ҳушингни йиғ. Менинг Пайғамбар ёнларида қадрли бўлишим сени алдаб қўймасин», деган эди. Яна Ҳафса онамиз унинг: “Ё сизлар Расулуллоҳга нисбатан тавирларингни ўзгартирасизлар, ё Аллоҳ сизларнинг ўрниларингга янада яхши хотинлар бериб, у зотнинг кўнглини олади», деганларини хотирлади. Энди отаси яна бу ишга аралашиб: «Мен сенга нималар деган эдим?!» деб қолса-я...

Лекин ҳазрати Умар бериши мумкин бўлган ҳар қандай жазо оятлардаги таҳдид олдида ҳеч гап эмас эди.

Аҳмад Лутфий Қозончи “Саодат асри қиссалари”

Дўстларингизга ҳам улашинг:
@diyonatli
👍2
Media is too big
VIEW IN TELEGRAM
Фиқҳда ихтилофлар | Абдул Ҳамид домла

@diyonatli
👍1
#САВОЛ_ЖАВОБЛАР

ПАЙҒАМБАРЛАРГА ТУШГАН КИТОБЛАР АЛЛОҲНИНГ КАЛОМИ ДЕЙИЛАДИМИ?

CАВОЛ: Бошқа пайғамбарларга тушган китобларни ҳам Аллоҳнинг каломи дейиладими?

ЖАВОБ:
Бисмиллаҳир Роҳманир Роҳим.
Ҳозирги даврдаги Инжил, Таврот китобларини Мусо алайҳиссалом ва Ийсо алайҳиссаломга нозил бўлган самовий китоблар деёлмаймиз. Чунки, уларга одамлар томонида турли ўзгартиришлар киритиб юборилган. Лекин, ўз вақтида мазкур пайғамбарларга нозил бўлган асл Таврот ва Инжил китоблари Аллоҳнинг каломи дейилади.

و في شرح الطحطاوية والحق ان التوراة و الانجيل و الزبور و القران من كلام الله حقيقة

"Шарҳ Таҳтовий"да қуйидагича келтирилади: "Ҳақиқат шуки, Таврот, Инжил, Забур ва Қуръон ҳақиқатда Аллоҳнинг каломидир". Валлоҳу аълам.

Ўзбекистон мусулмонлари идораси
Фатво ҳайъати.


Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA
👍1
Media is too big
VIEW IN TELEGRAM
#Видео #Маъруза

Муфтий ҳазрат: Ёлғон хабар тарқатиш – оғир гуноҳ
(2-қисм)

Ижтимоий тармоқлардаги саҳифаларимиз:
Facebook|Youtube|Telegram|Instagram

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA

Facebook
Log in or sign up to view
See posts, photos and more on Facebook.