Piskent jome masjidi | Rasmiy kanal
2.7K subscribers
8.63K photos
4.45K videos
29 files
7.26K links
Ушбу каналда оят, ҳадислар, уларнинг шарҳлари, ибратли воқеалар, ҳикматлар, маърифий мақолалар ҳамда "Пискент" жоме масжиди имом хатиби Абдул Ҳамид домланинг маърузалари эълон қилиб борилади.
Download Telegram
Toshkent viloyat vakilining o'rinbosari Abduhamid domla Malikov O'rtachirchiq tumani "Firdavs " jome masjidida jumani ado etyaptilar.

@diyonatli
👍10
#Солиҳлар_гулшани

Аллоҳдан қўрқиш

Ҳасан Басрий раҳимаҳуллоҳ айтади: «Ниҳоятда гўзал, соҳибжамол бир аёл бор эди. Бутун гўзалликнинг учдан бири унга берилган эди. Бироқ у бузуқлик қилиб, танасини сотар, ҳуснига ишониб, юз динордан камига кўнмас эди.

Бир обид банда уни кўриб, ёқтириб қолди. Обид унга етишиш учун тер тўкиб меҳнат қилиб, юз динор пул тўплади. Сўнг аёлнинг олдига борди. Унга: «Мен сени кўриб, ёқтириб қолдим. Бориб, ўз қўлларим билан меҳнат қилиб, юз динор пул тўпладим», деди.

Аёл уни ичкарига таклиф қилди. У киши ичкарига кирди. Аёлнинг тилладан ясалган каравоти бор эди. Аёл каравотга ўтириб, уни ўзи томон чорлади. Обид аёлнинг олдига яқинлашган эди, шу пайт эртага Қиёматда Роббининг ҳузурида туриб жавоб беришини эслаб, қалтираб-титрай бошлади.

Аёлга: «Мени қўйиб юбор, кетаман. Майли, шу юз динор ҳам сенга», деди. Аёл: «Сенга нима бўлди? Ахир сен мени кўриб, ёқтириб қолган экансан. Кейин бориб, пешона теринг билан меҳнат қилиб, юз динор пул тўплабсан. Энди мақсадингга етганингда нега бундай қиляпсан?» деди.

Обид: «Аллоҳдан қўрқиб, эртага Қиёматда Унинг ҳузурида туриб жавоб беришимни эслаб шундай қиляпман. Энди сени ёмон кўриб қолдим. Мен учун дунёдаги энг ёмон одам сенсан!» деди. Аёл: «Агар гапинг рост бўлса, энди мен учун сендан бошқа эр йўқ», деди. Обид: «Мени тинч қўй, кетаман», деди. Аёл: «Йўқ, менга уйланмагунингча сени қўйиб юбормайман», деди. Обид: «Йўқ, кетаман», деди. Аёл: «Агар олдингга борсам, менга уйланасанми?» деди. Обид: «Билмадим», деди ва кийимини бошига ёпиб, чиқиб кетди.

Шундан сўнг аёл тавба қилиб, қилган ишларидан пушаймон бўлди, обидни қидириб, унинг шаҳрига борди. Одамлардан унинг исмини, манзилини сўради.

Одамлар унга обиднинг уйини кўрсатишди, обидга эса: «Сенинг уйингга бир малика келяпти», дейишди. Обид аёлни кўриб, қаттиқ оҳ урди-ю, шу заҳоти жон таслим қилиб, аёлнинг қўлларига йиқилди. Аёл: «Мен бу одамни йўқотдим. Унинг бирорта яқини борми?» деб сўради.

Одамлар: «Унинг бир камбағал укаси бор», дейишди. Шунда аёл: «Акасига бўлган муҳаббатим туфайли унга турмушга чиқаман», деди ва ўша кишига турмушга чиқди».

«Солиҳлар гулшани» китобидан

Дўстларингизга ҳам улашинг:
@diyonatli
👍1
«Намозни тўкис адо этинглар. Албатта, намоз мўминларга вақти тайин фарз бўлгандир» (Нисо: 103)

2023/1444 Ҳ. ЙИЛ, 4 - МАРТ
КУНИ УЧУН НАМОЗ ВАҚТЛАРИ ТАҚВИМИ

⏱ТОНГ
- 05:36
⏱БОМДОД - 06:15 (ўқилиш вақти)
⏱ҚУЁШ - 06:54
⏱ПЕШИН - 13:00
⏱АСР - 16:40
⏱ШОМ - 18:23
⏱ХУФТОН - 19:55

🔗 Улашинг: @diyonatli
👍4
Ассалому алайкум!

Аллоҳ хонадонингиздан ҳузур, оилангиздан тотувлик, ризқингиздан баракот, тилларингиздан зикру-дуо, қалбингиздан меҳр-оқибатни аритмасин!

Тонгингиз хайрли, кунингиз мазмунли бўлсин!

@diyonatli
#Ҳадис

Наввос ибн Самъон розияллоҳу анҳудан ривоят қилинади. Расулуллоҳ соллаллоҳу алайҳи васалламдан яхшилик ва ёмонлик ҳақида сўраганимизда, у зот: «Ҳусну хулқ яхшиликдир. Қалбинг тараддудланиб, одамлар ўша қилган ишингдан хабардор бўлишларини кариҳ кўришинг ёмонликдир», дедилар.

Имом Муслим ривоятлари.

@diyonatli
Joriy yilning 2-mart kuni Toshkent viloyat vakilining o'rinbosari Abdulhamid domla Malikov Toshkent viloyati Nurafshon shahrida joylashgan "Qur'oni Karim va Tajvidni o'rgatish" o'quv markaziga tashrif buyurdilar.

O'quv kursini tamomlab Allohning kalomini o'qishlik baxtiga muyassar bo'lgan navbatdavi 60 nafar bitiruvchilarni SERTIFIKAT va esdalik sovg‘alari bilan taqdirladilar.

Alloh yurtimizni tinch, osmonimizni musaffo, mana shunday ishlarni davomli qilsin.

Toshkent viloyati vakilining o'rinbosari A.Malikov
👍4
#САВОЛ_ЖАВОБЛАР

ТЎЙДАН ОЛДИНГИ УЧРАШУВ

CАВОЛ: Тўйдан олдин йигит ва қиз учрашишлари мумкинми? Қизнинг отаси йигит билан кўришса ҳам бўладими?

ЖАВОБ:
Бисмиллаҳир Роҳманир Роҳим.
Бўлажак келин ва куёв никоҳдан аввал кўришишларига рухсат берилган.

Жобир розияллоҳу анҳудан ривоят қилинади: «Набий соллаллоҳу алайҳи васаллам: «Қачон бирингиз бирор аёлга совчи қўймоқчи бўлсангиз, агар унинг никоҳига чорловчи нарсага назар солишга қодир бўлса, шуни қилсин», дедилар» (Абу Довуд, Шофеий ва Ҳоким ривоят қилишган).

Муғийра розияллоҳу анҳудан ривоят қилинади: «У киши бир аёлга совчи қўймоқчи бўлганида Пайғамбар соллаллоҳу алайҳи васаллам: «Унга назар сол, чунки бундоқ қилиш иккингиз орангизда бардавомликка керакдир», дедилар» (Насаий ва Термизий ривоят қилишган).

Аммо бу кўришишга ёлғиз қолмаслик шарти билан рухсат этилади. Унаштирилгандан кейин ҳам гаплашишлари, кўришиб юришларига рухсат йўқ. Чунки бу ишлар зинога эшик вазифасини бажариши мумкин. Фақат икки томон бир-бирини юзаки билиб оладиган даражадаги учрашувга, у ҳам хилватда бўлмаслиги шарти билан рухсат берилган. Бундай маълумот бир-икки учрашув билан ҳосил бўлади.

Қизнинг отаси йигит билан кўришиши борасида икки томон ихтиёрли. Агар кўришмоқчи бўлсалар, бунга шариатда бирор қайтариқ йўқ. Аммо бу учрашувга юқоридаги каби тавсиялар келган эмас. Валлоҳу аълам.

Ўзбекистон мусулмонлари идораси
Фатво ҳайъати.

Дўстларингизга ҳам улашинг:
@diyonatli
👍2
This media is not supported in your browser
VIEW IN TELEGRAM
#Видео #Маъруза

ИЛМ ЭГАСИ БАРЧАГА КЕРАК

Жасурбек домла Раупов
Тошкент вилояти бош имом-хатиби

Дўстларингизга ҳам улашинг:
@diyonatli
#КУН_ҲАДИСИ

Абу Ҳурайра розияллоҳу анҳудан ривоят қилинади:

«Пайғамбар соллаллоҳу алайҳи васаллам:

«Кимга илмсиз равишда фатво берилса, бунинг гуноҳи унга фатво берган кимсага бўлади. Кимки ўз биродарига тўғрилик бошқа тарафда эканлигини билиб туриб бошқа бир ишни кўрсатса, батаҳқиқ унга хиёнат қилган бўлади», деганлар».

Абу Довуд ва Ибн Можа ривоят қилишган.

Дўстларингизни каналимизга таклиф қилинг:
🌐 @diyonatli