لك فالغلا قمة ولك فالحشى بيت
‏ما يسكنه غيرك ولو كان غالي

‏أنت الوحيد اللي بحبه ‏تماديت
وغيرك بوسط القلب ماله مجالي .

أجلس تربع بـ الحشى حط مركاك
‏ وأشرب من عروق الغلا لين تروى

‏ وأمر و تدلّل وأطلب الروح تفداك
‏ وشلون أفرط بك و أنا حي و أوقوى .

انا لي ايام وانا خاطري لك عليه
ولاعاد لي مع ملذات الحياة معدا

اليا ابتدوا السوالف صرت اشوف الوجيه
مشاهدٍ صامته لاصوت ولا صدى .

‏وجهك يرحبّ وقلبي في عيونك قلط
‏وأنا كرهت المجامل وأعتبرنيّ صريح

‏ان كان وصلك غلط ، ليتكَ تعيد الغلط
‏أحيان الأغلاط خطوه للطريق الصحيح .

أحسب إن الجروح اللي من الفرقا تخفّ شوي
‏والى من شفت ضعف الحيل والأحوال والحيله
‏
‏رفعت يديني الثنتين صوب اللي خلقهم فيّ
‏وقمت أدعي عليه شوي وشوي أرجع أدعي له

‏عسا الله يغفر ذنوبه كثر ما مت وانا حيّ
‏وكثر ما عشت حاير من هذاك الليل لـ الليله .