كان أحسب إن لحبنا عشرة أرواح
‏إلين شفت الحبل بيديه مقطوع

‏يوم العهد به حده إسبوع لى راح
‏إسبوع ويعوّد علي شوق ودموع

‏واليوم خمس سنين والهم مازاح
‏هم الفراق اللى بلا عذر مشروع .

لـو اقـول ان البحر من الهوى مـهوب قدّي
ماقدرت اقول قلبي تاب واعرض عند دروبه

لو اتوب من الذنوب الي جنت الايام ضدي
ماقدرت اتوب عن ذنبٍ يعنّ القلب صوبه

كيف اتوبك يا جمل ذنوبي واقف عند حدي
وانت ذنبِ لا غفره الله ولا لي عنه توبه .

- ضيدان بن قضّعان .

تدري متى تندم على فزعة الطيب
‏لا شفت مردود الجماله . . نذاااله

‏ما يذكر المعروف غير الاصاحيب
‏وما يجحد المعروف غير الحثاااله .

‏كيف اوصفش ياوجهٍ بحسنه سماوي
‏وانتي حسنش ملا سمع الحياة وبصرها

‏جادلٍ يوم جات الريح في ثوب غاوي
‏كل ماجت تعريها سترها شعرها

‏ضاع عقل الرزين وتاه طرف الحياوي
‏بين لولو قلادتها ولولو ثغرها ❤️.

تحريتك على رجوى وصالٍ مابعده غياب
وتمنيتك وأنا حزني عليك أكبر من الجيّه

تراودني تعاليل المحبه والشعور أسراب
وأغض البال لامني سرحت وقلت ناسي

الا ياخفوقٍ ينزف حنين وماحسبت حساب
وألا ياعرق لا تشره علي إن زادت الكيّه

أنا من هام في وادي عيونك وإن بكيت تاب
وأنا من تاه في سكة رحيل بدمعةٍ حيه .