‏ياملاك الحسن ياذات القوام الناهي
‏تفتحين آفاق للشاعر وهو مافكّر

‏بالشفايا والعيون وكل شيٍ راهي
‏وخدك الي من شعاعه كل طيرٍ وكّر

‏" ومن تحت عنق الغزال ولبّك المتباهي
‏النهد كنه يوايق والزرار .. مسكّر ❤️.

‏تهيض الخاطر اللي ماهدا من عصر
‏شوفولي المهره المتغطرسه وينها

‏يا ويش باريس ولا وش حظارة مصر
‏تطيح من عيني الليا سلهمت عينها

‏الله عطاها وجه والله عطاها خصر
‏تقدر تصكر عليه براحة يدييينها

‏تقول هاذي غزالً من حديقة قصر
‏ولا فرس من ولد سلطان شارينها .

‏مرحبا يا اللي ما بين الغيد وحدك دُرّه
‏عند غيرك ما يجي للزين ذكر و طاري

‏والله ان البال محدٍ غير زولك مرّه
‏تسرحين بقلبي اللي يعشقك و افكاري

‏من عرفتك و الغلا فـ الصدر لله دره
‏يا اجمل ارزاق الحياة و مكسبي واقداري .

‏هذا الحرير اللي مخلّا ومْهدود
‏تلمّه الريح ويعوّد ينتثر

‏ويطير سرب مْن العصافير ويعود
‏اليا هدا بال السواليف وخثر

‏وش هالجمال اللي وكل ماله بزود
‏حتى تجاوزتي وصرتي هالكثر

‏من رقّتك جايز على رمل النفود
‏لو داست اقدامك مايلقى لك أثر

‏جيتيني ورحتي مثل ذعذاع نود
‏واحييتي بقلبي شعورٍ مندثر .