أحسب إن الجروح اللي من الفرقا تخفّ شوي
‏والى من شفت ضعف الحيل والأحوال والحيله
‏
‏رفعت يديني الثنتين صوب اللي خلقهم فيّ
‏وقمت أدعي عليه شوي وشوي أرجع أدعي له

‏عسا الله يغفر ذنوبه كثر ما مت وانا حيّ
‏وكثر ما عشت حاير من هذاك الليل لـ الليله .

تبقى نديم القلب وأصدق نواياه
‏حتى ولو حظّي معك ما وقف لي

ويبقى غرامك داخل الرُوح مبناه
‏يالله عسَى مع الزمن تنكتب ليّ .

‏يـ الجمال المستحيل يـ القوام الراهي
‏يـ العيون اللي طوارف رمشها يسلبها

‏فصل فنجال قهوه من يديك ولا شاهي
‏فرصة يـ حظ منهو في العمر يكسبها .

ياحبيبي المحبه مواطنها القلوب
‏والقلوب اليا تصافت يزيد اشعافها

‏والله ان حبك سعاده وذنبٍ من الذنوب
‏سكةٍ فيها الركايب يطول اوقافها

‏مايتوب القلب من حب خله مايتوب
‏لو تتوب الناس من حقها واعرافها .

كان أحسب إن لحبنا عشرة أرواح
‏إلين شفت الحبل بيديه مقطوع

‏يوم العهد به حده إسبوع لى راح
‏إسبوع ويعوّد علي شوق ودموع

‏واليوم خمس سنين والهم مازاح
‏هم الفراق اللى بلا عذر مشروع .