‏لاعاد أحد يلحق زمانه مشاريه
‏بيح سدود الناس كثر التشكي

‏خل الحياه تسوي إللي تسويه
‏دامك على شداد الكرامه متكي

‏من طاح من عينك لا تجلس تداريه
‏لو طاح منها إللي مطيحه يبكي

‏كم واحدٍ كنا من أول نزكيه
‏واليوم صرنا ندفعه لـ المزكي ؟

‏ماهي تحب تكون بين 'الخيارات'
‏الأوّله بكل شيء، ما هي الأخيرة

‏تعلم الناقص دروس المقامات
‏وتعلم الضايع يعدل مسيرة

‏هي واقعية..ما تحب الروايات
‏ولا تحب تكون قصة قصيرة

‏تسمو على بعض الحكي والنقاشات
‏ولا تدقق في العقول الصغيرة .

‏ياملاك الحسن ياذات القوام الناهي
‏تفتحين آفاق للشاعر وهو مافكّر

‏بالشفايا والعيون وكل شيٍ راهي
‏وخدك الي من شعاعه كل طيرٍ وكّر

‏" ومن تحت عنق الغزال ولبّك المتباهي
‏النهد كنه يوايق والزرار .. مسكّر ❤️.

‏تهيض الخاطر اللي ماهدا من عصر
‏شوفولي المهره المتغطرسه وينها

‏يا ويش باريس ولا وش حظارة مصر
‏تطيح من عيني الليا سلهمت عينها

‏الله عطاها وجه والله عطاها خصر
‏تقدر تصكر عليه براحة يدييينها

‏تقول هاذي غزالً من حديقة قصر
‏ولا فرس من ولد سلطان شارينها .