🔹Бүгүн Мөҥүрүөн нэһилиэгэр улахан суолталаах түгэн - 51 миэстэлээх "Социальнай-геронтологическай киин" үөрүүлээх быһыыга арыллынна.
Саҥа дьиэ социальнай эйгэ үлэһиттэрин күнүгэр арыллыбыта икки бүк үөрүүлээх түгэнинэн буолла.

🔹Бу күн Саха Өрөспүүбүлүкэтин Бырабыыталыстыбатын Бэрэссэдээтэлин солбуйааччы Георгий Степанов, үлэ уонна социальнай сайдыы миниистирэ Елена Волкова, үп миниистирэ Иван Алексеев, тутуу миниистирин солбуйааччы Сахаяна Бугаева, үп миниистирин солбуйааччы Николай Старостин, нэһилиэк олохтоохторо, тутааччылар
кыттыыны ыллылар.

🔹Дойдубут Президенэ Владимир Путин олохтообут национальнай бырайыагар биһиги Ил Дархаммыт Айсен Николаев өйөбүлүнэн киирбит дьиэ бүгүҥҥү күн ирдэбилигэр толору эппиэттиир, саҥа тутуу киэҥин-куоҥун, сылааһын, сырдыгын тэрээһин кыттыылаахтара бары астына бэлиэтээтилэр.

🔹Тэрилтэ 67 үлэһиттээх уопуттаах салайааччы Александр Куприянов салалтатынан үлэтин саҕалаата.
Бу күнтэн ытык кырдьаҕастарбыт амарах санаалаах, сымнаҕас илиилээх үлэһиттэрбит илиилэригэр киирдилэр.

🔹Бу түгэҥҥэ улууспут олохтоохторун ааттарыттан Дойдубут, Сахабыт сирин салалталарыгар, тутааччыларбытыгар махталбын тиэрдэбин.

🔹Саҥа киин биһиги кырдьаҕастарбытыгар сылаас уонна уһун, толору олох дьиэтэ буоллун!

📱 @dmitriytikhon0v

💬МАХ сыһыарыыга суруттар- https://max.ru/id1415008873_gos2

🔹Бүгүн, «Дьулуур» XV спорт адаптивнай көрүҥнэригэр өрөспүүбүлүкэтээҕи спартакиадаҕа хамаандабытын атаардыбыт.

🔹Спартакиада бэс ыйын 16-19 күннэригэр Дьокуускай куоракка ыыттыллыаҕа.

🔹Спортсменнарбытын үгэс быһыытынан, алҕаатыбыт, алгысчыт Денис Оконешников саргылаах суолу арыйар алгыс сиэрин-туомун толордо.

🔹Биһиги улууспут аатын 8 көрүҥҥэ 4 тренер салалтатынан 56 бастыҥ спортсменнарбыт көмүскүөхтэрэ.

🔹Бу күннэргэ спортсменнарбытыгар бука бары ыалдьыаҕыҥ, үтүө түмүктэри, чаҕылхай кыайыылары баҕарыаҕыҥ!

💬 @dmitriytikhon0v

📲МАХ сыһыарыыга суруттар- https://max.ru/id1415008873_gos2

🔹Бүгүн Дьокуускай куорат «Туймаада» стадионугар «Дьулуур» XV спорт адаптивнай көрүҥнэригэр өрөспүүбүлүкэтээҕи спартакиада арылынна.

🔹Бу бэлиэ түгэҥҥэ биһиги киэн туттар спортсмеммыт Арассыыйа спордун маастара, дойду сүүмэрдэммит хамаандатын чилиэнэ, Арассыыйа 13 төгүллээх чөмпүйүөнэ, дьаадыраны анньыыга Аан дойду чөмпүйэнээтин боруонса призёра Айаал Сивцев спартакиада уотун уматар үрдүк чиэскэ тиксибитэ биир дойдулаахтарыгар биһиэхэ улахан долгутуулаах, киэн туттуу түгэнинэн буолла.
 
🔹Быйылгы күрэхтэһиигэ 3 бөлөҕүнэн, 22 улуустан 80 тренер, 851 спортсмен, 76 бэрэстэбиитэл кыттыыны ылаллар.
 
🔹Спартакиада чэрчитинэн олорон волейболга, голболга, чэпчэки атлетикаҕa, дуобакка, саахымакка, остуол тенниһигэр 106 мэтээл кэмпилиэгэ оонньонуоҕа. Быйылгы сыл уратытынан анал байыаннай дьайыы кыттыылаахтарыгар анаан буулдьанан, ону таһынан оҕунан ытыы көрүҥнэрэ киирэн тураллар.
 
🔹Күндү спортсменнарбыт! Эһиэхэ, хас биирдиигитигэр, тулууру, дьулууру, үрдүк ситиһиилэри, чаҕылхай кыайыылары баҕарабын!

💬 @dmitriytikhon0v

📲МАХ сыһыарыыга суруттар- https://max.ru/id1415008873_gos2