كم مرة أخفيت حزنك بنومك؟!♥️

ج / احذروا هذه الطريقة فهي مقيتة وقاتلة، وتضر كثيرًا بالصحة، قبل النوم دائمًا افسحوا لأنفسكم وطيبوا قلوبكم بذكر الله وحدثوا أرواحكم بحديث الأمل وأن القادم أجمل وأن الله أرحم بنا من كل أحد وأن الله كريم سيرضينا ويرحمنا ويتفضل علينا، مروا على ذكريات جميلة، وسامحوا الناس، وناموا بسلام، فمن يدري - لا قدر الله- قد تكون الغمضة الموصولة بالرحيل..!

تصالحوا قبل النوم، حتى ولو كنتم مستائين أضمروا في أنفسكم الحب والعفو، ولو كُسر شعور ما في قلوبكم، لا تنظروا إلى من كسر كيف يمكن أن تنتقموا منه، تنفسوا العافية من كل شيء، وانظروا إلى رحمة الله كيف جعلكم ثابتين رغم معارك ضارية وقاسية، وتأملوا في الجوانب الجميلة، والانتصارات العظيمة، واللحظات الحلوة، ورتلوا آي كتاب الله، لتنعم ا بنوم أنيق هادئ وسالم.

أفنان الجعر

كنْ مميّزاًً.. فالمجتمع والبلد والعالم لم يَعد بِحاجةٍ إلى المزيدِ من الاستنساخِ والأشخاص الروتينيين.. "الذينَ لا أثر لهم في حياتهم" ✌

اقرأت ! كنْ مميّّزاً لا شاذاً.. ^^

#بنت_النور
_القصة بلشت من ولادة اول بذرة حب بين شخصين حبو بعض كتير....

ولدت و مع جيتها جابت الفرح لقلوبهن و قلوب اهلهن_

محمود:مبروك حبيبتي....يجعل وجها خير علينا يارب

غالية:يبارك فيك ويخليلي ياك...شوف شو صغيرة

محمود:ماتخافي بتكبر...بكرا رح تصير متل الاميرات

_بس الولادة المبكرة بالشهر التامن كانت نذير شؤم بالنسبة لغالية...خافت عالبنوتة كتير و هيه خلقت و وزنها ماتجاوز الكيلو الا بكم غرام....15 يوم بالحاضنة و بعدهن اخدوها للبيت مع توصيات الطبيب بالانتباه الها كتير
من شدة خوف غالية عليها و حنيتها الكبيرة كانت تخاف حتى ترضعها...كانت ترفعها لمكان عالي كرمال ماحدا يقعد عليها و ماينتبه انو هون في طفلة
كانت عم تكبر ببطئ كبير.و الريقان الي بصيب الاطفال بعمرها ماتركها و صابها الريقان و هيه يادوب عم تعرف تتنفس_

غالية(تبكي)خايفة عليها يا امي خايفة كتير

صباح:طولي بالك حبيبتي طولي بالك كل الاطفال بيصيبهن الريقان و بيطيبو و عين الله عليهن

غالية:بس ورد صغيرة كتيرصغيرة كتير و ماعم تتحمل الريقان ماعم تتحملو

صباح:طولي بالك و سلميها لربك

عليا:(تبكي)ياااارب شفيلي ورد ياااارب...شفيها دخيلك

_و مين قال انو الريقان بيروح بسهولة....بس راح...و ورد بلشت تكبر...و تحلى...من صغرها بينت رقتها فيها
لانها ماكانت تبكي متل باقي الاطفال....و ماكان عندها اي شقاوة...بالعكس...كانت هادية....هادية زيادة عن اللزوم
و بريئة زيادة عن اللزوم و لطيفة زيادة عن اللزوم
هاد الشي الي خلا حبها ينزرع بقلب كل شخص بعيلتها
بقلب الصغير قبل الكبير....طفلة حلوة و بريئة و محبوبة من الكل....هيك كانت عايشة....
لحد ما صارت بعمر ال3 سنين....بلشت تظهر عليها اعراض غريبة.........

غالية:ورد!!.....ورد حبيبتي....يا عمري ياورد!!
ليش ماعم ترد هالبنت!!....خليني روح شوفها شو عم تعمل

_مشيت غالية من المطبخ لغرفة ورد لتلاقيها عم تلعب بالعابها متل العادة و مالها منتبهة على شي_

غالية:ورد...ورد ماما...(علت صوتها)ورد!!!!

ورد:نعم ماما

غالية:ليش ماعم تردي!

ورد:ماثمعتك

__________________

_فحوصات و اطباء و صور شهور وغالية ومحمود عم يركدو من طبيب لطبيب....حتى تشخص وضع ورد بنقص السمع بدرجة كبيرة....عيب خلقي انوجد معها من الولادة....سببو مو معروف...يمكن وراثة و يمكن من الولادة المبكرة و يمكن مافي سبب....بس المرض موجود_

غالية:شو رح نعمل يعني!!

محمود:لو بدي بيع مافوقي و تحتي بدي جبلا جهاز السمع

غالية:بس هو كتير غالي

محمود:لكن اتركها هيييك!!.مشان كل مالو يزيد معها النقص

غالية:رح شوف اهلي بلكي بيدينونا شوية مصاري

محمود:مارح نتدين من حدا

غالية:لكن خود اساوري بيعهن

محمود:بس هاد دهبك!

غالية(تبكي)لك ببيع حالي ببيع الدنيا كلها و ورد تصير متل باقي الاطفال....بدي ياها تكون طبيعية فهمني

محمود:خلص...لاتبكي...بكرا منبيع الاساور و فورا مننزل ومنشتري السماعة لورد

غالية(حضنت ورد)تؤبريني يا ماما....تؤبريني

_صح تركيب جهاز السمع بيساعد المريض و بيخلي يسمع احسن....بس اثار نقص السمع بالنسبة لطفلة
كانت كبيرة.....تأخر النطق السليم عندها و حتى ممكن تأخر الاستيعاب...لانها عايشة بجوها الخاص و عالمها الخاص...بعيدا عن اصوات العالم الخارجي المزعجة بالنسبة الها.....و بلشت تكبر هالبنوتة....و بمساعدة و حنية امها الكبيرة و تفهيمها كل حرف...و كل كلمة
شرح مفصل لكل شي ممكن يصعب على ورد....جهد و تعب و وقت كبير معها دون عن اختها الي خلقت بعدها ب4 سنين....المعاملة الخاصة الها من كل افراد عيلتها من خالات و اخوال و عموم وعمات....هاد الشي خلاها تكون الطفلة المفضلة عند الكل....و المدللة عند الكل_

_بعد سنتين_

ورد:ماما....انا فوعانة

غالية:ورد حبيبتي....جوعانة

ورد:فوعانة

غالية:ماما طلعي على تمي..ج..و...ع...ا...ن...ة

ورد:فوعانة

غالية:ماما جوعانة

ورد:جوعانة

غالية(صفقتلها)براافو....هلأ رح طعميكي اطيب اكلة بالدنيا

ورد:بدي روح لعند مرح

غالية:بس ناكل ماما...بدنا نروح لعند الدكتور

ورد:دكتور جهاز!!

غالية:ماما....دكتور جهاااد

ورد:جهااز

غالية:قولي... د...د...جهاد

ورد:جهاد

غالية:شاطرة...رح نروح لعند الدكتور جهاد يشوفك

ورد:وبعدين بروح لعند مرح

غالية:بتروحي لعند مرح

_________

د.جهاد:يا مدام وضع ورد مستقر حاليا الحمدلله مافي زيادة بدرجات النقص

غالية:الحمدلله....بس عم تغلبني بالنطق دكتور

د.جهاد:طبيعي....لاتنسي انها حتى بوجود السماعة ممكن ماتسمع منيح و النطق السليم مرتبط بالسمع السليم...بدك تبذلي جهد معها و الكلمة الي بتنطقها غلط صححيلها ياها بصوت عالي مع مراعاة حركة شفايفك حتى تعرف كيف تنطقها

غالية:طيب دكتور

د.جهاد:وهيه مع الوقت رح تتعلم من اختها كون وضع اختها سليم ف رح تتعلم منها مع الوقت ماتخافي

غالية:ان شاء الله شكرا دكتور

د.جهاد:العفو....تفضلي ياحلوة هي السكرة الك

ورد:اسلمو

القصة بتحكي عن طالبة ومسيرتها من ولادتها ليوم تخرجت واشتغلت بدراستها وتزوجت

روعة 👌

غداً اول ايام العشر من ذي الحجة لعام 2019

وبناءً على هذا يكون يوم الأحد 11/08/2019م

أول أيام عيد الأضحى المُبارك

قسم من #الجزء_الثاني

قولي....يسلمو

ورد:اسلمو

د.جهاد(ابتسم)ماتخافي بتتعلم....بكرا رح تصير احسن مني و منك

_مع اني كنت صغيرة بس هالكلمة انحفرت بذهني....رح تصير احسن مني و منك....بلشت اكبر...و بلشت اوعى...ولو بشكل ابطأ من ولاد عمري بس انا عم اوعى
الكل حواليي بيحبني و بيراعيني...بس انا من صغري
كرهت نظرة الشفقة بعيون غيري
نظرة الحنية الزايدة لوضعي الخاص...انا ماحبيتها...حبيت اتعامل بشكل طبيعي...متلي متل باقي الاطفال....بكل سنة دراسية بأول يوم امي تروح معي و توصي الانسات فيني...وتحكيلهن عني
انا كنت شوف هالشي...ماكنت افهم كتير شو الي عم يصير بس كنت حس بالمعاملة الخاصة من الكل
صح كان نقص السمع سبب بهالمعاملة....بس بنفس الوقت كان سبب لمحبة الكل فيني...خاصة اني عايشة ببيت جدي...اهل ابي....و الكل كان يحوطني بالاهتمام و بالرعاية...._

ورد:تعالي نلعب...بيت ضيوف

مرح:لانلعب خطابة

ورد:انا ام العروس

مرح:و انا ام العريس

_بكل صف من صفوف المدرسة كانت مرح معي...نروح سوا ونجي سوا....تساعدني بدراستي و على طول نلعب سوا لانو ساكنين جنب بعض....بس حسيت انو بسبب الدلال و العناية الزايدة فيني...شخصيتي ضعفت
و صرت خاف اعتمد على حالي...وخاف واجه الناس
خاف احكي و عبر عن حالي....خاف من كل شي
مشان هيك الله بيحط بدربنا ناس نتعلم منهم قوة الشخصية و الثقة بالنفس...ومن هالاشخاص كانت مرح
تعلمت منها كتير خلال حياتي....ولامرة حسيت انها عم تعاملني هي المعاملة الخاصة الي بتلقاها من الكل...او حتى شفت بعيونها نظرة الشفقة_

مرح:وهيك منكون خلصنا اخر قاعدة بالانكليزي

ورد:يااارب انجح يااارب

مرح:بتنجحي ماتخافي انتي بس قوي قلبك

ورد:بتعرفي وقت بفوت عالقاعة بصير ارجف...و قلبي بيدق بسرعة عنجد بخاف

مرح:نشالله مننجح انا و انتي يارب

_فحص الصف التاسع كان صعب عليي.....المواد بالنسبة الي كانت ضخمة....من الجلدة للجلدة...كنت كتير ابذل جهد و اتعب حتى احفظ هي المواد....بذلت جهد اكتر من رفقاتي و اكتر من مرح و اكتر من الكل....لاني على دراية بوضعي و لاني بدي اثبت انو ورد مو على طول الضعيفة و الي مابتنجح بشي بدون مساعدة غيرها و بيوم النتائج_

غالية:نشالله بتنجحو كلكن يارب

مرح و ورد:اااامين

غالية:يارب تجبر بخاطر ورد و تنجحها....تعطيها على نيتها و تكون معها يارب......

_كانت امي خايفة اكتر مني...و متوترة اكتر مني....صلت و بكيت كتير و دعتلي كتير....اعصابنا كانت عم ترجف
و قلوبنا رح توقف و الساعة 12 بلشت تطلع النتائج
لهلأ مابنساه هداك اليوم....كانت الدنيا صيف....وشهر رمضان و نحنا صايمين....حاولت كتير طالع النتيجة بس ماطلعت...بوقتها ابن عمي يزن طالعلي ياها....و طلعت راسبة!!!!.....حسيت حالي انهرت...بكيت كتير و امي بكيت..حتى ابي بكي...بس صار الي صار و انا مانجحت
اتصلت بمرح لاعرف نتيجتها و طلعت ناجحة بمعدل عالي...زادت الغصة بقلبي....مو لاني حسدتها...لانو النجاح ما انكتبلي بعد الجهد الي بذلتو
بيومها.....ابي عزم العيلة كلها عالافطار بالمطعم....و من ضمنن كانت بنت عمتي مرح...باركتلا و فرحتلا ولاحسستا اني زعلانة...حتى امي و ابي عملو نفس الشي
و ستي ام ابي متل ماجابت هدية الها...جابتلي الي
لتحسسني انو مافي فرق بيني و بينها
الصيف مرق ببطئ....و اجا الشتا....و رجعت ادرس اكتر من اول....و بذلت جهد اكتر من قبل و تسجلت بمعهد خاص
صار عندي اصرار و عزيمة اني اثبت حالي و انجح ادام العيلة و ادام اهلي يلي ماقصرو بشي تجاهي لحتى انجح....درست كتير و حاولت اعتمد على حالي اد مابقدر
شتوية طويلة مرقت عليي...لحد ما صار وقت الفحص
امي كل مادة كانت تصحى من الفجر و تدعيلي
و انا صلي الفجر و اطلب من الله التوفيق
مادة ورا مادة....خلص الفحص و صار وقت النتائج و اعصابي فرطت....الكل عم يترقب نتيجتي..
مرة تانية يزن طالعلي النتيجة و كانت...........
#يتبع........

في قسم تاني من جزء الثاني للمسا 😊🙈✌️

الكل ناطر الجزء الثاني كامل وكرمال انتظاركم لح نبعت قسمين ✌️

ناجحة!!!!

بكيييت من قلبي و امي بكيت معي....سجدت شكر لله لانو ماخيبني و عطاني على قد نيتي
الكل باركلي و هناني وفرحلي
و انتقلت لمرحلة جديدة من حياتي...
بلشت اكبر...ولاحظ كيف الصبايا حواليي بيلبسو
و كيف بيحكو و كيف بيتصرفو
اما انا كنت متمسكة بالطفولة....شخصيتي و تصرفاتي طفولية....مع انو عمري كان 16 سنة...بس كنت طفلة
كنت حس انو في اشياء بعيدة عن ادراكي...وفي امور مابفهمها....بس الي فهمتو اني لازم اكبر....ولازم عيش حياتي كصبية مو كطفلة مدللة عند الكل
بلشت علاقتي بأمي تتحول لعلاقة صداقة
صارت تشرحلي كل شي بالحياة وشو ماسألت تجاوبني بصدر رحب...لانها مرجعي الاول بكل شي...بلشت اكبر و شخصيتي عم تطور بس ببطئ
و من هالمرحلة....بلش يكبر بقلبي حب لشخص اخد حيز كبير بحياتي.....كان الاخ...و الصديق...و الرفيق
كان الي كل شي و كتير كان بيعنيلي
عمي....و اخي...و رفيقي...احمد
كان اكبر مني ب7 سنين....غالي عليي كتير...و اغلى حدا على قلبي
كانت تربطنا علاقة كتير حلوة....وكتير عميقة وقوية
احمد كان يعرف زعلي من نظرة لعيوني...كان يعاملني بمنتهى اللطف و كأنو قدي بالعمر...
كل يوم يجي يسهر عنا و نقعد معو انا و اختي
نحكي و نضحك و نمزح للصبح

احمد:شبكي؟مالك على بعضك

ورد:مافي شي

احمد:متخانقة مع اختك

ورد:هيه ماعم تفهم عليي!!!ماعم تفهم انا مالي متل الكل...انا عندي وضع خاص وهيه ماعم تستوعب و عم تغار من معاملة اهلي الخاصة الي

احمد:اذا ضليتي عم تفكري هيك مارح يمشي الحال

ورد:كيف يعني

احمد:يعني بدك تنسي وضعك و تنسي كل شي بيتعلق فيه....بس تصيري تتصرفي بطبيعتك بدون ماتضلي حاطة هالحاجز براسك وقتا بتصير حياتك كلها احلا

ورد:بس هالشغلة مابتنتسى....في كتير حكي مابسمعو و اذا سمعت في حكي مابفهمو

احمد:فيكي تتجاهليها...خلي مخك شغال على طول...و ركزي على حركة شفايف الي عم يحكي معك بتفهمي كل شي لو ماسمعتي

ورد:طيب

احمد:بدي ياكي قوية و قد حالك وماحدا يقدر يزعلك

ورد:حاضر

احمد:وبدك تكوني احسن من الكل و اقوا من الكل

ورد(ابتسمت)حاضر

كلامو بيلمع بذاكرتي وكأن مبارح كنا عم نحكي
عطاني دافع كبير اني كون اقوا من هيك و اصلب احمد كان متل اخي الكبير و اعز بكتير

بعمر ال16 بلشت الاوضاع بالبلد....و اضطرينا نطلع من مطقتنا لمنطقة تانية
ومع هالاوضاع دراستي راحت....تأجلت إلى اشعار اخر

ورد:ماما انا مليت....داق خلقي بدي ارجع لمدرستي

غالية:بتعرفي انو مافينا نرجع هلأ موهيك

ورد:طيب شو اعمل!!!!

غالية:قرأي قرآن....حفظي

ورد:قرآن؟؟؟

غالية:اي....شو بدك احلا من هالشي...بتستغلي وقتك و بتاخدي اجر و ثواب

ورد:ومين بدو يسمعلي؟

غالية:وانا شو عم اعمل؟؟

ورد:طيب....رح بلش من اليوم

أمي بنظري هي الام المثالية الي مابتضاهيها ام و لا ممكن يجي متلها حدا....صبورة...طيبة...متعلمة...دينة
حنوونة لابعد الحدود و اكبر مصدر دعم الي بالحياة
حتى لما غلطت كانت توقف معي و تدعمني
مرقت الايام.....و البنت الصغيرة الي جواتي بلشت تتفتح عالدنيا اكتر....وشخصيتي عم تنصقل بس ببطئ

لحد ما اجا الوقت الي حبيت فيه
كان عمري 18 سنة....كانت اول سنة بدرس بكالوريا
حبيت شخص مابحب اتذكر اسمو....ولا شكلو....بس تأثيرو بحياتي كان عميق لحد هاليوم هاد
تعرفت عليه عن طريق قرايبتي....وبلشنا نحكي متل اي تنين بيحبو بعض
نحكي كتير....بس بحياتي ماتجاوزت حدود الادب معو
بقينا نحكي فترة بالسر.....لحد ما اجا اليوم الي انكشفت فيه....وكانت اول فجوة ثقة بيني و بين اهلي
كانت الدنيا عيد و اهلي طالعين مشوار
عرضو عليي روح معهن بس رفضت
لاني كنت متواعدة مع الشخص الي بحبو وبالصدفة
اهلي مرقو بالسيارة بنفس المكان الي كنت ناطرتو فيه
كنت حاملة موبايلي وعم دقلو
و ما انتبهت الا ابي واقف فوق راسي
رجفت و خفت كتير.....

محمود:شو عم تعملي هون؟

ورد(بارتباك)اه!عم انطر مرح

محمود:هون؟؟؟بس بيتهن بعيد

ورد:اييي......اييي

_رن الموبايل و رد ابي و لما سمع صوت شب انخطف لونو....سكر الخط و ضربني كف على وجهي بنص الشارع
كانت اول مرة بيضربني بكيت بدون شعور و السماعة باذني بلشت تطن....شدني من ايدي و حطني بالسيارة
و رجعنا عالبيت_

محمود:هي اخرة الثقة فيكي!!!

ورد:(تبكي)بابا انا ماعملت شي

محمود:لكن مين هاد الي كان عم يدقلك ميييين!!!

ورد:مما...مابعرف مابعرف

غالية:خلص طول بالك

محمود:لك كيف بدي طول بالي و بنتي عم تفلت

ورد:بابا انا مافلتت

محمود:خرسي!....لكن شو بتسمي هاد اه؟؟؟؟

ورد:باباااا

محمود:سمعي وليه!!ممنوعة من الطلعة من البيت و التلفون و الجوال لشوف اخرتها معك عم تفهمي!!

ورد(تبكي)

_كانت هي اول مرة بيقسى ابي عليي فيها...اول مرة بيضربني و اول مرة بخون ثقتو فيني
حبسني بالبيت شهرين كاملين وممنوع اطلع ابدا
و حرمني من الجوال و التلفون...حسيت اني بستاهل هالعقاب
و من وقتها ترسخت بذهني قاعدة اني ماخون ثقة اهلي فيني مرة تانية شو ماكان السبب
بعد هالشهرين تسجلت بمعهد

للبكالوريا
وصرت ادرس كتير....عملت جهدي و حطيت كل تركيزي بالدراسة لحد ما.....

الموظف:بنتك مابيحقلا تقدم بكالوريا

محمود:عفوا....ليش

الموظف:لان مواليدها مو مناسبة

محمود:بس بنتي من مواليد السنة الي بيحقلن يقدموها

الموظف:صحيح....بس مسجلة بالشهر السادس....هيك تنحسب مع مواليد السنة الجاية..ومابيحقلا تقدمها السنة

محمود:يا اخي كلو فرق شهر دبرها

الموظف:للاسف..الموضوع خارج عن ارادتي...خليها تجي السنة الجاية

_هالحكي كان الصخرة الي تحطم عليها حلمي...كل دراستي و تعبي راحو عالفاضي و رجعت عالبيت مكسورة
بس ماحدا شاف هالانكسار....وماحدا حس بحزني لاني قررت من يومها اني ورجي قوتي للناس وماحدا يشوف ضعفي
تناسيت الموضوع بفترة قصيرة و رجعت لحياتي الاعتيادية
بلشت اتعلم عالكمبيوتر و صرت خالط ناس اكتر و اتعلم منهن اكتر
و السنة الي بعدها.....رجعت تسجلت بمعهد و درست كتير....وعملت جهد كبير....
كل مادة كنت قدمها كنت ارجع فارطة من التعب
و امي واقفة معي خطوة بخطوة
تدرسني بالليل و بالنهار و تسمعلي و كل شي بيصعب عليي تساعدني فيه
بعد تعب كبير....وجهد طويييل....صار وقت النتيجة
و مافي شي سهل....ومافي شي بيتحقق بسهولة
بعد جهد و تعب و سهر ليالي....رسبت بالبكالوريا!!!

مرح:معلش طولي بالك بتقدميها السنة الجاية

ورد:مالي زعلانة

مرح:عليي هالحكي؟؟

ورد:صدقيني انا مو زعلانة...عادي كنت متوقعة هالشي

مرح:اممممم

ورد:السنة الجاية رح اخدا و اذا مانجحت بقدمها السنة الي بعدا....مارح تخرب الدنيا

مرح:من وين جايبة هالقوة ماعرفتك

ورد:تعلمت....شو بدي ابقا ورد الضعيفة و الي الكل بيشفق عليها....انا قوية...وعادي نص الطلاب بترسب اول سنة...بكرا بتشوفي كيف رح اخدها السنة الجاية

_لازم مثل القوة عالكل....لازم كون كتير قوية....مالازم حدا يشوف ضعفي او يشفق عليي ابدا
اي انا قوية...انا قد حالي...انا ورد القوية
على طول كنت ردد بقلبي هالكلمات و اتمسك فيهن اد مابقدر
على طول حاول حافظ على توازني و اد ماكان الخطب كبير ماخلي شي يظهر عليي من حزن او تعب اوخلافو
بس بالمقابل بيني و بين حالي و بس حط راسي عالمخدة و اتعرى من الاقنعة الي لابستها
بحس بضعفي...عالاقل مالي تاركة حدا يحس معي بعالضعف
بس بعد كل هالتعب الي بذلتو لقوي شخصيتي
اجتني القشة الي قسمت ظهري نصين
و حملتني هم و حزن مابنساه طول عمري

ورد:شوفي؟؟ليش هيك وجوهكن

تمارة(اخت ورد)مافي شي روحي كملي نومتك

ورد:ماما...ليش كاينة عم تبكي شو صاير

غالية:خلص امي روحي كملي نومتك

ورد(بعصبية)عم قلكن شوفيه!!!! شوصاير فهموني!!

تمارة:احمد....

ورد:شبو احمد

تمارة(تبكي)اعتقلوه!!!!!!

ورد:شو هالحكي....عم تحكي عنجد ولا عم تمزحي انتي

تمارة:في مزح بهيك حكي

ورد:كيف و ايمتا و شلون!!!!لك لسا مبارح كان سهران عنا

تمارة:اليوم الضهر....بس ابوكي عم يعمل جهدو

_حسيت الدنيا دارت فيني....رجليي ماعاد حملوني و انرميت عالارض و بلشت ابكي....بكيت من كل قلبي و ماصدقت....عقلي ماستوعب هالشي....حسيتا صاعقة و نزلت على راسي....ماتحملت الخبر
وصار معي اكتئاب حاد....بحسو لهلأ اعراضو معي وماراح مني
كانت الدنيا 9 رمضان.....من بعد هاليوم
صارت الايام كلها عادي...تمرق و تروح وماحس بطعمتها
ما الي كان محليها بعيوني راح
كانت تاني سنة بقدم بكالوريا.....حاولت طالع حالي من الاكتئاب اد مابقدر....حولت الحزن الي جواتي لطاقة كرمال ادرس
و رجعت عيد الكتب للمرة التالتة....درست ليل ونهار
ورحت لمعاهد و جبت اساتذة خصوصي
عملت كل جهدي وحطيت النجاح هدف براسي

لازم.....لازم ورد تثبت حالها للكل انها بتقدر تدخل جامعة
لو اي فرع بس لازم ادخل جامعة باي ثمن
درست بكل قوتي....وقدمت امتحان وكلي امل بالنجاح
كل يوم كنت ادعي لربي انجح....و ادعي لاحمد
لاني فقدت كتير لما فقدتو
و اجا يوم النتائج و الكل خايف من رسوبي
امي و ابي و اخواتي
بس هالمرة ربي ماخيبني و بفضلو نجحت!!!!!!

مرح:مبروك مبرووووك

ورد:يبارك فيكي يارب

مرح:كنت عارفة انك رح تنجحي

ورد:الحمدلله

مرح:شو ناوية تعملي هلأ

ورد:بدي سجل بالجامعة

مرح:وشو حابة تدخلي؟

ورد:حقوق

مرح(باستغراب)حقوق!!!!

ورد:اي بيطلعلي حسب مجموعي

مرح:ورح تقدري تدرسي حقوق

ورد:ليش حتى ما اقدر...شوناقصني؟

مرح:لا موهيك قصدت...قصدي بيقولو صعبة الحقوق

ورد:مع الارادة مافي شي صعب والي بدو بينجح

مرح:اي الله يوفقك

_كان لازم سجل حقوق....لازم اثبت للكل اني قادرة ادرس و مو اي اختصاص...حقوق...لازم الكل يعرف انو ورد بيطلع بايدها الي مابيطلع بايدهن لازم_
#يتبع

-
منذ إن تركتهَّا وهي تزداد جمالاً وكأن الجمَال ينتقم 😌💙.

" ‏أكثرهُم صدقاً أقلُّهم قدرةً على التَّعبير ✨ "

#جبران_خليل_جبران

‏" لا تؤذي قلباً رق عليك يوماً ."

جبران خليل جبران

✨لا تقبل بالنصف وأنت تستحق التمام
‏لا ترضَ بأن تكون الاختيار وقت الفراغ
‏ولا تقبل بفتات الدقائق الذي يتصدّقون به عليك
‏كن المحور أو كن العدم
‏لم نولد لنكون على مقعد الإحتياط في حياة الآخرين
‏وقتَما تشعر بذلك مع أحدهم
‏انسحب بهدوء
‏فلن يفيدك البقاء
‏و لن يضره أن تتركه !

‏_
‏"تأكد أنّ الله سيختار الأصلح لقلبك وإن خانتك إختياراتك." 💙

‏هذا الصّبر سَيُثمر في يومٍ قريب، تمَاسك ..💙💫

وماذاَ لَو جَبركِ اللّه فيِ العَشر ، وكَانَ العيدُ عيدَين ✨

مهيبة جدًا عبارة "دعيت لك" أيّ شعور قدمته لهذا الشخص ليشاركك خلوته مع الله؟💙

يوم الجمعه لحظات بيضاء ودقائق رائعة أرتشفوا من سلسبيلها،ورتلوا الكهف بقلب خاشع وأكثروا من الصلاة على الحبيب صلَّ الله عليه.

‏أحسن الظن بـ نفسك دائماً ... مهما أصابك من البعض و أرهقت من زيف الوجوه والخداع ... فـ هذا ليس غباء
إنما هو بـ سبب صفاء قلبك الأبيض🌼

اسعد الله صباحكم

‏اللهم اكتب لي الخير ، و وفقني و اكتب لي الطمأنينة دومًا ، و ابعد عني ذو الوجهين و المنافق و الحاقد و الحاسد و قربني لمن احبني بصدق ....🌹