Ўзингиз учун афзалини танланг!

Ижтимоий тармоқларда "Жигули"ни кўп қаватли уйлардан туширилаётгани акс этган видеоролик тарқалди. Айтишларича "20 йилдан кўп вақт давомида Тбилисидаги кўп қаватли уйлардан бирининг 4-қаватида “Жигули” автомашинаси турар эди.
1991-й.да Тбилисилик Резо Энукидзе ўзи учун янги автомашина сотиб олади. У машина учун бутун умр пул йиққан эди.
Биринчи кечадаёқ ўғрилари машина ғилдирак ва ойналарини ечиб кетишади. Резонинг жаҳли чиқиб, машинани ўзи яшайдиган уйи балконига кран ёрдамида олиб чиқиб қўяди.
“Машина тинч, осойишта даврлар келгунча мана шу ерда туради”- деб Резо ҳаммага жар солади.
Машина у учун жуда қадрли эди, у машинани ерга олиб тушиш учун ҳали ҳам яхши даврлар келмади деб ҳисоблар эди. У машинани балконда бўлса ҳам жуда яхши парвариш қилар эди, ҳар куни уни ювиб, артиб, тозалар эди. 2018-й.да машина ерга олиб тушилди, афсуски Резо энди йўқ эди. Унинг бутун умрлик орзуси машинани ерга олиб тушиб, оиласи билан сайр қилиш эди.

👉 @Donolar