Xayrli kech!

🍂 Kuz kelib, quyoshli kunlar buyog‘iga kamayib boraveradi. Vitamin D ga analiz topshirib, tekshirtirib qo‘yishni unutmang!

💙💙💙💙💙💙💙💙Bu organizm uchun judayam muhim vitamin.

​🧑‍⚕️ @dr_akbarshoh

Bepushtlikka duch kelgan erkaklarda sog‘liq bilan bog‘liq muammolar normal fertillikka ega erkaklarga nisbatan ko‘proq uchraydi.

2026-yilda qariyb 446 ming nafar erkak ishtirok etgan tadqiqotda bepushtlikka duch kelgan erkaklarda keyingi yillarda qandli diabet taxminan 28% ko‘proq, yuqori qon bosimi va yurak kasalliklari esa taxminan 20% ko‘proq uchrashi aniqlangan.

2023-yilgi meta-tahlil ham bepushtlikka duch kelgan erkaklarda qandli diabet, yurak-qon tomir kasalliklari va o‘lim xavfi yuqoriroq ekanini ko‘rsatgan.

2,4 milliondan ortiq erkak ma’lumotlari tahlil qilingan boshqa bir tadqiqotda esa bepushtlikka duch kelgan erkaklarda umumiy saraton kasalliklari taxminan 43% ko‘proq uchrashi qayd etilgan. Ayniqsa, moyak saratoni bilan bog‘liqlik yaqqolroq bo‘lgan.

Nega bunday?

Spermatozoidlar ishlab chiqarilishi uchun gormonlar, moyaklar, moddalar almashinuvi va ko‘plab genlarning normal ishlashi zarur. Butun organizmga salbiy ta’sir qiluvchi ayrim buzilishlar bir vaqtning o‘zida erkakning fertilligiga ham ta’sir qilishi mumkin.

Shuning uchun spermogrammada jiddiy o‘zgarishlar aniqlansa, faqat farzandli bo‘lish imkoniyatini baholash bilan cheklanmasdan, erkakning umumiy sog‘lig‘ini ham tekshirish maqsadga muvofiq.

​🧑‍⚕️ @dr_akbarshoh

​🧑‍⚕️ @dr_akbarshoh

​🧑‍⚕️ @dr_akbarshoh

XO‘SH EREKSIYA NEGA BUZILADI?

Ereksiya – murakkab jarayon. Unda qon tomirlari, nerv tizimi, gormonlar va ruhiy holat birgalikda ishtirok etadi. Shuning uchun muammoning sababi ham har doim bitta bo‘lavermaydi.

1⃣Qon tomirlari

Ateroskleroz, yuqori qon bosimi va xolesterinning oshishi jinsiy olatga qon kelishini yomonlashtirishi mumkin. Ayniqsa 40 yoshdan keyin bu omillarga e’tibor berish muhim.

2⃣Gormonal o‘zgarishlar

Testosteron yetishmovchiligi, prolaktinning oshishi yoki qalqonsimon bez faoliyatidagi buzilishlar jinsiy istak va ereksiyaga ta’sir qilishi mumkin.

3⃣Qandli diabet va semizlik

Qandli diabet vaqt o‘tishi bilan qon tomirlari va nervlarni zararlashi mumkin. Semizlik va metabolik sindrom ham erektil disfunksiya xavfi bilan bog‘liq.

Ereksiya bilan bog‘liq muammo muntazam takrorlansa, uni faqat jinsiy hayotdagi muammo deb qaramaslik kerak. Ba’zan organizm shu yo‘l bilan boshqa muammo haqida signal berayotgan bo‘lishi mumkin.

​🧑‍⚕️ @dr_akbarshoh

SABAB FAQAT TANADA EMAS

Ereksiya uchun faqat yaxshi qon aylanishining o‘zi yetarli emas. Nerv tizimi, ruhiy holat, qabul qilinayotgan dorilar va kundalik odatlar ham muhim.

4⃣ Nerv tizimi

Umurtqa pog‘onasi kasalliklari va shikastlanishlari, kichik chanoq sohasidagi operatsiyalar, diabetik neyropatiya va ayrim nevrologik kasalliklar ereksiyani boshqaruvchi nerv signallariga ta’sir qilishi mumkin.

5⃣ Stress va xavotir

«Yana bo‘lmay qolsa-chi?» degan xavotirning o‘zi ham ereksiyaga xalaqit berishi mumkin. Stress, depressiya va juftlikdagi kelishmovchiliklarni ham e’tibordan chetda qoldirmaslik kerak.

6⃣Dorilar va turmush tarzi

Ayrim dori vositalari, chekish, spirtli ichimliklarni ko‘p iste’mol qilish, uyqusizlik, kamharakatlik va anabolik steroidlardan foydalanish ereksiyaga salbiy ta’sir qilishi mumkin.

Muammo muntazam takrorlansa, faqat ereksiyani tiklash emas, nima sababdan buzilayotganini aniqlash muhim.

​🧑‍⚕️ @dr_akbarshoh

Assalomu alaykum!

Baʼzi sabablarga ko‘ra biroz tanaffus bo‘ldi. Mavzuni davom ettiramizmi?🔥

​🧑‍⚕️ @dr_akbarshoh

EREKTIL DISFUNKSIYA DARAJALARI VA MIEF-5 SO‘ROVNOMASI

Erektil disfunksiya darajasini baholash uchun butun dunyoda MIEF-5 (IIEF-5) — erektil funksiyani baholovchi xalqaro indeksning qisqartirilgan shakli qo‘llaniladi.
U jinsiy hayotning so‘nggi 6 oyi haqida beriladigan 5 ta savoldan iborat. Har bir javob 1 dan 5 ballgacha baholanadi.

So‘rovnoma nimalarni baholaydi?

1⃣Ereksiyaga erisha olishingiz va uni saqlab qolishingizga qanchalik ishonasiz?

2⃣Jinsiy olat jinsiy aloqaga kirishish uchun yetarlicha qattiq bo‘lishi qanchalik tez-tez kuzatiladi?

3⃣Jinsiy aloqaga kirishgandan keyin ereksiyani saqlab qolish qanchalik tez-tez muvaffaqiyatli bo‘ladi?

4⃣Jinsiy aloqa tugaguniga qadar ereksiyani saqlab qolish siz uchun qanchalik qiyin?

5⃣Jinsiy aloqadan qanchalik qoniqasiz?

​🧑‍⚕️ @dr_akbarshoh

Tushunarli bo‘yaptimi, savol tug‘ilsa Izohlarda yozing-chi!

​🧑‍⚕️ @dr_akbarshoh

Erektil disfunksiya tashxisini qo‘yish uchun shifokor nimalarni tekshiradi?

​🧑‍⚕️ @dr_akbarshoh