❤️O‘g‘il yoki qiz: kimga bog‘liq?

«Uchta o‘g‘lim bor, endi bitta qizaloq xohlayapman» degan erkaklarga havasi keladigan, lekin o‘zi to‘rtta yoki beshta qizi bor, ayolining yoshi o‘tibroq qolgan bo‘lsa-da, keyingi farzandi baribir o‘g‘il bo‘lishini ich-ichidan xohlaydigan erkaklar ham bor oramizda.

​Bunday vaziyatlarda barcha mas’uliyatni ayol kishiga yuklab qo‘yish tibbiy jihatdan mutlaqo noto‘g‘ri. Chunki tabiat qonuniyati butunlay boshqacha tuzilgan.
​Keling, buni juda oddiy tushuntiraman:

🖤​Ayol kishida xromosomalar to‘plami faqat XX dan iborat. Ya’ni, onaning tuxum hujayrasi o‘zida faqat va faqat X xromosomasini olib yuradi. Ayol kishi bo‘lajak farzandiga jinsni belgilash uchun boshqa variant berolmaydi.

🖤 ​Erkak kishida esa XY ko‘rinishida bo‘ladi. Demak, otaning sperma hujayralari ham X, ham Y xromosomalariga ega bo‘ladi.

​Ko‘rinib turganidek, bo‘lajak farzandning o‘g‘il yoki qiz bo‘lishi biologik jihatdan butunlay otaga, aniqrog‘i, erkak kishining hujayralariga bog‘liq.

​Ushbu ma’lumotni yaqinlaringiz bilan ulashing, zero to‘g‘ri tibbiy bilim har bir oilaga xotirjamlik olib keladi.

​🧑‍⚕️ @dr_akbarshoh

Xo‘sh, jarayon qanday kechadi?

Bunda aktiv spermatozoidlar o‘g‘il (Y) va qiz (X) bo‘lishini belgilaydi, passiv spermatozoidlar esa faqat qiz (X) bo‘lishiga olib keladi.

​Shuning uchun urologiyada asosiy e’tibor aynan faol, ya’ni aktiv spermatozoidlarni ko‘paytirishga qaratiladi. Buning uchun to‘g‘ri tashxis va shifokor tavsiyasi zarur.

​🧑‍⚕️ @dr_akbarshoh

#shaxsiyat

Bu sferaga qanday kirib qoldim?

4-kursda reanimatsion bo'limda "медбрат" bo'lim ishlaganman. O'sha paytdagi odamlarni qiynalayotgani, vrachlarni 24 soatda 25 soat ishlayotganligi juda ta'sirlantirgan. Va men REANIMATOLOG bo'lishni istaganman.

📌 Mening 2 ta buvimlar ham aynan meditsina sohasida ishlashgan. Birlari epidemiolog, ikkinchisi akusher-ginekolog bo'lganlar. Ham dars berib, ham oliy toifali vrach bo'lishgan va meniyam ginekologiya sohasiga undashgan 😅

🤔

Agar rozi bo'lganimda balki hozir ginekolog bo'larmidim?!

Xullas bu yo'nalish menga yoqmagan va urologiya, andrologiya sohasiga qiziqish kuchaygan.

🎓 Magistraturani Moskvada o'qib, ham ishlab Toshkentga urolog, androlog va shu a'zolar bo'yicha jarroh bo'lib qaytdim.

Alloh nasib qilib, sal kam 13 yillik tajribam ichida 100.000 dan ortiq bemorlarga yordam berdim. 5000+ muvaffaqiyatli operatsiyalar o'tkazdim.

"Urolog-androlog bo'lib ishlayman" emas, shu sohani ichida yashayapman, desam to'g'riroq bo'ladi.

🧑‍⚕️ @dr_akbarshoh

📌Testosteroni baland erkak qanday bo‘ladi?

⬇️ ​Doim g‘ayrat bilan yuradi: Ertalab turganda charchoq bo‘lmaydi, kun bo‘yi o‘zini tetik va bardam his qiladi.

⬇️​ Maqsadli va qat’iyatli bo‘ladi: Muammolardan qochmaydi, yengilishni yomon ko‘radi va doim oldinga intiladi.

⬇️ ​Erkaklik quvvati va jinsiy xohishi joyida bo‘ladi.

⬇️​ Tana tuzilishi mustahkam bo‘ladi: Mushaklari yaxshi rivojlanadi, ortiqcha yog‘ yig‘ilishi, ayniqsa qorin qo‘yish muammosi bo‘lmaydi.

⬇️ ​Xarakteri baquvvat bo‘ladi: Stressga chidamli, tezda asabiylashib, jazavaga tushmaydi. Ovozi va harakatlarida o‘ziga bo‘lgan ishonch sezilib turadi.

⬇️ ​Miya tiniq ishlaydi: Diqqatni jamlash, qaror qabul qilish va xotira sustlashmaydi.

🔔 Sizda hammasi joyidamikan, aniqladingizmi?

🧑‍⚕️ @dr_akbarshoh

Assalomu alaykum. Bugun men sizga qiziq bir ma’lumot aytmoqchiman.

Tez bo‘shanishga qarshi samarali texnika — „Qisish usuli“

​Bu uslubni dunyoga mashhur seksolog olimlar Uilyam Masters va Virjiniya Jonson ishlab chiqishgan.

​Usulning asl mazmuni shundan iboratki, jinsiy aloqa vaqtida tez bo‘shanish xavfi tug‘ilganda, olatni to‘g‘ri qisish orqali bu jarayonni orqaga surish mumkin.
​

Bunda ayol sherik bo‘shanish yaqinlashgan paytda olat boshchasini qattiqroq qisadi (bosh barmoqni olat yuganchasiga, ko‘rsatkich va o‘rta barmoqni esa boshchaning orqa tomoniga qo‘yadi). Qisib turish vaqti taxminan 4 soniyani tashkil qiladi va keyin qo‘yib yuboriladi.

Bu yerda muhim jihat  bosim yetarlicha kuchli bo‘lishi va barmoqlar qimirlamay turishi kerak, chunki har qanday ortiqcha harakat aksincha tezroq bo‘shalishga olib kelishi mumkin.

​Bu mashqni jinsiy aloqa davomida 2-3 marta qaytarish tavsiya etiladi. Nazoratni qo‘lga olgandan keyingina aloqani to‘liq yakunlashga o‘tish mumkin.

​Ushbu texnikani bir necha hafta davomida turli pozalarda sinab ko‘ring. Agar uch oy davomida haftada hech bo‘lmasa bir marta shu tarzda mashq qilinsa, bo‘shanish jarayonini boshqarishni o‘rganasiz va jinsiy aloqa vaqtini sezilarli darajada uzaytira olasiz.

🧑‍⚕️ @dr_akbarshoh

Hammasi joyidaga o‘xshaydi, lekin aloqa yo‘q: sabablari nimada?

0:45 Olatni sezmayapman?
1:00 Tekshirsak hamma narsa joyida
1:20 Muzlagan olat
1:50 Nevrogen erektil disfunksiya
2:22 Kimga murojaat qilish kerak?
3:00 Ereksiya qanday sodir bo‘ladi?
4:05 Pachoqlangan baklajka
7:07 Tarqoq skleroz
9:48 Qandli diabet

Qiziqmi, tez bu videoni ko‘ring!

🧑‍⚕️ @dr_akbarshoh

🙂 Agar yarim yil jinsiy aloqa qilmasangiz nima boʻladi?
​(Oxirigacha oʻqing)

​Birinchidan, libido, yaʼni jinsiy xohish pasaya boshlaydi. Organizmimiz aslida juda yalqov. Agar uzoq vaqt jinsiy hayot boʻlmasa, tana shunchaki usiz yashashga koʻnikib oladi.

​Ikkinchidan, koʻpchilik erkaklar darrov buning oʻrnini bosuvchi soxta narsalarni izlay boshlaydi. Bular nima? Porno, masturbatsiya va har xil xayollar. Ularga haqiqiy munosabatlar qurishdan koʻra, shu yoʻlga koʻnikib yashash osonroq tuyuladi.

​Uchinchidan, ichki xavotir paydo boʻladi. Tanaffus qanchalik uzoq boʻlsa, kallada shunchalik koʻp vahimali fikrlar tugʻiladi: «Toʻsatdan oʻxshamay qolsa-chi? Uyatga qolib ketmaymanmi?» Bunday xavotirlar oxir-oqibat ruhiy shikastlanishga va erektil disfunksiyaga, yaʼni jinsiy zaiflikka olib kelishi mumkin.

​Lekin shifokor sifatida meni eng koʻp xavotirga solayotgan narsa boshqa.

Bugungi kunda huzurimga kelayotgan 40 yoshdan oshgan erkaklarda koʻp kuzatyapman: ular anchadan beri jinsiy hayot boʻlmagani uchun emas, balki umuman xohish yoʻqolgani uchun kelishyapti. Ularda kim bilandir tanishish yoki ayol kishini xohlamaydi.


​Mana shunisi judayam xavfli signal! Chunki buning tagida testosteron kamayishi, ortiqcha vazn, surunkali stress, qandli diabet yoki qon tomirlaridagi jiddiy muammolar yotgan boʻladi.

​Qadrli erkaklar, jinsiy hayotning vaqtincha yoʻqligi katta muammo emas.

​Agar sizda yashashga, harakat qilishga, ayol kishiga intilish, yaʼni libido yoʻqolib borayotgan boʻlsa, mana shunisi xavfli.

​Agar oʻzingizda shunday holatni sezsangiz bahona qidirmang.​Muammo sababini izlang va vaqtida mutaxassisga uchrashing. Oʻzingizni asrang!

🧑‍⚕️ @dr_akbarshoh

‼️‼️‼️‼️ Ereksiya uchun eng muhim tabletka qaysi deb o‘ylaysiz?
Javoblaringizni izohlarda yozing.

◽️Erkaklar sogʻligʻi uchun eng muhim modda

​Surunkali stress, uyqusizlik va tinimsiz ish rejimi erkak organizmini ichidan charchatadi. Bunday vaziyatda koʻpincha gormonlar emas, balki oddiy magniy yetishmovchiligi asosiy sababchi boʻladi.

Magniy asab tizimi, uyqu sifati, qon tomirlari va erkaklik quvvatiga (ereksiyaga) toʻgʻridan-toʻgʻri taʼsir qiladi.

​Magniyning asosiy turlari:

​Magniy glitsinat: Asabiylashish, miya charchogʻi va uyqu buzilishida ayni muddao.

​Magniy sitrat: Mushaklardagi spazm va ich qotishi (qabziyat) muammosida yordam beradi.

​Magniy malat: Surunkali holsizlikni bartaraf etib, tanaga quvvat beradi.
​Magniyni kechqurun, uyquga ketishdan 1-2 soat oldin ichgan maʼqul. Baʼzida erkak kishiga ukol-dori emas, shunchaki miyani oʻchirib, toʻyib uxlash va xotirjam dam olish kifoya qiladi.

​Oʻzingizni asrang, hurmatli erkaklar!
​
🧑‍⚕️ @dr_akbarshoh