Sizga muhim maʼlumot bilan keldim.Farzandlaringiz sog‘ligiga hech qachon beeʼtibor bo‘lmang!

​🧑‍⚕️ @dr_akbarshoh

❓ Savol: “Ayolim jinsiy aloqani xohlamaydi. Nima qilsam bo‘ladi?”

Menga ko‘p shu savol bilan murojaat qilishadi. Bu holatda ayolni ayblash yoki majburlash to‘g‘ri yo‘l emas.

Jinsiy istakning pasayishiga turli omillar sabab bo‘lishi mumkin:

🔸Doimiy stress va charchoq;
🔸Gormonal o‘zgarishlar;
🔸Tug‘ruqdan keyingi davr;
🔸Uyqusizlik;
🔸Oiladagi kelishmovchiliklar;
🔸Ayrim kasalliklar yoki dori vositalarining ta'siri.

Eng avvalo, turmush o‘rtog‘ingiz bilan ochiq va xotirjam suhbat qiling. Muammoning asl sababini tushunishga harakat qiling.

Agar bu holat uzoq vaqt davom etsa, ayol ginekolog ko‘rigidan, erkak esa urolog-androlog ko‘rigidan o‘tishi maqsadga muvofiq. Chunki ba'zan muammo faqat bir tomonda emas, juftlik munosabatlarida yoki ikkala tomon salomatligida ham bo‘lishi mumkin.

🤎 Esda tuting, baxtli oilaviy hayot faqat yaqinlikka emas, balki o‘zaro hurmat, tushunish va ishonchga ham tayanadi.

Sizni ham shunga o‘xshash savollar qiziqtirsa, izohlarda yozib qoldiring.

​🧑‍⚕️ @dr_akbarshoh

🚹 Erkaklar eng ko‘p qiladigan 5 ta xato

Ko‘pchilik erkaklar uncha-munchaga shifokorga bormaydi,to og‘riq bo‘lmaguncha.

Ammo urologlar biladiki, ayrim kasalliklar uzoq vaqt hech qanday og‘riqsiz rivojlanishi mumkin.
Keling, bugun men sizga shu xatolarni aytib o‘tsam.

❌ 1-xato: Siydikni uzoq ushlab yurish.
Bu odat siydik pufagiga ortiqcha bosim beradi va vaqt o‘tishi bilan yallig‘lanish xavfini oshirishi mumkin.

❌ 2-xato: Kam suv ichish.
Yetarli miqdorda suv ichmaslik siydikning quyuqlashishiga, buyrakda tosh hosil bo‘lishiga va siydik yo‘llari muammolariga sharoit yaratadi.

❌ 3-xato: O‘zboshimchalik bilan antibiotik qabul qilish.
“Tanishimga yordam bergan ekan”, degan fikr bilan qabul qilingan dori kasallikni yashirishi va keyinchalik davolashni qiyinlashtirishi mumkin.

❌ 4-xato: Ertalabki ereksiya yo‘qolishini charchoqqa yo‘yish.
Bu ba'zan qon aylanishi, gormonlar yoki boshqa sog‘liq muammolarining ilk belgisi bo‘lishi mumkin.

❌ 5-xato: Urologga faqat kuchli og‘riq bo‘lganda borish.
Ko‘plab urologik kasalliklar erta bosqichda aniqlansa, davolash osonroq va samaraliroq kechadi.

💬 Sizningcha, erkaklar orasida eng ko‘p uchraydigan xato qaysi? Izohlarda yozing.

​🧑‍⚕️ @dr_akbarshoh