Bu savol ko'pchilikni qiziqtirsa kerak-a? Lekin rostan ham oxirgi paytlarda yoshlar orasida ham prostata bilan bog'liq murojaatlar kelib tushmoqda.

Keling, men bu haqida to'liqroq ma'lumot bersam...

​🧑‍⚕️ @dr_akbarshoh

Nega harakatsizlik prostatitni keltirib chiqaradi?

Koʻpchilik erkaklar prostatitni sovuqda oʻtirish yoki infeksiyalar bilan bogʻlar ekan. Lekin amaliyotda hozirgi kunda eng koʻp uchraydigan sabab – kamharakatlik.

Hozirgi kunda jismoniy mehnat kamayib, koʻpchilik aqliy mehnat – oʻtirib ishlash bilan band boʻlib qolgan. Natijada kamharakatlik holati oshib bormoqda.

✅ Tushuntirib oʻtaman:
– Prostata kichik tosda joylashgan va uning sogʻlom ishlashi qon aylanishiga bevosita bogʻliq. Erkak kishi uzoq vaqt oʻtirib qolsa:

• kichik tosda qon dimlanadi
• prostata toʻqimalari kislorod yetishmovchilik boshdan kechiradi.

⚠️ Eʼtiborli jihati, shu holatning oʻzi prostatitni keltirib chiqaradi, lekin
– birdan rivojlanmaydi
– sekin rivojlanadi
– boshida deyarli bilinmaydi.

Koʻpchilik erkaklar menga faqat siyishda noqulaylik, qorin ostida, qovuq atrofida noqulay ogʻriq, tez charchash paydo boʻlgandan keyin murojaat qilishadi.

📌 Maslahat:
– har 40-60 daqiqada oʻrningizdan turib, yengil harakat qiling;
– kuniga kamida 6-8 ming qadam yuring;
– kichik tos uchun oddiy mashqlar qiling.

Bu mayda odatlar kelgusida prostatani jiddiy muammolardan saqlaydi!

​🧑‍⚕️ @dr_akbarshoh

❤️❤️❤️❤️

Erkak kuchli bo‘lishi kerakmi?

Bizning jamiyatda erkak kishi dardini ichiga yutib yurishga o‘rgangan: beli og‘risa indamaydi, siydigida achishish bo‘lsa "o‘tib ketadi" deb yuraveradi, moyak sohasida tortishish sezsa ham hech kimga bildirmaydi. Chunki jamiyatda unga doim kuchli ko‘rinish kerakligi uqtirilgan.

​Lekin kasallik sabrni tan olmaydi va kutib turmaydi. Bugun oddiygina bo‘lib ko‘ringan alomat ertaga jiddiy asoratlarni keltirib chiqarishi mumkin. Masalan, buyrakdagi kichik tosh ham, varikotsele ham yoki bepushtlikka sabab bo‘ladigan yashirin muammolar ham boshida bilinmaydi.

Shuning uchun dardni yashirib yurish yaraga tuz sepish bilan barobar. Agar sog‘ligingizda muammo bo‘lsa, uyalmang va vaqtni cho‘zmang. Tanangiz og‘riq orqali yordam so‘rayotgan ekan, demak harakat qilish vaqti keldi.

​Chunki haqiqiy erkaklik kuchi og‘riqqa jim chidashda emas, balki muammoni o‘z vaqtida hal qilishidadir. Siz oxirgi marta doktorga shunchaki ko‘rik uchun qachon bordingiz?

​🧑‍⚕️ @dr_akbarshoh