🧠 ليش ننسى كلشي بالامتحان…
ونتذكره أول ما نطلع؟!

هم صارت وياك؟ 😓
تقرا الكتاب زين…
وحافظ المادة صفحة صفحة…
بس من تدخل للامتحان فجأة كلشي يتبخر من بالك!
والأغرب؟
أول ما تطلع من الامتحان ترجع كل المعلومات! 🫡
ليش يصير هذا الشي؟ 🤔
السبب غالباً هو الخوف والتوتر.
دماغ الإنسان بيه جزئين مهمين:

🧠 الدماغ الإدراكي
مسؤول عن التفكير، الفهم، وتخزين المعلومات.
☺️ الدماغ العاطفي
ما يهتم بالدراسة… شغله الوحيد الحماية من الخطر.

لما تدخل الامتحان وأنت متوتر،
الدماغ العاطفي يعتقد أكو خطر 🚨
فيبدأ يسيطر ويقلل نشاط الدماغ الإدراكي.
📉 النتيجة:
المعلومات موجودة… لكن ما تگدر توصلها وقت الامتحان.

شنو الحل ؟

✅️ قبل ما تطلع من البيت
قول: بسم الله وتوكل على الله.

✅️ من توصل للجامعة
حاول ما تناقش أسئلة ويا الطلاب حتى ما يزيد التوتر.

✅️ لما توصلك ورقة الأسئلة
● لا تبدي مباشرة.
● خذ 5 أنفاس عميقة
● وقل: بسم الله

✅️ بعدين حل سؤال سؤال (لاتقرا كل الاسئلة من البداية )

✨ بهالشكل ترجع السيطرة للدماغ الإدراكي…
وتطلع المعلومات اللي تعبت عليها.

شاركنا نصيحة تحسن تجربتك للامتحان 📚✨