O‘ZBEKISTON VA ROSSIYA EKSPERTLARI STRATEGIK REJALASHTIRISH BO‘YICHA TAJRIBA ALMASHDI

💻Markaziy Osiyo xalqaro instituti hamda Rossiyaning “Uchinchi Rim” tarmoqlararo ekspertiza markazi hamkorligida “Strategik rejalashtirishning zamonaviy yondashuvlari: O‘zbekiston va Rossiya tajribasi” mavzusida onlayn seminar o‘tkazildi.

🗣Tadbirda “Taraqqiyot strategiyasi” markazi ijrochi direktori Eldor Tulyakov ishtirok etib, O‘zbekistonda strategik rejalashtirish tizimini takomillashtirish, davlat dasturlarini ishlab chiqish va ularning ijrosini ta’minlash borasidagi tajriba haqida so‘z yuritdi.

💬Xususan, strategik hujjatlarni ishlab chiqishda jamoatchilik va ekspertlar ishtirokini kengaytirish, aholi fikrini inobatga olish hamda tizimli monitoringni yo‘lga qo‘yish muhimligi ta’kidlandi. Bu borada “O‘zbekiston – 2030” strategiyasi va davlat dasturlarini ishlab chiqish jarayonidagi amaliy tajribalar bilan o‘rtoqlashildi.

Seminar yakunida strategik rejalashtirish sohasida o‘zaro tajriba almashish va O‘zbekiston hamda Rossiya ekspert tashkilotlari o‘rtasidagi hamkorlikni davom ettirish masalalari muhokama qilindi.

➡Batafsil

📱 Website 📱 Facebook
📱 Instagram 📱 Youtube

STRATEGIYA IJROSIDA NATIJADORLIK VA JAMOATCHILIK NAZORATI DIQQAT MARKAZIDA

📄“Taraqqiyot strategiyasi” markazi tomonidan 20–23-oktabr kunlari Toshkent viloyatida “O‘zbekiston – 2030” strategiyasi va davlat dasturlari ijrosi yuzasidan o‘rganishlar olib borilmoqda.

💬Tadbırlar doirasida Nurafshon shahrida “Oʻzbekiston – 2030” strategiyasida belgilangan maqsad va vazifalarning mazmun-mohiyati, ularning ijrosini taʼminlashda mutasaddi tashkilotlarning mas’uliyatini oshirish, fuqarolik jamiyati institutlari ishtirokini kengaytirish va jamoatchilik nazoratini kuchaytirish masalalariga bag‘ishlangan davra suhbati o‘tkazildi.

✅“Taraqqiyot strategiyasi” markazi, Toshkent viloyati hokimligi hamda Xalq deputatlari Toshkent viloyati Kengashi hamkorligida tashkil etilgan tadbirda viloyat hokimi o‘rinbosari Ilhomjon Arzikulov, Markaz ijrochi direktori Eldor Tulyakov, davlat tashkilotlari va NNTlar vakillari ishtirok etdi.

🔺Muloqotda hududning ijtimoiy-iqtisodiy ko‘rsatkichlari, davlat dasturlarida belgilangan vazifalarning bajarilishi, mavjud muammolar va ularning yechimlari muhokama qilindi.

🗣Eldor Tulyakov o‘z nutqida islohotlar natijadorligini aholi hayotidagi real o‘zgarishlar asosida baholash, tizimli muammolarni aniqlash hamda ularning yechimida NNTlar salohiyatidan samarali foydalanish muhimligini ta’kidladi.

➡Batafsil

📱 Website 📱 Facebook
📱 Instagram 📱 Youtube

STRATEGIYA IJROSI TOSHKENT VILOYATI BO’YLAB O‘RGANILMOQDA

Yangi ish o‘rinlari, ishlab chiqarish imkoniyatlari va tibbiy xizmatlar sifati — “O‘zbekiston – 2030” strategiyasi hamda davlat dasturlari ijrosi doirasida e’tibor qaratilayotgan muhim yo‘nalishlar hisoblanadi.

Shu maqsadda “Taraqqiyot strategiyasi” markazi ijrochi direktori Eldor Tulyakov Nurafshon shahridagi ishlab chiqarish va ijtimoiy soha obyektlari faoliyati bilan tanishdi.

Jumladan:

🤯“ESA Yapi Pazarlama” MChJ — 2026-yilda ochilgan mebel ishlab chiqarish korxonasida 150 nafar xodim, jumladan, 125 nafar O‘zbekiston fuqarosi mehnat qilmoqda. Yangi loyihalar hisobiga qo‘shimcha ish o‘rinlari yaratilishi kutilmoqda.

➕Shuningdek, 57 ming nafarga yaqin aholiga xizmat ko‘rsatuvchi Nurafshon shahar 1-son oilaviy poliklinikasi faoliyati, fuqarolar uchun yaratilgan sharoitlar va DMED elektron tizimidan foydalanishda yuzaga kelayotgan muammolar o‘rganilib, takliflar tinglandi.

📄O‘rganishlardan ko‘zlangan maqsad — strategiya va davlat dasturlarida belgilangan vazifalarning amaldagi ijrosini tahlil qilish, muammolarni aniqlash va ularning yechimi bo‘yicha takliflar ishlab chiqish.

➡Batafsil

📱 Website 📱 Facebook
📱 Instagram 📱 Youtube

GONKONG DELEGATSIYASIGA “O‘ZBEKISTON – 2030” STRATEGIYASI TAQDIM ETILDI

“Taraqqiyot strategiyasi” markazida Gonkong Chu Xay oliy o‘quv yurti professor-o‘qituvchilari va tinglovchilaridan iborat delegatsiya uchun yangilangan “O‘zbekiston – 2030” strategiyasi taqdimoti o‘tkazildi.

Markaz ijrochi direktori Eldor Tulyakov strategiyaning ustuvor yo‘nalishlari, asosiy vazifalari va maqsadli ko‘rsatkichlari haqida ma’lumot berdi. Ta’lim va tibbiyotni rivojlantirish, investitsiyaviy muhitni yaxshilash hamda “yashil” iqtisodiyotga o‘tish masalalari yoritildi.

Xususan, xorijiy investorlar uchun qulay va shaffof shart-sharoitlar yaratish, ularning huquq va manfaatlarini himoya qilish hamda ma’muriy to‘siqlarni kamaytirish bo‘yicha belgilangan vazifalarga e’tibor qaratildi.

Taqdimot davomida mehmonlar Markazning strategiya ijrosini monitoring qilish va jamoatchilik nazoratini ta’minlash borasidagi faoliyati bilan ham tanishdilar.

➡Batafsil

📱 Website 📱 Facebook
📱 Instagram 📱 Youtube