🔴 Is gazi — ko‘rinmas xavf: o‘zingizni va yaqinlaringizni himoya qiling!

Is gazi (uglerod oksidi – CO) — rangsiz, hidsiz va ta’msiz zaharli gaz. Uni inson sezgi organlari orqali aniqlay olmaydi. Shu bois gazdan zaharlanish xavfi ko‘pincha kech payqaladi. Is gazi yoqilg‘ining to‘liq yonmasligi natijasida hosil bo‘ladi. Nosoz gaz jihozlari, isitish pechlari, dudburon va mo‘rilarning noto‘g‘ri ishlashi, shuningdek, avtomobil dvigateli yoki ko‘chma generatorni yopiq joyda ishlatish zaharlanishga sabab bo‘lishi mumkin.

❗️Zaharlanishning dastlabki alomatlariga befarq bo‘lmang!

Bosh og‘rig‘i, bosh aylanishi, holsizlik, ko‘ngil aynishi, qusish, nafas qisishi va ko‘krak sohasidagi og‘riq is gazidan zaharlanish belgisi bo‘lishi mumkin. Og‘ir holatlarda hushdan ketish, ongning chalkashishi va tirishish kuzatiladi. Bunday alomatlar paydo bo‘lsa, ularni oddiy charchoq yoki shamollash bilan adashtirmang.

📌Zaharlanishning oldini olish uchun:

🔷Isitish mavsumi boshlanishidan avval gaz jihozlari, isitish uskunalari, suv isitkichlar, mo‘ri va dudburonlarni mutaxassislarga tekshirtiring.
🔷Xonadagi havo almashinuvi va shamollatish tizimining sozligini ta’minlang. Mo‘ri va ventilyatsiya yo‘llarini berkitib qo‘ymang.
🔷 Ko‘chma generator, barbekyu va ko‘mir yoqiladigan moslamalardan uy, garaj yoki boshqa yopiq joylarda foydalanmang. Avtomobil dvigatelini yopiq garajda ishlab turgan holda qoldirmang.
🔷Gaz plitasi yoki duxovkadan xonani isitish maqsadida foydalanmang.
🔷 Imkon qadar uyga, ayniqsa, yotoqxonalar yaqiniga is gazini aniqlovchi maxsus signalizatorlar o‘rnating va ularning sozligini muntazam tekshirib turing.

❓Is gazidan zaharlanish gumon qilinsa, nima qilish kerak?

✔️Darhol barcha odamlarni, jumladan, bolalar va keksalarni xavfli hududdan tashqariga — toza havoga olib chiqing.

✔️Zudlik bilan 103 yoki 112 raqamiga qo‘ng‘iroq qilib, tez tibbiy yordam chaqiring.

✔️Jabrlangan shaxsni shifokor ko‘rigidan o‘tkazing. Alomatlar yengillashgan taqdirda ham tibbiy yordamni kechiktirmang.

✔️Mutaxassislar bino xavfsizligini tasdiqlamaguncha ichkariga qaytmang.

❗️Unutmang: is gazining hidi yo‘q, ammo xavfi juda katta. Ehtiyot choralariga rioya qilish — o‘zingiz va yaqinlaringiz hayotini asrashning muhim sharti!

https://t.me/Rasmiy_axborot_official

DENOV TUMANIDAGI 79-SONLI MAKTABDA PROFILAKTIK VA TARĞIBOT TADBIRI

Denov tumanidagi 79-maktabda yoşlar örtasida huquqbuzarlik va giyohvandlikning oldini olişga qaratilgan tarğibot tadbiri ötkazildi.

Denov tumanidagi 79-sonli umumiy örta ta’lim maktabida öquvçilar örtasida giyohvandlik va psixotrop moddalar tarqalişining oldini oliş, huquqiy ong va madaniyatni yuksaltiriş hamda yoşlarni vatanparvarlik ruhida tarbiyalaşga qaratilgan profilaktik tadbir taşkil etildi.

Tadbirda Özbekiston Respublikasi Içki işlar vazirligi Malaka oşiriş instituti professori, podpolkovnik T. Ğozibekov hamda IIV Akademiyasi kafedrasi katta öqituvçisi, podpolkovnik A. Yunusxodjayev iştirok etdi.

Uçraşuv davomida Özbekiston Respublikasi Prezidentining 2025-yil 3-noyabrdagi “Aholi salomatligi va millat genofondini giyohvandlik va narkojinoyatlardan samarali himoya qiliş böyiça kompleks çora-tadbirlar töğrisida”gi PF-207-son Farmoni ijrosi doirasida amalga oşirilayotgan işlar, giyohvandlik vositalari va psixotrop moddalarning inson salomatligi hamda jamiyat hayotiga salbiy ta’siri haqida tuşunçalar berildi.

Şuningdek, voyaga yetmaganlar örtasida jinoyatçilik va huquqbuzarliklarning oldini oliş, yoşlarning turli zararli illatlar ta’siriga tuşib qolişiga yöl qöymaslik, ularda qonunlarga hurmat, fuqarolik mas’uliyati va Vatanga sadoqat tuyğularini mustahkamlaş masalalariga alohida e’tibor qaratildi.

Tadbir davomida öquvçilarga içki işlar organlari faoliyati, sohada xizmat qilişning mas’uliyati va şarafli jihatlari haqida ham ma’lumotlar berilib, ularning mazkur kasbga bölgan qiziqişini oşirişga qaratilgan fikrlar bildirildi.

Uçraşuv yakunida öquvçilarga mavzular yuzasidan huquqiy tuşuntirişlar berilib, zarur tavsiyalar taqdim etildi.


Denov tumani hokimligi
Axborot xizmati

✅ gov.uz/denov

🕊Telegram📱Instagram📱Facebook📺YouTube

#Jarayon

Mahallalarda aholi turmush sharoiti va xonadonlarning ijtimoiy-iqtisodiy holati o‘rganilmoqda

Denov tumani hokimi Anvar Normamatov tumandagi “Surnaytepa” mahallasida bo‘lib, aholining turmush sharoiti hamda xonadonlarning ijtimoiy-iqtisodiy holatini o‘rgandi.

O‘rganishlar davomida ijtimoiy ko‘makka muhtoj xonadonlar, oilalarning yashash sharoiti, mavjud muammolari va ehtiyojlari bilan yaqindan tanishildi. Aholi bilan o‘tkazilgan muloqotlarda oilalarni ijtimoiy qo‘llab-quvvatlash, bandligini ta’minlash, barqaror daromad manbalarini yaratishga ko‘maklashish hamda mavjud muammolarga amaliy yechim topish masalalariga alohida e’tibor qaratildi.

Shuningdek, mahallaning ijtimoiy-iqtisodiy rivojlanishi, hududda obodonlashtirish va ko‘kalamzorlashtirish ishlarini jadallashtirish, kuzgi g‘alla ekish mavsumini sifatli tashkil etish hamda “Yashil makon” umummilliy loyihasi doirasida kuzgi ko‘chat ekish mavsumiga puxta tayyorgarlik ko‘rish masalalari muhokama qilindi.

Xususan, hududlarni obodonlashtirish, tozalik va sanitariya holatini yaxshilash, kuzgi ko‘chat ekish ishlarini tizimli tashkil etish, ekiladigan ko‘chatlarning parvarishi va saqlanishini ta’minlash yuzasidan mas’ullarga tegishli vazifalar belgilab berildi.

O‘rganishlar davomida aniqlangan muammolarni belgilangan tartibda hal etish, ehtiyojmand oilalarga zarur amaliy ko‘mak ko‘rsatish, aholi bandligini oshirish hamda hududdagi ijtimoiy-iqtisodiy masalalar yechimini manzilli tashkil etish bo‘yicha mas’ullarga topshiriqlar berildi.

Mazkur o‘rganishlardan ko‘zlangan asosiy maqsad — aholi bilan bevosita muloqot qilish, fuqarolarni qiynayotgan muammolarni joyida aniqlash va ularga amaliy yechim topish, mahallalarda obodlikni ta’minlash hamda aholi turmush farovonligini yanada oshirishdan iborat.


Denov tumani hokimligi
Axborot xizmati

✅ gov.uz/denov

🕊Telegram📱Instagram📱Facebook📺YouTube