#ommaviy_diktant

🇺🇿O‘zbekistonda xorijdagi yosh vatandoshlar uchun “Anor” loyihasi doirasida ilk bor etnomadaniy o‘zbek tili oromgohi ish boshladi.

🇺🇿“Milliy tiklanish” DP hamda “Vatandoshlar” jamoat fondi tashabbusi va qator vazirlik hamda tashkilotlar bilan hamkorlikda o‘tkazilayotgan ma’rifiy loyihada 14 ta davlatdan 250 ga yaqin vatandoshlarning 7 yoshdan 14 yoshgacha bo‘lgan farzandlari ishtirok etmoqda.

🇺🇿Bir Vatan, bir millat, bir yurak” shiori ostida oʻtayotgan mazkur loyiha 22-iyul – 3-avgust kunlari Toshkent viloyatidagi “Yangi Oʻzbekiston” bolalar yozgi dam olish oromgohida boʻlib oʻtmoqda.

🇺🇿Loyihaning asosiy maqsadi – xorijda yashayotgan oʻzbek millati farzandlarining Vatan bilan maʼnaviy rishtalarini mustahkamlash, ularning milliy qadriyatlar, oʻzbek tili, tarixi va madaniyatiga qiziqishini oshirish, turli davlatlarda istiqomat qilayotgan yosh vatandoshlar oʻrtasida doʻstlik va hamjihatlik muhitini shakllantirishdan iborat.

✍️Kuni kecha ushbu oromgohda Vazirlar Mahkamasining Davlat tilini rivojlantirish departamenti, Davlat tilida ish yuritish asoslarini o‘qitish va malaka oshirish markazi hamda O‘zbek tilini rivojlantirish jamg‘armasi mutaxassislari ishtirokida “Ommaviy diktant” tadbiri tashkil etildi. Dastur asosida Qatar, Italiya, Niderlandiya, AQSH, Gretsiya, Rossiya, Koreya Respublikasi, Qozog‘iston, Qirg‘iziston, Tojikiston va boshqa davlatlardan kelgan 250 nafar yosh vatandoshlar bir vaqtning o‘zida o‘zbek tilidagi savodxonlik darajasini sinovdan o‘tkazdilar.

📌 Mazkur loyiha xorijda istiqomat qilayotgan yosh vatandoshlarning davlat tili boʻyicha savodxonligini oshirish, ularda ona tiliga mehr va hurmat tuygʻusini mustahkamlash, shuningdek, oʻzbek tilida erkin va savodli yozish koʻnikmalarini rivojlantirishga xizmat qiladi.

🟢 Tadbir davomida ishtirokchilarning ona tiliga bo‘lgan hurmati, savodxonligi va mas’uliyat bilan diktant yozgani alohida e’tirof etildi. Ayniqsa, qo‘shni davlatlardan tashrif buyurgan yoshlarning husnixati va imlo savodxonligi yuqori baholandi. Bu esa xorijda yashayotgan vatandoshlar orasida o‘zbek tilini o‘rganish va asrab-avaylashga bo‘lgan qiziqish tobora ortib borayotganini yana bir bor tasdiqladi.

➡️batafsil

✈️Telegram | ™️Facebook | 📺 Youtube

🦅 Davlat tilida ish yuritish — qonunchilik ijrosining muhim yo‘nalishi

🇺🇿 O‘zbekiston Respublikasining "Davlat tili haqida"gi Qonuni hamda sohaga oid me'yoriy-huquqiy hujjatlar ijrosini ta'minlash maqsadida Marhamat tumani hokimining ma'naviyat va davlat tili masalalari bo‘yicha maslahatchisi O‘. Qurbonova tomonidan tuman hokimligi, iqtisodiyot va moliya bo‘limi, Yoshlar agentligi tuman bo‘limi hamda oila va xotin-qizlar bo‘limida davlat tilida ish yuritish holati o‘rganildi.

✅ Monitoring davomida qog‘oz va elektron shakldagi xizmat hujjatlarining sifati, buyruq va farmoyishlar, xizmat yozishmalari, blankalar hamda elektron hujjat aylanishi tizimidagi hujjatlarning davlat tili me'yorlari, adabiy til talablari va imlo qoidalariga muvofiqligi batafsil tahlil qilindi.

✅ O‘rganish yakunida mavjud ijobiy tajribalarni yanada mustahkamlash, aniqlangan kamchiliklarni bartaraf etish yuzasidan mas'ullarga tegishli tavsiyalar va amaliy tushuntirishlar berildi. Shuningdek, tumanda davlat tilida ish yuritish sifatini oshirish, hujjatlar bilan ishlash madaniyatini yuksaltirish hamda sohada uchrayotgan muammolarni tizimli hal etish bo‘yicha mas'ullar ishtirokida muhokamalar o‘tkazilib, kelgusidagi ustuvor vazifalar belgilab olindi.

✈️Telegram | ™️Facebook | 📺 Youtube