📌📌📌📌📌📌

O‘zbekiston Respublikasi Vazirlar Mahkamasining 2025-yil 17-oktabr sanasidagi 651-sonli qarori ijrosini ta’minlash maqsadida “Temiryo‘linfratuzilma” AJ Toshkent mintaqaviy temir yo‘l uzeli filialida quyidagi ishlar amalga oshirildi:

🤩Uzel tasarrufidagi korxonalar va barcha 56 ta temir yo‘l bekatlari nomlari to‘liq lotin alifbosida yozildi va o‘rnatildi.

🤩Temir yo‘l bekatlari shtamplari lotin alifbosida belgilangan o‘lchamda to‘liq almashtirib chiqilmoqda.

🤩Bekatlar va korxonalar ichki hujjatlari, muqovalari, texnik hujjatlari bosqichma-bosqich rus tilidan lotin alifbosiga asoslangan davlat tiliga o‘zgartirib chiqilmoqda.

Kanalga ulanish 👉 https://t.me/dtrdep

#hududlar #Xorazm 🩷🩷🩷

Urganch Innovatsion universiteti “O‘zbek adabiy tili me’yorlari va davlat tilida ish yuritish” kursi tashkil etildi

✍️ O‘zbekiston Respublikasi Prezidentining “Mamlakatimizda o‘zbek tilini yanada rivojlantirish va til siyosatini takomillashtirish chora-tadbirlari to‘g‘risida”gi PF-6084-sonli farmoni, Vazirlar Mahkamasining 2020-yil 3-martdagi 117-sonli qarorining ijrosini ta’minlash maqsadida Alisher Navoiy nomidagi Toshkent davlat oʻzbek tili va adabiyoti universiteti huzuridagi Davlat tilida ish yuritish asoslarini oʻqitish va malaka oshirish markazi Xorazm viloyati hududiy boʻlinmasida Urganch Innovatsion universitetining bir guruh xodimlari “O‘zbek adabiy tili me’yorlari va davlat tilida ish yuritish” kursida 2026-yilning yanvar oyi tinglovchilari sifatida o‘z malakalarini oshirmoqda.

✅Dars mashg‘ulotlarini malakali pedagog Begimov O‘ktam Xaytbayevich olib bormoqda.

🌎Bizning manzillar:
🌐Veb-sahifa |✈️Telegram |™️ Facebook | 📺Youtube

#jarayon

🤩Toshkentda hind tilida yozilgan reklama peshlavhasi olib tashlandi.

Ijtimoiy tarmoqlarda Toshkent davlat tibbiyot universiteti yaqinida hind tilida yozilgan reklama peshlavhasi o‘rnatilganligi haqida xabarlar tarqaldi.

Mazkur holat yuzasidan Toshkent shahar hokimligi ishchi guruhi tomonidan o‘rganish o‘tkazildi. O‘rganish davomida reklama peshlavhasi belgilangan tartibda ruxsat hujjatlarisiz — noqonuniy o‘rnatilganligi aniqlandi.

Peshlavhada “Davlat tili to‘g‘risida”gi hamda “Reklama to‘g‘risida”gi Qonun talablari buzilgan.

Amaldagi qonunchilikka ko‘ra, reklama axborotlari O‘zbekiston Respublikasining davlat tilida bo‘lishi, zarurat bo‘lsa boshqa tillarda ham berilishi mumkinligi belgilangan, biroq bu holatda ham davlat tilidagi matnning ustuvorligi saqlanishi, reklama materiallari qonuniy joylashtirilishi shart.

Aniqlangan qoidabuzarliklar asosida noqonuniy o‘rnatilgan reklama peshlavhasi belgilangan tartibda demontaj qilindi.

Eslatma: Toshkent shahar hokimligi tadbirkorlik subyektlari reklama peshlavhalari, bannerlar hamda tashqi axborot vositalarini o‘rnatishda ruxsat berish tartibiga, shuningdek, davlat tili va reklama to‘g‘risidagi qonun hujjatlari talablariga qat’iy rioya etishga chaqiradi. Qonunbuzarlik holatlari aniqlangan taqdirda, reklama materiallari demontaj qilinadi hamda mas’ullarga nisbatan qonunchilikda belgilangan tartibda choralar ko‘riladi.

Kanalga ulanish 👉  https://t.me/dtrdep